المساعد الشخصي الرقمي

مشاهدة النسخة كاملة : محاوره من نوع اَخر على متن الطائره!!!


المقاطى_q8
01-05-2008, 05:28 AM
السلام عليكم ورحمــة الله وبركاتـــــــــــــــه

سعد الله جميع اوقاتكم بكل خير جميــع


اليوم جايب لكم محاورة ولاكن من نوع اَخر
جرت على متن الطائرة بين شاعرين من شعراء المحاورة


قـــــصــــة المـــحـــاورهـ .


يحكى أن الشاعـرين مسعد القصيّر الجهنـى وعلي الهجلة المطيـري كانا متوجهين على متن
طائرة من المدينة المنورة إلى المنطقة الشرقيّه لإحياء حفلة محاورة هناك شائت الظروف
أن تجمعهما هذه الرحلة ولكن لم يجتمعا في مكان واحد ...
المهم أنه بعد الإقلاع قــام مضيفــــو الطائــرة بتوزيــع المرطبات والحلويــات وبعض مــن
( السندوتشات ) وقد شاهد الشاعر على الهجله زميلة الجهنى وهو يتناول السندوتش فحرضة
( خبث ) المحاورة لأن يطرح ماشاهده شعرياً فأرسل بيتين في ورقة لزميلة يقول فيها :



الهجلــــة

بعد المفطح والدلال الصفر وعلــوم الرجـال
عشاء القصيّر سندوتـش وقهوتــة نسكــافيـة
سبحانه من هو غير الأحوال من حال ٍ لحال
أيامنـــا واليالنـــا ماهــــى دوام ٍ صافـيـــه



فما جاءته الورقة وقرأها إلا أن قام بغنائها بصوت مرتفع راداً على ذلك بقولة :

الجهنـــى

حنا ضيوف أهل المدينه والكرامة للهجـال
والناس يأهل العرف ماتخفى عليهم خافيـة
سبحان منهو سيّر الجنبوْ تجي فوق الجبال
اليا مشت مثل السهم في الجو ما تنشافيــه



الهجلـــه

لو المضيفة عارفه قيمتك جابت لك خيال
يوم عرفت قيمتك واليا مالها محرافيـــه
اللى يجمل حال من عوّضك بأيام الجمال
اللى مع الشعبان تطردها ورجلك حافيــه



الجهنـــى

وراك مــا علمتها وأنت كبير مع العيـال
نارالمضيفه ماتولع وأنت نـارك طافيـــه
والفضل لله ثم لابن سعود وخشيم الريال
وأنا دفعت العمله اللى ترضي الصرافيه



الهجلـــه

أنا ماشفتك غير في الكرسي مربط بالحبال
واللى يربط ماتربطه العــرب مـن عافيـــه
الله يسهل لك تروّح لليمـــن وإلاّ الشمـــال
تستاهل العلــم الوفي ياكمــل الأوصافيـــه



الجهنـــى

أنته تضايق كل مأنته شفتنـى لابس عقـــال
واللى عطاك الجامعه غشّشك في الجغرافيه
الله يوفق خير وتعيش السبتـع مع الجبـــال
ويروي العطــش لـو الشـــرب بالمغرافيـــه



وســلامتكــم
تقبلــوا كل التحايـــا:bye1:

محمد الدعجاني
01-11-2008, 03:08 AM
الله يعطيك العافيه اخوي المقاطيq8

اختيار موفق وجميل ولاهنت يالغالي


وتقبل تحياتي

المقاطى_q8
01-11-2008, 04:13 AM
محمد الدعجاني


مرورك الأجمل


تحياتي

أبـو فيصل
01-11-2008, 06:20 AM
لاهنت

يا المقااطي q8

وبيض الله وجهك

المقاطى_q8
01-11-2008, 09:09 AM
ولا أنت وجهك ابيض


ابو فيصل


تحياتي