المساعد الشخصي الرقمي

مشاهدة النسخة كاملة : اهداء الى عتيبه الهيلا


عبدالله النفيعي(السهم العطيب)
01-15-2008, 12:12 PM
اهداء الى قبيلة عتيبه و الموقع الرسمي للقبيله و اتمنى تحوز على رضاكم ..



الليل حان الليل تحضير تحضير = الليل يا قيفان ما فيه تعذير
جات الدعاوي للحمايا و الافعال = الحمد لله كالجبال المشاهير
ياللي تدور منسب الناس بالهون = اخذ الحقايق و الخبر و التقارير
نجد العذيه و السنين القديمات = منزالنا يوم الليالي معاصير
يا ناشد(ن) عناا ترانا عتيبه = لطامت العايل و شرابة البير
عتيبه الهيلا هل الرقم الاول = رديف الاول كنه الرقم الاخير
حنا عتيبه معتلين الطويله = برقاا و رووق مطوعين المعاسير
برقا و روق معربين الجدودي = ان كان جده غير حنا بعد غير
حنا كما العد القراح الزلالي = حنا كما الغيمه تهل الشخاتير
حنا عتيبه ملحقين المخلين = حنا مروين السيوف البواتير
اتنومس اليا قيل برقا مع روق =اهل المواقف و الذكر والاساطير
ذباحت الحايل بعاد الهقاوي = سقم الاعادي مخلفين الطوابير
اهل الحمايا و السيوف الشطيره = نكسر جموع القوم لا جالنا مغير
لا ثارت العجه و شفنا عدانا = نسل سيف(ن) ما توانا فالجفير
السيف بنصابه نسله نسله = نكسر صليب العظم ما فيه تجبير
خيالنا لا شاش راسه تعزواا = الراس قسمه و الجسم قسم للطير
نعم نعم حنا قبيلة عريقه = من سابق الايام حنا المناعير
حنا قبيلة ما تهاب المنايا =نسير فوق الارض ما فيه تعسير
حنا الوفا و الطيب يجري مع الدم = من قدر عتيبه نجازيه تقدير
عز الرفاقه فالعتيبي طبيعه = يذود عن خوة بعيد الاشابير
عز الصديق اليا نصته البلايا = يشيل فوق الظهر ما شاله بعير
منهو نصانا فالمواقف وجدنا = نحقق المطلوب من دون تقصير
والضيف لا شرف يحيا تحيا = و العود الازرق و الدلال المباهير
ولا القبايل نعم من دون نقصان = الطيب فيها و المواجيب و الخير
ال الصباح اخوان مريم ذرانا = اهل الكرم و اهل الوجيه المسافير
حنا لهم مثل الحصون الحصينه = حنا لهم و كليب ما خانه الزير
لو طالت الايام و الوقت لو طال = دون الوطن نهدي العمر بالتياسير
يالله يالمعبود يا حي قيوم = تحفظ وطنا من سهوم المقادير
هذا جوابي معه ختم النفيعي = جات الحقايق و الخبر و التقارير
و ان كان يا ناشد تبا زبدة القول = ان كان جده غير حنا بعد غير

خالد المقاطي
01-16-2008, 06:34 PM
غير غير غير


:)

وانت بعد غير ياعبدالله

لاكن عندي ملاحظه : واتمنى انك تتقبلها بصدر رحب من اخوكــ : الصغير
وهي والله ماتعيب القصيده القصيده تعلن عن نفسها

لطامت العايل و شرابـة البيـر

شرابه البير

فيه دليل لبيت لسعود الزعبي :: يقول لشاعر بأستهزاء وبدون ذكر اسم الشاعر الاخر
يقول الزعبي

ماقول فيكم شي ( ........... )
رمايه الطرقي وشرابه البير
الساس حنا ياوساع الحناجير

إلى آخره

وفي النهايه تبقا وجهت نظر .. وقلت من البدايه رائي لايفسد القصيده

والابيات التي اعجبتني
واجد ومنها ..

حنا لهم مثل الحصون الحصينـه
حنا لهم و كليب ما خانه الزيـر

لله دركــ على هالبيت




اخوكـــ ::

محمد المقاطي
01-16-2008, 10:06 PM
عبدالله النفيعي

صح لسانك وبيض الله وجهك

ماقولك الا

قصيده رائعه

العتيبية
01-19-2008, 03:10 PM
الله الله الله عليك يا اخوي عبدالله وتسلم وكلنا لنا العز انة حنا من العتوب (ذباحة الحايل لطامة العايل) صح الله لسانك اخوي وما قصرت








بنت العتيبي

المقاطى_q8
01-19-2008, 03:59 PM
لاهنت ياعبدالله وصح لسانك


قصيده جزله من شاعر جزل


تحياتي

الــولــيــد
01-19-2008, 04:11 PM
عبدالله النفيعي


صح لساانك


وبيض الله وجهك

عبدالله النفيعي(السهم العطيب)
01-21-2008, 01:47 PM
خالد المقاطي

محمد المقاطي

العـــتــيــبــــيـــه

ابو يوسف

المقاطي

صح ابدانكم و الله لا يهينكم على المرور

اشكرك على الملحوظه ابو وليد ولا هنت يالغالي ....

تقبلووو تحياتي ..

d-r
01-22-2008, 02:14 AM
ياسلام
ياعبدالله ابيات طيبه من وجه طيب
--------وشكرا