المساعد الشخصي الرقمي

مشاهدة النسخة كاملة : بمناسبة نجاح المزاين ...


وصل العطياني
01-21-2008, 02:42 PM
السلام علاكم :)

أولاً مبروك نجاح الملتقى ...

ثانياً هذه قصيدة متواضعة بالمناسبة ...

وخير الكلام ما قل ودلّ :)





يالله ياللي ليا منـّـا ترجّانا=نرجيك من طيب قلب ونرفع يدانا
نسألك بأسمائك الحسنى وبصفاتك=وندعي ومن زود فضلك تقبل دعانا
يارب نطلبك تجمعنا على الطاعة= وتجـمـّع قلوبنا وتشتـّـت أعدانا
يارب نشكرك ولك الفضل والمنـّة=يا من جعلت السعد والحظّ وإيـّانا
يشهد لنا من حضر في ملتقى الهيلا=يا ما فعلنا وسوّانا وسوّانا
دين وثقافة وأدب وإخلاص للدولة=في كل موضوع كفانا ووفانا
وهذي تراها طبيعة من طبايعنا=حنا رجــّالٍ على الطالة تربــّانا
من دون حقران للقاصي وللداني=كل القبايل على راسي والاعيانا
والله مافي القبايل كلها قاصر=والخير في كل من في قلبه إيمانا
لكن ابا امدح عتيبه بالشيء الواقع = كلام من غير زور وغير بهتانا
حنا عتيبه وكلٍ يعرف عتيبة=إسمٍ ينومس ليا منــّـا تعزوانا
ما اقول يشهد لنا التاريخ لو يشهد=أقول وش حضرة التاريخ لولانا
إن كان يبغى الفخر والعزّ والهيبة=أكبر فخر يوم يكتبنا ويقرانا
فينا مزايا تحيـّر من يعدّدها=ما أظن فالكون من يحصي مزايانا
على سبيل المثال أذكر لكم بعضاً=مما يزيد الفخر يوم الله أعطانا
حنا جنود الوطن من يوم تأسيسه=على ثراه المطهـّر ننثر دمانا
لأجل الوطن لو ندوس الجمر بالأرجل=يصبح كما الورد تحت بطون رجلانا
أجدادنا حنـّكونا بالولاء الدائم=وحنا لزمنا الوصاية واستمرّانا
الله عطانا العقل والعرف والحكمة=لن كان عمسنّ الإريا دوّر إريانا
وفينا الكرم والكرامة والكريم الله=يا ما انشرح خاطـر الخاطر ليا جانا
ويأمن بنا الجار والأصحاب تأمنــّـا=ومن حدّه الوقت يزبنـّا ويلقانا
الله عطانا حميـّا ما نضيـّعها=أفضل حميـّا بهالدنيا حميـّــانا
إن دقّ زير القتال ودارت الهيجا=ما يرتكي للمهمـّـة غير شروانا
فرسان من قوّ سطوتنا وهيبتنا=الجنّ وهيّ جنّ ما تقدر تحدانا
أخير فارس نهار الحرب فارسنا=وأخير شلفا تفجّ الصدر شلفانا
يا كم مقطوع لا قوة ولا ناصر= تردّ عنه الأعادي هيبة لحانا
عدوّنا مستحيل يعيش في راحة=إلاّ إذا قدر يذهبنا عن أتلانا
هذي سلوم الجدود اللي ورثناها=وحنـّا على سلمهم كان الله أحيانا
ربعي ومن حقـّي أمدحهم وأمجـّدهم=لو إن ما عاد يبقى شاعر الاّ آنا
عساي لن كان ما اسخـّر لهم شعري=أروّح أنا وشِــعري في خبر كانا


تحياااااااااتي

محمد المقاطي
01-21-2008, 02:59 PM
ما اقول يشهد لنا التاريخ لو يشهـد
أقول وش حضـرة التاريـخ لولانـا
إن كان يبغى الفخر والعـزّ والهيبـة
أكبـر فخـر يـوم يكتبنـا ويقرانـا


صح لسانك ابو مشهور وبيض الله وجهك

علي الأبداع الا متناهي

ومن وجهة نظري انها من اجمل ماقرأت في فالملتقي ومدح عتيبة

ماقول الا بيض الله وجهك

خالد المقاطي
01-21-2008, 05:01 PM
الله الله


يابو مشهور ..

في البدايـــه احب ارحب بكــ في صدر مجلس منتدانا منتدى الجميــ ع

ياهلا ويا مرحبا مليوم

/ /


/ /


/ /


الله الله


مبدع مبدع .. دائمآ متجدد ومبدع في جميــ ع حالاتكــ

لا في النظم والا القلطه


نحن فريحين بكــ بين اخوانكــــ وبني عمكـــ


ننتظر جديدكــ .. بشغف



اخوكـــ :: خالد المقاطي

أبـو فيصل
01-21-2008, 05:01 PM
بيض الله وجهك

d-r
01-22-2008, 02:10 AM
الله عطانـا حميّـا مـا نضيّعـهـا
أفضـل حميّـا بهالدنيـا حميّـانـا

ياسلام بيض الله وجهك
عزالله ابيات طيبه
---------وشكرا

المقاطى_q8
01-22-2008, 03:26 PM
الله الله يابو مشهور

والله حاولت اخذ اجل بيت ولاكن لقيت كل القصيده جميله

وهذه والله مو مجامله


تحياتي لك يبن العم

كحيلان
01-22-2008, 08:20 PM
صح لسانك يابو مشهور
قصيده في قمة الروعه
ماقولك الا فالك البيرق

ابو خالد
01-22-2008, 09:16 PM
بيض الله وجهك

اخوي وصل علي هذه الشامخه

صح لسانك صح لسانك صح لسانك

عبدالله النفيعي(السهم العطيب)
02-03-2008, 06:57 AM
الله الله يا سلام عليك يابو مشهور وصح السانك بيض الله وجهك

تستاهل عتيبه كل خير وعسى الله يجمعناا على الطاعه ...

لا هنت اخوي وصل و بيض الله وجهك ننتظر ابداعاتك يالذيب ..

وصل العطياني
02-16-2008, 08:16 PM
ما اقول يشهد لنا التاريخ لو يشهـد
أقول وش حضـرة التاريـخ لولانـا
إن كان يبغى الفخر والعـزّ والهيبـة
أكبـر فخـر يـوم يكتبنـا ويقرانـا


صح لسانك ابو مشهور وبيض الله وجهك

علي الأبداع الا متناهي

ومن وجهة نظري انها من اجمل ماقرأت في فالملتقي ومدح عتيبة

ماقول الا بيض الله وجهك


صح بدنك ...

ووجهك أبيض ...

تشرّفت بمرورك ...


تحيااااااااتي

عبيدغازي العتيبي
02-17-2008, 01:43 AM
حنا عتيبـه وكـلٍ يعـرف عتيبـة
إسمٍ ينومـس ليـا منّـا تعزوانـا
ما اقول يشهد لنا التاريخ لو يشهـد
أقول وش حضـرة التاريـخ لولانـا

السلام عليكم ورحمة الله وبركاته
وبعد ... صح السانك يبو مشهـــــور ووبيض الله وجهك وتسلم يمناك واشكرك علي
الجزاله والبيوت الشامخه والمعاني الثقيله
والله ولي التوفيق
وشكـــــــــــرااا

طلال
05-25-2008, 03:00 AM
مشكور على القصيدة الحلوة
مشكور
مشكور
مشكور
والله يعطيك العافيه اخوي وصل

أبوغازي
06-02-2008, 01:59 AM
×?°ماقول الا بيض الله وجهك



تقبل مروري×?°

منصور سعد
01-30-2009, 02:16 AM
ما اقول يشهد لنا التاريخ لو يشهد***اقول وش حظرة التاريخ لولانا

الله الله على الابداع صراحه امتعتنا الله يعطيك العافيه
وهذي عاشر مره اقراها ترى كل بيت يقول الجزاله عندي

ولاهنت اخوي وصل شاعر معروف الله يعطيك العافيه

بوعباس الروقي
07-17-2009, 06:21 AM
ربعي ومن حقّي أمدحهم وأمجّدهـم ما اقول يشهد لنا التاريخ لو يشهـد صح لساننك وصح بدنك هذي اكثر الابيات اعجبتني