المساعد الشخصي الرقمي

مشاهدة النسخة كاملة : دارين قولي ( لسماري ) لايضيق ولا يسال // ( شاطي الراحه ) ...!!


خالد المقاطي
01-23-2008, 08:08 PM
السلام عليكم ورحمه الله وبركاته

في البدايه احب ان اقدم .. هذا القصيده المتواضعه .. وهي مجارات للشاعر ( عبدالله السميري )


ونحن لسنا الا .. نقطه في بحر ابداعاته .. وهي عباره عن هيجان قريحه

وغضب من اللجنه المؤقره


/ /


/ /


/ /






الفكر في راسي شعر .. والشعر ضرب من الخيال = من راسي لبطن الورق واردف لها موالها
افك سجن المفرده يالين تطلع من خلال =مابين اقواس الظلوع .. دقاقها وجلالها
اسرج لمعناها فرس .. والْبس الفكره عقال = وانوخ ظلوعي واشيل من الحمول ثقالها
( من منطلق ) خذ ماتبي .. وارقى على راس الطوال =( والنار من شبابها والخيل من خيالها )
يانار شبي في ظلوع الجهل .. لا كبر بلال = صار المجامل والتغطرس .. حطها واشتالها
نصبر بمنطوق الادب .. والصبر عدانا وطال = هذا يناظرها .. وهذا من جهل يبرالها
ياشاطي الراحه .. ترازم فوقك بروق الخيال = تمطر عليك افواج .. والاصوات جار ارسالها
من نجد .. وحدود اليمن .. من غرب .. وايضا من شمال = ثارت مزونن برقها يشعل بوسط خيالها
كله لعينك يالسماري .. مايجي فيها مجال = كويتنا .. والمملكه .. بسهولها وجبالها
لو يرتفع سعر الذهب .. لو يرتفع سعر الريال = حنا لها فالاوله والتاليه حنا لها
دارين .. قولي لربع ان كانها ساحه قتال = اطش من دون السماري .. غترتي وعقالها
حنا عتابه .. كاعمين الضد ذريبن الفعال = قبيلتن ربي جعل فوق الثرى .. منزالها
ببدى بمنطوق العقل .. وابعد عن دروب الهبال =في كلمتن .. بين الظلوع اتشدني واسعالها
لو مابه عتيبي .. يشارك ماحصدتو راس مال = اقولها والناس قبلي ياكثر من قالها
دارين قولي لسماري لايضيق ولا يسال = حنا لها فالاوله والثانيه حنا لها

ابو عثمان
01-23-2008, 08:29 PM
الله ... الله ياخالد
قول وفعل....لقد أبدعت يامبدع
وليس غريبا ان نرى الإبداع من خالد المقاطي.
وفعلا السماري كان قمه... ويستحق التأهل مع الشبرمي من غير قصور في المطيري....
ولكن هذه هي حسابات نشوى الرويني تسير كما هو مخطط لها....
ولكن ماذا نعمل يجب ان نقف مع السماري ونصوت له على الرغم ان هذا يخدم البرنامج ولكن......

محمد المقاطي
01-23-2008, 11:44 PM
صح لسانك بيض الله وجهك

ويستاهل عبدالله

بدر المقاطي
01-24-2008, 02:13 AM
صح لسانك وبيض الله وجهك
علي القصيده الرائعه

تحيتي

كحيلان
01-24-2008, 02:32 AM
خالد المقاطي
صح لسانك
قصيده رائعه
الله يعطيك الف عافيه

محمد الدعجاني
01-24-2008, 03:38 AM
الله الله


صح لسانك مليووون يابو وليد ابداع والله


ولاهنت على القصيده الطيبه

المقاطى_q8
01-24-2008, 04:59 AM
كلـه لعينـك يالسمـاري .. مايـجـي فيـهـا مـجـال**كويتـنـا .. والمملـكـه .. بسهـولـهـا وجبـالـهـا
لو يرتفع سعـر الذهـب .. لـو يرتفـع سعـر الريـال**حـنـا لـهـا فـالاولـه والتالـيـه حـنــا لـهــا

صح لسانك يابو فيحان
ابداع ،،،،،،،، ابداع
والسماري يستاهل

تقبل تحياتي

ابو خالد
01-24-2008, 08:36 PM
صح لسانك
قصيده رائعه من شاعر رائع
بيض الله وجهك

الـذيابـي
01-25-2008, 04:19 AM
خالد المقاطي اشكرك بقوه على القصيده وانت جزل ولا يجي منك الا جزل

والسماري مصوتين له مصوتين له لو دارين تلالي والدكتور غسان يقول يالاااااااااااهوي

الــولــيــد
01-25-2008, 04:08 PM
صح لساانك


بيض الله وجهك

قصيده رائعه جدا


سلمت يمنااك



ننتظر جديدك

بنت القصيد
02-04-2008, 11:42 PM
صح لساانك


ولاهنت قصيده جزله من شاعر جزل