المساعد الشخصي الرقمي

مشاهدة النسخة كاملة : قصيدة في ذمتي ما عاد باقي رياجيل للشاعر وصل العطياني


عبيدغازي العتيبي
01-26-2008, 03:29 AM
السلام عليكم ورحمة الله وبركاته
وبعد هذة القصيدة للشاعر وصل العطياني عسا ان تنال اعجابكم وتقبلو تحياتي

هذي طبوعي كل ما عسعس الليل=
أصلّـح الدلـة وأجـر اللحونـي
بريـةٍ موزونـة البـنّ والهـيـل=
والماء بوزن وحيّ هاك الوزونـي
منهـا تكيّفنـي ثلاثـة فناجـيـل=
وأرتاح ويطير النعس من عيونـي
وأراجع الذكرى وأجـرّ المواويـل=
والذكريـات بكـلّ شكـلٍ ولونـي
البعض منها يشرح الصدر بالحيل=
والبعض لا والله يجـدد طعونـي
وأرجع وأفكّر في الليال المقابيـل=
لعل وقتـي مـا يخيّـب ظنونـي
وأدخل على الله من حياة الغرابيل=
حيث إن همّي ما تشيلـه متونـي
كنّك مفصّل فوقـي الهـمّ تفصيـل=
لين إلتبسني مثل لبـس الجنونـي
حالي كما حال القلوب المشاغيـل=
اللي من أطرف شـيء يتأثّرونـي
لو يشتكون الغبن والجور والميـل=
للغيظ وسط صدورهـم يكتمونـي
فكّرت الا الموضوع يحتاج تحليـل=
وفنّ الدراسة واحـدٍ مـن فنونـي
عرفت وش عكّر مزاج المشاكيـل=
يوم إنهم مـن وقتهـم يشتكونـي
أول سبب: نقالـة القـال والقيـل=
الطغمة اللـي جعلهـم يذهبونـي
قلوبهـم بالحقـد سـودٍ مغاليـل=
ومن طبعهم بالمشكلة يفرحونـي
وثاني سبب: ناسٍ على مثل ما قيل
لا يقطعـون الشّـر ولا ينفعونـي
والله ما يرفع ضغطك إلا المهابيـل=
العالم اللي في النحـر ينشبونـي
وثالث سبب: ناسٍ سوات المخاييل=
على سلوم الطّيب ما يحرصونـي
خلّو سلوم أجدادهم رغو مع سيـل=
وفي عالم التقليد جـو يركضونـي
طشّوا عمايمهم ولبسـوا بناطيـل=
والموس فال أشنابهـم والدقونـي
وأرقابهم ما سلمت من السلاسيـل=
تطبّعوا بطبـوع هيـم البطونـي
في ذمتي ماعـاد باقـي رياجيـل=
إلا القليـل وجعلهـم يثبتـونـي
صفّة بعد صفّة وجيلٍ بعـد جيـل=
كلٍ من اللي قبله أنقص وأدونـي
هذي هي الأسباب من دون تفصيل=
شرحت روس أقلام بس أعذروني
واللي يبي تفصيل بالحيل بالحيـل=
يقـدر يكلمنـي علـى تيلفونـي
نشرت بتاريخ 08-03-2005

محمد المقاطي
01-26-2008, 01:33 PM
صح لسان الشاعر وصل العطياني

ولاهنت ابو غازي

علي نقل القصيده

لكن الرجاء تعديل القصيده

لان نصفهااا مخفي ههههه

ابو خالد
01-26-2008, 08:07 PM
الله يعطيك العافيه

عبيد غازي

واضم صوتي الي صوت اخوي محمد المقاطي

المقاطى_q8
01-26-2008, 08:16 PM
ابو غازي


ووين عجز القصيده
موجود الصدر فقط


تحيتي

المقاطى_q8
01-26-2008, 08:29 PM
ابو غازي اسمحلي ادرج القصيده
انا وانت واحد
وصح لسان ابو مشهور


هذي طبوعي كل ما عسعس الليل=أصلّـح الدلـة وأجـر اللحونـي
بريـةٍ موزونـة البـنّ والهيـل=والماء بوزن وحيّ هاك الوزونـي
منهـا تكيّفنـي ثلاثـة فناجـيـل=وأرتاح ويطير السهر من عيونـي
وأراجع الذكرى وأجـرّ المواويـل=والذكريـات بكـلّ شكـلٍ ولونـي
البعض منها يشرح الصدر بالحيل=والبعض لا والله يجـدد طعونـي
وأرجع وأفكّر في الليال المقابيـل=لعل وقتـي مـا يخيّـب ظنونـي
وأدخل على الله من حياة الغرابيل=حيث إن همّي ما تشيلـه متونـي
كنّك مفصّل فوقي الهـمّ تفصيـل=لين إلتبسني مثل لبـس الجنونـي
حالي كما حال القلوب المشاغيـل=اللي من أطرف شـيء يتأثّرونـي
لو يشتكون الغبن والجور والميـل=للغيظ وسط صدورهـم يكتمونـي
فكّرت الا الموضوع يحتاج تحليـل=وفنّ الدراسة واحدٍ مـن فنونـي
عرفت وش عكّر مزاج المشاكيـل=يوم إنهم مـن وقتهـم يشتكونـي
أول سبب: نقالـة القـال والقيـل=الطغمة اللـي جعلهـم يذهبونـي
قلوبهـم بالحقـد سـودٍ مغاليـل=ومن طبعهم بالمشكلـة يفرحونـي
وثاني سبب: ناسٍ على مثل ما قيل=لا يقطعـون الشّـر ولا ينفعونـي
والله ما يرفع ضغطك إلا المهابيـل=العالم اللي في النحـر ينشبونـي
وثالث سبب: ناسٍ سوات المخاييل=على سلوم الطّيب ما يحرصونـي
خلّو سلوم أجدادهم رغو مع سيـل=وفي عالم التقليد جـو يركضونـي
طشّوا عمايمهم ولبسـوا بناطيـل=والموس فال أشنابهـم والدقونـي
وأرقابهم ما سلمت من السلاسيـل=تطبّعـوا بطبـوع هيـم البطونـي
في ذمتي ماعـاد باقـي رياجيـل=إلا القليـل وجعلهـم يثبتـونـي
صفّة بعد صفّة وجيلٍ بعـد جيـل=كلٍ من اللي قبله أنقص وأدونـي
هذي هي الأسباب من دون تفصيل=شرحت روس أقلام بس أعذروني
واللي يبي تفصيل بالحيل بالحيـل=يقـدر يكلمنـي علـى تيلفونـي



وسلامتكم،،،،،،،،

الــولــيــد
01-28-2008, 01:49 PM
صح لسان الشاعر وصل العطياني

شكر لك ابو غاازي ع النقل الرائع




تقبل مروري

d-r
02-01-2008, 11:30 AM
طشّوا عمايمهم ولبسـوا بناطيـل والموس فال أشنابهـم والدقونـي


ياحلاوه
نص رائع وتسلم يدين الناقل
---------وشكرا

عبدالله النفيعي(السهم العطيب)
02-03-2008, 06:51 AM
يا سلام يا سلام صح السان شاعرهااااا


الله لا يهينك ابو غازي و المقاطي على النقل الجميل ..

محمد الدعجاني
02-05-2008, 02:03 PM
صح لسان الشاعر وصل

ولاهنت يابو سلطان على النقل الطيب