المساعد الشخصي الرقمي

مشاهدة النسخة كاملة : ماذا قال شاعر مطير عن عتيبه


محمد المقاطي
01-14-2008, 09:54 PM
السلام عليكم ورحمة الله وبركاته


بما ان انسابي وخوال عيالي مطير ( حمران النواظر )

حبيت اني انقل لكم هذه القصيده

للشاعر : تركي الديحاني

والقصيده تعبر عن نفسهاا




ياشاعر المليون حطمت الامـال=منت الطموح اللي نبيـه ونريـده

سببت لك فتنه على روس الاقذال=وراحت ضحياها القلوب البليـده

ناسٍ تحسب المسأله ساحة قتال=وكلٍ على الثاني يحد الحديـده !!

ياناس ياعالم هذا الحكـي بطـال=والمسأله مغيـر ذوق وقصيـده

الشاعر اللي يعجبك كـل ماقـال=ارسل على شانه رساله وحيده !!

فزعاتنا ماهي بتصويـت جـوال=فزعاتنا حطّت حكومه رشيـده !!

حنا قبايل نجـد ذربيـن الافعـال=اصغر ورع فينا عن امية وليـده

وياعتيبه الهيلا صناديد الابطـال=حنا مطير اهل العلـوم الفريـده

حنا سما عالي كما الغيث همـال=وانتو الجبال الراسيات الشديـده

وانتو فعايلكم تـدرّس للأجيـال=وحنا وصلنـا للنجـوم البعيـده

رجالكم على العدو سيف سـلال=ورجالنـا دايـم عـدوّه فقيـده

انتم وحنّا كالبناخي مـع الخـال=الطبع واحـد والعلاقـه وطيـده

مطير وعتيبه تقل نسـل رجـال=كـل البدايـد تعتبرنـا بديـده !!

وان عودت شعر وقوافي ومـوال=انتـم عواميـده وحنـا رصيـده

شعاركم اهل الجزالـه والامثـال=وشعارنا الشعـر نفسـه تزيـده

فيكم حبيّب والفحـل ابـن هـذال=وفينا سعد سلطان وتركي الوليده

شعار صح وابياتهم كلها اجـزال=وقصيدهم يزيد سعـر الجريـده

نبقى على روس النوايف والاقذال=وياشاعر المليون ماهي جديـده

مطير والعتبان حطّـووك بالعـال=ومن دوننا رصيدكم عالحديده ؟!

صح السان الشاعر تركي الديحاني وهذا لسان جميع افراد قبيلتينا العزيزتين

ابو عثمان
01-14-2008, 10:26 PM
مرحبا أخي محمد المقاطي

وأشكرك على إيراد هذه القصيده للشاعر تركي الديحاني والذي أنصف نفسه قبل أن يُنصف غيره وهذا الشعور الطيب الذي يحمله هذا الرجل في قلبه هو شعور كل رجل يخاف الله ويخشى عقابه ولقد قال مايمليه عليه ضميره وبرهن على أن العتيبي والمطيري إخوان في الإسلام قبل كل شيئ وبينهم قواسم مشتركه تجعل التعايش بينهم واجبا و أمرا واقعا فهناك تماثل في العادات والتقاليد واللهجه والشعور وكذلك لاننسى عاملا النسب والجيره والتي تجمعهما من دون القبائل الخرى.

شكرا لك أخي محمد مره أخرى وصح الله لسان الشاعر تركي الديحاني وكثًر الله من أمثاله وجعل هذه القصيده في ميزان حسانته يوم يلقاه إنه ولي ذلك والقادر عليه.

مالك العتيبي
01-14-2008, 11:59 PM
صح لسان الشاعر تركي شعره ممتاز جدا وهو منصف

محمد الدعجاني
01-15-2008, 01:29 AM
صح لسان تركي الديحاني

ولاهنت على النقل الطيب يابو يوسف


تقبل تحيتي

محمد المقاطي
01-15-2008, 11:27 AM
ابو عثمان
سفير عتيبة
محمد الدعجاني

شاكر لكم المرور

والمشاركه والله لايهينكم

سقم المعادي
01-16-2008, 06:14 AM
صح لسان الشاعر

وشعارنا واااااجد وجميعهم عز ومفخره ونوماس ولايقارنون بأحد

محمد المقاطي
01-16-2008, 01:47 PM
صح لسان الشاعر

وشعارنا واااااجد وجميعهم عز ومفخره ونوماس ولايقارنون بأحد


لاتعليق

لاني ماحب الالغاز

كحيلان
01-16-2008, 02:28 PM
صح لسان الشاعر تركي الديحاني
وهذا حال كل عاقل من القبيلتين
لاهنت اخوي محمد علي النقل

محمد المقاطي
01-16-2008, 09:17 PM
ولا انت

اخوي كحيلان

وشاكر لك المرور

الــولــيــد
01-17-2008, 10:03 AM
صح لسان الشاعر تركي



يعطيك العافية يابو يوسف ع النقل

محمد المقاطي
01-17-2008, 01:01 PM
صح بدنك

ابو يوسف

والله يعافيك

أبـو فيصل
01-18-2008, 04:40 AM
صح الساان االمطيرري

ولاهنت يا محمد المقاطي

المقاطى_q8
01-18-2008, 07:38 AM
صح لسان الشاعر


ولاهنت على النقل المميز

والقصيده الرائعيه


تحياتي

محمد المقاطي
01-18-2008, 02:07 PM
ابو فيصل

المقاطي

لاهنتم علي المرور

والمشاركه

عبدالله النفيعي(السهم العطيب)
01-21-2008, 02:05 PM
صح السان تركي بن لفا الديحاني وبيض الله وجهه ...

ولا هنت اخوي محمد على النقل و اشكرك جزيل الشكر ...

وبلغ اعيالك يوصلون السلام لمطير ولا بلغ انسباك التحيه و التقدير ...

تقبل مروري ...

محمد المقاطي
01-21-2008, 03:11 PM
صح السان تركي بن لفا الديحاني وبيض الله وجهه ...

ولا هنت اخوي محمد على النقل و اشكرك جزيل الشكر ...

وبلغ اعيالك يوصلون السلام لمطير ولا بلغ انسباك التحيه و التقدير ...

تقبل مروري ...



ولا انت ياعبدالله

وصح بدنك

وسلامك وتقديرك اعتبره وصل

ولاتوصي حريص

@العصيمي@
01-22-2008, 08:01 AM
مشكووووووووور يا خوي المقاطي

وصح لصان قايلها وتسلم ايدين كاتبها وقصيده جميله في معانيها

وصحيحه وهذا شي معروف كلنا اخوان دام حنا مسلمين سنه والمسلم اخو المسلم

والله لا يهينك يا لمقاطي وتسلم

محمد المقاطي
01-22-2008, 09:40 AM
مشكووووووووور يا خوي المقاطي

وصح لصان قايلها وتسلم ايدين كاتبها وقصيده جميله في معانيها

وصحيحه وهذا شي معروف كلنا اخوان دام حنا مسلمين سنه والمسلم اخو المسلم

والله لا يهينك يا لمقاطي وتسلم



العفووو

يالعصيمي ولاهنت

علي المرور

قال العصيمي
01-15-2010, 03:23 AM
عتيبه عدد وقبايل وشعب وشعوب + + + ماتنقاس بالعرب وصفه قبايلها
ومطير نسب واهل وابن اخي محبوب +++ ولاشفت المزاين بالعدد قلت انت قايلها

بنت العوازم
01-17-2010, 07:54 PM
صح السان الشاعر والنعم بالجميع .... يستاهلون الهيلا .... تقبل مروري يالغالي

مخلد بن ماشع
01-31-2010, 01:53 AM
صح لسانك ياتركي


وانا من اشد المعجبين بالشاعر تركي الديحاني



ولاهنت على القصيده

السم الزعآف
01-31-2010, 05:13 AM
صح لسان شاعرها

قصيده جزله

ولآهنت ياابن العم

مطيريــهـ وأفتخـر
05-25-2010, 05:54 PM
صـــح لســآن تركـــي..

وتسلـــمـ ع إلنقـــل ..

الخميسي
09-19-2010, 03:36 AM
لاهنــــت علــــى النقــــــل

منصور سعد
09-22-2010, 03:02 AM
صح لسان الشاعر

وعتيبه ومطير اخوان في الاسلام ومع بعض ضد العدوو... وانساب وعيال عم

ياكم عتيبي(ن)خواله من مطير **وياكم مطيرين عتيبه خواله

افتخر بعزوتي
09-27-2010, 07:06 PM
وياعتيبه الهيلا صناديد الابطـال
حنا مطير اهل العلـوم الفريـده
حنا سما عالي كما الغيث همـال
وانتو الجبال الراسيات الشديـده



صح لسان تركي الديحاني
يعطيك العافيه يالغلا ع النقل الجميل ..

محمد العتيبي
09-30-2010, 09:55 AM
انا خويت مطران اقسم بالله انهم رياجيل

سفيرة مطير
11-25-2010, 08:12 AM
صح لسان الشاعر

ولاهنت عالنقل

تحياتي لكـ

سفيرة مطير .

فيصل الفيصل
12-21-2010, 11:21 PM
والله يا اخوان ان بلال الحبشى خير من اشراف قريش المشركين

ولا فرق بين اعرابى ولا اعجمى الا بالتقوى كما اخبرنا المصطفى صلى الله عليه وسلم

وبخصوص التفاخر بالانساب والقبايل فهذه من سنن الجاهليه الاولى

فان المسلم الحق عندى افضل واقرب فالله من اقرب الناس الى اذا كان عاصى مبتعد عن ما امر الله ورسوله


ونشكر اخونا محمد المقاطى على النقل ونشكر الشاعر على الكلام الجميل والطرح المتوازن

ولندع التعصب فى ما بيننا فاننا مستهدفون من اناس تلعب على التفريق بيننا لتسود بنا بعد ان علمت ان تماسكنا قوه وتفرقنا ضعف

الحوت الطازج
12-22-2010, 03:32 PM
صح لسان الشاعر

شكرا اخوي ع النقل