المساعد الشخصي الرقمي

مشاهدة النسخة كاملة : الحب ماحشم عطيبين الافعال (جـديـد)


عبدالله النفيعي(السهم العطيب)
01-25-2008, 10:31 PM
السلام عليكم ورحمة الله وبركاته ,,
اخواني الاعضاء.ةالمراقبين .. والمشرفين والزوار >> ماخليت احد

اقدم لكم هالقصيده واتمنى ان تنال على اعجابكم

انا شدني بيت لواحد من اخويانا يقول فيه :

بس اعرفي ان كل ماضاق صدري ... يطري على ضيدان في ياعظيمه

للشاعر: ( ناصر بن قزيع السهلي)

فانا اقوول :-


يابعد والله من ينشد عن الحال =الروح بعدك ياحبيبي سقيمه
مع هجعت العالم وتقطيع الارسال=ومع هاجسي والليل يلعب نسيمه
تطري عليه ياحبيبي على البال=ياشوق روحي لليال القديمه
طاريك فالخفاق يازين يختال=ماغيرك احد(ن) يشرح الصدر نيمه
قد قالها (ناصر) قبل قطعت ليال=(يطري علي ضيدان في ياعظيمه)
حبك كما الدله وطاريك فنجال=وصدك وهجرك ياحبيبي ظليمه
فالي بعدك الهم والحزن لي فال=وروحي بعد فرقاك والله يتيمه
لجلك سهرت الليل نازل ورحال=واقول ياشوق النديم لنديمه
ولجلك نسيت ازوال وازوال وازوال=ولجلك ولد برقا تقادح صميمه
ولجلك سبحت البحر من جال لا جال=ولجلك كتبت الشعر قدر وحشيمه
ولجلك شربت المر من صفر الدلال=ماهي سوات الشاذليه سليمه
بعدك اجر من اللواهيب موال=كود اللحن يبري الطعون السميمه
العين غيمه والمحاجير شلال=ياحر تسبدي صارت العين غيمه
الحب ماحشم عطيبين الافعال=كم رجل قبلي راح خله يهيمه
لابارك الله فيك هيبت رجال=وانا من اول ياحبيبي صتيمه
ولوطالت الايام والوقت لوطال= تبقى المحبه فالحنايا مقيمه

وسلامتكم ..

d-r
01-26-2008, 01:52 AM
لابارك الله فيك هيبت رجال
وانا من اول ياحبيبي صتيمه

ياسلام يالنفيعي وصح لسانك
ومنها للافضل


ارجع وقرا اول شطر اظاهر ناسي لاتعدله


يابعد والله من ((هو)) ينشد عن الحال
ونص رائع
-----------وشكرا

ابو خالد
01-26-2008, 08:14 PM
صح لسانك

السهم العطيب

وفي انتظار جديدك

المقاطى_q8
01-26-2008, 08:40 PM
صح لسانك
السهم العطيب


تحياتي

الــولــيــد
01-28-2008, 01:47 PM
صح لساانك السهم العطيب


بيض الله وجهك

عبدالله النفيعي(السهم العطيب)
01-28-2008, 07:40 PM
d-r

ابو خالد

المقاطي

ابو يوسف

صح ابدانكم و الله لايهينكم على المرور الجميل ......

اخوي d-r اشكرك على الملحوظه لكن الشطر يقرااااا كذااا

يا بعد والله من ينشّد (مع تشديد الشين ) عن الحال ...

الله يبيض وجهك ولاهنت يالذيب ..

تقبلوو تحياتي ...

d-r
02-01-2008, 11:24 AM
وصل التوضيح النفيعي
وعزالله نص طيب ونتمنى جديدك
------------صتيمه
----وشكرا