المساعد الشخصي الرقمي

مشاهدة النسخة كاملة : نويت أسافـر يافهـد ديـرة الشـام..طـروا علـي غزلانهـا ياعيونـي


سطام روق
01-25-2008, 10:32 AM
بسم الله الرحمن الرحيم
السلام عليكم ورحمة الله وبركاته. اقدم هذه المجموعه من القصائد السامريه اللتي اتمنى ان اكون وفقت باختيارها

~*¤ô§ô¤*~*¤ô§ô¤*~ ابدا بـنـويـت أسـافــر ~*¤ô§ô¤*~*¤ô§ô¤*~



نويت أسافـر يافهـد ديـرة الشـام= طـروا علـي غزلانهـا ياعيونـي
علمي بهم ماصار لي عشـرة أيـام=وعجزت أنا أصبر ياعرب ساعدوني
حالف أنا دون الحديثـه فـلا أنـام=لو كـل مركـز عندهـم عطلونـي
مفتون في بنـت طعـم ريقهـا سام=أبرتـوي مـن ريقهـا سممـونـي
ولو لا الحيا والخوف وحقوق الأسلام=لقول أنا لجسـم الغظـي لحمونـي
وأعيش في جو أمس واليوم والعـام..=وأقبلـه لـو لـلأبـد يسجنـونـي
ولو قرر القاضي علي حكم الأعـدام=في سيف شامـي خلهـم يذبحونـي
وإن شفتني فوق السلالم على خـام.=وصيتـي فـي حيـهـم أدفنـونـي



**************************************************




كريم يـا بـارق سـرى=ما أحلى رزيم الرعد فيه
يا زين عشبه إلى اخضرا=والبـل ترعـى مفاليـه
نطيت أنا الحيد الأسمـرا=وهيضت أنا عبرتي فيـه
والبل يـا زينـة الـذرا=كم من غريـب توديـه
عينـت ظبـي تـحـدرا=يرعى الزهر مع مثانيـه
جيته مع السطح ما درى=وإلى القمر شـارع فيـه
إلـى لمستـه تهصـرا=يا خوي ما نيب قاويـه
عليه ثويب عن العـرى=جعل أريش العين يبليـه
بطنه لبيـب ومزعفـرا=يا زين طي الحقب فيـه
أبـو بـريـم مقـمـرا=من فوق الأوراك زاويـه
يا بـو زميـم مشـذرا=ومزهـي وجـه راعيـه
قـم حبنـي لا تـعـذرا=والعذر مانيـب باغيـه


*************************************************





ألا ياعيوني ما يفيد النظـر والشـوف=تكافـي وكفـي لاتراعيـن ياعيونـي
تكافي كفاك مكايد الجـادل الغطـروف=ابو وجنة فيها اشهر الموت مقرونـي
انا اشوف شوفك واتمنى وانا مشغوف=من اللي سلب عقلي على غير قانونـي
لحظني بعين كن فيها نمش وسيـوف=وقع مابكفي واختلط وانصفـق لونـي
اخذني جهار اكبر ضحى والعباد وقوف=انادي بصوتي والعرب تقل ماوحونـي
تبي ذبحتي ياريم وادي سكاكا الجوف=حسيبي عليك مصرف الخلق والكونـي
تعرض غريب نازح عند ابو رفـروف=ورى دار قاره يقنب الذيب من دونـي
الا واعذابي منك ياضامر السرجـوف=شبكني هواك وبيـح الحـب مكنونـي
الا يازريف الطول انا ازهمك بالمعروف=بعد عونة الله منك انا برجي العونـي
دخيلك تلبي دعوة من ثـلاث حـروف=طرف ساعة افرح بها وانت ممنونـي
اريح ضمير بالهوى مولـع مشغـوف=مـن الله خلقنـي بالغناديـر مفتونـي


************************************************** ***********

ياعين يالي تسهر الليل=والناس في نومه هنيه
كله سبايب نافل الجيل=اخت القمر والبدر خيه
ريحة نسمها فايح الهيل=ماتعتني بالجاوليه
وعيون من فوقه مظاليل=لومت منها ماعليه
شي يشيل الثوب بالحيل=صغير مايملى ايديه
لوغسلوا قلبي من النيل=ولابعد بالدلهميه
ولو حملوني فوق ماشيل=ماظنتي ينسى خويه


************************************************** ******

يالله يا جايب من المزن طشا=يا مخضر بالقاع من عقب المحال
تاسف لمن جاه البلا واستغشا=ما ينام من كثر الهواجيس يا هلال
يا هلال شفته دالهن ما يتغشا=شفت اشقر من بين الامتان ميال
بعض العرب لو هو ضحك لك وبشا=دجال ما تصدق نواياه لو قال
دجال جعل ما لبوه المعشا=يالله لا ترزق من الناس دجال
واشوف حالي كل يوم تنشا= نشت شعيب نش من عقب ما سال

تحيتي ......... سطام روق

المقاطى_q8
01-25-2008, 04:02 PM
سطام روق

لاهنت على القصائد

وبيض الله وجهك

تحيتي

ابوبسام
01-28-2008, 10:00 AM
سطام روق

مشكورعلى القصائد

وبيض الله وجهك

الــولــيــد
01-28-2008, 01:39 PM
بيض الله وجهك


لا هنت ع القصيده الرائعه



تقبل مروري

سطام روق
03-22-2008, 04:13 PM
المقاطي
الله لا يهينك مشكور على المرور والمشاركه





تحيتي ......

سطام روق
03-22-2008, 04:17 PM
ابوبسام
الله يعطيك العافيه على المرور والمشاركه




تحيتي......

سطام روق
03-22-2008, 04:19 PM
ابويوسف
الرائع مرورك الله يعطيك العافيه






تحيتي ......

عبيدغازي العتيبي
03-23-2008, 02:54 AM
صح السانك يسطام رووق عزالله قصيدة رائعه من شاعر مبدع لاتحرمنا من جديدك
وشكــــــــرااا

d-r
04-02-2008, 05:19 AM
نويت أسافـر يافهـد ديـرة الشـام طـروا علـي غزلانهـا ياعيونـي
علمي بهم ماصار لي عشـرة أيـام وعجزت أنا أصبر ياعرب ساعدوني
حالف أنا دون الحديثـه فـلا أنـام لو كـل مركـز عندهـم عطلونـي



مفتون في بنت طعـم ريقهـا سـام أبرتـوي مـن ريقهـا سممـونـي
ياسلام
-----وشكرا