المساعد الشخصي الرقمي

مشاهدة النسخة كاملة : صراع مع النفس بقلمي احمد خالد الصياح العصيمي العتيبي


صياحي
12-29-2007, 06:24 AM
size=7]اتمنى منكم يا (مخلفة الهقاوي) انكم تعطوني رايكم بقصتي....... واتمنى القى منكم الدعم
وان شا الله بيوم من الايام ....اصير اهم كاتب بالعالم.... واكتب اسمي الكامل
احمد خالد عبيد محمد العصيمي العتيبي........... ناطر تفاعلكم يا (برقا) و(روق)

صراع مع النفس
هي صراع بين كل شخصيه ونفسها
هي صراع بين الرغبات والمحرمات
هي صراع بين الواقع والقناع
هي صراع مع النفس
هي صراع بين الانين والحنين
هي صراع بين التنوير والتفجير
هي صراع بين الكبت والحريات

ان تفني حياتك من اجل قضيه وتصارع بها نفسك
افضل من الخضوع والخنوع والاستسلام والانهزام
فعندما يصارع الانسان نفسه ويحاول ...يخلد في التاريخ
وعندما يرفع الراية البيضاء يعيش حقير وعاله على المجتمع
صارع نفسك
بحيلتك وبصبرك وقناعتك ودعائك وتوكلك
لا تيئس وتنهزم وتستسلم وتصمت وتنهار
بعد هذه القصه اما ان تضع عنوان حياتك صراع مع النفس
او ان يكون شعارك الصمت لعجز النفس
تذكر بان
من يهاب صعود الجبال يعش ابد الدهر بين الحفر
وان لا يئس مع الحياه ولا حياة مع اليئس
كاتب هذه السطور(احمد العصيمي)
قد اعلن الصراع مع النفس
وما (صراع مع النفس) الا سلاح فتاك للصراع مع النفس
وانتم الجنود وانتم الاقوى والاكبر من عجز النفس
بطل قصتي (عامر)
شاب طائش ولا يسلك طريق الاخلاق وعلاقته بالدين كعلاقة الشمس والقمر
احب (بدريه) حب جنوني وكانت قصتهما اقرب للخيال من الواقع ولكن بعد سنين نال مراده وتم الزواج
واصبحت هي لوحدها دينه ودنياه فرمى الدنيا والدين ورائه من اجل حبيبته وقد رزقه الله منها ب5 ابناء (ساره.بدر.يعقوب.ريم .شوق)
وفي احد الايام ماتت (بدريه) امام ناظريه ولم يكن باستطاعته فعل شيء فحرمه من حبيبته الموت
ومن هول الصدمه اعتزل الناس جميعا
واحس بفراغ من المستحيل ان يعوضه
فهي كانت حبه الابدي
ومع مرور الايام تعرف على شباب من الفئه الضاله
فقاموا وزرعوا بعقله افكارا لا تمت للدين بصله
وهو اساسا لا يملك ادنى معلومه عن الدين الصحيح
وبعد هذا التحول الجذري في حياته
اصبح كالاخطبوط مصدرا لازعاج الجميع الاقارب والجيران والجميع لم يسلم من شره
وهو كان يعتقد بانه وجد ضالته اخيرا وانه سوف يمليء عمره الباقي بالتقرب الى الله لانه بعينه الدنيا بدون بدريه لا تساوي شيئا
واخته(مرام) نالها من شر اخيها الكثير والكثير
كان عامر يرفض زواج اخته ولا يقبل حتى المناقشه في الموضوع
(لانه يعتقد بان هذا المجتمع هم مجتمع كافر لا يجوز بان يزوج اخته منه بل سيزوجها باحد اصدقائه (من الفئه الضاله)
وكان سبب مئاسي اسرته فبالكاد استوعبوا غياب والدتهم وتحول والدهم عليهم واصبحت لغته هي الضرب وقد اعدم من قاموسه جميع الكلمات الحسنه واستبدلها بكلمات بذيئه
وقام بزرع نخل كبير امام المنزل لكي يحجب عن ابنائه رؤية أي شيء له صله بالعالم الخارجي ومنع دخول أي شيء يعتبر وسية ترفيه لابنائه الصغار
وقام بمنع بناته من الدراسه ودرب ابنائه على حمل السلاح
وكان بيته وكرا لتجمع الفئه الضاله
ومنبع الفكر التكفيري
وفجاه
اختفى والدهم
بحثوا عنه طويلا ولم يجدوه وطرقوا جميع الابواب ولكن بلا جدوى
واختفى عنهم والدهم وتركهم دون مصدرا للرزق وهم اطفال صغار ليس بيدهم شيء اعمارهم انذاك
ساره 17 سنه
بدر 15
يعقوب 13
ريم 7 ونص
شوق 6
(ملاحظه: عمتهم مرام تسكن معهم بنفس المنزل)
وقد اظطرت عمتهم مرام بان تعتني بهم الى ان يرجع والدهم بالرغم من احساس التناقض الذي يجتاحها فهي تريد رجعة والدهم باقرب وقت لكي ترتاح من المسؤوليه الكبيره الملقاه على عاتقها ولكنها احست باختفائه بفرح كادت ان تلغيه من قاموس مشاعرها
ولكنها بالرغم من كل ذلك تعاني من مشكله كبيره
(هي مسؤولة في الجمارك) ولكن راتبها يكفيها لوحدها ولا يكفيها هي وابناء اخيها
وتتذكر مرام بحسره والم وبفرح بان واحد
تتذكر كيف كان عامر بايامه الاخيره يضربها لانها قالت بوجهه لا لن اترك عملي
وكيف وصلت الى تسويه لكي يوافق
بان تعطيه نصف معاشها لكي يوافق وبالفعل وافق.
ولكن طرق قلب مرام بشده مرام تعيش قصة حب عنيفه وتحب (احمد) حب جنوني
وبدات مرام تعيش حياة كانت تظن بانها لن تستطيع بيوم من الايام بان تحب وان تنال من تحب
احمد كان يحبها جدا جدا جدا
وكانت تعتبره صندوق اسرارها كيف لا وهي سلمته قلبها
وجاء يوم الحسم
احمد فتح موضوع الزواج مع مرام ولكنه شرط عليها بان يتزوجها لوحدها وان تتخلا عن الابناء لانه غير ملزم بهم
هنا قررت مرام بان تتخلى عن الابناء كيف لها بعد ان وجدت الحب والحياه ان ترفضهم ولاجل من....
لاجل ابناء اخيها الذي ظلمها واستولى على اموالها بالقوه
وحين عودتها للمنزل
دخلت الى غرفة الابناء وحين رات ريم تحتمي بالغطاء وكانها تستجير به هز قلبها منظرها ....وقررت
اتصلت باحمد وقالت له انا اكرهك انا اكرهك اعتبرتك وسيله للحصول على اهدافي كنت (اقزرها عليك ) واقفلت الخط بوجهه
وبكت بكت بكت بكت بحرقه
كل الكلام الذي قالته لم يكن من قلبها ابدا فهي الامراه الغريقة به
فهي التي تذوب برقته لا يمكن ان تقول ذلك ولكنها اختارت ابناء اخيها وجرحت حبيبها لكي لا تخسرهم لانها لا يمكن ان تتخيل نفسها وهي ترمي ابناء اخيها في الشارع
وبعد رفض مرام الحب واختيارها الابناء
وهي التي كانت كل امنياتها بان يرزقها الله باطفال اعتبرتهم ابنائها واصبحوا كل حياتها
وفجاه
اصبحوا اثرياء .........؟ (مع القصه كل شي راح يبين)
ولان مرام حرمت من الاطفال فرغت كل حنانها بهم ولكن على طريقتها الخاصه فاغرقتهم بالاموال وبالحريه وبكل شيء ولكنها كانت كثيرة السفر فهي الى الان مجروحه وحزينه لبعد احمد عنها فهي تحبه مع كل يوم ومع كل اشراقه صباح تحبه اكثر واكثر واكثر وحياتها بها فراغ كبير لذلك تحاول ملئه بالسفر الكثير الكثير بسبب وبدون سبب طوال العام
وهنا ساره قامت بسد فراغ عمتهم مرام
(ملاحظه الابناء اصبحوا ينادون مرام يما لانها حنونه جدا عليهم وهي تعتبرهم ابنائها )
وقامت ساره بوضع نفسها خارج حساباتها واصبحت هي الام والاخت الكبرى والاب والصديق والحبيب وكل شيء لاخواتها وتركت دراستها من اجلهم وفي الايام الاولى عندما كانوا فقراء حين اختفى والدهم كانت هي التي تطبخ لهم وتغسل ثيابهم وتقص عليهم قصص ما قبل النوم كانت تفعل لهم كل شيء الى درجة انها نست نفسها كليا كليا كليا ومن يراها يظن بانها امهم وكل من يراها يزيد على عمرها عشرة اعوام واصبحت حدودها هي منزلهم الجديد الفخم لا تمتلك الا صديقة واحده فقط ولا تفكر كغيرها من بنات جيلها الى درجة انها لا تهتم بمظهرها كليا.
بدر الى الان وصورة والده لم تغيب عن ناظريه الى الان بالرغم من القصر الذين يسكنون به والسياره (اخر موديل) والحريه المطلقه ولكنه دائما يتخيل اباه واقف امامه لذلك ظل كما هو لم يتغير كثيرا ربما من الخارج ولكن من الداخل فهو كما كان (ماشي تحت الساس) وعلى العكس يعقوب
فقد وجد نفسه يمتلك كل شيء ويفعل كل شيء دون حسيب او رقيب فاصبح يجري وراء رغباته ونزواته وسفراته الخاطفه من اجل الحرام يعقوب يفعل كل ذلك ليثبت لنفسه بانه رجل وانه لا يخشى والده فهو يملك المال وووووو وكل شيء
لماذا لا يسلك طريق الخطا .......؟
ريم لم تعرف يوما الاشاره الحمراه طوال حياتها وهي ترا امامها الضوء الاخضر في اللبس وطريقة التفكير وكل شيء ولكنها تخفي بداخلها قلب صغير وعقل ليس ناضج الى الان
شوق الصغيره التي الى يومنا هذا لم تحدد طريقها بعد

هذي المقدمه والان لندخل بصلب القصه ولكن بعد مرور 10 سنوات على اختفاء الوالد اصبحت اعمارهم
ساره27 .بدر25.يعقوب.23.ريم.17ونص.شوق16
وهم الان يسكنون مع عمتهم مرام في منزل كبير بعد الثراء المفاجيء................. [/size]

يا ذباحة الحايل ويا لطامة العايل.....اتمنى القى الدعم منكم مو من الغرب
وانا دخلت منتديات لقبائل ثانيه ولقيت منهم كل الدعم والتشجيع لي.......ولقيتهم ياخذون بايد كل موهبه من ابناء القبيله نفسها وحز بخاطري وقلت مثلما قال ولد عمي يوسف
اذن السالفه عزاوي اردها على الرد الرهاوي اردها على ربعي العتبان مخلفة الهقاوي
متاكد منتوا مخيبين ظني يا خوال النبي

صياحي
12-29-2007, 06:25 AM
هذي المقدمه وبعد شوي انزللكم باجي الاجزاء

المقاطى_q8
12-29-2007, 10:16 AM
رائع يالشيخ
هذي المقدمه
الله يعطيك العافيه
بنتظار

- باجي الأجزاء -

صياحي
12-30-2007, 05:30 AM
يعطيك الف عافيه يا المقاطي

وانا بانتظار تفاعل اكبر من جذيه

d-r
12-31-2007, 12:43 AM
ياسلام ياكاتب عتيبه
وكاتب المنتدى
رررررررررح ونحنو معك
-----وشكرا

الــولــيــد
12-31-2007, 02:44 PM
جزاك الله خير اخي على الموضوع الرائعه






تقبل مروري

أبـو فيصل
12-31-2007, 08:25 PM
جزااك اللــه خير

موضووع راائع


تقبل مرووووري

صياحي
01-02-2008, 01:14 AM
الف شكر لكم على تفاعلكم معاي وان شا الله اكون عند حسن ظنكم

صياحي
01-02-2008, 01:22 AM
في احد الايام
بدر: سااااااااره ساره
ساره: نعم
بدر: وين يعقوب
ساره:بصراحه هو من البارح مو فالبيت
بدر: لا تقولين مسافر البحرين
ساره: بدر خل اليوم يعدي على خير ولك مني اني اكلمه وما يصير خاطرك الا طيب
بدر:هالمره بطوفها عشانج بس المره اليايه راح يكونلي تصرف ثاني معاه

ونفس اليوم الفجر
وصل يعقوب من السفر
وساره تدري متى راح يوصل وقعدت تنطره عند الباب الخارجي عشان تكلمه قبل لا يشوفه بدر وتصير بينهم مشكله
ساره: يعقوب تعال معاي غرفتي
بغرفة ساره
يعقوب: ماكو الحمد الله عالسلامه تو ما نور البي
قاطعته ساره: انت وبعدين معاك عيزت وانا ارقعلك واليوم بدر سئلني عنك وانا هديته بس لي متى بتم اهديه
يعقوب: انا ماني صغير انا ريال ومحد له كلمه علي
طلع يعقوب من غرفة ساره وشافه بدر
بدر: انت ما تقدر احد البيت صاير جنه فندق تبدل وتطلع وتغط بالايام
يعقوب: اقول استرييييييييييح انت اخوي مو ابوي مالك كلمه علي لك كلمه على خواتك انت حر وياهم اما انا لا انا ريال
بدر(بصراخ): انت محد مالي عينك الظاهر اني راح استخدم اسلوب ثاني معاك
رد عليه بعقوب (بصراخ):ورني الاسلوب الثاني انا بشوف شبتسوي
دخلت على الصراخ عمتهم (مرام)
العمه مرام: بدر يعقوب بسكم نجره (بصيغة السؤال) انا موجوده وتناجرون ....
رد عليها بدر وهو يصارخ: انتي موجوده شكليا لكن هاده البيت بللي فيه وكل واحد يسوي اللي يبيه
مرام (خانقتها العبره):انا يا بدر ينقاللي هالكلام وانا اللي مو مخليه عليكم قاصر
طلعت على صوت الصراخ ساره وخذت يعقوب معاها غرفتها ..... عشان ما تكبر المشكله
بدر: وشنو اللي ضيعنا غير الدلع الزايد
مرام راحت غرفتها تبجي
بدر طلع من البيت
وبنفس الوقت كانوا ريم وشوق عند الدرج يتسمعون
ريم: ابييييييييييه صارت مشكله بينهم
شوق مسكت ايد ريم : انا خايفه انا خايفه (وبجت)
ريم حضنتها وتحاول تهديها (شوق عندها فوبيا من كل شي من طفولتها لغاية يومنا هذا وهي تخاف من الصوت العالي دايما تحس انه بعد الصوت العالي راح تفقد احد)
ريم: شوق شفيج تبجين ؟
شوق: تذكرت شكان يسوي فينا ابوي
ريم والدموع بعينها : ذكرتيني بجرح كبير ما ينسي الظاهر حتى بيوم العطله مشاكل امشي داري قبل لا يحوشنا طشار
بغرفة ساره
ساره: انت لازم تتاسف من بدر مو كافي كدرت امنا
يعقوب: اووووووووووووووووووه
وطلع من الغرفه وسكر الباب حيل وراح غرفته
ساره: فوق شينه قوات عينه
ساره راحت غرفة ريم
كانت ريم حاضنه شوق
دخلت ساره
ساره: انتوا هني وما شفتوا الهواش اللي صار
ريم غمزت لساره
ريم: هههههه ما صار الا الخير
ساره مستغربه
ريم اشرت لساره بايدها اطلعي
طلعت ساره
ريم الحقت ساره
ريم: انتي شلون تقولين جدام شوق جذيه
ساره: ليش
ريم: صارلها ساعه تبجي وانا اهديها وتقول تذكرت بسبة الصوت ايام (باستهزاء) الوالد
ساره: من قاللج اني انا اصلا نسيت ايامه خليها على الله
راحت ساره غرفتها بدون ما تتكلم أي كلمه زياده
ريم: مالت على حظي الناس ابوهم يتركلهم فلوس او حتى ذكريات حلوه ابونا ما ترك لنا الا الهم والغم
يطق باب غرفة مرام
مرام: منو
بدر: يما انا بدر
مرام: ادخل
دخل بدر وباس راسها وايدها
بدر: يما سامحيني كنت معصب
مرام: عمري ما ازعل منك وما يصير خاطرك الا طيب انا الحين اكلم يعقوب
بغرفة يعقوب
مرام: وانا عاذرتك بس انا لي غلاة عندك
يعقوب: هذي ما يبيلها حجي
مرام: تنزل تتاسف من بدر يما ترى عقب عيني مالكم الا بدر
يعقوب: بعد عمر طويل الحين انزل اكلمه
يعقوب راح الصاله وشاف بدر
يعقوب: بدر انا اسف ولا تاخذ بخاطرك
بدر:انا مو شايل عليك بس قبل لا تسوي شي حطني بالصوره ما يصير ادور عليك انصدم انك مسافر
يعقوب: معاك حق وصدقني اخر مره
مرام: ايه ابيكم على قلب واحد وما يفرق بينكم شي

(سقط سهوا .... احداث القصه تدور في اواخر عام 2005 وبداية 2006)
في اليوم التالي
العايله مجتمعه بالصاله
قناة الكويت حاطين اعلان عن مباراة القادسيه على لقب كاس الخليج للانديه
يعقوب: انا متاكد انه الفوز لنا (يعقوب قدساوي حد الدعسه)
ريم: ايه من قدك رفيجك الروح بالروح احسن لاعب عندنا بالقادسيه (احمد العصيمي) (باسلوب استعطاف) يعقوب ابي اصور معاه واحر البنات عفيه عفيه
بدر:انتي صاحيه فيه بنت تتكلم هالكلام جدام اخوانها
يعقوب: ريم تبين تصورين معاه
ريم : yes
يعقوب: استريييحي الظاهر انج من زمان ما نطقيتي في واحد يودي اخته لرفيجه ويقول له صور معاها
ريم:وااااااااي من كلامكم طلع غبااااااار
ساره: ريم خلاص اقصاه لاعب لا راح ولا رد
شوق: انا مستحيل اصور مع ريال غريب صج ما تستحين
ريم: يما منج منو اللي ميمعه صوره
يعقوب: استريييييييحو سدوا الموضوع والله لو تشوفون شكثر يتعبون اللاعبين هادين وظايفهم ودراستهم وبعضهم هادين عيالهم عشان الديره وفي الاخير وبكل بساطه ييي واحد دخيل على الصحافه ينتقد اللاعب لاسباب شخصيه ومرات عشان يكره نادي اللاعب
ريم:شهالحماس كل هذا عشان رفيجك اللاعب
يعقوب: استريييييحي انا قدساوي ودمي اصفر قبل لا يلعب رفيجي
شوق: دمك اصفر عبلي قلاص
(ويضحكون كلهم)
بدر: انا خايف ما يفوزون باجر
يعقوب: ههههه ضحكتني وانا مالي خلق اضحك هذا نادي القادسيه النادي الملكي اللي ياب لنا كا
ريم قاطعته: شوق انا بروح غرفتي تعالي معاي اخوج يبي يقول لنا النشيد القومي مثل كل يوم
وطلعوا ريم وشوق من الصاله
ساره: وين امي
بدر:والله امنا غريبه تدش وتطلع وما ندري وين تروح والالف عندها مثل الدينار
يعقوب: هاه بدر شتقصد شكلك تلمح لشي
ساره: انتوا شفيكم نسيتوا انه امنا دخلت باكثر من مشروع من ايام بيتنا القديم
يعقوب: استريييييييييحي انتي بومه ما تذكرين الا الشي اللي يكدر خليج كووووووووول انطقي بالخير
بدر: ما اختلفنا لكن فلوس من غير مصدر دخل ثابت ومن اول مره ربحت ......؟
ساره: مرات الواحد يكون ما يعرف احسن لانه مرات الحقيقه تكون مره خلنا جذيه ولا تنسى انها امنا وضحت بكل شي عشانا
رن تليفون يعقوب ((انت في وادي والدنيا... وطلع بسررررعه
بدر: شفيه ليش ما يتكلم جدامنا
ساره: يمكن عنده موضوع خاص وتضحك
بدر : انا ماشي تبين شي
ساره: ما ابي الا سلامتك
بدر: انتي الوحيده اللي كلامج يفرح القلب مو اخوانج الثلاثي المزعج
ساره: اذا انا كلامي على قولتك يفرح قلبك انا منو يفرح قلبي
بدر: شفيج ساره عسى ما شر لا يكون طايحه بمشكله
ساره: لا موطايحه بمشكله بس تكلمت بصوت عالي لا اكثر ولا اقل ولا تشغل نفسك انا كالعاده اشكي لنفسي واحل مشاكلي بدون ما ازعج احد
بدر: على راحتج ويا ليت خواتج نفسج والله يعطيج على قد نيتج انا بطلع مع السلامه
ساره: تتنهد الله معاك
وراحت ساره لغرفة ريم
ريم: اطلعوا اخوانج اللي من العصر الحجري
ساره: اخوانج مثلما هم اخواني
ريم: no way انتوا كل كلامكم جد لا تدققين بكل كلمه راح تتعبين و لا تزعلين اخواننا خرجوا (باللغه العربيه الفصحى)
ساره: ايه على قولتج خرجوا
ريم: لو مو انتي يا شوق جان انينيت لانه الي يقعد بهالبيت يا يين يا يستخف
شوق: عاد تقدرين
ريم: اطلب يا جميل شلون تبين تعرفين اني اغليج
شوق: نطلع نتمشى وتعزميني على السينما
ريم: يا غالي والطلب سينما روحي البسي وانا بلبس هههه من غير مطرود يا خواتي العزيزات عشان ببدل ملابسي
راحت شوق غرفتها عشان تلبس
وراحت ساره لغرفتها وهي تقول لنفسها
:حتى تعالي ما قالوالي وانا اللي ضيعت عمري عشانهم وكنت بحسبة امهم الظاهر اني انا الوحيده اللي فاهمه الدنيا غلط وحابسه نفسي بين اربع اطوف
ولبسوا ريم وشوق وراحوا مع السايق
وبهالوقت كانت ساره تبجي على عمرها اللي ضاع وعلى انها حرمت نفسها من كل شي عشانهم حتى دراستها ما كملتها اهتمت فيهم ونست نفسها
وبالطريج
ريم: اووووووووووووه نسيت لا اعزم ساره
شوق: انا حسبالي ما تبينها
ريم: حرام عليج صج انها دمها ثقيل وعمرها ما ابتسمت بس انتي ظلمتيني الحين بدق عليها
دقت ريم على ساره
ريم: هااااااااي ساره احنا ما بعدنا واايد تبينا نمرج
ساره: لا مشكوره الشي اللي ما يي بنفس ما ابيه مع السلامه
قالت ريم لشوق: ساره كلمتني وهي معصبه مالي نفس اطلع وساره زعلانه مني
شوق: لقيتها نش...
بهالوقت ساره تتكلم بالتليفون
: هلا دكتور رافت انا يايتلك بالطريج
بهالوقت
يعقوب بقهوه مع نجم القادسيه (احمد العصيمي)
يعقوب:والله ما ادري يا بوشهاب شخذيت من هالكره
لا تدخن ولا تشيش ولا تروح ولا ترد ولا استفدت شي
احمد العصيمي: يعقوب بالعكس والله لما اشوف الجمهور يطلع مستانس تسوى الدنيا وما فيها
يعقوب: عاد انته ما شا الله لك شعبيه ياخي صرت اغار منك انا قاعد معاك وكاشخ وهالله هالله وييونك هالمعجبات الصااااروخ على ابو انه يبون توقيع .....علينا هالسواف
احمد العصيمي: يعقوب انته تدري انهم كلهم مثل خواتي وتدري عن مشكلتي بس شسوي امووووووت على الكره واحبها حيل
يعقوب: وهذا ابوها بعد كلللللش ما معاه حق يخيرك بين بنته وبين الكره
احمد العصيمي: وهذا انا محتاااااار يا يعقوب ليش شفيه اللاعب ؟ وشينقص عن غيره لو تشوف باوروبا يحطون اللاعب فوق روسهم ويوفرونله كل شي وابوها يقول يا الكره يا بنتي وانا محتار
يعقوب: وانا بعد شفيني افتح معاك هالمواضيع يبا باجر المباراه وقط كل شي وراااااااااااك ياجر باذن الله الكاس لنا
يعقوب: تدري عاد انه لما تطري على بالي بالملعب (حبيبته)
تجيني طاااااااقه واشد حيلي عشان يحس ابوها اني انا فنان ما العب بالسكه
يعقوب: والله العظيم ما تسوى عليكم تلعبون وترفعون اسم الديره و لا عطوكم الاحتراف او أي شي مثل بره
احمد العصيمي: خل اللي بالقلب بالقلب بس والله لو مو معزتك جان ما طلعت خصوصا انه باجر المباراه
يعقوب: ولييييييش هذي يبيلها كلام حبيبي غصبا عنك احنا ربع واكثر من اخوان من ايام .......... (واستمروا يسترجعون ذكريات الماضي)
بنفس هالوقت
ريم وشوق بالمارينا
ريم: ها شرايج تتوقعين يبتها رايت ولا
شوق: حدها حللللللللوه
بنفس هالوقت
ساره: يعطيك الف عافيه دكتور
ورجعت البيت
وبعد نص الليل
ردوا ريم وشوق من السوق
وراحوا غرفة ساره
ريم: سارونه يايبه لج هديه بس اول شي غمضي
ساره:ما ابي منج شي لو سمحتوا طلعوا بره بنام
وطلعتهم وسكرت الباب وعقبها بشوي قالت لنفسها
:انا شلون سويت جذيه هذا وانا الكبيره اصير انا والزمن عليهم
راحت ساره لغرفة ريم
ساره: شلون الحلوين
ريم: انا لوني يعتمد عليج اذا زعلانه مني انا مو okواذا مو زعلانه مني انا ok
ساره:انا ما عندي نظر ازعل من احلى خوات بالكويت
ريم: تفضلي يا احلى اخت بالكويت
ساره: الله عاد هالعطر خاطري فيه
ريم: اهم شي الهديه عجبتج
ساره:كل شي منج حلو ريم انا اختج بروحج ولا اختج واخت بعض الناس
شوق: اذا تقصديني انا ما يبتلج شي عن اذنكم بنام
وطلعت شوق من الغرفه
راحت شوق غرفة ساره
ساره : ريم شفيها شوق لا يكون انا مزعلتها
ريم: ما عليج منها هذي ياهل شرايج تسهرين معاي
ساره:والله دايخه حيل واليايات اكثر
ريم: على راحتج بس متى ما تبيني تعالي غرفتي ابرك من مقابل وييه اخوانج اللي من العصر الحجري
وطلعت ساره وراحت غرفتها
لقت علبه مغلفه وورقه مكتوب عليها
:ساره انا حبيت اعطيج الهديه بس على طريقتي الخاصه يعني سويت فيج مقلب مشترك مني ومن ريم تعيشين وتاكلين غيرها ....حبيبتج شوق
ساره: الله لا يحرمني منكم الحين انام وانا مرتاحه انه عندي خوات يحبوني الله لا يغير علينا

d-r
01-02-2008, 03:43 AM
ياسلام متابعين
------وشكرا

عشق عتيبه
01-02-2008, 04:19 AM
والله لايحرمنا منك واكمل............................................. ...................................

صياحي
01-03-2008, 10:19 AM
اخواني
الف مليار شكر ...........على دعمكم لي

ممكن طلب


ما ابي احد يقوللي شكرا او يعطيك العافيه لاااااااااااا ابي احد يوجهني ويقوللي شنو نقاط الضعف ونقاط القوه في قصتي


وعسا ربي يدوم عز عتيبة الهيلا ..........امييييييييييييييييييييين

وعسانا دوم على قلب واحد ونوقف مع بعض بالافراح والاحزان
ومثلما صوتوا ليوسف العصيمي .............ووقمتوا معاه
اتمنى توقفون معاي..........انا ما ابي منكم تصويت وما ابي اخسركم
ما ابي غير ........رايكم بصراحه وبسسسسسسسسسسسسسسسسسسسسسسس

اخوكم
احمد خالد الصياح العصيمي العتيبي

صياحي
01-05-2008, 09:16 AM
في اليوم التالي
كانو كلهم مجتمعين عالغدا
بدر: يما زين شفناج
يعقوب: نزلي الجام عطينا ويييييه
مرام: انتوا بقلبي وانا مخليتكم عند ساره بس الشغل يحتاج تفرغ
بدر: يما شنو الشغل نبي نعرف
مرام بعصبيه:من متى تحاسبوني انا امكم انا اللي اسئل
ساره: بدر مو وقته
ريم: يما انا الصراحه ابي زياده بالمصروف
يعقوب: استرييييحي اذا لموظفين للحين ماخذوا الزياده انتي تاخذين ويا ويهج
ريم: انا موظفه عند احلى ام يعني احسن من كل الوزارات
مرام:انا اعطيكم مصروف يكفيكم ويزيد بس اذا تبون زياده من هالعين قبل هالعين
بدر: يما الفلوس بيد الصغار تضر ما تنفع
ريم:انت ليش ما تنطق لو بالغلط بشي حلو امي تبي تزيد مصروفنا انت شكو قاط ويهك انا مو صغيره انا بكمل ال18
شوق: لا هو يقصدني انا بس حره يا العذال امي بتزيد مصروفي
يعقوب:استرييييحوا والله انتوا فاضين انا بوادي وانتوا بوادي اليوم يلعبون القادسيه ولكم مني اذا فازوا اعزمكم على أي شي تبونه
ريم: اتفقنا لك مني بقلب بيتنا رابطه وراح البس اصفر انا قدساويه بس الحين اكثر واكثر لان العرض مغري
ساره: اهم شي اسم الكويت يكون عالي وانا متفائله
شوق: يما صارلنا ساعه نسولف وانتي مو معانا اللي ماخذ قلبج
مرام: محد ماخذ قلبي الا انتوا
بدر: احنا محظوظين فيج
ريم:هذي ما يبيلها حجي بس يليت الزياده بالمصروف تكون باقرب وقت
يعقوب: ننطر مجلس الامه لين يجتمعون
ساره: اذا راده عالمجلس فمحد مرجعنا ورا غير بعض الاعضاء اللي يبون يفرضون كلامهم عالكل ولي قال عضو ثاني راي يخالف رايه قام وجببه ولعنه (واللبيب بالاشاره يفهم)
ريم: انا مالي شغل ابي مصروفي يزيد
مرام: ان شا الله بزيد مصروفكم دبل
يعقوب: الوقت صاير بطيء متى تبدا المباراه
شوق: اكيد بتروح مثل كل مره الملعب
يعقوب: استرييييييحي اذا انا ما اروح منو يروح
ريم: يا حظك بتشوف احمد العصيمي
يعقوب: بس عاد سكتي لا اهفج باكبر ما عندي
ساره:خلها يعقوب اهم شي انكم تشجعون باحترام لانه المباراه منقوله بالتلفزيون يعني أي تصرف متهور راح يقلب النتيجه من فوز لي خساره وبجذيه يضر ناديه والكويت
ريم: صايره تتحجين مثل المثقفين
ساره: من كثر قعدتي بالبيت اقضي وقتي بالقرايه
يعقوب: انا بطلع على ما البس وامر الربع واروح الملعب
وطلع يعقوب
وبعدها بفتره
كانوا ريم وساره وشوق بالصاله يتابعون المباراه
وشوق غيرت القناه وحطت على الراي كانوا حاطين دعاية برنامج الدكتوره فوزيه الدريع
ريم: غيري غيري ردي عالمباراه شقالولج ميانين نتابعها
ساره بعصبيه: ومنو قاللج انه اللي يتعالج عند دكتور نفسي مينون بالعكس الدكتوره فوزيه الدريع تحل مشاكل الناس وهي مره فاهمه ودارسه
ريم: على قولة يعقوب استريييييييحي حتى انا اقدر اقول يا عيوني يا عيوني
ساره بعصبيه اكبر: انتي الكلام معاج ضايع
وطلعت ساره من الصاله
ريم: شوق ردي على القناه الثالثه خلينا نشوف النتيجه الله يستر
بعد وقت عصيب وقلوبنا كانت تدق اكثر من دقات الساعه
صفر الحكم
وطارت العقل وانرسمت بشفاهنا الفرحه
وجابولنا الكاس ابتسم فانت قدساوي
رد يعقوب عقب المباراه بساعات
ريم: الف الف اف مبروك
يعقوب: الله يبارك فيج سمعي شكتبت بالطريج
قدساوي ودمي اصفر
قدساوي وكلي فخر
اعشق الملكي وحبه يسري بشراييني شرايج ريم
ريم:الله حييييييييل حلوه
يعقوب: مشكوره ريم طافكم سوينا مسيره لي حولي
مرام: ايه وضايقتوا الناس وهرنات وازعاج وفيه ناس علقوا بالزحمه
يعقوب: شكو شكو هذا بهذا يما هذا انجاز ينضاف لانجازات الرياضه الكويتيه
مرام: يعقوب فيه ناس عندهم حالات ضروريه شذمبهم يعلقون بالزحمه وهذا غير الحوادث والتقحيص عبر عن وناستك بس لا تضايق احد
ريم: لا تضيع السالفه انت عازمنا
يعقوب: اكيد والمكان اللي تبونه
ريم: اصوله يايتنا الكويت وابي احضر حفلتها لاني اموت اموت اموت عليها
ساره: لا تموتين صج كل هالحب عشان وحده ولا عمرج شفتيها
ريم: عاد انتي متخلفه اهم شي يعقوب احجزلنا لاني ميته على شوفتها
زعلت ساره من كلمة متخلفه بس ما بينتلهم
يعقوب: اوكيه على الاقل اصاله احسن من غيرها اللي مالهم علاقه بالفن
مرام: يما يعقوب احجزلي معاكم من زمان ما رفهت عن نفسي
وبعدها
بغرفة شوق
دخلت ريم وهي تصااااااااااااااارخ: بشووووووووووووووف اصوله بشووووووووووووووفها
شوق: صج وين وشلون ترا ماني فاهمه
ريم: اصاله راح تيينا الكويت ويعقوب راح يحجزلي وبروح الحفله
شوق: اخيرا تحقق حلمج وراح تشوفينها لانج ملوعه جبدنا فيها صورها بغرفتج والحمد الله والشكر حاطه صندوق متروس صورها الله لا يبلانا على شنو تحبينها ما ادري
ريم: اقول حبيبتي مالي شغل بكلامج ادري محتره من حب اصاله لنا
شوق: الحمد الله والشكر هي شافتج عشان تحبج بس انتي تعرفين رايي فيها ما احبها لانها مغرووووره
طلعت ريم زعلانه من شوق

صياحي
01-05-2008, 09:18 AM
وبعدها بايام
بيوم الحفله
وهي بالطريج
ريم: يما انا بحلم ولا بعلم ماني مصدقه اني شوف اصاله يعقوب هفني كف
يعقوب: هذا احلى طلب قربي مني عشان اعطيج كف ينسيج اسمج
ريم: لا خلاص عاد انته حدك حاقد
ووصلوا
ودخلت اصاله نصري
على انغام اغنية توك على بالي
وريم نست نفسها وكانت تغني وتصفر مع المطربه الكبيره اصاله
يعقوب: ريم استرييييييحي لا اردج البيت فضحتينا
ريم: واااااااااااااااااي خلك ايزي
يعقوب: لا اكسبرس
مرام: بس سكتوا يايين نسمعها مو تتهاوشون
وكالعاده اختمت المطربه اصاله حفلتها على انغام رائعتها مبقاش انا
بس ريم ركضت ولحقت اصاله ورا الكواليس
ريم: اصاله
اصاله التفتت
جان ريم ترركض وتبوسها
واصاله ساكته
ريم: اصاله حياج الله بديرتنا وانا اموووت عليج
وانا اموت عليج والله يرحم ابوج ويخليلج عيالج يا رب فوق ما تتخيلين احبج
اصاله: مشكوره كتير وانا مبسوطه بالكويت واهلها الكتير طيبين وانا لولاكم ما صرت اصاله
ريم: واااااااااااي اصاله ماني مصدقه اني اكلمج تكفين هفيني كف
تضحك اصاله
ريم: الله ماني مصدقه انتي نفسنا تضحكين
اصاله: شو اسمك يا اموره
ريم: انا اسمي ريم
اصاله: بتسدقي انا كتير بحب هالاسم هو الفنان بيظلو انسان وحتى لوهوي ماكان حابب هيك ولكن سدقيني نحنا نفسكون وانا كتير بكزب وكتير بجرح ولكن بما اني مشهوره فالسلبيات يتظهر كتير بس سدقيني ما في فنان مغرور
ريم: اصاله وقعيلي واكتبيلي رقمج بليييز
وباستها لانها مو مصدقه
وصورت معاها
وطول الطريج وهي تسولف عنها
وووصلوا البيت وراحت ريم غرفتها وهي تغني اغاني المطربه اصاله

صياحي
01-10-2008, 08:45 PM
فااااااااااااااااااااااااااااا
في البدايه سر ونحن من ورائك ورفعتوا من معنوياتي
اخرتها ..............................ولا رد
مو هذي الهقاوي يا مخلفة الهقاوي
كلي امل انكم راح تردون مثل اول واحسن

المقاطى_q8
01-11-2008, 03:45 AM
مبدع اخوي صياحي

وانا حقاً متابع

والى الأمام واصل


تحياتي

صياحي
01-12-2008, 03:24 PM
الف شكر اخوي المقاطي

صياحي
01-12-2008, 04:10 PM
مرت ايام واسابيع
والشصيات على حطت اياديكم
ما تغير شي
اللهم ريم للحين تسولف عن اصوله
ومرام سافرت يومين وردت
وساره حابسه نفسها بغرفتها
ويعقوب سافر من اجل شهواته ورد
وسلامتكم
في احد الايام
دخلت ريم على اخوانها
ريم: عندي لكم سالفه ما راح تصدقونها
قالت ساره: قولي
ريم: دقت علي اليوم بنت ييراننا على ايام بيتنا القديم وتتشره علينا وتبي تشوفنا
ضحك يعقوب:اييه هذي اللي ابوها يبجي بعين وحده عشان يوفر
ضحكوا
ساره: ايه تذكرتها هذي ابوها حده بخيل والله ما انساها لما كنا محتاجينه يودينا المدرسه عشان ما كان عندنا سايق وبكل وقاحه قال لامنا (مرام) عطيني كل يوم دينار مع انه ريم وبنته بنفس المدرسه ومدارسكم بنفس الشارع
بدر: صج هالانسان جيرته نحس من بعدنا عنه واحنا باحسن حال
دخلت عمتهم مرام
مرام: تتكلمون عن منو ؟
ساره: نتكلم عن جارنا هههه بوهباش بنته داقه على ريم وتتشره وتقول ودها تشوفنا
مرام: شخباااااااري عقب هالسنين داقه علينا البنت ونعم فيها بس ابوها اعوذ بالله بخيل حتى بالكلام الحلو
يعقوب: امووووووت واشوفه الحين
ريم: حتى انا
مرام: شرايكم كلنا نروح ونزورهم منها نشوفهم ومنها نتطمش
الكل وافق
والكل طلع من الصاله وتموا ريم ويعقوب
ريم: انتوا لهيتوا بسالفة بوهباش بس محد فكر شلون عرفت رقمي انا استحيت اسئلها
يعقوب: عاد هذي سهله اسهل شي تطلعين ارقام الناس الكويت صغيره وماكو شي ينخش
ريم: عدل كلامك الواحد ما يقدر يخش شي بهالديره بس انا مستانسه اني بشوف رفيجتي وبالذات ابوها بوهباش تعال يعقوب هو شسمه احنا طلعنا عليه بوهباش بس هو شينقاله
يعقوب: والله ما ادري اصلا انا نسيييييته
وبعدها بغرفة مرام
كانت تسمع اغنية الفناااااان محمد عبده (ابعتذر عن كل شي الا الهوا ما للهوا عندي عذر)
وتبجي وتبجي وتبجي بجي يعور القلب
للحين احمد بقلبها
حاولت تنسا ملامحه بطبيعة باريس وحاولت تنسا دفا احساسه ببرودة جو عاصمة الضباب لندن
لفت العالم كله بس تم احمد بقلبها وهالشي صار يتعبها
صحيح هي اللي اختارت البعد ولكن قسما بالله برغم لوعة صدمة المحبوب اللي انصدم بقرار الفراق
اللوعه الاكبر تكون بقلب الحبيب اللي اختار الفراق
الفرق كبير
الحبيب اللي انصدم بقرار الطرف الثاني ضميره مرتاح
الحبيب اللي قرر الفراق ضميره ما يرتاح ولا قلبه يرتاح
عرفتوا الفرق
دايما يصورون لنا في الاغنيات انه الحبيب المصدوم يكون تعبان حيلللللل
لكن الواقع من وجهة نظري ومن تجربه
الحبيب اللي يقرر الفراق هو اللي يتعذب اكثر
وهذا الكلام ما انذكر باغنيات كثر ما ذكروا غدر الحبيب وغيره وغيره
تبقى وجهة نظر

وبنفس هالوقت
كانت فجر زايره ساره
فجر رفيجة ساره الوحيده
ساره حاولت انها تكون صداقات ولكن ما كان التوفيق حليفها
واكتفت بفجر وصارت صندوق اسرارها وكل شي بحياتها
خلوني اكلمكم عن فجر في سطور
: فجر نوع ناااادر من الاصدقاء مرت بازمه وساره وقفت معاها وقفه بطوليه من يومها وفجر قوت علاقتها بساره حيييل بس اللي يعذب فجر انه شعور رد الجميل طاغي على شعور الصداقه لانه ساره مو من النوع اللي تطلع وتروح وترد لا 24 ساعه بالبيت عكس فجر فصارت تغصب نفسها على الجيه لمجرد رد الدين.
ساره: ويا حيا الله من يانا
فجر: الله يحييج عااااد لا تحسسيني اني غريبه ترا اطلع
ساره: يا معوده ما صدقت اشوفج تبين تطلعين تو الناس ما مليت منج
فجر: يا سلاااااااام يعني لا ملييت مني بتطرديني
ساره: ههههه عسى الله يقطع سوالفج ما تيوزين
بهالوقت في غرفة ريم
ريم : شووقه منو تتوقعين ياخذ اللقب
شوق: شوفي السنه اللي طافت خذا اللقب هشام وقبلها عطيه فاتوقع هالسنه بنيه
ريم: لا لا لا يا رب محمد ابراهيم ولد الكويت
شوق: يااااا رب ياخذ اللقب منو بتييهم هالبرايم
ريم: ما ادري ما ثبتت
شوق: تتوقعين اصاله
ريم: الحمد الله والشكر اليوم يصادف أي تاريخ
شوق: 13\1\2006
ريم: افتحي صندوقي شوفي انا شنو كاتبه بالورقه البيضا
راحت شوق وفتحت الصندوق وقرت المكتوب وماتت من الضحك
شوق: الحمد الله والشكر كاتبه ( 13 \1\2006 يوم الجمعه حفلة اصاله بليالي الدوحه بتااااااابعها ) الحمد الله والشكر انينيتي
ريم: يا سلام تبيني اطوف علي حفلة اصاله يا حبيبتي انا اصلا احب صوت اصاله عالمسرح اكثر من الاشرطه
شوق: وانا ما احب صوتها لا بالمسرح ولا با
قاطعتها ريم: ههه ملييغه انا ما علي منج اليوم الساعه 11 حفلتها على قناة قطر وبتابعها

صياحي
01-12-2008, 04:11 PM
في اليوم التالي

بالصاله
مرام: يما ريم انا بخاطري اروح اشوف هالنسره ام حريصه
ريم: اخذيني معاج
مرام: انتي خذيتي عنوانهم
ريم: لا
مرام: شوفي دقي عليها وسحبي منها الحجي واخذي منها العنوان عشان نطب عليهم فجاه لاني عارفه ابوها ما يندي كلللش
ريم: اوكيه عاد انا احب هالسوالف
مرام: تعلميني فيج
ريم: ههههههههه
وبعدها
ريم: يما يما سويت اللي قلتيلي عليه
مرام: خلاص روحي قولي لكل اخوانج امي تقول لبسوا نبي نزورهم
وفعلا لبسوا وكشخخخخوا
وصلوا البيت
(بيت في منطقه عااااااديه )
خلوني اعرفكم عليهم
فايز رجل بدون جنسيه ...... هو في الواقع يملك جنسيه من دوله خليجيه ولكنه اخفاها عن الحكومه من اجل الحلم الكبير الجنسيه الكويتيه
رجل بخييييييييييييييل بكل شيء
حتى في الانجاب خخخخخخ رزقه الله ببنت واحده فقط
ومن شدة بخله اسماها حريصه
امراته كويتيه اصل ماده اولى
ولكن مثلما يقولون الحب عمي
ام حريصه: حصه
عشقت فايز الى الجنون وعشقت كل عيوبه ولكن بعد مرور الزمن اكتشفت انها ضحت من اجل سراب
كلما رات اخواتها ومستواهم المعيشي تتحسر على قرارها (بالزواج منه )
ابنته الوحيده حريصه: اعطاها الله الجمال ولكن حرمها من الاموال.... تعاني من عقدة اسمها ...ومستقبلها المجهول
دخلوا مرام وعيالها البيت
سلموا على اهل البيت
وتبادلوا الذكريات والاماكن
وحريصه اخذت ريم الى غرفتها المتواضعه
ولكن كان يدور حوار في الصاله
ابو حريصه (فايز): ها يا عيالي وين ابوكم
مرام بنبره حاده: ابوهم مات من زمان
ام حريصه(حصه): والله ما ندري لو كنا ندري جان حضرنا عزاه صج انه كان موذي وشراني ومحد سلم من شره من الجيران بس الله يرحمه
شوق: انتي هي هي لا تسبين ابوي ابوي احسن من ابوكم
ساره: شوق بس سكتي بس الكبار يتكلمون
بغرفة حريصه
حريصه انجنت من التحول اللي صار بحياة رفيجتها ريم
ريم: ايه كملي
حريصه: وبس جان نبيع بيتنا القديم ونجي هني
ريم: بصراحه فريجنا هذاك يلوع الجبد
حريصه: معاج حق
بقلبها: اكيد يلوع الجبد بس انا لي الله
ريم: تتوقعين منو شفت
حريصه: منو
ريم: اصاله نصري
حريصه بنفعال مبالغ فيه: ويعني ويعني واذا مو من زينها عاد
(حريصه ما تحب اصاله بس مو هذا السبب اللي خلاها تنفعل اللي خلاها تنفعل انها مو قادره تستوعب انه ريم اللي كانت قبل ما عندها مسجل الحين صارت تحضر حفلات يعني بختصار بدت تغار منها
ريم: شفيج شفيج هدي
حريصه: لا عادي بس ما احبها
بالصاله
بيت فايز خالي من كل شي ممكن فتون تقدمه لضيوفها
وللحين ما قدموا شي لضيوفهم
مرام: الاولين يقولون انه اهل البيت يقدمون شي لضيوفهم بس الحين كل شي صار عكس
حصه: تبي تغير الموضوع: ايه نسيت اسئلج انتي ام منو ما شفنا عيالج
مرام: انا ام بدر
ومسكت ايد بدر
حصه: عقب كل هالسنين ما تزوجتي انا بنت اختي عرسها الاسبوع الجاي
بهالوقت قامت حصه ودزت ولد اختها كان ببيتهم عشان يجيب عصير من البقاله من غير ما يدري ابوهباش اقصد ابو حريصه
وعقبها دخلت ريم الصاله
وحريصه كانت بالمطبخ عشان تحضر للضيوف العصير اللي من البقاله
فايز: بدر يا ولدي السياره اللي بره لك
بدر: ايه
فايز: والله اذكر سالفه تقول جنها صايره امس اذكر يوم كان ابوك يطقك جدام الناس بس عشان كنت تبي قاري
يعقوب بصراخ: انت صارلك ساعه تلف وتدور شتبي توصله وانا ساكت احتراما لسنك ولا جان لي كلام ثاني معاك انا ماشي
فايز: يا ولدي لا تزعل مني انا احبلكم الخير
مرام: يعقوب اقعد لا تخليني ازعل منك
دخلت حريصه عشان تقدم العصير اللي من البقاله
ابوها يطالعها بعينه وشوي ويحرقها من قوة نظراته
وقدمت العصير للعمه ما خذته ومحد قبل العصير الا يعقوب
لانه انبهر بجمالها
يعقوب :هذا احلى عصير شربته بحياتي
وضحكت مرام بصوت عالي لنها مستهزاه بضيافتهم
مرام:يا الله قعدتكم ما تنمل بس مظطرين نمشي
حريصه:لا تو الناس تعشوا معانا
فايز بانفعال: انا جم مره قايللج بطلي هاللقافه اللي فيج خلاص (بحره) يكفي العصير
حريصه: عاد راح اشتاقلكم
يعقوب: اكيد شعور متبادل
وحبها من اول نظره
اول ما ردوا البيت
شوق: شفتوا بوهباش شلون عصب لما عزمتنا بنته على العشى
ضحكوا
ساره: بصراحه انا ما ارتحت لهم
يعقوب: انا ارتحت وارتحت يا زين بيتهم
ريم: شالسالفه توك بغيت تتهاوش مع بوهباش
يعقوب: كنت غلطان ومعصب وطلعت حرتي فيه
راحت ريم غرفتها وهي تغني : لما جت عينك فعيني وابتدا بينهم كلام قلتلك مليون بحبك قلتها من غير كلام
توهق يعقوب وراح غرفته
بهالوقت فبيت فايز (بوحريصه)
فتون: بس بس كافي لا تعذبيني فوق عذابي
حريصه: يما ليش انا الوحيده اللي جذيه ليش يما
حصه: يا نظر عيني والله ما بيدي شي
حريصه: كله منج.....ليش خذيتي ابوي
حصه: يا يما متى تقنعين بحالج انا مو بيدي شي انتي حسبالج اني انا ما احتاج البس واكشج مثل كل خواتي وكل الحريم حسبالج اني ما ابي اعزم الناس ببيتي وبجت
حريصه قامت وباست راسها
دخل فايز
فايزومعاه العقال بيطق حريصه
ويصارخ: انا اعلمج شلون تجيبينلهم عصير بصراخ عصصصصير وطقها بالعقال
قامت وقفت بينهم حصه ونحاشت حريصه
وفايز طلع حرته بحصه

هذي حالتهم فايز لا يرحم ولا يبي يخلي رحمة رب الرحمه تنزل
بنفس هالوقت فبيت مرام
بغرفة ريم
ريم: شواقه ليش ما ييتي معاي ليش تميتي قاعده بالصاله معاهم
شوق: استحيت ايي وانتي ما ناديتيني
ريم: انا تميت اخزج ابيج تيين
شوق: هههه انا فهمتها انه اياني واياج تلحقينا
ريم:ههههه يحليلها حريصه استانست معاها تصدقين انها تبي تغير اسمها وتخليه افراح
شوق: والله ..... بيني وبينج اسمها بايخ
ريم: اوووووف انا ماني عارفه شلون صابره على عيشتها حرااام كسرت خاطري ...... حيل حيل مغبره عن كل شي مسكينه .....
شوق: ولا ابوها اللي يفشل ....امي تقول انه عنده همجة فلوس على قلبه بس ما يندي
ريم: حرام عليه افراح ما تستاهل حبيتها حيل حيل ما توقعت راح استانس معاها جذيه والله انها اصيله
شوق: شدعوه شدعوه كل هذا حب
ريم: والله تكسر خاطري
شوق: ايه لي الله
ريم هفتها بالمخده
ريم: انتي اختي ما اقارنج برفيجاتي والله انج مينونه
شوق: لا مو جذيه بس اكثر من مره ترفعين حق رفيجاتج واخر شي يطلعون اييييي شي
ريم: ههههه افراح مو رفيجه عاديه هذي بنت ييراننا من كنت صغيره
بغرفة يعقوب
يعقوب مو عارف ينام
يتقلب على السرير
حس بحساس غريب مو عارف شنو بالظبط بس يحس انه صار واحد جديد
وصورة افراح او حريصه سابقا بباله ومو عارف ينام
حط اغنية نوال الكويتيه ....انا ودي يا حبيبي اوصلك
وتم يسمعها بانصات وعقبها طرت بباله فكره..ارتاج جان ينااااااااااااام
بغرفة ساره
قالت ساره لنفسها : كل واحد بالبيت له قصه وحلم وطموح الا انا امس نفس اليوم نفس باجر نفس عقب باجر يا حظهم عالاقل يومياتهم تتغير انا بصراع مع النفس.

مندوب السلام
01-12-2008, 06:48 PM
مبدع اخوي صياحي وقلم له شأن انشاء الله
اخوي صياحي سؤال جانبي
الصياحي من الشفعان ولا من اي فخذ

صياحي
01-12-2008, 07:04 PM
اول شي مندوب السلام
فالك الجنه على كلامك الطيب

وبالنسبه للسؤال

حنا الصيايحه من المصارخه من الشفعان...............

وعسى ربي يسمع منك واكون كاتب كبيييييييييير وامثل عتيبه (مثل ما يمثل يام شاعرها المشهور)

صياحي
01-16-2008, 03:58 PM
>>>>>>>>>>>>>>>>>>>>>>>>>>>>>>>>>وينكم

مندوب السلام
01-16-2008, 05:05 PM
اخوي واصل وحنا متابعين لما تكتب
والمعلوم ان الكتابات الادبيه لاتستهوي كثير من الناس عشان كذا تجد العزوف

ارجوا ان لا يخذلك او يقلل من همتك في الكتابه



اخوك


مندوب الســـــــــــــــــــــــــــــــــــــــــــــــ ــــــــــــــــــــلام

صياحي
01-17-2008, 02:27 PM
الف شكر

صياحي
01-20-2008, 12:02 AM
اخواني اعضاء منتدى عتيبه ...................

انا حطيت بين اياديكم قصتي ك عربون تعارف بيني وبينكم

بس للاسف ما لقيت اي ردود

ليش.؟ ما ادري

عموما لكم مطلق الحريه انكم ما تبون تقرون قصتي

لكني من اليوم ورايح ماني كاتب اي حرف زياده بالقصه كللللللش

اتمنى من المشرفين يحذفون قصتي
لنه قصه بدون ردود ...........ما منها فود

فيا لختام سلام
اذا الشعر بحر وكل شاعر وله جمهور انا كلما غنيت زانتلي بحوره
ولاني بعد بيون شعري على الجمهور ليا صار ما تطلع مطاليع اخو نوره

يكفيني اني من حوالي 3 شهور مغير اركض وارجلي على الكرض مجبوره
مع حره كيعانها ما تنوش الزور على ظهرها ما غير بندق وباكوره

مواطن واطالبهم بحقي من الدستور ومشكور ما قصرت يا مجلس الشورى
ولاهو صحيح تحطني باخر الطابور على اساس لا عندي طوابع ولا صوره


اتمنى حذف قصتي لني خلاص مو شرط اكتب الاحداث الباجيه

ولد لا تقول الحق لا تكشف المستور عن الحق ثلثين السواليف محظوره
اخوكم
احمد خالد الصياح العصيمي العتيييييييييييييييييييييييييييييييييييييييييييييي يييييييييييييييبي

صياحي
01-20-2008, 01:21 AM
عموما .............................اعتبروا كلامي اللي من شوي كاني ما قلته.............. وراح اكتبلكم الجزء الجديد


يا رب القى ردوووووود

صياحي
01-20-2008, 01:23 AM
صباح اليوم التالي
يوم الاحد 15\1\2006
دخلت شوق بتسلم على امها (مرام) قبل لا تروح المدرسه
شافت مرام تبجي
دخلت شوق وشافت نعي
الامير جابر الله يرحمه بالتلفزيون
{من المؤمنين رجال صدقوا ما عاهدوا الله عليه فمنهم من قضى نحبه ومنهم من ينتظر وما بدلوا تبديلا}
صدق الله العظيم
شوق: عظم الله اجرج يما
مرام: اجرنا واجرج
شوق: انا بروح المدرسه علي امتحان
مرام وهي تبجي: ماكو مدرسه عطله 3 ايام
شوق: هيااا عاد اليوم الامتحان صعب وما درست عدل
مرام: انا لله وانا اليه راجعون روحي بدلي ملابسج
الساعه 9 الصبح
يعقوب وريم سمعوا صوت القران الكريم
دخلوا الصاله لقوا مرام تبجي
وشافوا نعي امير الكويت جابر الاحمد رحمه الله
{يا ايها النفس المطمئنه ارجعي الى ربك راضية مرضيه وادخلي في عبادي وادخلي في جنتي}صدق الله العظيم
يعقوب بصوت مخنوق: يعني ما راح نشوفه
مرام: احنا مو بيدنا غير الدعاء له
ريم وهي تبجي : ولا عمري تخيلت الكويت من غير بابا جابر
دخلت ساره وبيدها كوب حليب لما قرت الخبر طاح من ايدها الكوب وبجت وراحت غرفتها
عقبها الظهر قام بدر ولما درا بوفاة امير الشعب الكويتي تاثر حيل
بدر: انا لله وانا اليه راجعون.يلله يعقوب نروح المقبره
يعقوب: لا لا ما اقدر اشوفه بهالمنظر
وراح يعقوب غرفته
بدر: يا الله انا رايح
مرام: اخذني معاك
بدر: يما ما يصير تروحين
مرام: مستحيل اقعد بالبيت هذا جابر ابونا
وراحوا المقبره
(كان المشهد مهوووول اشبه ما يكون بالمبايعه من الشعب الى ماله نهايه لبابا حابر
والخبر هز العالم كلله وبجت جابر الخير اليتامي والفقارا بكل بقاع الارض....واهتز لوفاته اعظم كراسي الرياسه وهدوا كل ممتلكاتهم وجو الكويت يعزونا بوفاة اميرنا الغااااللي
وبجينا عليه حيييييل بس لو البجي يرجع اللي راح جان بجيناك العمر يا امير كل هالبشر ....احبك حيل
احمد خالد العصيمي العتيبي

كيف دسمان بلا جابر
اشوفه شعبي الصابر واقف بدمعته حاير
على الدوار يتسائل كيف دسمان بلا جابر
عرفنا جابر بدسمان ضيا القصر وبوجوده زان
ولا حل بخيال انسان كيف دسمان بلا جابر
من السور هلت دموعه قصره اللي عاش بربوعه
يعيش هالليله بلوعه كيف دسمان بلا جابر
يودع بيته الليله ابونا كلنا ندعيله ويصيح العالم بحيله
كيف دسمان بلا جابر يا شعب اصبر على مصابك
وفقدك اغلى احبابك يا جابر نبجي بغيابك
كيف دسمان بلا جابر كيف دسمان بلا جابر
(ملاحظه:مو انا اللي كاتبها بس قريتها بجردة الوطن..وما ادري بقلم منو....)
وردوا مرام وبدر من المقبره
ريم: يما ويهج اصفر روحي غرفتج وارتاحي وانا اييبلج أي شي تبينه بس ارتاحي
مرام: ما انلام يا ريم احنا اهل الكويت علاقتنا فيه علاقة ابو بعياله لو شفتي شلون اهل الكويت كللهم محد قعد ببيته كلهم هدوا كل شي لنهم يحبونه
ريم: يما هذا ابونا لو مهما نسوي ما نطلع من جزاه الله يرحمه
يعقوب: انا مو غاثني ورافع ضغطي الا قناة الجزيره عقب وفاته باقل من ساعه حاطين تقرير يقولون ان امير الكويت مات وانه من ارض الكويت تم احتلال العراق هذا كلام ينقال
مرام: يعقوب قناة الجزيره وغيرها عيزوا يبون يسوون فتنه لكن ما قدروا ولا راح يقدرون لاننا وحكامنا عايله وحده وين ساره
ريم: يما ساره بغرفتها
مرام: انا رايحتلها
صعدت مرام وراحت غرفة ساره
شافت ساره تبجي
مرام: يا حبيبتي يا ساره انتي جذيه تعذبينه ما ترحمينه هو ما يبي منج غير الدعاء له
ساره: ما اقدر اتخيل ان بابا جابر ...وسكتت. وبصوت مخنوق يموت
مرام: استغفري ربج الموت حق قومي صلي ركعتين وادعي له
ساره: انا الحين حسيت اني صج يتيمه من الصوبين لما امي ماتت ولما بابا جابر مات لني احسه ابوي اللي ما حسيت فيه
مرام: كان ابونا كلنا وبعده كلنا يتامى ....وانا يعني مو امج
وقامت ساره حضنتها وهي تبجي
(ساره انحرمت من ابوها الصجي وعوضت احساسها بجابر الخير وكانت صج صج تعتبره ابوها )
بالصاله
كانوا ريم ويعقوب شوق يتابعون قناة الكويت ويشوفون ملوك العالم وهم جايين يعزون بجابر الكويت
شوق: الله وناسه راح نعطل 3 ايام
يعقوب: انتي صج ما تستحين هذا جابر العثرات هذا ابونا بس فيه ناس ما عندهم ذرة وفاء
شوق: امممم يمكن كلامك صح بس انا ما اعرفه يعني عادي كان امير ومات
ريم: والله يا شوق ان قلتي هالكلام مره ثانيه ما راح اكلمج انا من الصبح ما وقفت دمعتي وماسكه نفسي وتقولين عاادي
شوق: اوووووووه ابونا ما حزنتوا عليه تحزنون على واحد ما شفتوه
وطلعت شوق
يعقوب: الله يعلم اني اعتبره اكثر من ابو الله يرحمه
ريم: الله يرحمه يعقوب وين بدر
يعقوب: انا اول مره اشوفه جذيه حزين تخيلي مر يمي ولا كلمني دخل غرفته وسكر الباب
دخلوا مرام وساره
مرام: اليوم كل رؤساء العالم يونا يعزونا وكل اهل الكويت الحزن بعيونهم والمرحوم اهل الكويت ما ينسون لما دمعت عينه في هيئة الامم المتحده وله معانا مواقف ما تنحصي
يعقوب: الله يرحمه وانا رايح غرفتي
مرام: ساره روحي اكلي لج شي من الصبح وانتي على لحم بطنج مو زين
ساره: منسده نفسي عن كل شي
مرام: على راحتج بس اذا تحبيني اكلي
ساره: ان شا الله
مرام: وين بدر
ريم: يعقوب يقول بداره
مرام: بروح اشوفه
راحت فتحت باب غرفته لقته يقرا القران الكريم ورجعت الصاله
مرام: ما شا الله شفت بدر يقرا القران الكريم الله يثبته ويهديكم
ريم: الله لا يبلانا انا بروح داري قبل لا يتوجهلي الكلام
طلعت ريم من الصاله
مرام: وهذي أي شي فيه ذكر او صلاه تنحاش
ساه: لا تلومينها اللي شافته مو شويه
مرام: صدقتي مرات ودي اكلمها بس تكسر خاطري ماابي اذكرها بابوها شين الحلايا
ساره: يما خليها لانه الله هو الهادي
بغرفة بدر
بدر يقرا القران الكريم والدموع تهطل من عيونه
وواجه نفسه لاول مره بحياته
وخذا قرار مهم راح يغير حياته من الى
وطول الليل وهو يقرا سورة التوبه بخشوع
مو طبيعي
بغرفة يعقوب
صار مدمن اغنية نوال الكويتيه ....انا ودي ...وقول احبك
باختصار ...كل شريط نوال 2002
قول احبك يبتسم عالم خيالي واحلم اني مالك الدنيا لحالي
اشتري كل النجوم من السما وما اخلي ورده تشعر بالضما
في بيت فايز
خيم عليهم الحزن
حالهم حال البيوت الكويتيه
الحب ما يعرف جنسيه اوبدون
الحب مشاعر واحاسيس . ع السطر
(بعز حزن اهل الكويت كانت قناة فلسطين تعرض مباراة كرة السله
والقناه العظيمه ستار اكاديمي
كانوا ولا جنه في امير مات عاااااادي
تمارين ورقص و م ص خ ر ه
ولا حسبوا لنا حساب
واحنا وبكل (....) ندفع دم قلبنا لهم
وقنة المستقبل كان يصادف نفس اليوم
حلقة سوبر ستار ولكنهم ما عرضوها وحطوا قران كريم على روح امير القلوب
وخلال ايام الحداد قام المطرب الكويتي حسين جاسم والد احمد حسين باحياء حفل غنائي في قطر
وجنه ماكو امير ميت يا مطربنا
واللي برد جبدي تصريح نوال الكويتيه
وانتقدته حيل (برافوا نوال )

المقاطى_q8
01-20-2008, 03:09 AM
كاتب رائع

استمر لى هالحال وحاول التطوير من نفسك وكتاباتك


اتوقع لك مستقبل باهر


تحياتي

صياحي
01-20-2008, 12:36 PM
المقاطي
شهادتك اعتز فيها .................بس لازم عشان اكمل اني الاقي الدعم منكم يا ذباحة الحايل

الــولــيــد
01-20-2008, 05:07 PM
بيض الله وجهك اخوووي صياحي


كما قال اخي المقاطيq8

اتوقع لك مستقبل مااهر



بالتوفيق

عشق عتيبه
01-20-2008, 06:15 PM
جيتك طايره قلت الولد اخاف سوا بنفسه شي انا والله كل ماتكتبه انسخه عندي وانتضر القصه تكمل وانت الله يهديك تقول لاتوجهوني ولا تردون على بس الف شكر

واكمل بدون ضيقه خلق ؟؟؟؟؟؟؟؟؟؟؟؟؟؟؟؟؟؟؟؟؟؟؟

صياحي
01-20-2008, 06:35 PM
فدييييييييييييييتكم
فديييييييييييييييييييييييييييييييييييييتكم واحد واحد
بس ممكن اوضح وجهة نظري

انا بين الفتره والثانيه انزل جزء من اجزاء قصتي ......حلو .......حلو

واكون طمعان اني اعرف اخذ رايكم..........لنه يهمني حييييييييل

ليش؟
انا اقوللكم

انا طمووووووووحي اني اكون اهم اديب عتيبي .......نظرا لقلة الكتاب العتبان....عشان جذيه ابي اخذ نصايحكم عشان لما انزلها ك روايه تنزل باحلى صوره
لني ما ارضى اكتب على القصه احمد العصيمي العتيبي ..........وهي فيها قصور

يعني اولا واخيرا هالقصه لكم انتوا ..........................

اتمنى وضحت فكرتي

وفديييييييييتكم

اذن السالفه صار تعزاوي اوردها على العد الرهاوي
اوردها على العتبان ربعي خل الفزعات مخلفة الهقاوي

الــولــيــد
01-21-2008, 08:44 PM
اذن السالفه صار تعزاوي اوردها على العد الرهاوي
اوردها على العتبان ربعي خل الفزعات مخلفة الهقاوي


تعزاوي>>>>>> عزاوي
خل>>>>>>>> هل


فالك البيرق

ــــــــــــــــــــــــــــــــــــــــــــــــــ ـــــــــــــ



شكر لك اخي لكن زي ما قالت اختي عشق كملهاا


ترا الصبر مفتاح الفرج

صياحي
01-21-2008, 11:38 PM
ابو يوسف تسسسسسسسسسسسسسلم وابشر بعزك

وبالنسبه لتعديلك على قصيدة اذن السالفه صارت عزاوي .....................

اهم شي تكون الفكره وصلت مو مهم الاخطاء لني كتبتها وانا حديييييي دايخ بنااااام
عشان جذيه طلعت بطريقة غللللللللللللللللللللللللظ ...............

عموما يا بويوسف فالك الجنه

صياحي
01-21-2008, 11:46 PM
في اليوم التالي
ريم : ما لاحظتوا رحنا بيت بوهباش وعقبها بساعات توفى بابا جابر الله يرحمه
مرام:طول عمرهم نحس اعوذ بلله
يعقوب: ريم استريييييييييييحي ولا تعمين
ريم: وانته شكو
مرام: بس انته وياها بدر وينه
يعقوب: من امس ما شفته
مرام: انا اليوم بسافر عندي شغله ضروريه لازم اخلصها ويوم او يومين بالكثير وراده
ساره: تروحين وتردين بالسلامه وانا مسؤوله عن اخواني بغيابج
رن تليفون ريم
(عالبال توك يا جميل والحين اشوفك مستحيل )
ريم: صج بوهباش عمره طويل داقه بنته بس مالي خلق ارد عليها والله عينها قويه داقه من تليفون بيت
مرام: ردي عليها يمكن تبي شي هي حبيبه وقلبها ابيض
شوق: شدعوه كل هالمدح حق بنت بوهباش ترا احنا عيالج
مرام: لا عاد ما اقارنج فيها هي لا راحت ولا ردت اقصاها بنت بوهباش
ضحكوا
دخل بدر الصاله
بدر: السلام عليكم ورحمة الله وبركاته
مرام: وينك بدر ما شفناك
بدر: انا عقب ما رحت امس المقبره وشفت نهاية الانسان خذيت اهم قرار بحياتي اني اتوب لربي
مرام: شوف بدر سو اللي تبيه لكن الشي لي زاد عن حده ينقلب ضده
اذن الظهر
بدر: انا بروح اصلي بالمسجد تعال معاي يعقوب
يعقوب: بللغه العربيه الفصحى ..جزاك الله خيرا يا فتى
بدر: انا ماني راد عليك بس لي كلام ثاني معاك
وراح بدر المسجد عشان يصلي الظهر
راحت العمه ترتب اغراضها للسفر
بالصاله
يعقوب: ريم انا بحلم ولا بعلم معقوله هذا بدر ولا اتخيل
ريم: الله يستر ترا مالي خلق للحنه والمشاكل
يعقوب: عشان تقدرين اخوج
ريم: عاد انته الغاااالي
يعقوب: جم تبين
ريم: عما بعينك يعني ما امدحك الا اذا بغيت شي
يعقوب: اتغشمر اتغشمر شفيج زعلتي
شوق: ملاااااااغه يوم الخميس علي امتحاااان
ريم: أيه والله ملااااااااغه
يعقوب: واااااك وااااااك انا عااااادي ما تفرق معاي وااايد بس انتوا اول مره تداومون الخميس واااك
ريم: ترا ماني ناقصتك اخر عمري بداوم يوم الخميس
يعقوب: ليش من قاعده تكلمني بنت نوريه الصبيح
ريم: عاااااد هذي ما احب اسمع اسمها حاطه دوبها ودوب الطلبه
شوق: تخيلوا يوم من الايام نداوم يوم الخميس
ريم: فال الله ولا فالج بس من نوريه الصبيح كل شي جايز
يعقوب: انتي لي كرهتي الواحد ما ترحمينه ولي حبيتي الواحد ترفعينه سابع سما
ريم: شياب لياب تقارن اصاله بنوريه الصبيح اصوله فديتها من خذيت منها رقمها وهي كل فتره تدزلي مسجات وعالاقل اصاله ما اذتني ولا طولت الدوام ولا خلت 7 حصص واشياء وايد
(بذيك الايام عسى الله لا يعيدها توفى الامير يوم الاحد وعطونا عطله لغاية يوم الثلاثا وخلونا لاول مره نداوم يوم الخميس عشان يعوضون اليومين اللي غبناهم ويعقوب جامعي متعود على الدوام يوم الخميس بس ريم و شوق اول مره ..........)
يعقوب: احنا طلعنا بره موضوعنا انا خايف على بدر
ريم: انا مستغربه من كلامه صاير كلامه جد وحابس روحه الله يستر يعقوب اقوللك بصراحه
يعقوب: لا تقولين
ريم: وويعه
يعقوب: هههههههههه قولي
ريم: انا حاسه انه بدر يبي يصير نفس ابوي
يعقوب: بصراحه حتى انا حسيت جذيه بس كنت متردد اقوللج
ريم: والحل
يعقوب: خلينا نعطيه فرصه يمكن هبه وتروح بس عسى الله يهديه ويشيل هالافكار اللي براسه
بنفس هالوقت
فبيت فايز
حصه حاطه على قناة الكويت وتبجي
دخلت عليها اقراح
افراح: يما للحين تبجين
حصه وهي تبجي: يا يما خسارته غاليه غاليه وتبجي
افراح: والحين منو صار الامير
حصه: سعد عسى الله يشافيه
افراح: يما انا سمعت من قناة الجزيره انه فيه ازمه بالحكم وانه
قاطعته حصه: يا يما لا تسمعين للجزيره وغيرها لا تصدقين شي الا من تلفزيون الكويت
بنفس هالوقت
ساره : الو انا يايتلك بالطريج
وركبت سيارتها
ووصلت
دخلت العماره
وصعدت الاصنصير
ودخلت الشقه .........................
يتبع في الجزء القادم

بس ودي اوضحلكم بعض الاشياء
ريم ويعقوب وشوق وكل البيت
عندهم أي واحد يربي اللحيه يعني متخلف( ارهابي )
وهذي الصوره بسبب والدهم.........المختفي
عشان جذيه اكيد تقولون انه ردة فعلهم مباللغ فيها
لكن لو حسيتوا بمرارة احساسهم ما راح تقولون انهم يبالغون

صياحي
01-21-2008, 11:52 PM
اخواني اعضاء منتديات عتيبه او بخلي البساط احمدي لني منكم وفيكم

يا عيال عمي...........يا العتبان..........ارد واقول للمره الثانيه

انا ودي امثل عتيبه مثل ما مثلنا يوسف العصيمي.....................

وانا منزل القصه عشان اعرف رايكم فيها

يعني انا شستفيد لو قلتولي يعطيك العافيه وبس سكتوا ............
لا طبنا ولا غدا الشر

لكن لما تنتقدوني وتوجهوني راح استفيد ..........

اقصد بالنقد السلب والايجاب............

لنه ترا المدح الزايد ما راح يفيدني

واتمنى وصلت وجهة نظري


الى ابو يوسف
ترا كتبت هالرد وانا فيني نوووووووووووم ودايخ والسموحه اذا فيها اغلاط .......هههههههههههههه

ويا رب القى ردود.............................................. ........................

يا صدري تحمل ضيقتك الوصدور قبور دفنا السوالف ما كشفنالها عوره

ولا اطير لامن طار عند العرب مطيور علشان تطلعله 30 مطيوووووووووووره

اخوكم
احمد الصياح العصيمي

صياحي
01-25-2008, 11:52 PM
بعد 3 ايام
يوم الخميس 19\1\2006
بهاليوم كانت مسيرة الوفاء
من قصر دسمان الى شارع الخليج
كانت تظاهره سلميه...من اجله رحمه الله
اه يا جابر الخير......فقدتك يا احن امير بالدنيا
الله يرحمك برحمته الواسعه
اليوم راح انقللكم خاطره ما ادري منو كتبها قصيتها من جريدة الوطن.....من كثر ما اعجبتني احس جني انا اللي كاتبها.......اخليكم تقرونها
انا الكويت يا جابر وانت الكويت
رحلت يا جابر الخير وليس كعادتك لم تخبرني..رحلت يا جابر الخير وبرحيلك افجعتني..رحلتك ليست كباقي الرحلات التي تجول فيها بارض الدنيا التي كنت انتظر عودتك منها واستقبلك كما اعتدت بالورود التي افترش بها ارضي وعطر العود الذي يفوح من يدي يا جابر الخير ..رحلتك هذه بعيدة عني ولا استطيع حتى الوصول اليك..فراقك عني قد حان يا جابر الخير ويا ربي ان تكون في ارض الخلود
برحيلك افجعتني كالبحر الهائج كالطفل الصارخ كالتائه فراقك زلزل ارضي فراقك فطر قلبي فراقك اوهنني افتقدتك يا جابر الخير بالامس كنت على ارضي تمشي واليوم باحضان قلبي تغفو يا جابر الخير يا جابر الخير انا ارضك انا حبيبتك الا تسمعني انا من عمرتني انا من ازهرتني انا التي جعلتني ارفع راسي بين دول العالم انا من جعلت علمي خفاقا يفرح الناظر انا التي جعلت من يدخل ارضي يندهش بجمالي انا التي من جعلتها عروس الخليج ومحط اهتمام العالم انا التي جعلتهم يا جابر الخير يتغنون بي يا جابر الخير الا تسمعني الا تسمعني الا تسمعني اصبح وجهي شاحبا من كثرة بكائي عليك فياليتك تجيبني ....
انا الكويت انا الكويت يا جابر الخير وانت الكويت...)
بابا جابر احبك كثر عطاياك وكثر ما تمنيت ربي يعطيني لو ربي مزاياك....ولدك احمد خالد العصيمي العتيبي
بهالوقت بعدما ردوا ابطالنا من مسيرة الوفاء
بالبيت
ساره: ريومه شلون الدراسه معاج
ريم: تمام
ساره: ان شا الله تييبين اكبر شهاده بالدنيا كلللللللللها
ريم: يااااا رب
ريم تطالع ساره باستغراب
ساره: شفيج ليش تطالعيني جذيه
ريم: ما ادري بس من زمااااااااان ما شفتج مستانسه جذيه
ساره: حييييييل مستااااااانسه ومتفائله من 3 ايام وانا مستانسه
ريم: عسا دوم مو بس يوم
رن تليفون ريم
(توك على بالي محبوبي الغالي يا سيدي عمرك طويل )
ريم: هلااا افراح الحمد الله بخير وانتي .... ايه ما عندي شغل اليوم .....حياج ......ناطرتج
وبعد انتهاء المكالمه
ريم: ساره افراح عزمت نفسها عندنا
ساره: حياها الله
شوق دخلت الصاله
شوق: جني سمعت انه فيه احد بيزورنا
ريم: افراح بتزورونا
شوق: الله لا يحييها
ريم: عما بعينج
شوق: مشكوره انا عما بعيني عشانها خليها تنفعج
وطلعت من الصاله
ريم: شفتيها شفتيها
ساره: انا الحين اكلمها
بغرفة يعقوب
يعقوب: استرييييييييييييح صارلي ساعه اسمعك تخربط على راسي بس غير الموضوع
بدر: اتق الله يا يعقوب كلام الله والرسول مو خرابيط
يعقوب: بس يبتلي الصداع يا ابن الناس ..... اطلع بره غرفتي
بدر: هداك الله هداك الله ......صبر جميل وبالله المستعان
وجا موعد زيارة افراح
دخلت افراح بيت ريم
بيت كبير واثاث فخم وحديقه كبيييره وسايق وخدم وطباخين ما شافت بيت جذيه الا في سبيس تون .....لا وعلى ايام ما كانت البحرين تنقل سبيستون من الصبح لي المغرب
انصدمت من هالعز اللي عايشه فيه ريم
وقالت لنفسها
: شنو هذا شهالعز والقصر ...... مو انا اللي عايشه بكوخ
بس ان ما قلبت حياتكم فوق تحت ما اطلع بنت ابوي
بغرفة شوق
ساره: شواقه بس هذا اللي مزعلج......انتي تتخيلين انه ريم راح تحب احد اكثر منج
شوق: ايه تحب هذي الدعله (افراح) اللي تشابه اخت ابوهباش (اللي بالمسلسل)
ساره: هههههه حتى وانتي معصبه دمج عسسسسسسل
شوق: ايه هذا الكلام السنع .....مو ريم من اقعد وياها يا تقوللي شكثر تحب ام خشم مكسور اصاله او حريصوه
ساره: هههههههه ام خشم مكسور هذي حلوه انا مالي خاطر عندج
شوق: بلى
ساره: خلاص بتشيلين هالافكار من راسج ولا ترا بزعل منج
بغرفة ريم
ريم: تو ما نورت غرفتي
افراح: منوره بريمتها ..... جم مره ترحبين فيين
ريم: انتي سبيشل ارحب فيج لين تروحين بيتكم
افراح: هههه ما تغيرتي للحين مثل غشمرتج
ريم: هذا انا ما تغيرت على حطت ايدج
افراح بقلبها: ايه واضح ووجهج اللي متروس مكياج وملابس اخر ماركات والغرفه اللي حسبالي انها الصاله من كبرها وتقوللي على حطت ايدج
ريم: هووووووووووووووووب وين رحتي صارلي ساعه احاجي روحي
افراح: لا معاج معاج
بغرفة يعقوب
رن تليفونه
: كل مره بشوفك فيها ببقا نفسي اه رد
يعقوب: هلا احمدوووووه ..... شفيك شفيك يايك يايك
بهالوقت
بدر في ديوانية رفيجه الجديد محمد
(هالديوانيه كلللهم مطواعه وبدر حارب كل ربعه القديمين ورافج ناس جديدين...............)
بدر: والله تعبت منهم محد راضي يسمع كلامي ويمشي بدرب الصلاح
محمد: يا بدر لا تيئس من رحمة ربك اليئس من رحمة الله كفر شوف سيد البشريه صبر وهاجر من ديرته وتعذب عشان هدفه ورسالته وانت لك رساله واحمد ربك انه عطاك البصيره وفيه ناس غيرك حرمهم منها
بدر: استغفر الله العظيم
محمد:شوف حالتلك ايام قبل والحين .....الحين انت تصلي كل الفروض وبالمسجد...ولا تنسى انك حديث العهد بالالتزام يعني تجهل بعض الاشياء وهذا موعيب بلعكس تعرف فهد
بدر: ايه اللي كان معانا من جم يوم
محمد: بارك الله فيك.....هذا فهد كان والعياذ بلله من اصحاب الفكر التكفيري.....ولكن ولله الحمد رجع لعقله ودينه....وهذا بفضل الله عز وجل ......وللعود
(العود: هذا واحد نذر نفسه انه يحارب الفكر التكفيري لكن
مو انه يسوي مسلسلات ويبين للناس انه كل من ربا لحيه هذا ارهابي لا ......قام ودرب ناس على الدين الصحيح ويتميزون بالاسلوب الحلو والنصيحه الهادفه.....واي واحد يلاحظون عليه بداية تطرف...يوجهونه ويعلمونه ولكن بالنصيحه مو بالضرب....واي واحد يلاحظون عليه بداية التزام ياخذونه معاهم .....والعود كثر الله خيره....ما يقصر عليهم وكل اثنين وخميس عنده فطور جماعي .....وانشطه.....ويعطي الشباب فلوس وهدايا عشان يرقق قلبهم للدين الصحيح....وبرمضان طبعا يزيد النشاط....ولله الحمد امثال عود واااجد ولكن ما يحبون يطلعون للجرايد وغيرها ......
بهالوقت بغرفة ريم
افراح: ريم شرايج على يوم نروح نشيش
ريم: ابييييييييييه الشيشه للرياييل والمستريلات
شتقولين انتي
افراح: ههههههههه ريم تدرين لو وحده غيري سمعتج تقولين جذيه ماتت عليج من الضحك
ريم: وانا شقلت ما قلت الا الصج.....شنو شيشه احنا كويتيات وبنات عوايل ......الشيشه حق اهل الشام والعراقيات
افراح:هههههههه ريم يا حبيبتي من كلامج طلع غبار
الحين المره خذت حقوقها السياسيه يعني راسنا براس الرياييل .......روحي أي قهوه وشوفي كل وحده معاها شيشه انتي تفكيرج مثل تفكير جداتنا .......تطوري خليج كول
ريم: ساكته وتسمع بانصات
افراح: كل الحريم يطالبون بحقوقهم السياسيه شمعنا انتي لا ليش انتي رجعيه يا حبيبتي يا ريم ما ابي الناس يضحكون عليج انا رفيجتج ولو اني ما احبج جان ما نصحتج
ريم تحاول ترقع لنفسها: اساسا انا ادري انه الحريم صاروا نفس الرياييل.. ياما حرمت نفسي من اشياء وااايد بس لازم اعوض كل شي فاتني
افراح: أيه هذا كلام المره المثقفه المتعلمه لازم تمشين مع الموضه واحنا خذينا حقوقنا والساكت عن الحق شيطان اخرس بس عندي مشكله
بهالوقت
يعقوب: احمد انته وينك بالظبط ......البحر...صوب شيليز ...يايك يايك
وصل يعقوب
وشاف احمد
يعقوب: احمد شفيك
احمد العصيمي : تزوجت يا يعقوب تزوجت وبجى
يعقوب: احمد سكت
احمدالعصيمي: يعقوب ما اقدر اتخيل انها تزوجت
يعقوب: احمد صدمتني......انت شدراك
احمد العصيمي: دقت علي من شوي وقالتلي احمد احبك حيل بس اليوم عرسي وانا ما ابي اضغط عليك وبجت وسدته
يعقوب: لااااااااااااا تقوووووووووووووووول
احمد العصيمي: كنت ملاحظ انها صارلها فتره قاطعه عني لكن قلت الغايب عذره معاه
وصل مسج لاحمد العصيمي
قراها ووبجى وبجى وبجى
يعقوب: احمد لا تبجي ما احب اشوفك تبجي احمد خلك قوي
عطني اقرا المسج
(احمد انا جدامهم لابسه ابيض بس ورب الكعبه اعتبره لحاد
احمد خلك قوي صج اني تزوجت غيرك بس للحين احبك احمد انت كل بنات الديره يتمنونك اسفه كل شي صار بسرعه وابوي حطني جدام الامر الواقع يلله الحين زفتي
المرسل
نور عيني
يعقوب بجى لما قرا المسج
احمد العصيمي: تدري شفكر فيه.....
يعقوب ساكت
احمد العصيمي واصل كلامه: ودي اقط نفسي بالبحر وافتك من الدنيا
يعقوب: احمد هذي مو نهاية الدنيا........ يكفيك انها تحبك
احمد العصيمي: تحبني بس على ذمة واحد ثاني شالفايده
بهالوقت بغرفة ريم
ريم: بس هذي مشكلتج .......يا غالي والطب موبايل
افراح: ريم انا مستحيه منج....بس انتي ادرى بالحال
ريم: افراح لا تقولين جذيه مره ثانيه .......انتي اكثر من رفيجه انتي اختي ........
افراح: مشكوره.......يا الله انا بمشي
ريم: تو الناس
افراح: الجايات اكثر
ورد يعقوب البيت
طول الطريج....... وهو يتخيل هاليوم انه افراح تتزوج واحد ثاني....... وغسل كل حيرته بالدموع....دموعه وازت دموع احمد العصيمي .......
وصل يعقوب البيت
شاف افراح عند الباب
يعقوب: تو الناس ....من سوء حظي توني ياي
افراح: اليايات اكثر
يعقوب :افراح ممكن بكلمج بموضوع خاص
افراح: اسفه يعقوب انا ما عندي هالسوالف
يعقوب: انتي بس سمعيني
افراح: اسفه مظطره امشي
وطلعت بسرعه ويعقوب تولع فيها اكثر واكثر
(يعقوب .......راعي خرابيط وبنات ........ أي بنت ينيشن عليها يجيبها رواسي ..... بس افراح باصرارها انها ما تكلمه.....حبها ......لنه من النوع اللي اذا يبي الشي يجيبه وافراح كسرت طبعه....وحبها حيييييل .
صعد يعقوب غرفة ريم
يعقوب: افراح كانت عندنا
ريم: ونته شكو رفيجتي ويايتني منو طلب خدماتك
يعقوب: لا شفتها طالعه بسرعه قلت اخاف زعلانين من بعض
ريم: لا مو زعلانين من بعض واحنا الحريم ما خذينا حقوقنا السياسيه الا لنه احنا على قلب واحد
يعقوب: شكوووووووووووو هذا بهذا
ريم: اذا انت ما عندك بعد نظر شي راجعلك..اقول تبي شي
يعقوب: هذي طرده صريحه ما يبيلها اثنين يتكلمون فيها بس ما عليه على يوم تحتاجيني واذكرج فيها وما اقول الا استريييحي
ملاحظه: افراح لاحظت من اول مره شافت فيها يعقوب انه يطالعها بنظرات اعجاب ..... وهالشي اغراها ورسمت خطه ببالها...ولما صدته هذي اول خطوه عشان تحقق اللي ببالها
وصلت افراح بيتها
حصه: حرررررررررريصه
افراح: جم مره اقول ما احب هالاسم لا تنادوني حريصه
حصه: نناديج نانسي ولا اليسا
افراح: والله محد عايش حياته كثر نانسي واليسا من اليوم ورايح انا اسمي افراح
حصه: شدعوه لي سميتي نفسج افراح بتنقلب حياتج افراح
افراح: بتنقلب حياتي لافراح واذكرج وراح ارتفع وارفعج معاي فوق فوق فوق
حصه: خليج تحلمي احلام اليقضه انتي حتى جنسيه ما عندج
افراح: اووووووووووووه لازم تذكريني بشي انا مو مسؤوله عنه هذي مسؤولية الدوله
حصه: ياما ناشدنا المسؤولين بس عمج اصمخ والملايين تروح للشمال....شمال العالم خليني ساكته
افراح: يما اذا ابوي ما عنده جنسيه انتي كويتيه وتاسيس
حصه: للاسف انا الكويتيه ما يعطون عيالي الجنسيه والكويتي يتزوج اجنبيه من باجر يعطونها الجنسيه هي وعيالها وتعيش معززه مكرمه وانا الكويتيه ابا عن جد اعيش على الشؤون ووعود بعض اعضاء المجلس اللي ما تتغير
افراح: يما هذا موضوع اكبر مني ومنج احنا مالنا الا ابوناصر نصير المحتاجين والمساكين لانه مستحيل حقوقنا تستباج بوجود والدنا صباح
فبيت مرام
بغرفة شوق
شوق: لاااااااااااااه لما راحت يايتني .......خليها تنفعج
ريم: شواقه عاد لا تصيرين حساسه......
شوق: مشكلتي اني احبج وااااااااااااايد وانتي تعرفين
ريم: عشان جذيه ما اراضيج الا متاخر
شوق: عما
ريم: يعني رديتيها لي هاه
شوق: وحده بوحده والبادي اظلم
ريم: هههههههههههههه
بغرفة يعقوب
يعقوب يحس انه بينجن اول بنت تلفت نظره وتقلب كيانه جذيه ....شاف بنات حلوات لي الراس ......بس كلهم يوم يومين ويطلعون معاه و.............
الا افراح مو معطيته وجه كلللللللش
قال لنفسه يمكن لي سافر (حق الخرابيط) يمكن ينساها
بس ماكو فايده حتى وهو.... يتخيلها
انجننن فيها وصورتها ما فارقت خياله ويسرح فيها لي بعيييد
بهلوقت
شوق قالت لنفسها: ودي اروح لساره
فتحت باب غرفة ساره
وشافت ساره تاكل حبوب
ساره: براااااااااااااااااااااااااااااااااااااااااااااااا ااااااااااااا
طلعت شوق من الصدمه انربط لسانها وراحت غرفتها
ساره بقلبها: الله يستر لا يكون هذي ثبتت عدل............ لازم اروح وقص عليها
وفعلا ساره قدرت بذكئها تمسح من ذاكرة شوق المنظر اللي شافته ........................

صياحي
01-25-2008, 11:55 PM
اخواني اعضاء منتديات عتيبه

اتمنى القى منكم كل الدعععععععم .............وقالوا من زمااااااااااااااااااان انه ايد وحده ما تصفق............فاتمنى اعرف رايكم بقصتي

تدرون شحس ؟..........احس جني مجنون انزل الاجزاء وما القى ولا رد

عموما راح استممممر وانزل الاجزاء ................لني متاكد انكم منتوا مخيبين ظني


ماني قايل تكفووووووووووووون لكن بقول حكموا ضميركم

d-r
01-26-2008, 03:17 AM
iiiiiiiiiiiiiiiii
هههههههههههههههه
صياح اول شي مبدع فعلا
ثاني شي عندي لك راي لو تلون القصه يعني تخلي الاسامي بلون والاحداث بلون ثاني عشان القارئ يعيش جو القصه
يعني اي كلمه فيها بحبك خلها باللون الاحمر
وهكذا
وترانا منزلين القصه عندنا بالملف اسمه صياح
---------------وشكرا يابن عاصم
هم العصيم اهل الكرم والتجاره--واهل سيوف0ن ترتوي بالرياجيل

المقاطى_q8
01-26-2008, 08:37 PM
الي الأمام اخوي صياحي

بصراحه انا مع اخوي d-r

بقتراحه بتلوين بعض الفقرات بالقصه

وكسب اكثر عدد من القراء

وتسهيل على القارئ القرائه


تحياتي

صياحي
01-28-2008, 02:09 AM
ايييييييييه الحيييييييييين احس اني مو لحالي .............

شكرا على هالنصيحه ويا غالي والطلب تلوين القصه


اخواني .......................

انا للحين ما عرفت رايكم بتطورات القصه ............ولا عرفت اذا عجبتكم ولا لا

اتمنى اعرف رااااااااااااااااااايكم

نداء الى
ابو يوسف ........وعشق عتيبه .................لكم وحشه ومن طول الغيبات جاب الغنايم ناطركم

اخوكم
الصياحي ..............................

صياحي
01-30-2008, 03:46 AM
........ اخواني مشتاقلكم حيل

بصراحه القصه نقدر نقول خلصت وانا ما ابي اكتب النهايه لني تعودت عليكم ما ادري شسوي يشهد علي ربي اني عزيتكم

صياحي
01-30-2008, 06:23 AM
ومرت 9ايام على شخصيات قصتي
مرام رجعت من السفر
وخلال هالفتره صارت علاقة ريم بافراح حيل قويه
وافراح خلت ريم شبه خاتم باصبعها
افراح للحين معطيه يعقوب سككككككككب
بدر مشا بطريج النور خطوااات
النجم اللاعب احمد العصيمي
تعب نفسيا بعد زواج حبيبته وما صار يلعب عدل
وضيع على ناديه اكثر من فرصه محققه للاهداف
وخلال هالايام شنت الصحافه المحترمه حمله ضد احمد العصيمي بسبب تقصيره داخل الملعب (جنه اللاعب مو من حقه يتعب وجنه اللاعب انسان آلي ما يحتاج راحه)

همسه
خلال هالايام ال 12
كانت قلوب اهل الكويت تدق اكثر من دقات الساعه
وكانت الكويت قبلة قنوات الاخبار
وكانت الشوارع شبه خاليه من الناس
كل واحد قاعد ببيتهم لنه محد له خلق يطلع
وطبعا الطابور الخامس ما قصروا
كل دقيقه طلعولنا باشاعه جديده
والمشكله نصدق كلامهم جنه كلامهم قران كريم
بس كانت ايام صعبه
لكن اهل الكويت الصغيره عطوا العالم دروس شلون الواحد يحب ديرته وشلون يضحي عشان غيره
واكبر دليل
الامير سعد العبدالله السالم الصباح
تنحى من الاماره من اجل الصالح العام...كفو يا بوفهد
وبين للكل حب شيوخنا لبعض
مستحيل ننسى لما الشيخ سالم العلي زار الشيخ صباح وانهوا المشكله كانوا حييييل كبار
اللهم اغفر لامير قلوبنا جابر الاحمد
واعن اميرنا الحالي صباح
واشفي سعد العبدالله
اللهم احفط الكويت وشعبها من كل مكروه
اللهم اغفر ل احمد خالد عبيد محمد العصيمي العتيبي

في يوم 29\1\2006
كانت العايله مجتمعه يطالعون التلفزيون ويتابعون القسم الاميري
(يا رب مستقبل الكويت ناصع البياض مثل بشت الامير وهو يقول القسم الاميري
ويا رب الابتسامه تدوم على اهل الكويت مثل ابتسامة الخرافي خلال القسم الاميري )
مرام : الحمد الله ازمه وعدت على خير واثبتنا انه الكويت فوق أي اعتبار
يعقوب: الحين تشوفون الجزيره ميتين من الحره لنه احنا سمن على عسل من جم يوم كل اخبارهم فتن ويحاولون يفرقونا وانه تصير حرب اهليه بس هذا عشم ابليس بالجنه
ريم: وااااااااي انا مستانسه اليوم عيد بحط صورة بابا صباح بسيارتي وانا حاطه بغرفتي قلب بالنص صورة جابر الخير والنص الثاني صباح الدرب
يعقوب: بهالمناسبه وين الاغاني والقصايد ما شفنا شي
شوق: امبلا ........ما سمعت اغنية سناء الخراز يا صباح الدار
(الشموس تغار من شمس البلد والنفوس تطيب في يوم الاحد
من فعل جابر الى فعل سعد كمل المشوار يا شيخ البلد )
ريم: ماكو على اغنية نوال الكويتيه عيون الشعب
قاطعهم بدر: احنا لازم نساعد بوناصر ونكون عصاه اللي ما تعصاه لنه من اهدافه اللي يطالب فيها محاربة الفساد وانا متاكد انه راح يرد الكويت للامجاد
مرام: سبحان الله صج اللي خلف ما مات الشيخ احمد الجابر مات بس عطانا احلى هديتين جابر الخير وصباح الدرب
ريم: انا احمد ربي اني كويتيه وانه شيوخنا الصباح لو تشوفون أي ديره ثانيه واحد تهور يسحبون جناسي الكل صج احنا محسودين على هالنعمه
مرام: ريم صارلج فتره تطلعين يوميا مع حريصه
ريم : هههه يما لا تقولين مره ثانيه حريصه هي سمت نفسها افراح
يعقوب: عسى الله يقلب حياتها افراح
مرام: ما تنلام وابوها الله يهديه فيه واحد يسمي بنته حريصه شدعوه خلصت الاسامي
شوق: لا يما عشان كل ما تبي شي من ابوها تذكر اسمها وتهون
يعقوب:ههه شنو المطلوب نضحك استرييييييييحي
ريم غنت: قد الحروف اللي فاسامي العاشقين بحبك قد الثواني والسنين بحبك
بدر: استغفر الله العظيم.......الاغاني حرام
يعقوب: ياج اللي اقوى منج طول عمري مظلوم
ريم: انته هيه مالك شغل فيني حرم وحلل على نفسك
بدر: ريم اللي كان يصير امس مستحيل ارضى يصير اليوم
ريم: يعني شتبي توصلله
بدر: من اليوم ورايح فيه اشياء وايد راح تتغير منها انج وخواتج بتلبسون الحجاب
ريم: اخاااااااااف زعلت........ماني لابسه حجاب بلبس اللي ابيه انته مو مسؤول عني
مرام: بدر مثلما قالتلك اختك انت مسؤول عن نفسك وبس
بدر: قال الرسول عليه الصلاة والسلام كلكم راع وكلكم مسؤول عن رعيته
شوق: لو شنو ما البس الحجاب
بدر: كلكم بتلبسون الحجاب وكل شي لازم يتغير يما حتى انتي ماكو سفر الا بمحرم
مرام: بدر بس مصختها وايد تبي تقعد معانا تلزم حدودك ما تبي ما تشوف شر
بدر: ما عليه انا بطلع بس هذا مو معناته اني راضي على اللي يصير بس راح يمشي البيت صح انا بالي طويل وعسى الله يهديكم
وطلع بدر من الصاله وراح غرفته
دقت افراح على ريم دقه وسكرته
(توك على....
ريم: بوطبيع ما يخلي طبعه مع اني معطيتها فلوس تعبي رصيد مع هذا تدق دقه وتسده
شوق: الحب يطلع على بذره
يعقوب: انتي حلاتج ساكته انتي صج صج استرييحي
في بيت فايز (ابو افراح...حريصه سابقا)
فايز:انتي من وينلج كل هالملابس..... وشهالموبايل اللي عندج من وينلج
افراح بدون نفس: من ريم عسى الله يخليها لي صايرتلي ابو بوجودك يا......طويل العمر
فايز: حطي لسانج بحلجج لا اخلي العقال ييبب على ظهرج
افراح: بسكت .....طول عمري وانا ساكته وضايع حقي
فايز: اشوف عطيتج وجه .......انتي مو مال احترام
افراح: يبا تكفا اسمعني.... ليش ما تعطيني فلوس مثل كل البنات يبا يرضيك رفيجتي تصرف علي
فايز: يا بنيتي حطيها على قولة المصريين حلقه بودانك
من له حيلة فليحتال.........يا بنيتي بوسط هالهوامير الواحد ان ما صار ذيب ياكلونه الذيابه
افراح: يبا ليش تسوي فينا جذيه ....يبا شفت ريم شلون تلعب بالفلوس لعب ...يبا ليش حسبالك اني انا حريصوه اللي عمرها 5 سنين ....يبا انا بعد جم شهر بدش الجامعه يبا تعرف
قاطعها فايز: انتي مو مال حشيمه انتي مال الواحد يعطيج بو لباس .........ومشا
افراح: يبا اسمعني اسمعني
فايز عطاها ظهره
افراح من كثر ما انقهرت منه ومن كثر احساها بالحرمان بسببه
صرخت افراح: اااااااااااااااااااااااااااااااااكرهك
فايز لما سمعها قالتله اشكره اكرهك هني انجنننن وطلع العقال ولحقها
افراح ررررررررررررركضت
لحقها
ركضضضضضضضضضضضضت
لحققققققها
بس سبقته وقفلت باب غرفتها عليها
وهي خايفه.....وتلعن الساعه اللي انولدت فيها
بنفس هالوقت
يعقوب عند رفيجه احمد العصيمي
يعقوب: هونها وتهون يا بوشهاب
احمد العصيمي: يرحملي والديك مالي خلق شي انت لو تقرا شكاتبين عني يقولون
قاطعه يعقوب: والله العظيم قريت وانسدت نفسي بوشهيب انا حاس فيك..بس يوم لك ويوم عليك نفسهم اللي سبوك قبل جم شهر امدحوك طوووووووووووف
احمد العصيمي: مو لهدرجه تخيل يقولون.... وبعد تدني مستوى فاتن العذارى احمد العصيمي...وجندلته الفرسان في معسكر البلاي ستيشن هاهو الان كالقطه في الملعب هذا حجي هذا حجي
يعقوب: لا تحر نفسك.... صدقني انتوا الجيل اليديد راح ترفعون راس الكويت مثل اللي قبلكم واقوللك مره ثانيه هونها وتهون يا بوشهاب
احمد العصيمي: انا ماني عارف الاقيها من وين ولا من وين
يعقوب: احمد اهيا السبب ؟
احمد العصيمي يتنهد: ومنو غيرها من يوم ما تزوجت وانا ماني عارف اركز بشي ما اقدر اتخيل انها راحت من ايدي
يعقوب:احمد اللي تسويه بنفسك مو زين ....والله اللي ما شافك من فتره ما راح يعرفك تحت عيونك سواد وضعفان حيل شكلك يخرع .....وين احمدوه اللي الضحكه ما تفارقه
احمد العصيمي: يعقوب والله العظيم مو بيدي عفت كل شي لا نوم ولا كره ولا أي شي تعبان تعبان تعبان وبجى
بهالوقت
مرام كانت بسوق شرق
...........شافت احمد.............
ما صدقت عيونها....معقول تلاقي حبيبها وفارسها وحلمها اللي من يوم فراقه ما عرفت معنى....الحلم
فجاه......اختفى
وينه ...........وين حبيبها احمد .......اختفى
تدودهت وطلعت بسرعه من المجمع......
وركبت السياره وطول الطريج وهي تفكر
: انا شفت احمد ولا اتخيل....... هذا احمد ولا سراب......وينك يا احمد محتاجتك وينك وينك.......ويييينك
احبك احبك اح........وسوت حاااااادث
ملاحظه: احمد حبيب مرام مو احمد رفيج يعقوب)
بهالوقت
فايز يكلم نفسه (فايز بعدما قالتله افراح اكرهك طلع من البيت)
: انا مدلعها واجد ولا فيه بنت تقول لبوها اكرهك انا شسويتلها هذا جزاي اني خايف عليها من هالذيابه اللي فالشوارع....... تكرهني ليش....ليش دايما تقوللي يا بخيل....مع انه الله يكره المسرفين......انا اطالع الله واطالعها
بهالوقت
فبيت فايز
بغرفة افراح
افراح تكلم نفسها: ليش انا الوحيده المحرومه من كل شي...ماعندي لا اخو ولا عم ولا سند ولاشي.....وحتى ابوي لو اصير دينار حطني بمخباته....ليش انا ما عندي لا جنسيه ولا اخوان ولا عزوه ولااا شي وليش ريم عندها كل شي
ليش بس انا جذيه ليش الله خلقني وحيده ...انا لازم اخذ حقي بيدي ومو بس انا اعيش بعذاب لازم الكل شمعنى انا
رن تليفونها
: هلاااا ريومه .....تو الناس توج تدقين.......لا عااااادي جم ريم عندي...هههههههه...اصلا كنت اسولف مع ابوي تصدقين يقوللي انه مزهبلي مفاجئه......شدراني بس اكيد خووووش مفاجئه.......الله يسمع منج....اوكيه اوكيه ....خلاص على ما ابدل ....ناطرتج.....لا تتاخرين باااي .
بهلوقت
بدر بديوانية محمد
بدر:قسما بلله شي يرفع الضغط واحد سفيه يرسم كريكاتير عن سيد البشريه وشفيعنا من النيران
محمد يسمعه باعجاب
بدر: لازم نقاطعهم لازم الكل يتحرك هذا حبيبنا ....بابي هو وامي بابي هو وامي ...كل الشعوب العربيه راح تتحرك حتى لو اظطرينا نطردهم من بلادنا
محمد: بدر وانا اخوك...ما ابي اصدمك...انت شاب ماخذتك الحماسه ...بس وانا اخوك احنا جنه ندري اللي راح يصير
بدر: ما فهمت وضح
محمد: انا اقوللك اقصى ما راح يسوونه اخواننا المسلمين....جم مظاهره وجم خطبه وبس
بدر: لا ما اتوقع وين قادة الامه الاسلاميه
محمد: ضحكتني وانا مالي خلق اضحك حتى هذولي انا اقوللك شراح يسوون....نندد نستنجب وبس واذا عصبوا اسحبوا السفير وسلامتك
بدر: يا خوي لا تسود الدنيا بويهي بس انته قلتلي انه اليئس من رحمة الله الكفر وانه المسلمين للحين فيهم ايمان وانه لو خليت خربت
محمد: معاك حق..بس شيفيد الايمان...وانا اخوك الواحد لا شاف شي يوقفه اما بيده او بلسانه او بقلبه واحنا فضلنا اضعف الايمان وطول ما هذا حالنا ما راح نسوي شي ..ولكن اكرر كلامي انه لو خليت خربت صدقني امثال العود وايدين وفيهم الخير والبركه ولكن الفساد هو الظاهر صحيح انه مثل زبد البحر......لكن للاسف هو الباين..
بدر: بصراحه حبطت من معنوياتي
محمد: لا لا لا اذكر الله ولا تفقد الامل.....والعود ما راح يسكت راح يبذل الغالي والنفيس في نصرة رسول الله
بدر :عليه الصلاة والسلام
محمد يواصل كلامه: وباذنه تعالى راح نسوي اعتصامات ونوزع بوسترات وان شا الله يصحون....مع انهم نايمين مثل اهل الكهوف ...على الاقل ما راح نسكت وراح نقاطع بظايعهم الى يوم الدين ......
بهالوقت
مرام بلمستشفى
يعني اقدر اطلع دكتور
الدكتور : اه احمدي ربك انها جات على كدا مجرد رضه بسيطه....انتي قطه ام سبع ارواح ما حصلكيش حاجه
مرام بقلبها: قل اعوذ برب الفلق
بهلوقت
ريم وافراح بميس الغانم....يشيشون
افراح:واي واي يهبل شوفيه شوفيه......
ريم بدون نفس: أي واحد
افراح: شوفيه اللي قاعد وراج بالظبط...قاعد مع وحده يا حظها يجججججججنن حده كووووول...ميته من الحره اخ لو اتعرف عليه
ريم ساكته
افراح: ريم شفيج ليش مغلقه
ريم: اليوم بدر سد نفسي استلمنا هذا حلال وهذا حرام
افراح: لا تسمحينله يتحكم فيج انتي مو ياهل
ريم: شسوي يعني
افراح :كل كلمه يقولها ردي عليه بعشر واذا صارخ صارخي واقلبي عمتج عليه وزيدي كلام من عندج
ريم: انتي مرافجه ابليس شكلج متعوده تفرقين بين الناس
افراح بانفعال: حرام عليج انا طيبه لو انا مثل غيري جان تمسكنت وخذيت الجنسيه
ريم: لا تزعلين اتغشمر معاج شفيج قلبتيها جد
افراح: لا ما زعلت....بس انتي تعرفين شكثر انا احبج واعتبرج اختي اللي الله ما عطاني اياها
ريم: والله العظيم اني اعتبرج اختي الثالثه بدونج يمكن جان ضعت الله يخليج لي
بهلوقت فبيت مرام
ساره: يما شفيج عسا ما شر ليش رابطه ايدج
مرام: ولا شي لا تخافين
ساره: يما شفيج وقفتي قلبي
مرام: دعمت واحد بس الحمد الله ما صار فيني شي دعمه بسيطه.....
ساره: الف الحمد الله عالسلامه
بهلوقت
احمد العصيمي: يعقوب ورب الكعبه انت طلعت اكثر من اخو الكل تغير علي الا انت اصيل والله اصيييل
يعقوب: حشا حصان
احمد العصيمي ههههههه
يعقوب: ايه هذا بوشهاب اللي اعرفه يا زينك وانته تضحك جنك وائل كفوري
احمد العصيمي بغرور: صج
يعقوب : يعني مو وائل كفوري وائل كفوري...تقدر تقول وائل جسار
احمد العصيمي: يا ثقل دمك ما تعرف ترفع للواحد كلللش
يعقوب: انته شتبي فيني......يكفيك هالمعجبات اللي يقطون نفسهم عليك قط بس انت ولا يمهم كلللللش ....يا خي حس برفيجك فرهم علي قوللهم رفيجي فاااااااضي متفرغ..بخبث يعجبكم
احمد العصيمي: ما كنت ابي من كل هالبنات الا شيخة البنات
بس راحت وسكت
يعقوب: انته ماكو فايده فيك اقوللك ثور تقول احلبوه خلاص تزوجت انساها انساها تعرف يعني شنو انساها
احمد العصيمي: يعقوب حسبالك بيدي..... نغير الموضوع احسن
يعقوب: احسن بوااااااايد
احمد العصيمي: طلعت مو فله كلللش.... يعقوب انا احس اني بلفتره الاخيره شغلتك عن كل الناس وصرت تجابلني 24 ساعه.... ياخي خلاص انا انتهيت انته شوف دنيتك استانس روح وتعال انا خلاص راحت علي
يعقوب: افا .... اذا ما وقفت معاك بهلوقت متى اوقف معاك...وياخي انا مستانس انا احب الشقا انته شتبي كيفي حر الا جانك ما تبيني شي ثاني
احمد العصيمي: ما ابي اتكلم لنك عارف غلاك...... تعال شخبار هذيج البنت اللي قلتلي عنها ..ف فرح صح
يعقوب: افراح... اه... هذي قصتها قصه...تخيل لاني طايل لا سما ولا ارض...البنت محترمه تخيل اقوللها بحاجييج ما ترد علي.....والله العظيم حبيتها ح ب ي ت ه ا بصراخ حبييييتها
احمد العصيمي: خذها مني نصيحه لا تتنازل عنها وخلك متمسك فيها ترا والله العظيم بعد الطرف الثاني يهد الحيل تكفا..لا تصير مثلي والله العظيم لو خذيتها راح افرحلك وابيك تسوي اللي انا ما سويته
بهلوقت
فبيت مرام
بغرفة مرام
مرام تسمع اغنية ...العنا لمحمد عبده بانصات
:تصوري مره نسيتك وابتسمت
وتصدقين اني على البسمه ندمت
والاكيد اني بكيتك ما ابتمست ....على هالمقطع...هطلت دموعها
بهلوقت
ريم وصلت افراح بيتهم وراحت بيتها
دخلت ريم البيت شافها بدر
بدر: تدرين الساعه جم
ريم باستهزاء: باي توقيت جرينيتش ولا توقيتنا
بدر: انا ما اتغشمر فيه بنت ترد بيتها هالحزه
ريم: انت الظاهر عايش بلمريخ في بنات الحين يطلعون الساعه الحين 11 مو الفجر
بدر: ريم هذي اخر مر
ريم عطته ظهرها ومشت
بدر انقهر من حركتها ولحقها
جر شعرها ....صارخت ريم...يماااااا
طلعت على صوت الصراخ مرام..ودزت بدر
مرام: ريم روحي غرفتج
ريم راحت غرفتها ترررركض
مرام: بدر ان مديت ايدك مره ثانيه على وحده من خواتك اكسرها لك تفهم
بدر:يما وانا اكلمها عطتني ظهرها وصعدت
مرام: عيدها مره ثانيه وما تلوم الا نفسك
بهلوقت
يعقوب بغرفته ويسمع الكلام.....قرر انه......
......

صياحي
01-30-2008, 06:32 AM
اسف ...........وعدتكم الون الحوار .......بس وربي نزلته وانا دايخ مرررررررره


عموما ..................اعتقد انه جذيه زين ............خصوصا اني انا وباذن الله راح انزلها ك روايه والروايه ما اعتقد فيها احمر واخضر وبيج وبرتقالي ما فيها الا لون واحد فقط .......................ولا لا يكون اذا نزلتها روايه منتوا شارينها ....حزتها عاد راح ازعل منكم .............هههههههههههههههههه والله طموحي عادي هههههههههه عموما

ناطركم كالعاده...............ومتاكد منتوا مخيبيني

يا شباب تخيلوني انا فشاعر المليون وما تاهلت مباشهر ودخلت فالتصويت بتصوتون لي ولا لا ......................؟ اكيد راح تصوتون لي لني عتيبي

خلااااااااص انا ما ابيكم تدفعون فلوووووووووووووووووس انا اللي ابيه منكم
(ابي تعطوني رايكم بالقصه والايجابيات والسلبيات بسسسسسسسسس) فهمتوا ولا اعيد

صياحي
02-01-2008, 02:31 AM
في اليوم التالي
دخلت ساره غرفة ريم
ساره: صباح الخير
ريم: وين الخير اللي نشوفه واخوج المعقد ما خلا فيني شي صاحي
ساره:ممكن اعرف شصار امس بالظبط
ريم: ما صار شي يديد رديت الساعه 11 بليل دخلت سلمت على بدر قال لج عين تسلمين قلت انت اخوي الكبير شفيها اذا سلمت عليك قال بعد تراددين وطقني طراق وطحت على الارض ورفسني على بطني يت امي ووخرتني عنه هذا اللي صار
ساره: هذا عدو مو اخونا وانا اللي كنت اقول بدر العاجل الهادي يسوي جذيه
ريم: انتي على نياتج ياما تحت السواهي دواهي
ساره: انا لازم اكلم امي تحطله حد شنو عايشين بغابه انا بكلم امي....عن اذنج
ريم لنفسها: والله طلعتي داهيه يا افراح قلبت السالفه لصالحي
بغرفة مرام
مرام: معاج حق معاج حق
ساره: يما ما يصير جذيه ما صدقنا نخلص من... ابوي يينا هذا ...يما ما نبي كل اللي سويناه ينهد فوق روسنا
مرام: اكيد لا ....وانا راح اغسللج شراعه جليل الحيا
بغرفة بدر
مرام بنبره حاده: شوف بدر انا للحين اتكلم بلساني ومحترمتك لكن انك تهدم كل اللي بنيته هذا شيله من راسك
بدر: يما سمعيني
قاطعته مرام: بدر انا تحديت العالم كله عشانكم ما ابيك تطلعني جدام اخوانك صغيره
بدر: يما انا اشوف شي انتوا ما تشوفونه
مرام: انته ماشي على طريقة ابوك كان يفهم بيده وانا ما توقعتك قلبك قاسي لهدرجه تطق اختك جنها عدوتك ومن غير سبب
بدر: يما صدقيني ريم جذابه وانا ما غلطت عليها هي اللي حقرتني
مرام: انا اصدق عيني انا شفتك بعيني تطقها جنها عدوتك نهاية الكلام اللي صار امس ما ابيه يتكرر
وطلعت مرام من غرفة بدر
بغرفة ريم
شوق: ريومه صارلي ساعه بطيب خاطرج وللحين ماده البوز شبرين
ريم: مالي خلقج عقب ما طقني بدر امس كلما فيني يعورني...خليني لحالي
شوق: زين واذا قلتلج عشان محمد ابراهيم
ريم: قبل كنت احبه ..بس بعدما شفته يغني بالبرايم بعد وفاة بابا جابر .....خلاص حولت على جوزيف
شوق: انا للحين احبه ....هو شذمبه ما بيده شي
ريم: لاااااااااه
شوق: ما نبي نطلع بره الموضوع......عشان خاطر جوزيف
ريم: خلاص رضيت
شوق: شدعوه شدعوه الحين جوزيف تحبينه اكثر مني
ريم بغشمره: ما تقايشين وياه اصلا
شوق: مشكوره يا ....باستخفاف....اختي
وطلعت شوق من الغرفه
بغرفة بدر
بدر: هذا احلى خبر سمعته بحياااااتي كلها ....بارك الله فيك بارك الله فيك والله انك ونستني
يعقوب: ما بقا بالعمر كثر ما مضى .....خلاص من اليوم ورايح انا يعقوب اليديد.....ماكو خرابيط ولا شي ....بصير نفسك يا اخوي
بدر: عسى الله يثبتك عسى الله يثبتك
رن تليفون يعقوب....يعقوب: عن اذنك
يعقوب قال لنفسه: ههههههههههه والله انه اكبر صيييييده
بهلوقت في بيت فايز
افراح: والله كرهتها ..... معقوله تبوق فلوس زوجها. عشان محتاجه
ام افراح: يا يما يا افراح ترا كله فلم...ومو شرط الممثله تكون بالصج حراميه
دخل فايز
فايز: شتتكلمون عنه
افراح بانفعال: يبا تخيل البطله باقت فلوس زوجها لنها محتاجه
فايز ببرود: ويعني
افراح:يبا الله يهديك.... اقوللك باقت تقول ويعني
فايز: ما تنلام تلاقينها محرومه حتى من الهوا بلعكس زين ما سوت ......وانا ابوج جانج تعرفين بنك متروس فلوس قوليلي عشان ابوقه ترانا كلنا محتاجين
افراح بقلبها باستحقار: مالت عليك فيه بنك مو متروس فلوس..مالت عليك حتى مالت عليك..حرام انا ادفن جمالي بهلبيت ولا شيقول يقول بنك متروس فلوس ما اقول الا مالت عليك حتى مالت عليك
فايز: يا ام افراح.... يلله انا لبست وبسبقج للسياره
ام افراح: الله يهديك لما قلتلك ودني قلت لا بعدين تقوللي انك لبست
فايز: على راحتج وفرتي
ام افراح: لا لا لا خلاص دقيقه اجيب عباتي
افراح: يبا وين بتروحون
فايز: بنروح نتمشا بمحاميد خيطان مسكينه امج من زمان ما مشيتها
افراح : الله يخليكم لبعض
فايز: تجين ويانا
افراح: لا ما ابي اخرب عليكم يمكن عندكم موضوع خاص
فايز: على راحتج
افراح بقلبها: مالت عليك محاميد خيطان....يعني رومانسي ما اقول الا الله يلعن كل بخيل بهالدنيا......ولا يقوللي ما تجين ويانا.... عقب هذا الحلو اللي شفته امس شحلااااااااته اطلع معاك ويييييييييع..بخيل حتى انه يظبط لحيته عدل..ما اقول الا عسى الله ياخذك ونفتك منك
ام افراح: يلله انا جهزت
فايز: اوووووووووووووووووووه نسيت لا اجيب الفلوس بروح اجيبها دقيقه ماني مطول
هني افراح طرت علبالها فكره انها ت....
بهلوقت
فبيت مرام
بغرفة ريم
ساره: بشري شلونج بالدراسه
ريم: تمام
ساره: ايه تمام وانتي 24 ساعه ويا حريصه ما ادري افراح
ريم: لا تخافين على اختج.....اظبطج
ساره: الله يوفقج يااااااااااااااارب......
ريم: يا رب
ساره: وين شوق غريبه العاده بدارج
ريم: زعلانه .....مالت عليها
ساره: ليش بعد
ريم قالت السالفه حق ساره
ساره: ريم حبيبتي..... شوق للحين ياهل....وهي روحها متعلقه فيج.....تغار لما تقولين انج تحبين احد اكثر منها
ريم: الحمد الله عالعقل.....تغار من جوزيف
ساره: كبري عقلج ولا تستعبطين.....هي ما تغار من جوزيف...تغار من كل الناس اللي تحبينهم مثلا اصاله
ريم: عاد لي اصاله وبس ورب الكعبه ما تيي ربع غلا اصوله
ساره: ريم انتي مو طبيعيه والكلام معاج ضااااااااااايع تحبين وحده ما تصيرلج اكثر من اختج
ريم: تقارنين اصوله باي احد بالدنيا انا احب اصاله واصاله واصاله واصاله وبس
ساره: انتي مو طبيعيه لازم تروحين تتعالجين عند دكتور نفسي ....
ريم: اسم الله علي اسم الله علي .....ماني مينونه عشان اروح لدكتور نفسي.....وانا حره احب اللي احبه
ساره: اوكيه.....على راحتج ... عن اذنج يا ....مجنونة اصاله .........وطلعت
ريم ببرود غنت : يا مجنون مش انا ليلى ولا بنسمة هواك ميلا عايزني اقول بحبك ليه بحبك بس مش قايله يا مجنوووون
بهلوقت فبيت فايز
افراح بقلبها: اوكيه كللل شي تمام....والله لطلع حرتي كللها واخذ بحقي و
رن تليفونها
افراح: هلاااااااااا.... تمام وانتي.....فاااااااضيه.....ملاااغه...اوكيه.....خلاص دعوتج مقبوله اليوم بييكم .....بااااي .
بهلوقت بمحاميد خيطان
ام افراح: الله يخليك دشت خاطري ابيها
فايز: قلت لا يعني لا
ام افراح: سعرها معقول......تكفا....بس بعشرين دينار
فايز: يا مره خافي الله خافي الله ويصارخ جدام كل الناس
هذي فلوووووووووووس مو لعبه ما تشوفين المجااااااااااااعت يا مره خااااااافي الله خافي الله الله ما يحب المسرفين اتقي الله ......صبرا جميل وبلله المستعان
:والناس يطالعونه.....وام افراح صار وجهها احمر من الفشيله لنه ما اكتفى انه يكسر خاطرها وبس لااااا زفها جدام الله وخلقه....
بهلوقت في بيت مرام
كانت ريم تكلم الخدامه وتقوللها عندنا اليوم ضيوف
يعقوب سمعها
يعقوب: ومنو بيزورنا
ريم بلا مبالاه: افراح
وكملت كلامها للخدامه
يعقوب بقلبه:هياااااااااااااااااااااا هيااااااااااااا عاد اليوم لازم اكلمها لاززززززززززززززززززم
بهلوقت
بدر بديوانية العود
محمد: اسمعوا يا شباب تعليمات العود..... العود اطال الله بعمره..... خصص ميزانيه ضخمه لنصره الرسول عليه الصلاة والسلام
الكل بصوت واحد: عليه افضل الصلاة والسلام
محمد يواصل كلامه:ونشرنا بعون من الله منشورات لنحرك قلوب المسلمين لنصره حبيبنا وشفيعنا من النيران....والعود قاللي ابلغكم... انه من اليوم ورايح راح نسوي اعتصامات في انحاء متفرقه ......وبلاخص امام مجلس الامه.لكي نحرج الحكومه ويقوموا بواجبهم .....وحربنا ضدهم لعنهم الله ...المقاطعه .....المقاطعه والمقاطعه ....هذا سلاحنا ...وباذن الله سوف نضر اقتصاد تلك الدوله الكافره....وسننشر سلاحنا عند جميع الناس.....نسئل الله التوفيق ...وصدقوني العود اخبرني بان نشاطنا سيتوقف وسنركز على هذه القضيه لكي ندافع عن سيد البشريه صلى الله عليه وسلم....لا تنسون الاعتصامات تبدا من باجر ..
بهلوقت
افراح عند باب بيت مرام
يعقوب كان ينطرها عشان يبي يكلمها
يعقوب : مساء الخير والاحساس والطيبه مساء ما يليق الا بافراح
افراح بلهجه رسميه: مساء النور
يعقوب: انا محتار...معقول القمر نزل من السما ويبي يدخل بيتنا
افراح:هذا من ذوقك...عن اذنك تاخرت على ريم
يعقوب:افراح.. ممكن تعطيني رقمج ضروري.ابي اكلمج بموضوع ضروري ما اقدر ااجله .
افراح: قول شعندك ما ابي اعطيك رقمي
يعقوب: والله العظيم سالفه طويله ومهمه انتي عطيني رقمج وانا اقوللج اياها وانتي احكمي
افراح: اوكيه بس على شرط.تقوللي الموضوع وعقبها ما تدق علي
يعقوب: انتي الحين عطيني رقمج وبعدين نتفاهم ولا اقوللج عطيني موبايلج
وخذا موبايلها ودق على نفسه وسيف رقمها
يعقوب: تماااااااام الحين انتي ادخلي عشان ريم لا تلاحظ انج تاخرتي....واول ما تردين بيتكم انا بدق عليج واقوللج الموضوع
بنفس هالوقت
في بيت فايز
ام افراح بغرفتها تبجي تبجي تبجي
تقول بينها وبين نفسها: يا ليتني طعت اهلي ليتني طعتهم وما خذيته يعل الله ياخذه جانه حارمني من كل شي استغفر الله استغفر الله
وقامت وتوضت وصلت ركعتين ودعت : يا رب يا حبيبي انك تاخذلي بحقي منه يعله ما يتوفق لا بدنياه ولا اخرته.....عساه مثل ما حرمني من كل شي تحرمه يا ارحم الراحمين.....يا رب يا رب خلني اشوف فيه يوم عاجلا وليس اجلا ....
بهلوقت
افراح: ريومه جنه اليوم يبدا برنامج مع حبي مال جومانا حطي على روتانا خلينا نشوف منو معاها
ريم: ما ابي ....... بعد حلقة الطقاقه في مع حبي اللي سبت فيها اصاله انا قاطعت قناة روتانا بكبرها
افراح: اووووف انتي متعصه حدددددددددددج
ريم: فوق ما تتخيلين اللي يرش اصاله بماي ارشه بدم
افراح: دام السالفه وصلت للدم خلينا نغير الموضوع
ريم: احسن لني ذكرتها عسى الله لا يسامحها عالكلام اللي قالته وان شا الله ييي يوم يسبونها فيه ......نسيت اقوللج
افراح: شنو
ريم: امس تهاوشت مع بدر وما سكتله وخليت امي تزفه
افراح: عفيه عليج ....لازم ما تخلين احد يتحكم فيج
ريم: بدر صاير كريه انا اكره كل واحد عنده لحيه
افراح:مشا الله عليج شخصيتج قويه وتعرفين شلون تاخذين حقوقج
ريم: اظببببببببببببطج
افراح: واااااااااي للحين وانا افكر فيه
ريم: منو
افراح: هذاك الحلو اللي شفناه بميس الغانم يجنننننننننن يا حلاااته
ريم: الحمد الله والشكر صج كلا يغني على ليلاه
وقعدوا يسولفون وصارت الساعه 12
افراح: يلله لازم ارد البيت
ريم:شفيها سيندريلا
قامت افراح: ما اقدر اطول باي
ريم: افراااااااااااح شفيج جنج مقروصه
افراح: صدقيني ما فيني شي بس والله ما اقدر اقعد دقيقه وحده
ريم: على راحتج
افراح: بااااااااااااااااي
ريم: باي
وردت افراح بيتها
يعقوب كان قلبه يدق اكثر من دقات الساعه مو مصدق انه يفصله عن افرااااااااااااح بس 7 ارقام
مو عارف شيقول ومن وين يبدا .....ومتوتر حدددددددددددددده
دق عليها
افراح شافت رقمه قالت لنفسها خله ماني راده من اول مره
يعقوب انجننننننننننننن لا يكون قصت علي وما تبي تكلمني
دق مره ثانيه ........عطته افراح سككككككككككب
دق مره ثالثه ردت عليه
افراح: الو
يعقوب: الو
افراح: منو معاي
يعقوب: افا ما عرفتي صوتي
افراح: اخوي الظاهر انته غلطان مع السلامه
يعقوب: دقيقه دقيقه.....انا يعقوب اخو ريم رفيجتج
افراح: هلا يعقوب شلونك
يعقوب: بخير وانتي
افراح: بخير
يعقوب: اخيرا عطيتينا ويه
افراح: حرام عليك انا مطيحه ببيتكم
يعقوب : مطيحه عند ريم مو مطيحه عندي
افراح: نعم
يعقوب: اقصد ما اشوفج بس تقعدين مع ريم
افراح: ايه
يعقوب: انا اسعد انسان اني سمعت هالصوت الكرواني
افراح :سكتت
يعقوب: وين رحتي
افراح: يعقوب انته قايللي عندك موضوع .....تفضل اسمعك
يعقوب: انا اقوللج الموضوع.... انا شفت وحده تقول للقمر قوم وتقعد مكانه....وحبيتها
افراح: ليش ما تصارحها
يعقوب: اخاف لي قلتلها تفهمني غلط وانحرم منها
افراح: صدقني البنيه تحب الواحد الجريء ....توكل على الله بس ما اوصيك قوللي شقالتلك
يعقوب: ساكت
افراح:ساكته
يعقوب: افراح......البنيه هذي ...
افراح قلبها يدق بسرعه خياليه
يعقوب: البنيه هذي .....انتي
افراح طارت من الفرحه:
يعقوب: افراح سوري على جراتي.....بس
افراح: لا بس ولا شي .....هذي مشاعر وانا متفتحه واقدر المشاعر
يعقوب: افا اقوللج احبج ........تقولين مشاعر
افراح:بصراحه........انته أي بنت تتمناك
يعقوب: انا ما ابي أي بنت.....انا ابيج
افراح: يعقوب... حتى انا معجبه فيك...
يعقوب: والللللللللللللللللللللللللللللللللللللللله
افراح: دقيقه دقيقه.....اقوللك معجبه فيك .....بس ك حب بصراحه تو الناس .....خل نعطي نفسنا فرصه
يعقوب: يا حبيبتي انا كلي لج مو فرصه فرص
افراح استغربت من جراته وشلون قال حبيبتي
يعقوب حس: اسف بس صدقيني طلعت لا شعوريا
افراح ساكته
يعقوب: لا يكون زعلتي......خلاص ما اعيدها
افراح: شدعوووووه لا زعلت ولا شي ....بس ممكن اسئلك سؤال
يعقوب: عيوني لج
افراح:تسلم عيونك.....شمعنى انا من بين كل هالبنات اللي
قاطعها يعقوب: لا تكملين......لا تقللين من قدر نفسج انتي
قاطعته: لا يعقوب انا واقعيه.......انت على شنو حبيتني...وانا على قد حااااالي
واستمرت المكالمه الى الساعات الاولى للصباح.....وعزمها يعقوب على العشا
بعد هالمكامله
بغرفة افراح
افراح تقول لنفسها: اول مره احد يحسسني اني ... موجوده ومهمه......بس على شنو يعقوب يحبني...استدركت...صج انا حيل حلوه بس يمكن فيه احلى مني....ههههههه وين يلقى بلكويت كللللها وحده احلى مني ههههههههه كلهم جياااكر هههههه بس جنه خربت خطتي المفروض اني اثقل عليه عشان اجيب راسه بس انا قبلت عزيمته.....يا ربي سحرني بكلامه ...اول مره اشوف واحد كل كلامه ينقط عسلل والله اني ضعت فيه وماني عارفه شبسوي .....باجر كل شي يتحدد
بغرفة يعقوب
يعقوب يقول لنفسه: انا كلمت بنات لي الراس بس مثلها ما كلمت.....صوتها يرد الروح....ًصاااااااااااروخ ارض ارض........ ما تطوووف.....لازم ما اخليها تروح من ايدي...غلطان من يطوفها ....هذي وبس...طلعت روحي على ما وصلتلها....لازم اطلع تعبي....بس ما ادري جني حبيتها صج وانا ما ادري....ما ادري يا معود خلها على الله
وانتهت احداث اليوم
ولكن السؤال اللي يطرح نفسه
شنو تاثير علاقة افراح ويعقوب على العايلتين
ولو يعقوب يبي يتزوج افراح...مرام بتوافق ولالا
وهل يعقوب وافراح يبون يتزوجون بعض ولا ...

صياحي
02-03-2008, 04:30 AM
اخواني اتمنى اتمنى اتمنى تدخلون على منتديات قبيلة العجمان
وشوفوا كمية الردود الهائله على قصتي لدرجة اني مرشح اني اخذ لقب احسن كاتب واحسن قصه بمنتداهم
اشهد انكم عز يا العجمان عزززززززززززززززز لي قعدوا سلاطين ولي قاموا شياطين

ملاحظه انا عتيبي وحديدا عصيمي من الصوبين يعني مالي علاقه بالعجمان اتشرف بس الواقع لا بس لقيت عندهم كل حب وتقدير

اتمنى الاقي عندكم مثل اللي لقيته عندهم واكثر

(ملاحظه انا نزلت قصتي بمنتديات عتيبه مو عتيبة الكويت لا عتيبه الثاني ولاسف ما لقيت ذيك الردود الكبيره يش الله اعلم)

عموما عشان اسوي كل اللي علي
الحين الحين الحين راح انزل كل الاجزاء مع النهايه الحين

على امل القى الاهتمام المطلوب

صياحي
02-03-2008, 04:34 AM
في اليوم التالي
في الصاله
قاعدين مرام وساره وريم
مرام: ساره صارلج فتره احسج مو على بعضج عسى ما شر
ساره بارتباك:لا لا ماكو شي بس تعرفين انا احب القرايه واقضي وقتي بالقرايه
مرام: ساره اذا عندج مشكله صارحيني انا امج وانا اكثر وحده تحبج
ساره: صدقيني اذا طحت بمشكله اول وحده بقوللها انتي
مرام: على راحتج
بدر دخل الصاله
ريم:اووووووف انا بروح غرفتي
وراحت غرفتها وهي تغني (في عينه شفت محبتي وادري تحرا جيتي بس لا تقولوله دريت انهوا سارق صورتي) غنت عناد في بدر
بدر:هذي شايفه ابليس
مرام: شقلنا
ساره: انا بروح غرفتي يما اذا تبيني ناديني انا ما ابي اقعد بمكان اللي فيه واحد يعامل الناس جنهم حيوانات
طلعت ساره من الصاله
بدر: ساااااااره
ساره: خير
بدر: انتي تقصديني صح
ساره: اللبيب بالاشاره يفهم
بدر: لازم قبل لا تحكمين تسمعين الطرفين
ساره: انته شفيك انا بروح غرفتي لا يكون هذي حرام والله مو ناقص الا تحرمون علينا الهوا اللي نتنفسه
بدر: انا طول عمري اضرب فيج المثل انج التكانه ما توقعت انج تصدقينها وتجذبيني
ساره طالعت بدر من فوق لي تحت وراحت غرفتها
بهلوقت في بيت فايز
حصه: ماني مصدقه عيوني حريصوه اللي دايما عاقده النونه ضحكتها من هالشق لي هالشق
افراح: يما انتي بس ادعيلي انه الله يخلي كل شي يمشي مثلما انا مخططتله ومالج الا طيبة الخاطر
حصه: السالفه فيها جنسيه
افراح: مو جنسيه جنسيه لا لا تقدرين تقولين بداية طريج الجنسيه
حصه: عسى الله يوفقج يا نظر عيني
افراح: اميييين...
بهلوقت فبيت مرام
بدر: يما شفتي اخواني اذا شافوني يطلعون
مرام: من زرع حصد انت طقيت ريم خذوا منك موقف صلح علاقتك معاهم واذا انته ربيت اللحيه هذا مو معناته انك الكامل مو كامل الا الله كلنا ناقصين وفينا عيوب
بدر: يما ما ابي اخسر اخواني ابي نرد مثل اول
مرام: اذا تبي تستمر تحلل وتحرم جذيه راح يستمر موقفهم منك اللي تقوله محد هني يبي يسمعه اذا تبي تنصح احد اختار المكان والوقت المناسب يعني مثلا برمضان الله يعيده علينا واذا الواحد مرض هني تقدر تنصحه لكنك فجاه تيي للواحد وتقول اتق ربك اطلب المستطاع لتطاع انا بروح غرفتي عشان عندي مشوار ضروري عن اذنك
وطلعت العمه وخلته لحاله بالصاله
بدر حس بالوحده والغربه مع انه وسط اهله واخوانه
حس بعدم التوازن لدرجة انه من كثر الضغط والحرمان طرت علباله افكار انه يرد مثل قبل
وقال لنفسه
انا لازم اشيل اللحيه وارد مثل قبل عشان مااخسر اخواني ما اقدر اعيش بدونهم.....استغفر الله استغفر الله تذكر لما الرسول عليه افضل الصلاة والسلام..لما حاربوه اهله وشلون انه صبر وتحمل تذكر موقف عم النبي وشلون النبي ثبت على موقفه هني استغفر ربه وقال لنفسه لو شنو ماني راد مثل قبل لو شنو بعدما مشيت بدرب النور ارد مثل قبل مستحيل
بهلوقت بغرفة ريم
ريم: هاااي افراح...حددددي متضايقه لبسي بمرج
افراح توهقت حييييل: لا لا ما اقدر اليوم عندي شغل ضروري
عصبت ريم: باي
افراح: دقي..
ريم سدت التليفون وعصبت
ريم لنفسها: والله دنيا هذي صارت مشغوله وانا اللي لبستها وسنعتها ولا قبل كانت قذره وشكلها يسد النفس انا نظفتها وعدلتها
شوق: هووووووووووووووب هووووووووووب وين رحتي
ريم: ولا شي ولا شي
شوق بخبث: وين بتروحون انتي ويا افراح
ريم باستهزاء: حريصه مشغوله والله حاله والله حاله
قامت شوق وقبل لا تطلع من الغرفه قالت
شوق: ريم يداتنا يقولون انه الوحده ما تنفعها الا اختها
وطلعت
هني ريم ماتت من الحححره وحست جنه افراح اهانتها لما رفضت تطلع وياها لنه ريم تحس انه افراح مفروض ما تقوللها لا لنها ريم وهي حريصوه
بهلوقت
يعقوب: هلااا بوشهاب...اسف اليوم والله ما اقدر احضر المباراه.....شغل ضروري.....شغله خاصه.....لا تحنجها عاد
....ما اقدر ....والله ما اقدر احضر المباراه....يبا لي الله بقوللك ليش....اعصابك يبا اعصابك....اليوم مواعد افراح....لا تصرخ لا تصرخ....انا ما قلت اهيا اهم منك......اسمعني.........لا تصارخ ترا حتا انا اقدر اصارخ.....شلون.....احمد انا مقدر انك على اعصابك......لا تقولني شي ما قلته....ما قلت مينون ....
واحمد سد التليفون بوجه يعقوب
احمد العصيمي دق على يعقوب على اساس يذكره انه اليوم مباراة الكاس...وانصدم انه اعز واحد عنده ما راح يحضر لنه مواعد....احتر حيل لنه فهمها انه هلبنت اهم منه عند يعقوب عشان جذيه صار يصارخ وغير هذا احمد يمر بفترات صعبه وظغوطات خياليه خياليه ...الله يعينك يا احمد العصيمي
بهلوقت
امام مجلس الامه
اعتصامات وتجمعات من اجل نصرة رسول الله
كان منظر مههههول الكبار والصغار تجمعوا عشان نصرة الرسول
مطاوعه ومو مطاوعه الكل تجمع جدام المجلس
وطبعا طلعوا اعضاء بو ربع دينار واوراقهم وخطبهم بجيوبهم وقعدوا يصارخون ويسبون الحكومه وخلطوا الحابل بلنابل وقطوا نغزات على اسقاط القروض لنه اعضاء بو ربع مجرد ابواق صوتيه فقط لا ذمه ولا ضمير
ولكن كان تجمع مهههول لدرجة انه امريكا زعلت حيل حيل من هالتجمع الموطبيعي
ولكن كان للعود وحملته اثر
قام ونصب خيام وجماعة العود يوزعون بوسترات مكتوب عليها محمد رسول الله في قلب كل مسلم ووزعوا اشرطه وخطب من اجل نصرة رسول الله
ومكبرات صوت وخطب متنوعه من كذا شيخ والموضوع واحد عن نصرة رسول الله
وكانوا شيوخ الدين في خطبهم يحثون الناس على استمرار المقاطعه...لنها جابت نتايج خياليه وضرت اقتصاد الدنمارك
ولو استمرينا على هالحال راح ندمرها الى الابد
ولكن اللي خلا الاجواء تسخن وصول نبا انه الدنمارك يبون يجمعون مصاحف القران الكريم ويحرقونها كلللها
هني تجمع الدم بعروق الحضور وبصوت واحد الا اله الا الله لا اله الا الله الله اكبر وعمت الفوضى واختلطت الاصوات اللي يندد واللي يستنكر واللي باعها من الغضب وسما زعماء بعينهم ولقبهم بالخونه والعملاء
همسه
(الشيخ نبيل العوضي ما قصر وطرح هلموضوع في برنامجه ساعة صراحه...يعطيك مليار عافيه يا شيخ نبيل)
بهلوقت بمطعم فرايديز
يعقوب قاعد على اعصابه ينطر...احلى صيده...غزالته
...وقضى الوقت في طقطقت اصابعه فوق الطاوله بشكل هستيري....ولكن شاف قمر يمشي على رجلين قمر نورت الضباب اللي حوالين عيونه...افراح جت
وكانت فوق جمالها المو طبيعي زايد حلاها حييييل
لبست احلى ما عندها...طالعه مثل البدر ...
يعقوب من فرحة قلبه وقف لما شافها
افراح: مساء الخير
يعقوب: مساء الجمال مساء الحلا كلللللللللله
افراح حطت راسها بالارض
يعقوب: يبا عاش من شافج واخيرا
افراح: يعقوب بنتم واقفين لي متى
يعقوب:ههههه تفضلي تفضلي والله من زود فرحتي
افراح وهي قاعده:ههه لا عادي
يعقوب:تصدقين كل مره اشوفج ملكة جمال بس هلمره غير عن كل مره اليوم طالعه شي مو طبيعي
افراح: ترا استحي
يعقوب:هههههه حلاة اللي يستحون
افراح: بس عاد يعقوب غير الموضوع والله ترا اطلع
يعقوب: خلج خلج ما صدقت اشوفج ....القمر شتشرب
افراح بدلع: فرواله
يعقوب: اكييييييييييييد اكييييييييد فروايه فراوله تشرب فرواله بس اعتقد الفراوله بتشربج لنج احلى من الفراوله
افراح:ههههههههه
يعقوب: انتي فراوله وبتشربين فراوله اذا جذي انا وين القالي عصير بيديان
افراح:ححراااام عليك انته مو عارف قدر نفسك....بقوللك شغله بس انساها....انته احلى واحد شفته بحياتي
يعقوب :شنوووووووووووو والله والله
افراح: ساكته
يعقوب: احلى من احمد العصيمي
افراح بضحكه: بواااااااايد
يعقوب: اخيرا اخيرا هالانسان عقدتي كل البنات اللي اكلمهم يقولونلي اهوا احلى منك
افراح: نعممممممممممم كل البنات اللي تكلمهم؟
يعقوب: هذا قبل بعدج بقطهم كلللللللللللهم ورا ظهري
افراح: شوف حبيبي انا وبس
يعقوب: عيديها مره ثانيه
افراح بخبث: انا وبس
يعقوب: لا اللي قبلها
افراح باستعباط: شوف
يعقوب: عيديها تكفين
افراح بخبثثث: استحي ...اقولها لك بلليل
يعقوب بقلبه:هذي يايتني مقشره
افراح: وين رحت
يعقوب: معاج معاج
افراح: يا حظي وين اللي بيطلبلي عصير
يعقوب:ههههههه نسيت سوري سوري
وطلبلها عصير
بهلوقت
اللاعب احمد العصيمي تعرض لاصابه ققققققويه حيل
وودوه المستشفى
وقالوله حالتك صعبه ولااااااازم تسافر تتعالج بالخارج
بهلوقت
يعقوب رد البيت بس بعدما وصل افراح بيتهم واتفقوا يشوفها باجر....يعقوب على كثر ما كان قلبه مع افراح لكن كان مع كل دقه يفكر بالمباراه ويفكر باحمد العصيمي
دق على واحد من ربعه وقال له انه القادسيه فازوا...وقال له انه النجم احمد العصيمي مصاب...هني يعقوب ما قدر يصبر ودق على احمد العصيمي وانصدم لما احمد العصيمي سد التليفون بوجهه....معقول يسده بويهي شسويتله انا شكو اذا هو مصاب....بلعنه ماني داق عليه مدام معاي القمر مالي ومال النجوم
افراح دقت على ريم
ريم: لاااااااااااااااا تو الناس ....
افراح: ريومه عاد لا تزعلين..
ريم: افكر
افراح: احمدي ربج لاحظي انج انتي اللي ساده التليفون بويهي بس مع هذا جم ريم عندي
ريم: احرجتيني
افراح: اقوللج وين كنت
ريم: قولي
افراح: كنت بالمطعم مع ...ريم تذكرين هذاك الحلو اللي شفناه بميس الغانم
ريم: شفيه
افراح: كنت اتعشى معاه
ريم: مااااااااااااااااااااااكو شغل ... شلون طلعتي معاه مو قادره استوعب
افراح: ههه اهوا ذيك المره قط علي رقمه ومن يومها وانا احاجيه يوميا لين قاللي لازم اشوفج
ريم: الله يهنيج
افراح: شفيج تقولينها بحقد
ريم: لا حقد ولا شي......
افراح: اظبطلج اخوه
ريم: ما ادري خليني افكر
افراح: انتي ليش دافنه جمالج...اي شي اذا اهملتيه يموت حتى الورده اذا ما سقيتيها ماي تذبل
ريم: يلله نجرب...قلتيلي اخوه
افراح: ايه اخوه...انا بحاول
ريم: مو تحاولين ......لااااااااااازم شهيتيني
افراح: اوكيه ...حدي دايخه بناااااااااام
ريم بخبث: دايخه وبتنامين....ههههههه
افراح: وويعه....
ريم: ههههههه
افراح: يلله اخليج بناااااام
ريم: تصبحين على خير
افراح: وانتي من اهله
افراح لنفسها: هههه والله خبله تبيني اضبطلها اخوه... اذا اخوه هو اخوها ..هههههههههه لو اعطيها رقم اخواها على اساس انه اخو هذاك هههههههههههه يحليلج يا ريم صييييييييييده....
بهلوقت يعقوب بغرفة بدر
يعقوب: جزاكم الله خيرا يا اخوي على اللي سويتوه امام المجلس
بدر: يعقوب فوق ما تتخيل انا مستانس انك اهتديت عسا باجي اخوانك يهتدون مثلك
يعقوب: الفضل لله ثم لك يا اخوي
بدر: تعبت وانا اكلمهم بس عمك اصمخ
يعقوب: الله الهادي...يلله انا بنام وراي صلاة الفجر
بدر: تصبح على خير
يعقوب: وانت من اهله
بدر: دقييييييييقه تبيني اقومك عشان نروح المسجد مع بعض
يعقوب توهق: لا لا انا اقوم بروحي
وطلع يعقوب من غرفة بدر
ملاحظه
: يعقوب ما اهتدى ولااااااااا شي
يعقوب يمثل على بدر انه اهتدى عشان يسرح ويمرح على كيف كيف كيف كيفه وعشان يفك نفسه من الحنه والمشاكل لنه بعد ما بدر طق ريم هني يعقوب خاف من بدر وقال لازم امثل عليه اني اهتديت بس بدون ما اهله يدرون يعني قال لبدر خل الموضوع بيني وبينك لين ما اثبت عدل حزتها تصير عندي حجه جدام اهلي بس الحين ما اقدر اثبت
بدر صدق كلامه ووعده انه يصبر عليه فتره لين يحس انه ثبت عدل.
يعقوب بغرفته
:افرااااااااح عذاااااااااااااااااب ما تطوف صاااااااروخ جو جو....اه بس متى....
افراح بغرفتها
: انا شفيني ماني قادره اقول له لا....صايره خفيييفه
من اول مره كلمني طلعت وياه وباجر طلع وياه...بس يا ربي ما اقدر اقاوم كلامه العععسل......يا ربي عنده جاااااذبيه لما يضحك مو طبيييييييعيه وفلوس ....ولا سيارته...لما قعدت على الكشن اشتهيت انام عليها من كثر ما هي كشخه
يا ربي خله لي...افراح بدت تتتحب يعقوب
رن تليفونها ...المتصل ...حبيبي يعقوب
ردت عليه
يعقوب: هلا حياتي...تصدقين اشتقلتج
....واستمرت المكالمه للفجر ولكن بجراه اكثر من امس

صياحي
02-03-2008, 04:35 AM
ومرت ايام على ابطال شخصيات قصتي
وخلال هالايام
الحكومه الرشيده...قامت وهاجمت العود وجماعته وحجزت على اموالهم...واسجنت بعضهم ....عشان مره ثانيه ما ينصرون الرسول...وهذي كبيره بعيون حكومتنا الرشيده
السالفه وما فيها...امريكا انجنت من هالتجمع المهول
شلون الكويتيين يوقفون بوجه الكفره رفعوا التليفون وقالوا للحكومه...خلصوا عليهم..وفعلا ..صار العود بدون فلوس وبدون حريه...وبدون...جنسيه..اسحبوا منه جنسيته
وقطوه بالسجن مثل المجرمين...متهم ب(نصرة الرسول)

من حسن حظ بدر انه عضو (نيو) في جماعة العود
يعني الحكومه ما حطوه براسهم وامسكو الروس الكبيره بالتجمع بس
لكن بدر حس بفراغ وظلم وقهر مو طبيعي
لنه بنظر بدر ...العود ما سوا شي يخالف القانون بس انه مشى على قول الرسول..انه لازم الواحد يفدي الرسول بكل شي بامواله وعياله وبنفسه وهذا اللي سواه العود...ما غلط بحق احد ولا اذى احد...ولكن الحكومه...(حكوووومه)

(أي واحد يفكر انه يحارب التطرف ويقوم وينشر للي على عيونهم الضباب ...الدين الصحيح عن طريق النصيحه والاسلوب الحسن نهايته مثل العود)
(بصراحه وبجراه...لنه امريكا هي الداعم الرئيسي للارهاب في الشرق الاوسط...ووجود الارهاب من وجود امريكا...واذا زاد الوعي الديني الصحيح وكثروا امثال العود...هذا يعني انه ماكو ارهاب...واذا ماكو ارهاب...معناته القوت الامريكيه (اللي بلكويت وبلخليج العربي وبلمنطقه عمرما) لازم يشدون ويردون ديرتهم..فهمتوا ولا للحين)

واللي زاد الطين بله وزاد وحدة بدر وحده
اهله يتحاشونه بطريقه مو طبيييعيه لي دش الكل يطلع
يكلمهم ما يردون عليه عدل..هذا غير النغزات ...
كل هذا وهو ما يقول الا..صبرا جميل وبلله المستعان ..

اللاعب احمد العصيمي
الدكاتره قالوا له اصابتك خطيره ولازم تروح تتعالج بالخارج
راح احمد العصيمي للنادي...وكان ردهم...الرفض
على اساس انه ما منه فايده ووقته انتهى لنه الحين عطائه مو مثل قبل حتى في المباراه اللي انصاب فيها دخل بالشوط الثاني...احمد العصيمي حس بالقهر انه ناديه تخلى عنه
راح لاعضاء المجلس..(راح للاعضاء اللي كانوا اساسا رؤساء انديه ومهتمين بالرياضه) وكان الجواب ..
انته مو من دائرتي اسف

هني احمد العصيمي اظطر يسافر على حساب اهله للخارج
ومرت عليه ايام صعبه لنه الاصابه كانت حيل حيل خطيييره
مرت عليه ايام ما كان يعرف لذيذ النوم
صار شبه هيكل عظمي..وهو اللي كانت اضواء الشاشات تطارده...صار وحييييييد...
واللي زاد جروحه عمق....الدكاتره قالوا لازم نقطع رجلك اليمنى
هني احمد العصيمي...شوي ويفقد عقله...شلون يقطعون رجلي شلووووووووووووون شلوووووووون
بجا بجي يعور القققلب
ولكن تسلح بالايمان وبالصبر لامر الله عز وجل

(هذي نهاية اللاعب عندنا بالكويت...اللاعب الكويتي بالنسبه للحكومه...مثل الكلينيكس...له وقت وبعدين مصيره ال.....
لا اهتمام ولا رعايه ولاااااااا حتى احترام ولااا شي
ويقولون ليش المنتخب ما يجيبلنا كؤوس
(لي عاملتوا اللاعب مثل الاوادم ذيك الساعه تعالوا اشرهوا عليهم لكن طول ما هذه نظرة الحكومه للاعب فاتمنى منهم يكرمونا بسكوتهم..واقول حق الجماهير ...ترا لما منتخبنا ما يحصل على الفوز هذي مو خساره...الخساره لما لاعب مثل احمد العصيمي تكون هذي نهايته...حسبي الله ونعم الوكيل

طول هالفتره ويعقوب يدق على احمد لكن جهازه مغلق مغلق
احمد العصيمي شرا خط ثاااني وقرر يبعد عن يعقوب لنه مستحيل يخلي احد ينظرله نظرة استعطاف...

خلال هالفتره
يعقوب وافراح تقربوا من بعظهم اكثر واكثر واكثر الى درجة..... قال رسول الله عليه الصلاة والسلام...ما اختلا رجل بامراه الا وكان الشيطان ثالثهما.....وصار اللي صار

بس بعدما صار اللي صار
افراح قعدت تبببببببجي تبجججي (صج انه اللي صار برغبتها ...بس حست بالرعب من المجهول) هي سوت اللي سوته لنها ضعفت جدام ...حلا يعقوب...وجاذبيته واسلوبه الحلو
اما يعقوب
حس انه للسنه 3 اعياد....وصار اللي صار اكثر من مره....
برغبة الطرفين...(بالرغم من رعب افراح من المجهول ولكنها كانت تسوي اللي تسويه....بكامل ارادتها...)
يعقوب لما تفتح معاه افراح موضوع الزواج...يغير الموضوع وياخذها الشقه و........

خلال هالفتره ....يعقوب غررررررررررق افراح هدايا وعطورات وفلووووووووووووس وكروت وككككل شي يخطر على البال ........
عشان جذيه نعيم يعقوب نسا افراح ريم....صج انه ريم كانت تعطي افراح....بس يعقوب يعطيها ببذخ..(يعقوب يقدر يعطيها اللي ريم تعجز انها تعطيها اياه....)......

وخلال هالفتره
افراح من ايااااااااام طويله وهي ببالها خطه (مو يعقوب ولا ريم شي ثااااااااني)...ويوم عن يوم ...رسمتها اللي ببالها توضح اكثر واكثر
ودلت المكان .....,

وخلال هالفتره
افراح قالت ليعقوب انها رفيجتها تكسر خاطرها...انطوائيه حييييييييييل ....وودي اغيرها واخليها اجتماعيه
يعقوب قاللها والمطلوب....قالتله ابيك تعطيني رقم واحد من ربعك....عشان اخليها تصير اجتماعيه وتكلمه
يعقوب وااااااااااااااااااااافق.....والبنت اللي ظبطها لرفيجه هي
اخته.........ريم

ريم مشت بطريج الظلاااام....صارت تكلم....
ملاحظه: للحين ريم بنت ......اللبيب بالاشاره يفهم


وخلال هالفتره
مرام سافرت ورجعت
مرام هالايام مو على بعضها....صارت تجيها كوابيس....راحت حق وحده من رفيجاتها تقرالها الفنجان
: قالتلها...انتي سويتي شي وراح تاخذين جزاج....
وراح تشرق بسماج شمس ....تحرق ككككللل شي

من يومها ومرام لا ليلها ليل ولا نهارها نهار
صارت الكوابيس ما تفارقها حتى وهي قاعده تفكر انه.....

احب اذكركم انه
كذب المنجمون ولو صدقوا .........
قال رسول الله عليه افضل الصلاة والسلام
من اتى عرافا فصدقه بما يقول فقد كفر بما نزل على محمد.

يعقوب (مُر) بُعد احمد العصيمي عنه مخليه حزين ولكن من يذوق شهد افراح.......ينسا كككككل شي

اما ساره صارلها موقف بايخ وهي رايحه للعماره اللي فيها الشقه.......وجهلها حارس العماره كلام جارح..اثر فيها حيل


في اليوم التالي
بغرفة يعقوب
دخل بدر ومعاه اشرطه وكتيبات
يعقوب: شنو هذا
بدر:هذي كتيبات راح تفيدك وهذي اشرطه للشيخ نبيل العوضي...نهاية التاريخ راح تفيدك حييل
يعقوب: جزاك الله خيرا انا حيل محتاجهم على الطاري انا بروح العمره هاليومين تيي وياي...ولا اقوللك لا ما يجوز نخلي البيت من غير ريال خلاص انا بروح واليايات اكثر
بدر بسعاده غامره: بارك الله فيك
يعقوب: خلاص يعقوب القديم خلاااااااااااص الحين بقضي عمري بالتوبه
بدر: بارك الله فيك...يعقوب الشيخ محمد العريفي ياي الكويت وعنده ندوه تعال معاي
يعقوب: محمد اااا نسيت اسمه...الله يلعنك يا ابليس المهم لا تحاتي انا اسمع محاضراته اول باول على موقعه

بمكااااااااااان بعيد خارج الكويت
كان احمد العصيمي.... بمحيطات الوحده والحزن
لا شهره ولا نجوميه ولا حلم ولا شي
حتى رجله رااااااااااحت ....
صارت دموعه كل شي بحياته من يقوم لين ينام (هذا اذا نام) وهو يبجي....حس بالقهر
:ِشلون انا اللي ضيعت عمري عشان ارفع علم الديره بكل مكان...ينسوني ..انا حصرت عمري كللله بالكوره واخر شي حتى الجمهور ما يسئل عني ...ليش ليش....وبجى بجي يقطع القلب.... استغفر ربه وراح توضا وصلى ركعتين ودعا ربه
وحزتها حس برااااحه لنه ربي ما يضيع احد
بهلوقت
فبيت فايز
ام افراح:فايز
فايز: فلوس ماااااااااااااا عندي
ام افراح: ليش حسبالك احنا ما نبي منك الا الفلوس
فايز: لا تلفين وتدورين حتى ربع دينار ما عندي
ام افراح: يا فايز يا حبيبي.... ترا الدنيا مو بس فلوس
احنا محتاجينك....بنتك كبرت وانا بروحي ما اقدر عليها بنتك محتا
فايز قاطعها: لا يكون عندها خرابيط...تبيني اخلي العقال ييبب على طهرها
ام افراح: فايز انا ما قلت جذيه...انا اقوللك انه هالزمن يخوف والبنت محد يسئلها وين رايحه ومنين راده والله لما اقرا الجرايد والجرايم اللي تصير احط ايدي على قلبي
فايز: عشان امصع رقبتها
ام افراح: اوووووووه انته الكلام معاك ضايع
فايز عصب: شنووووووووووو انا الكلام معاي ضايع
ومد ايده بيهفها كف
ام افراح مسكت ايده بقوه
ام افراح: اياني واياك تفكر انك تمد ايدك علي مره ثانيه تفهم
ودزته وراحت تركض غرفتها وقفلت الباب
فايز انننننننننننننننننجن شلون ام افراح مكسورة الجناح
توقف بوجهه وتهدده...ما عرف شلون يتصرف وشيقول حس
جنه صاعقينه بكهربا....
بهلوقت فبيت مرام
مرام والدموع بعينها : الحمد الله ربي طول بعمري ويا اليوم اللي تقولينلي احد يبيج على سنة الله ورسوله
ساره مستحيه
مرام: منو هذا قوليلي اسمه الكامل خليني اسئل عن اهله
جم ساره عندي انا
ساره بخجل: يما اسمه رافت محمو
قاطعتها مرام بغضب: شنووووووووووووو رافت...بتتزوجين مصري انتي طايحه بجبد نفسج انتي ما
ساره قاطعتها: يما لا تغلطين المصري ما فيه شي المصري مو انسان مو
قاطعتها مرام بغضب اكبر: المصري انسان على عيني وعلى راسي بس ما ازوجه بنتي
ساره: يما انا احبه وهو يحبني واصلا
مرام قاطعتها: اه انتي تحبينه وهو يحبج يعني انا وجودي مثل عدمه يعني يايه تبلغيني انج يتزوجين حالي من حال رفيجاتج
ساره: يما السالفه مو جذيه ...
مرام: شلون صايره السالفه حمره بيضا خضرا
ساره: الله يهديج الله يهديج
مرام: يا جليلة الحيا مينونه انا مينونه
ساره: اقطع لساني لو قلتلج مينونه...باستعطاف: يما يا حبيبتي انا احبه...ولا تنسين انه اللي بعمري راحت عليهم
مرام: يا حبيبتي...منو قاللج انه اللي بعمرج راحت عليهم...انتي توج بنص العمر
ساره: لا يما...صج اني بلعمر مو كبيره وايد...بس انتوا اللي حسستوني اني اكبر من عمري ب 10 سنين ولا عمرج حسستيني اني حالي من حال البنات ولا مره خليتيني البس قصير..او احط مكياج وريم كل هذا مسموح لها وانا ممنوع علي
مرام: ساره انتي فاهمه غللللط انا ما فرقت بينج وبين ريم
ساره: بلا بلا ....انا غير عن كلل البنات روحي للمارينا شوفي البنات اللي كبري شيلبسون شوفوا اشكالهم وشوفيني انا .....حتى انتي يما اهتميتي بنفسج وشكلج والكل يعطيج اصغر من عمرج...الا انا ...انا غير غيرغير وبجت
مرام حضنت ساره وبجوا اثنيناتهم .........
بهلوقت
يعقوب بغرفته يسمع اغنية وين انت للصوت الجريح الفنان القدير عبدالكريم عبدالقادر ويبجي
وين انت وشخبارك يا مغرب عن ديارك انا كل يوم اكحل ناظري بدارك اتمشى تحت هالسور واناظر بيتك المهجور
وينك يا فنر هلبيت بعدك انطفا العالم وما بقا بالشوارع نور وين انت....انتهى العام وابتدا العام الجديد وانته ناسينا اكيد وانته بعيد تاحش السكه وانا فيها الوحيد واللي بقا باب حزين وسور غطاه الحنين وينك يا فنر هلبيت بعدك انطفا العالم وما بقا بالشوارع نور وين انت ....
وبعدين حط اغنية الفنان راشد الماجد
لا تلوح للمسافر ...المسافر راح ..لا تنادي للمسافر المسافر راح يا ضياع اصواتنا في المدى والريح ذبلت انوار الشوارع وانطفا ذي الحروف وينها عيوني حبيبي سافرت مثلك حبيبي القطار وفاتنا والمسافر راح راح راح راح
وبجى حيييل وصار مدمن للاغاني اللي عن الفراق
هو حياته كلها متعلقه باحمد العصيمي وحس انه خسارة احمد العصيمي ما تتعوض بكنوز الدنيا وحط حرته بافراح وغير افراح على اساس انهم يكونون سلوى لغياب احمد العصيمي
بهلوقت
يرن تليفون احمد العصيمي
احمد يشوف الرقم...من الكويت رد
احمد العصيمي: الو
؟: الو
احمد العصمي: ابرااااااااااااااااااار
(ابرار هذي حبيبة احمد العصيمي اللي تزوجت واحد ثاني)
ابرار بصوت مخنوق: احمد شفيك ...ليش خليتني لحالي.. محتاجتك حييييييل وتبجي وتبجي
احمد العصيمي : ابرار انا ما خليتج لحالج....بس بصوت مخنوق ما اقدر اكلمج وانتي على ذمة واحد ثاني
ابرار: احمد انا تطلقت
احمد استانس وضاق خلقه عليها بنفس الوقت :ٍساكت
ابرار: احمد انا ما ابي غيرك..... ما قدرت اعيش معاه احمد تدري اني لما كنت اناديه كنت اناديه احمد...... وتطلقت
احمد العصيمي :ٍساكت
ابرار: انته طمني عنك والله من دريت بهلخبر وانا لا ليلي ليل ولا نهاري نهار
احمد العصيمي: خليها على الله....بس تعالي من وينلج رقمي
ابرار: لاااااا مشكور ما تبي تسمع صوتي
احمد العصيمي: لا مو جذيه...بلعكس انتي تدرين اني ابيع الدنيا بللي فيها عشانج وهذا انتي شفتيني بعد زواجج شصار فيني
ابرار: خلاص خلاص كسرت خاطري
احمد العصيمي :هههههههههه حدي اكسر الخاطر
ابرار: لا لا لا تفهمني غلط...
احمد العصيمي: شفييييييييييج والله ما زعلت
ابرار: اكمللك لما سمعت الخبر صكت فيني الدنيا وصرت مثل المجنونه ما اعرف شسوي......قمت ورحت لختك (اميره) وما قصرت وقفت معاي
احمد العصيمي: يحليلها اميره....ماني طالع من جزاها لي يوم الدين لنها خلتني اسمع احلى صووووووووت بحياتي كلللها
ابرار: احمد سكتت
احمد العصيمي: تفضلي
ابرار: ودي افتح معاك موضوع بس عيب اني انا افتحه معاك ....بس
احمد العصيمي: بس شنو
ابرار: احمد... بدون لف ولا دوران....انا احبك وانته تحبني..وانا طلبت الطلاق وتطلقت بس عشانك وانت تحبني وبدوني تعبت حيييل ا سكتت
احمد العصيمي: ابرار هلموضوع دايما ببالي من قبل لا تدقين وطرا ببالي اكثر لما سمعت صوتج ...بس ما اقدر يا ابرار...ما اقدر اتزوجج
ابرار: ساكته
احمد العصيمي: ابرار انا مقطوعه رجلي تدرين يعني شنو يعني من ذوي الاحتياجات الخاصه
ابرار وهي تبجي: احمد انا احبك احبك حبيتك وانته لاعب ومشهور تبيني اتخلا عنك وانته محتاجني ......احمد انا موافقه
احمد العصيمي ما صدق: والله
ابرار: ايه
احمد العصيمي: بس انا ما ابيج تتعبين معاي انا ابيج
ابرار: احمد تعبك راحه.....وخلاص....الا جانك ما تبيني هذا شي ثاني
احمد العصيمي: انا ما ابيج.....الا ابيج وابيج....بس نسيتي انه اهلج ما راح يوافقون
ابرار: احمد لا تنسى اني دلوعة ابوي....وانا صارحته وقلتله غير احمد العصيمي من الرياجيل ما ابي...قلتله أي واحد بتزوجني اياه غصب بجيك مطلقه ......ووافق
احمد العصيمي: وااااااااافق بس هو ما يدري اني انا سكت مقطوعه ريلي
ابرار: لا الظاهر يدري ........لنه قاللي انا موافق بس انتي راح تجيني وتقولين يبا ما ابيه .......معناته انه يدري وكان يبي الرفض يجي مني انا
واستمرت المكالمه واتفقوا على كل شي
بهلوقت في بيت مرام
مرام تطق باب غرفة ساره
ساره: منووو
مرام: انا امج
ساره حيااج
دخلت مرام
مرام: ساره بالنسبه للموضوع اللي حاجيتيني فيه من شوي اتمنى انج تنسينه موليه.....انتي شناقصج عشان تاخذيه
ساره: يما ناقصتني اشياء وايد استحي اقولها لاحد
مرام: ساره حبيبتي....انا مالي خاطر عندج....
ساره : امبلا
مرام: خلاص عشان خاطري انسي هلموضوع كلللش ولا تفكرين فيه.....وجانج تبين تتزوجين مو مشكله انتي سمعي شوري...وما تمر هالسنه الا وانتي متزوجه
ساره: يما انا فهمت قصدج.....بس انا ابيه اهوا ما ابي غيره
مرام: ساره انتي تدرين اني احبج....عشان جذيه اخر كلامي...انسي هلموضوع ولا تفتحينه معاي ساره اتقي شر الحليمة اذا غضب فكري بهلكلام زيييييين عن اذنج
وطلعت مرام وخلت ساره بدوامة افكارها
هي تحب رافت وامها رافضه...حدها حتاره
بهلوقت
ريم دقت على افراح
واتفقوا يطلعون ويا بعض
بهلوقت
كانت ام افراح بالمطبخ
وهي منهمكه بالطبخ تفاجئت بواحد يهفها بالجدر على راسها
طاحت ...مغمى عليها
بهلوقت
افراح وريم بمطعم
(افراح طلعت كالعاده بدون ما تستاذن من امها وابوها عشان جذيه ما درت عن امها وانه امها مغمى عليها)
ريم: وااااااي كلااااامه يهبل انسا الدنيا من اكلمه
(ريم تتكلم عن اللي افراح خذت رقمه من يعقوب صارت تكلمه يوميا....)
افراح: والله الحب غيرج يا ريومه
ريم: افراح لو بتم اشكرج لين يخلص عمري ما اوفيج يا احلى رفيجه عرفتها بحياتي كلللللللللللللللللللها
افراح:هههه الشكر متبادل هههههههه
ريم: افراح انا مشتاااااااقلتله وهو يحن علي يبي يشوفني بره
....انتي فاهمه علي شرد عليه ؟
افراح: اكيييييييييييييييد وافقي.....لا تخلينه يطالع برا...خو انتي تشوفين هالبنات....لا تخلينه يشوف غيرج....بس ما اوصيج (.............. )
ريم مستحيه
افراح: وانتي بكيفج انا قلتلج
ريم: انتي شعرفج
افراح بارتباك: هذا جزاي اني انصحج
ريم: لا يبا مشكووووووووووره بس لا تزعلين
رن تليفون افراح طلعت تليفونها من الجنطه وشافت المتصل ....توم كروزي (يعقوب)
توترت افراح ما تقدر ترد عليه جدام ريم
(افراح من كثر ما تحس انها تحب يعقوب مسميته بتليفونها توم كروزي يعني بعينها احلى من توم كروز.)
ريم: شفيج ليش ما تردين
افراح: لا لا عادي
وصل افراح مسج قرته
(حبيبتي لازم اكلمج ضروري الحين بسافر ما اقدر اسافر بدون ما اسمع صوتج )
افراح: تاخر طلبنا
ريم: حددددددددددده عاد انا ميته يووووع
افراح: وانا اكثر منج....ريومه دقيقه بروح الحمام اعدل مكياجي وراده
ريم: اخذي راحتج
راحت افراح (تكرمون) الحمام
ودقت على يعقوب
يعقوب: هلا حياتي.....صارلي ساعه ادق عليج
افراح: كان التليفون بعيد عني
يعقوب: حياتي انا بسافر يوم ولا يومين وراد
افراح: راح اشتاقلك
يعقوب: وانا اكثر ......بس واحد من الربع لزم علي اسافر معاه واستحيت ارده
افراح: تروح وترد بالسلامه......لا تنسى الصوغه
يعقوب: ابشري من عيوني الثنتين....يلله ما اقدر اطول اكثر
افراح: دقييييييقه لا تسده راح تاخذ تليفونك وياك
يعقوب: لا .......
افراح: بكلمك شلوووووون
يعقوب: راح ادق عليج من تليفون رفيجي....
افراح: جذيه تمام
يعقوب: فمان الله يا احلى افراح بالدنيا
افراح: فمان الله وتروح وترد بالسلامه...
يعقوب: بس ودي اسمعها منج قبل لا اسافر
افراح: هههههههه تروح وترد بالسلامه يا توم كروزي
ورجعت افراح لريم
ووصل طلبهم وطبعا شيشوا...............
بهلوقت في بيت مرام
ساره: فجر متاكده شايفتها بعينج......... عالعموم يعطيج العافيه وانا راح اغسل شراعها..... مع السلامه
بهلوقت
ريم ردت افراح بيتها ووصلت البيت
دخلت ريم البيت وشافت افراح واقفه تنطرها
ساره بعصبيه: وين كنتي
ريم: وانتي شكو
ساره: سؤالي واضح لا تتهربين
ريم: كنت مع افراح بالمطعم يا حضرة المحققه
ساره: كنتوا بلمطعم شتسوون
ريم ببرود: بالمطعم اكييييييييييد ناكل
ساره: وتشيشون
ريم انصدمت وما عرفت ترد
ساره: توها داقه علي رفيجتي فجر وقالتلي انج مع رفيجتج تشيشون
ريم: وصلت فيج انج تراقبيني يا العجوز
ساره هفت ريم طراق
ساره: عقب كل هذا اصير انا عجوز
راحت ريم غرفتها وهي تبجي
بغرفة ريم
ريم دقت على افراح وقالتلها شصار..
.افراح : هي مسكت عليج شي لازم تمسكين عليها أي شي روحي نبشي بغرفتها اكيد راح تلقين شي
ريم: يلله اخليج الحين......تصبحين على خير
افراح: وانتي من اهله
بهلوقت فبيت فايز
افراح دخلت غرفة امها وشافتها لافه شاش على راسها
افراح: يمااااااااااا شفييييييييييج
ام افراح بصوت كله تعب: ابوج يعل ربي يجازيه
افراح: يما ابوي طقج.....؟
ام افراح: ايه......وانا بالمطبخ دخل علي وهفني بالجدر على راسي....
افراح: يما خلنروح المستشفى
ام افراح: اخاف يسئلوني منو سوا فيج جذيه
افراح: حسبي الله ونعم الوكيل فيه دنيا واخره............
يما وغلاتج راح اخليه يندم قد شعر راسه على اللي سواه فيج وقولي افراح قالت
ومر الليل كله على ام افراح وهي تون من العوار بسبب (زوجها)
(يعقوب ما راح العمره لااااااااااااااااااااا
يعقوب راح لاحدى الدول الخليجيه (وهي ملاذ كل الشباب الخربانين والخراب فيها متروس عيني عينك)
(يعني يعقوب لا راح للعمره ولا شي بس قال لبدر انه رايح العمره عشان يخليه يسافر بدون حنه وعوار راس)
وبمكان قريب حيييييييييل منا جغرافيا ولكنه بعيد عنا اخلاقيا
كان يعقوب يغوص في بحر الحرام ويتذوق اللي يظنه (شهد) ولكنه (مر) بشراهه منقطعة النظير...... كان يعقوب هلمره زايده عنده الحيويه والطاقه....والاكثر وكالعاده(الحريه)......
وبنفس هلوقت
بدر بغرفته قرا سورة ال عمران....بتدبر وتم يقرا القران الكريم لين وصل للايه اللي تقول {ومن اعرض عن ذكري فان له معيشة ضنكه ونحشره يوم القيامة اعمى قال ربي لما حشرتني اعمى وقد كنت بصيرا قال كذلك اتتك اياتنا ونسيتها وكذلك اليوم تنسى وكذلك نجزي من اسرف ولم يؤمن بايات ربه ولعذاب الاخرة اشد وابقى) صدق الله العظيم
هني بجى حيل لنه كانت حياته قبل الهدايه (ضنكه) وخاف من عذاب الاخره واستغفر ربه وصلى ركعتين ونام (مرتاح)

صياحي
02-03-2008, 04:36 AM
هذا الجزء ال قبل الاخير
في اليوم التالي
دخلت ريم غرفة ساره وساره ما كانت موجوده بغرفتها
وتمت ريم تفتش وتفتش وتفتش على اساس تبي تلقى أي شي ونبشت بالاوراق لين لقت ورقة لساره تراجع عند دكتور نفسي خذت الورقه
دخلت ساره غرفتها وشافت ريم
ساره بعصبيه: انتي شتسوين بغرفتي صج عينج قويه
ريم بتحدي: انا اللي عيني قويه
ساره: انا ناطره امي تقوم وراح اقوللها كل شي صار امس
ريم باستخفاف: عادي قولي لها راح تزفني شويه واخواني راح يزفوني شويه بعدين كلللهم راح ينسون بس انا راح اقوللهم انج مينونه وتتعالجين عند دكتور نفسي يا (باستفزاز) مينونه (وطلعت الورقه اللي تثبت كلامها)
عصبت ساره وقربت من ريم علشان تشق الورقه بس ريم دزتها وطلعت من الغرفه تركككككض وركضضضت وراااها ساره وكانت شوق تشوفهم
شوق: الحمد الله والشكر يلعبون صيده مصيده على كبر
بهلوقت فبيت فايز
ام افراح: يا حبيبتي ليش مكلفه على نفسج
افراح: لا مكلفه على نفسي ولا شي كلها ريوق.... اذا انا ما اجيبلج الريوق منو تجيبه ....الخدامه
ام افراح: من وين يا حسره
وضحكوا
ام افراح: يا بنيتي رضا الله من رضا الوالدين وانا راضيه عليج دنيا واخره
افراح: انتي اللي رضاج يهمني اما هو بلعنه رضا ولا جعله ما يرضا
ام افراح: عيب تقولين عن ابوج جذيه
افراح: من قاللج اني احس انه ابوي
ام افراح: بس هو ابوج
افراح: شسوالي؟ عمره حس فيني عمره سئل عني عمره راح المدرسه وسئل عن مستواي لو ما انتي جان الحال غير الحال
ام افراح: افراح.....لا تصيرين قاسيه مهما كان هذا ابوج
افراح: لا مو ابوي.....ولا عمره سمعني كلمه حلوه دايما يحبطني حتى لما ادرس يقوللي هدي الدراسه شدعوه بتطلعين دكتوره ولا مهندسه...يما ابوي ذبح فيني كل شي.. انا ما احبه
ام افراح: انا شقول .....انتي بنته ومجبوره رضيتي ولا ما رضيتي جدام الناس هذا ابوج.......بس انا محد جابرني عليه الا انتي بس ولا هو عووووع ما اواطنه ما اطيقه بس دايما اقول اصبري وحريصه راح تكبر وتفكج منه ومن بلاويه
افراح حضنت امها وحبت راسها وقالت: يا بعد عمري يا يما
بهلوقت فبيت مرام
بالصاله ...مرام وساره وريم وشوق
ريم وهي موجهه نظرها لساره: انا بصراحه اموت على عبير احمد خصوصا دورها لما كانت مينونه في مسلسل الحريم الحمد الله عالعقل
ساره: لا انا احب الممثله شيماء بجرح الزمن لما كانت تشيش
مرام: وانا احب حياة الفهد بس شياب الطاري
شوق: يما الظاهر انينوا
ريم: انا الحمد الله مو مينونه
ريم طالعت ساره بنظرة استحقار وطلعت من الصاله
مرام:ساره شفيج انتي وريم
ساره: لا ما فينا شي بس انا احب الممثله شيماء علي وهي تحب عبير احمد وانتي تحبين حياة الفهد
مرام: عاد انا اموت عليها وانا مره شفتها حيل حبوبه
بعدها
ريم: يما انا بطلع تبين شي
مرام: سلامتج.....ديري بالج الديره زحمه وكل واحد شايل الدنيا فوق راسه......
ريم: حاضر حاضر.يما تحسسيني جني يايه الكويت سياحه مو جنها ديرتي
مرام: الركاده زينه
ريم: من عيووووووووووني بااااااااااي
مرام:مع السلامه
رن تليفون البيت
مرام: الو
؟: قربت نهايتج .....وانقطع الخط
مرام حست جنه احد خذاها ابراج الكويت وحذفها من فوق
مرام: الله يستر الله يستر قلبي قارصني شسوي ابلغ المخفر.....يليتني ما سويت اللي سويته.....شسوي ...يا ربي ..
وتمت مرام مو على بعضها وخايفه حيل ومتوتره وتعض اظافرها وتهز رجولها بطريقه هستيريه
ساره: يما عسى ما شر
مرام: جب ولا كلمه صرخت باقوى ما عندها بسسسسسسسسسسسسسسسسسسسسس كاااااااااااااااااافي
رن جرس الباب
الخدامه: ماما في ريال بره
مرام: الحين بيي اشوف منو
طلعت مرام وفتحت الباب وشافت.......ابو بدر
ابو بدر: شلونج مرام
سكتت مرام وهي منصدمه ومو مصدقه عيونها
وحست باحساس ما ينوصف وقالت لنفسها......شيبي
مرام : الحمد الله عالسلامه
ابو بدر: الله يسلمج......بنتكلم عند الباب
مرام بقلبها: لازم اوديه داري عشان ما يشوف البنات واعرف شيبي وبعدها اطرده مثل الجلب الايرب
ابو بدر: وييييييين رحتي
مرام: لا لا حياك حياك
دخل ابو بدر البيت
ابو بدر: وين العيال
مرام: تعال معاي غرفتي نتفاهم
ابو بدر لمح بناته قاعدين بالصاله وفز قلبه على ساره
ساره عرفته وانصدمت حست باحساس غريب وحست برجفه جنه احد قاطها بالقطب المتجمد الشمالي
دخل ابو بدر الصاله
مرام: تعاااااااال معاي
ابو بدر: ساره انا ابوج تعالي سلمي علي
شوق لما سمعته قال حق ساره انا ابوج تدودهت وحست باحساس غريب...قلبها يدق بسرعه مثل دقات طبول الحرب
شوق: انته مو ابوي مو ابوي وركضت وراحت غرفتها وتبجي بحاله هستيريه
ابو بدر: ساره شفيج انا ابوج
ساره تطالعه بنظره غريبه خلت ابو بدر يحتار فيها
تمت تطالعه بعيونها وهي كانت تتمنى تنعمي عيونها ولا تشوف ابوها اللي دمرها...حست باحساس اللي يبني قلعه رمليه ويبني لسنين طوييييله وبالاخير يجي واحد ويدوس على قلعته بكل سهوله باسم ....(الابوه)
ابو بدر: ساره شفيج .....صمخه ما تسمعيني
ساره شبه انشل لشانها مو عارفه شترد...باي قاموس ترد واي لغه تقدر من خلالها تعبرله عن سنين الضيم وعن التشرد والضياع والتبعثر الداخلي اللي تعيشه وعن الجزر اللي حاش سنين عمرها...شتقوله عن انكساراتها شلون توصفله انها جدام الناس تحاول تبين متماسكه ومن تدخل غرفتها تتبعثر كل قطعه منها باوديه بعيييييييده (الماضي ) و(الحاضر ) و(المستقبل) ...شلون تقدر تجمعله محيطات الدموع اللي تذرفها بشكل يومي وبشكل روتيني...لدرجة انها صارت تغرق بدموعها...وصارت طعم ايامها (الدموع) شتقول وشتخلي...تقوله انها لجات لدكتور نفسي بس عشان تحافظ على ما بقا من بقايا بقايا بقايا بقاياها ...تقوله انها ضحت بحلم الدراسه...والامومه...بسبب (عياله) . مشت بخطوات متثاقله وتحس جنه بكل خطوه طابوقه امل بغد اجمل ...تطيح فوق راسها بسبب رجعة قاتلها ...عفوا ...والدها
تمت مرام تطالع ساره وتحاول تقرا من تعابير وجهها أي تصريح او أي توضيح او تلميح....بس ما فهمت هل ساره من زود فرحتها خانها التعبير ولا من زود عدم فرحتها سكتت..
ابو بدر: مذهول من استقبال ساره له وهي اللي حاط عليها امال كبيره انها راح تساعده بللي يبي يسويه
طلعت ساره من الصاله وراحت غرفتها...بخطوات كئيبه
صعدت الدرج..وهي تتخيل انه راح يطيح عليها مثلما طاح كل شي من عينها....واولهم (ابوها).
مرام: حسبي الله عليك كنا مرتاحين بغيابك
ابو بدر: انا ابو وجاي اشوف عيالي..وين الجريمه فيها
مرام: وين الجريمه؟ انت من صجك.... والله لك عين
ابو بدر: مرام احترمي نفس
قاطعته مرام: الجريمه..انك تهد عيالك بليله ما فيها قمر وتهدهم علي وانا الحرمه اللي ما اعرف اتصرف اثاريني ارجل منك
ابو بدر: مرام اسكتي دام النفس عليج طيبه
مرام: انت شتبي ...مالك عيال ولا لك اخت بعد اللي سويته مالك مكان هني بصراخ...اطلع برا اطلع برا
ابو بدر: انتي عمتهم ومالج منه على عيال اخوج.. والسر ورا عدم زواجج معروف ولا تلاقين صياح بصياح
مرام: يعني كل اللي سويته ما بين بعينك ضفيت عيالك. وصرفت عليهم دم قلبي.. ما بين بعينك..انا ليش اعاتبك انته الكلام معاك ضايع انا مالي كلام معاك الحين بتصل بالمخفر
وطلعت تليفونها وقبل لا تدق
ابو بدر: اتصلي عشان ياخذوفج انتي يا ....الهايته
مرام: انا هايته....يا الارهابي انا بروح غرفتي وصدقني بتندم على اليوم اللي طبيت فيه بيتي
وقبل لا تطلع مرام من الصاله
ابو بدر: يسلم عليج احمد سلام حااااار
مرام حست جنه احد جواها بنار على غفله التفتت عليه
ابو بدر كمل كلامه: حبيب القلب يسلم عليج....وحملني امانة توصيل اشواقه للأميره النائمه
مرام: يعني اللي توه دق علي ....احمد
ابو بدر : ههه والله تفهمين يا الخاينه
مرام: بس بس
ابو بدر: خليني اقوللج قصه راح تنفعج حيييييل كان فيه وحده اسمها مرام اللي هي انتي تشتغل مسؤولة الجمارك..
مرام قعدت على القنفه وحطت ايدها على راسها
ابو بدر يواصل كلامه:و.لما اخوها سافر وخلا عياله عندها ضاقت فيها الوسيعه وما عرفت شلون تتصرف وحالتها الماديه مو لي هناك ما تكفيها هي والكوكش الجهال.....وفيه ناس راقبوها وعرفوا كل شي عنها وعرضوا عليها مبلغ خيالي على اساس تدخل ممنوعات للديره وما يندرا شنو هالممنوعات ....وقامت انتقلت من الخرابه اللي هي عايشه فيها وسكنت بهلقصر الفخم....وخلصت وملصت ويت الديايه وعنفصت
مرام تطالعه بذهول
ابو بدر: نسيت اقوللج منو اللي عطاني هلمعلومات...حبيبج احمد...غلطتج يا مرام انج عطيتيه سرج قبل لا تهدينه من يومها والرجال انجن يبي ينتقم من اللي عطاها قلبه وعمره وسدت الباب بوجه حبه
مرام بارتباك: انته جذاب اطلع برا ما ابيك ببيتي
ابو بدر: مرام لا تحسبين اني بطلع بسهوله.....تطلعين غلطاااانه...صارلي فتره طويلللله وانا بالديره ولقيت احمد وقاللي على كل شي وتميت اجمع عنج معلومات واراقبكم لين جت الفرصه المناسبه وجاي احط النقط فوق الحروف او احط السطور على الكتاب اللي انبنى على .....بااااااطل
مرام: عامر انا حرمه ولحالي..وياني مبلغ كبير حاولت اصمد جدام اغرائه...لكن مثلما قالوا النفس اماره بالسوء ...وانا ربي يشهد علي ما ادري شنو اللي دخلته الديره وانا حلفتهم قلتلهم لا يكون اسلحه او مخدرات ولكنهم احلفوا عالقران الكريم انها بضايع تقليد
عامر (ابو بدر): وهذولي الواحد ياخذ بحلفهم؟
مرام: بس يا عامر بس بس
عامر: لا مو بس انا جاي اخذ عيالي
قاطعته مرام: حريمتك يا عامروه الارهابي يا اليوم اللي اوقف بويهك واقوللك باعلى صوتي لا سنين وانت تعذبني وانا ساكته شفت منك الضيم والظلايم وكنت موس ببلعومي..لكن لا يا عامر لا لا واعلى ما بخيلك اركبه
عامر: مرام لا تتخيلين عقب ما دشيت البيت راح اطلع منه ايد ورا وايد جدام .....ما عرفتيني زين
مرام: عارفتك زييين يا عامر الارهابي..انت انسان معقد مريض فااااااااارغ...حسبالك لا ربيت هالشعرتين خلاص تمشي وتحرم وتحلل على كيف ابوك...لا يا حبيبي انت غلطان ولا حسبالك بعدما ماتت ام بدر وعفت الدنيا لازم تكرهنا فيها انت غلطان يا عامر
ووقف عامر قبال مرام وكان الباب يصير بقفاه مباشره
عامر: كلامج لا راح يودي ولا راح يجيب العيال باخذهم باخذهم
دخل بدر وشاف رجال غريب مع امه بالصاله
بدر: يما هذا منو
مرام بسخريه: هذا ابوك بالبطاقه المدنيه
ابو بدر: انا ابوك تعال انا مشتاقلكم
بدر باس راس ابوه
بدر: ييبا وييييينك حيل محتاجك
ابو بدر: خلاص رجعت وبيرد كل شي مثلما كان
مرام: فال الله ولا فالك وهذي شيلها من راسك انت مو كفو يصير عندك عيال انت نقص
بدر: يبا انت الحين ارتاح وبعدين نتفاهم
مرام: وين يرتاح ماكو غرفه فاضيه
بدر: يبا حياك نام بغرفتي والعين اوسعلك من المكان
ابو بدر: بارك الله فيك يا ولدي
ابو بدر: انا الحين تعبان وبنام بس باجر بحسم الموضوع
مرام: اقول.........عشم ابليس بالجنه
ابو بدر وهو طالع من الصاله
ابو بدر: زهبي نفسج من الحين يا عيوز النار وودعيهم من الحين
مرام: لي حجت البقر على قرونها
ابو بدر حقرها وراح غرفة بدر
بهلوقت
كانت ريم مع افراح يتعشون بمطعم جونيه روكيت اللي يم الفنار
افراح: ريومه هاه طلعتي معاه
ريم: لا متردده
افراح: الحمد الله والشكر......لو انا منج والله ما اقوله لا انتي تكسرين خاطري
ريم: يعني ما تعرفيني حياويه
افراح: ايه الحيا يقطر منج
ريم: هههههههه مليغه
افراح: اعيدها
ريم: يا كرهج لي استخفيتي بدمج ما يلوق
وتموا يسولفون.........وريم للحين ما تدري عن النار اللي شابه فبيتها
وريم ردت افراح بيتها وراحت ريم بيتها
بهلوقت بمكان بعيد عن الكويت
احمد العصيمي هزه الشوق ليعقوب وتذكر ايامهم مع بعض
تذكر لما مر بايام صعبه شلون يعقوب ما خلاه ووقف معاه تذكر كل شي بيعقوب تذكر ضحكاتهم الصادقه تذكر الوناسه اللي ما يحسها الا لما يكلم يعقوب بس احمد العصيمي كرامته ما تسمحله يدق وشوقه ليعقوب مع كل دقة قلب يدق....احتار....بين الكرامه .....والصداقه
وكان يسمع اغنية الفنان التونسي الكبير (صابر الرباعي) عزة نفسي بشكل هستيييييييييييري
عزت نفسي ما بتسمحلي انسى جرحي واركض ليك مع انك قلبي جارحني قلبي عم يوجعني عليك .يوم اللي افترقنا بكانا الهوا بالدمع احترقنا والقلب انكوا بعدوا حبك فيي ساكن بشوفك بكل الاماكن والشوق بيندهني لكن الشوق بيندهني لكن...عزة نفسي ما بتسمحلي انسى جرحي واركض ليك مع انك قلبي جرحني قلبي عم يوجعني عليك وتم بهلحيره وصورة يعقوب ما فارقت عيونه.....
بهلوقت
افراح تقول لنفسها: خلاص باجر بضرب ضربتي وببيعها..بس تعبت من الفقر والذل...من باجر انا اسمي الاميره افراح...شيصبرني على باجر
بهلوقت
بغرفة ساره
ساره جتها حالة عدم توازن صارت تمشي بغرفتها بشكل جنوني وتكلم نفسها وتعض المخده...ومو عارفه شتسوي صارت تحس انها بطلة من ابطال فلم اجنبي قصته تتكلم عن شباب سوو جريمه واتفقوا انهم ينسونها ويعيشون حياتهم من جديد...ومع السنين فيه واحد شافهم وهم يسوون هلجريمه ورد وخربلهم حياتهم...هي حست بهالاحساس بالظبط
بهلوقت بغرفة بدر
بدر بقلبه غصه وحجي واجد وده يقوله لبوه بس ربي يقول {واخفض لهما جناح الذل من الرحمه}عشان جذيه خلا ابوه ينام عالسرير وهو نام عالارض وبقلبه كلام بس يسكت لن ربي قال { ولا تقل لهما اف ولا تنهرهما } ففضل السكوت لانه أي شي راح يقوله ما راح يكون مرتب ومدروس ويمكن ابوه يغضب عليه ويصير عاق ففضل تاجيل أي حوار جدي الى باجر وتموا يسولفون بمواضيع بسيطه اصلا ابو بدر كان حده تعبان ويدور السرير دواره فكانت مجرد دردشه وحتى ابو بدر اجل الكلام المهم لباجر لنه راح يصفر ويعلن انتهاء المباراه ويحسمها بالرغم من طول وقت المباراه وغياب المدرب ولكن.......
بهلوقت بغرفة مرام
مرام: انا استاهل اللي يصير فيني لا بو الحب ولابوجده ولا من زين ويهي رايحه وقايله لحبيبي عن اسرار ما تنقال لحد اساسا بس ما اقول الا مالت علي مالت على ويهي معقوله يا احمد تبي تنتقم مني وانا اللي ما فارقتني صورتك حتى وانا نايمه ما اتحلم الا فيك بس ما اقول الا حسبي الله وونعم الوكيل.وهذا الجلب الايرب شسوي فيه ماكو الا اني اقول انه ريال غريب وتهجم علي وعلى بناتي بس لا لا جذيه راح يكسب تعاطف عياله وغيرعن هذا راح يقوللهم هذي اختي شسوي ابي افتك منه...خل انام وباجر يفرجها رب العالمين
بهلوقت
بدر دق على يعقوب علشان يبشره انه ابوهم رد ولكن جهازه مغلق....يعقوب كان ما يبي ياخذ معاه جهازه ولكنه باللحظات الاخيره خذاه وبطله لقا اتصال بدر مس يو بعدها
يرن تليفون يعقوب
يعقوب بدون نفس وحتى بدون ما يشوف الرقم
يعقوب: الو
؟:حيا الله هلصوت
يعقوب شهق: اه احمد
احمد العصيمي: بشحمه وبلحمه
يعقوب: وينك طول هلمده...وين ارضك ووين سماك
احمد العصيمي: دقيقه دقيقه عطني فجه
يعقوب: تفضل
احمد العصيمي: اول شي انا حيل مشتاقلك يا اغلاهم
يعقوب: وانا اكثر منك
احمد العصيمي: وانت مزعلني و
قاطعه يعقوب: ما عاش من يزعلك
احمد العصيمي: بلا ان جان ناسي اذكرك لما دقيت عليك وقلتلك عندي مباراه مهمه على الكاس ولكنك قلتلي مواعد
يعقوب: يبا انت فاهم الموضع غلط صدقني ما راح ابدي عليك أي بنت ضفرك يسوى مية بنت
احمد العصيمي: تسلم
يعقوب: صدقني هلبنت كانت صعبه واااااااااايد وبطلعة الروح قدرت اقنعها تطلع معاي والمباراه جذيه جذيه راح اشوفها بالاعاده مع انها مو من عوايدي
احمد العصيمي: خلاص راح انسى كل شي
يعقوب: انت شلونك عساك بخير
احمد العصيمي: اجذب عليك لو اقوللك بخير....
يعقوب: احمد والله اني ناوي ازورك حتى لو بتنفس علي بس قلت خله يولي اهم شي اتطمن عليه جم لاعب عندنا
احمد العصيمي: قبل الحين خلاص لو اموت ما اقدر العب كره...انت اكيد دريت بللي صارلي
يعقوب: احمد لا تزعل نفسك صدقني الطب كلما له يتطور وتقدر تركب ريل صناعيه و
احمد العصيمي: اللي ايده بالماي مو مثل اللي ايده بالنار
يعقوب: سكت
احمد العصيمي: تصدق اني لغاية يومك هذا محد جاني من المسؤولين ولا جني لاعب وضحيت ورفعت علم الديره
يعقوب: احمد اهم ما عليك صحتك قط كل شي ورا ظهرك
احمد العصيمي: كل يوم اشتري جرايدنا المحليه...ما كتبوا عني شي.....جني فانيله لبسوها وقطوها
يعقوب: يا عمي.... هذي الكويت مثل عين عذاري تسقي البعيد وتخلي القريب
احمد العصيمي: خل اللي بالقلب بالقلب ...هاه شلونك مع افراح
يعقوب: حالها حال غيرها
احمد العصيمي: يعني افهم من كلامك مصيرها مثل كل البنات اللي قبلها
يعقوب: ما يبيله حجي..ولا تظن اني راح اتزوجها خلااااااص خذيت منها اللي ابيه...ولا تظن راح اتزوج وحده تكلمني بالتليفون وتطلع معاي...الوحده لا خسرت شرفها....شبقا عندها خلاص تبيعها مع الكللل
احمد العصيمي: اما انا ابشرك....راح اتزوج البنت اللي احبها
يعقوب: الف الف الف مبروك والله انها اصيله وتمت معاك عالحلوه والمره
واستمر الحديث بينهم .......وطاح الحطب وردوا ربع واكثر
وخيم الليل على دولة الكويت وجنه الفجر هلمره يبي ينتقم وياخذ بحقه من اللي مارسوا خلال حضروه ابشع انواع الجرائم الانسانيه والمعنويه الخ وجنه الفجر يبي يروح عشان تحل محله الشمس وباشعتها تنور كل درب مظلم وتصفع بحرارتها الخونه واصحاب الذمم الوسيعه...وجنها تبي تسطع بسما الحق عشان تبين للناس انها ايه من رب العالمين ولازم الواحد يتاملها علشان يدري انه ربي عظيم وانه يمهل ولا يهمل ابدا ..

صياحي
02-03-2008, 04:38 AM
الجزء الاخير

في اليوم التالي
الفجر
ريم راحت المطبخ تبي تشرب ماي.
سمعت صوت واحد يكح
ريم خافت.......منو هذا ....منو هذا وانخشت ورا الباب
شافها....وهي خافت قالت: يماااااااااااااااااااا
ابو بدر: ريم انا ابوج و
قاطعته وصارخت: انته جذاب ابوي مات يمااااااااا بدرررررررررر بدرررررررررر
دخل بدر وهو يركض:شفيج ريم
ريم: بدر منو هذا
بدر: الله يهديج بس الله يهديج ....هذا ابونا ورجعلنا
ريم باست راس ابوها وبجت: يبا انا اكثر وحده محتاجتلك
ابو بدر: خلاص ريم انا جاي اخذكم
ريم للحين ما استوعبت ابوها شقال ولا مستوعبه شي تحس انها بحلم وكابوس بنفس الوقت للحين مو عارفه شنو مشاعرها صوب هالانسان اللي هو (ابوها)
الظهر
افراح توها طالعه من بنك الخليج
افراح مو شايلتها الدنيا من الفرحه لنها اليوم خذت بثاراتها من ابوها وقامت وباقت كل فلوس ابوها اللي متعود يخشهم بغرفه طرفانيه وكان متعود لما يطلع من الغرفه يقفل الباب ومن سنين وهو متعود على جذيه لنه ما يثق في البنوك...وافراح من فتره طويله وهي تراقبه لين عرفت وين يخش المفتاح
وباقت كل فلوسه وحطتها بحسابها في بنك الخليج....
بهلوقت
يعقوب وصل دولة الكويت وحس بتعب ما عرفله سبب من فتره وهو يحس انه مو على بعضه...وراح المستشفى
الدكتور : يعقوب عاوزين نعمللك فحص دم
يعقوب عطاهم عينه من دمه
وطال انتظار يعقوب وبعد فتره طويله جا الدكتور
الدكتور: عا..
رن تليفون يعقوب
يعقوب: عن اذنك دكتور
الدكتور: خد راحتك
يعقوب: هلا حبيبتي...شلون...مفاجئه... خلاص انا امرج بعد شوي... مثل كل يوم... اوكيه اوكيه...مع السلامه حبي
الدكتور: ممكن سؤال
يعقوب: تفضل
الدكتور: ديه مين
يعقوب: هاه.....هذي زوجتي
الدكتور: انته محتاج حد يتبرعلك بالدم...
يعقوب: انا شفيني
الدكتور: تطمن كويس بس شوية دم فيها حاجه
يعقوب: خلاص الحين ادق عليها
يعقوب دق على افراح وافراح جت على اساس تتبرعله بدمها
وبعد مده حيل طويله وهم على اعصابهم ينطرون الدكتور
جا الدكتور وقالللهم: فيكم..............ايدز
بهلوقت فبيت مرام
بدر وريم وابو بدر بالصاله
ابو بدر:ما شا الله مربي اللحيه يا بدر
بدر: هذا فضل من الله
ابوبدر: احسن شي انك صرت مطوع
بدر مطوع مو ارهابي
ابوبدر: شتقصد
بدر: يبا انا ابي اكلمك بموضوع انت ابوي وعلى عيني وراسي بس يبا اللي كنت تسويه فينا ماله علاقه بالدين هذا تطرف
بوبدر: هذا جزاي اني كنت ابيكم تلتزمون
بدر: يبا احنا ديننا دين الاعتدال الله يقول لا اكراه في الدين
ابو بدر: بدر خلني اقولك انت وريم واسمعوني للنهايه
ريم: كلنا اذان صاغيه
ابو بدر: الكلام اللي قلته يا بدر عين الحق...بس انا خلوني اقوللكم شصار فيني طول هالسنين ...انا رحت افغانستان
من اجل الجهاد...وتعذبت هناك حيل حيل وامسكونا الامريكان عذبونا ولا احترموا حتى المصحف الكريم وكانوا يعاملونا معاملة تكرمون الحيوانات لا الحيوانات هناك لهم كرامه كانوا يذلونا ذل مو طبيعي لكن انا ماكان علي شي جايد هدوني ...وخلال هالفتره قعدت مع نفسي وصارحتها وصارعتها وعرفت انه اللي كنت اسويه مو دين هذا ارهاب بعينه وعلمه...وتبت لرب العالمين وهو اللي يقول خير الخطائين التوابين وبعدما تبت قررت ارجع واصلح كل شي انا سويته ورجعت للديره وقعدت فتره طويله لين رجعت لكم
ريم: يبا كل هذا صار فيك.... ليش ما اول ما طلعت دقيت علينا او ييتنا ليش تاخرت
بدر: كان لازم اتاخر لني كنت لازم ارد بموقف قوه مو ضعف وانا الحين اقدر اخذكم من مرام ورجلها فوق راسها
بدر: يبا احنا مالنا طلعه ومستحيل نهد امنا
بوبدر:امكم ماتت رحمة الله عليها من زمان وانا ماني مخليكم عند هالمرتشيه
ريم: مرتشيه......يبا وضح
بوبدر:(ياشر على طوف البيت) شفتوا هذا القصر اللي انتوا عايشين فيه وهالسيارات الكشخه وغيره وغيره كله فلوس حرام رشوه
بدر: فلوس حرام يبا ماني قادر استوعب
بوبدر: عمتك كانت مسؤولة جمارك دخلت ممنوعات الديره ومن هالفلوس تصرف عليكم يعني فلوس حرام
ريم: لا يبا مستحيل اصدق انه امي تخون الكويت لا ما اصدق انا تعلمت حب الكويت من امي وامي ما تسوي جذيه
بو بدر:ريم يا كثر الناس اللي يتغنون بحب الكويت لكن باول فرصه يضرون الكويت يعني كلام بكلام وانا لازم اخذكم عندي
ريم: يبا اعذرني مستحيل اهد كل شي اعذرني تعودت على امي يبا من امس وساره وشوق مسكرين على نفسهم الباب لانهم خايفين منك لانك عصبي ودايما تطق
ابو بدر: انا تغيرت يا عيالي وابي افتح معاكم صفحه جديده وانتوا الحين كبار يعني ما اقدر اغصبكم على شي ما تبونه
رن تليفون البيت
راح بدر يرد على التليفون
وقال بدر لاهله بعدما سد التليفون
بدر: المستشفى يقولون لازم نيي ضروري بخصوص يعقوب
راحوا بو بدر والعمه وبدر وريم المستشفى
ودروا انه يعقوب فيه ايدز
بجت العمه وريم
بدر: انا لله وانا اليه راجعون
بوبدر وهو يبجي: صارلي سنين وانا اتمنى اشوف يعقوب واخر شي لما ارد الاقيه فيه ايدز
مرام: حسبي الله عليك جانك ييت ويبت معاك النحس معاك
ابو بدر: صبرا جميل وبلله المستعان
مرام: عامر انته شتبي منا يا اخي خلاص انته عوع محد يبيك بس مو كافي اللي سويته قبل ياي تكملها لعنبودارك استح على ويهك وفارج بدون اسف
عامر: هذا اخر دلالج ودلعج وهياتج يا المراهقه على كبر
مرام: ماني راده عليك لنه احنا بمكان عام ولنك مو كفو احد يرد عليك...بس صدقني بتندم قد شعر راسك على اللي سويته
عامر راح عنها وما رد عليها............
وصل الخبر لاهل افراح
ام افراح بجت عليها بجي يقطع القلب ودخلت عليها
اول ما دخلت ام افراح على افراح
افراح شهقت من البجي
افراح: يما سامحيني
ام افراح: مسامحتج يا نظر عيني
افراح: يما والله ما تستاهلين اللي سويته فيج
ام افراح: لا يا عمري لا تعذبين نفسج وبجت
افراح: يما انتي ما قصرتي معاي بس انا كنت اطالع فوق واجد
ام افراح: يا نظر عيني....ادعي ربج انه يغفرلج ويشافيج وتردين نور البيت
افراح: يما ليتني ارد مثل قبل انا راضيه بعيشتنا الاوليه بس يما ما اقدر اتحمل...احس جلدي بيطيح احس نار تحرق قلبي يما انا خلاص وشهقت من البجي...يما
ام افراح: يا بعد طوايفي
افراح: يما انا وعدتج اني راح ارفعج فوق وانا عند وعدي وعندي مبلغ كبير فحسابي...اخذيه انا ما احتاجه
ام افراح: يا يما انا ابيج سالمه ما ابي الفلوس شتفيدني فيه ابيج انتي يعل اللي فيج فيني
افراح: لا يما...لا تقولين جذيه....يما لازم تاخذين الفلوس
ام افراح: ما ابيج الا سالمه
افراح: يما والله ان ما خذيتي الفلوس راح ازعل منج حيل
ام افراح: كلش ولا زعلج....
افراح: يما ممكن طلب........ ادري راح تستغربين
ام افراح: امري
افراح: يما اول ما تطلعين من هني ترفعين قضيه على ابوي وتتطلقين منه.....
ام افراح منصدمه
افراح: يما اللي صارلنا منه يكفينا...وهذي انا شوفة عينج
خلاص بس.... محد خلاني جذيه غيره...دايما مصكك كل البيبان حواليني..... لين ما قص علي على ابو انه بيتزوجني واثاريه...وتبجي
ام افراح: ابجي ابجي اغسلي كل اللي بقلبج
افراح: يما كل اللي ابوي سواه فينا بس عشان ياخذ الجنسيه الكويتيه.......وشالنتيجه..قط جنسيته الصجيه وعيشنا بغلقه وهم وطق وبخل ...وما استفدنا شي...راح تنفعه الجنسيه بعدما ضاع عمرنا؟.... وتوجه نطرها الى ...المجهول
افراح:بس يا افراح كافي كافي ذبحتيني
قبل لا تطلع ام افراح خذت من افراح البطاقه و الرقم السري
وطلعت ام افراح وهي منهااااااااااااااره
وفايز عيا يدخل على بنته......لنه مو عارف شيقوللها
ريم شافت اهل افراح طالعين من المستشفى
قامت وراحت لافراح وبجت على حالتها بهستيريه
افراح: ريم....سامحيني
ريم تبجي
افراح: ريم انا كانت ذابحتني الغيره منج...ريم انا كنت اشيشج على اخوانج وخربتج...واستغليتج
ريم:للاسف عرفتج متاخر بعدما خسرت اشياء واااايد
افراح: ريم سامحيني
ريم:ادعي ربج يسامحج اما انا لا تنطرين مني شي
افراح: ريم انتي ما تستاهلين اللي سويته فيج
طلعت ريم من عند افراح وهي تبجي على حالة افراح
مع انها قالت حق افراح انها زعلانه منها بس للحين ريم مو مصدقه الكلام اللي سمعته من افراح وما تبي تصدق انه اقرب رفيجاتها اللي كانت بير اسرارها تطلع جذيه

بهلوقت
دخلت مرام على يعقوب
مرام بجت عليه بجي يقطع القلب
مرام: يعقوب ليش سويت جذيه بنفسك
يعقوب ما قدر يرد وكانت دموعه اصدق تعبير واوفى رد
مرام: يعقوب انا قصرت معاك بشي
يعقوب ساكت
مرام: تبجي
يعقوب: يما انتي ما قصرتي...بس ولا عمري حسيت انه فيه احد يحاسبني ويراقبني
مرام: يعني بعد كل هذا تلومني يا يعقوب...انا لو اقدر اخلي اصابعي شموع حقك ما اقصر
يعقوب: يما انا ماني عارف شقول ولا اقدر ارتب كلامي كل اللي اعرفه اني انا ضحيه
مرام: كلنا يا يعقوب كلنا
يعقوب:يما انا ودي اقوللج شي بس ماني عارف شلون
مرام: اسمعك يا الغالي اسمعك
يعقوب: يليتج تحافظين على باجي اخواني يما والله اني احترق يما الندم ذابحني...جم وحده ياها المرض بسبتي
يما انا وبجا
مرام: يعقوب لا تبجي خلك قوي لا تبجي ترا ابجي
يعقوب: يما انا قصيت على بنات وايد يما انا مو كفو الحريه
مرام: يعقوب خلاص اللي فات مات .....
يعقوب: يما يمكن من زمان ما قلتلج بس انا انا انا احبج حيل وكنت دايما ابي اكون كبير بعيونج بس كاج شفتيني وانا ضعيف
مرام: وانا احبك انت غير عن باجي اخوانك وانت مو ضعيف انت قوي وراح تتشافى ان شا الله وترد احسن من اول
وطلعت مرام
ودخل ابو بدر
بعد حوار
يعقوب: بعد شنو يا يبا
ابوبدر: يعقوب لا تعذبني ...ارحمني كافي لوم كافي
يعقوب: يبا انت كنت مثل الشبح طول السنين كنت دايما اغلط بس عشان اثبت لنفسي اني كبرت. كنت دايما اتعمد اسوي الاشياء الغلط بس عشان اتحداك...دايما صورتك ببالي وانت تطقني عشان جذيه كنت اخربط عشان اطرد صورتك من خيالي.....وهذي النتيجه يبا انت دمرتني خربت حياتي
ابو بدر: بس انا الحين رديت
يعقوب: يبا ما بقا شي خلاص كل شي راح خلاص انا بتم بين اربع طوف لين ما اموت يبا ليش سويت جذيه
ابوبدر: انا احبك واللي يحب يبي يحافظ على حبيبه
يعقوب: انت عمرك ما حبيت انت بس تبي تمتلكنا يبا انا اسف بس مالك مكان بقلبي..... وشوفتك ترفع الضغط
ابوبدر بجا : يعقوب والله اللي فيني كافيني...لا تقول جذيه
يعقوب: يبا مو تقول تحبني
اب وبدر: اكيد
يعقوب: انسا انه عندك ولد اسمه يعقوب خلاص يبا بس انت دمرتني تعرف يعني شنو دمرتني...
ابو بدر طلع من عند يعقوب وهو يحس بتانيب الضمير وبجى بجي.....
بهلوقت
وصلوا ام افراح وفايز البيت
وفايز لما ما لقا فلوسه طاح...........ودته ام افراح المستشفى بس فايز.انشل شلل نصفي
بهلوقت بالمستشفى
راحت ريم لبدر
ريم: بدر
بدر: هلا
ريم: بدر سامحني انا ظلمتك وايد
بدر:ما يحتاج تقولين هالكلام انتي اختي الصغيره ومستحيل ازعل منج على العموم انا مسامحج وخلينا نفتح صفحه جديده وما نبي نخسر اكثر من اللي خسرناه
ريم: انا معاك وصدقني راح تشوف ريم ثانيه

ريم وبدر ما دخلوا على يعقوب لنهم ما يبون يصدقون انه اخوهم وحبيبهم مريض ما يبون يشوفون يعقوب اللي الضحكه ما تفارق وجهه تعبان ووجهه شاحب

ردوا البيت
ابو بدر: يلله لموا اغراضكم نبي نطلع من البيت اللي صار ليعقوب كافي
مرام: محد راح يطلع واللي بيطلع هو انت
ابو بدر: مرام اقصري الشر......وخلينا نطلع بدون مشاكل
مرام: وربي يا عامر ان ما طلعت الحين لالبسك تهمه اخليك تخيس بالسجن
ابو بدر: مرام...من قاللج اني اصلا راح اخليج تقعدين هني لحالج...لا بس بخليج جم يوم تراجعين نفسج وعقبها راح اخذج عندي لني ما راح اخلي اختي تقعد لحالها
مرام: والله انته قاعد تصدر احكام على كيفك...حبيبي.. انت ماخذ بنفسك مقلب وايد عود........ عيالك ما يكرهون احد كثر ما يكرهونك...انت نكره
ابو بدر: الله يهديهم ويهديج
مرام: وياخذك
ابو بدر: لا حول ولا قوة الا بلله بدر ريم يلله روحوا نادوا اخوانكم خلونا نطلع
بدر: ان شا الله
مرام:(توجه كلامها لبدر) انت هيييييييييييه شنو انشا الله(تلتفت لبوبدر) .... ارتحت الحين يا الايرب ارتحت
ابو بدر: بدر سو اللي قلتلك عليه
وراح بدر غرفة شوق طق الباب: شوق ابوي بياخذنا ونبي نطلع من البيت
شوق: ماااااااااااااا ابيه ما ابييييييييييييييييييييه
بدر: شوق انتي اسمعيني
شوق: بدروالله اللي يقرب مني راح احذف نفسي من الدريشه وانته المسؤول
بدر: الله يهديج الله يهديج
بدر طق باب غرفة ساره ومحد رد...توقع انها طالعه
خلصوا وطلعوا اغراضهم
مرام: خلاص تجازوني على كل شي وتطلعون
بدر: يما...
مرام: وصمه....خلاص يعني صرت انا الحين ماكوله وذمومه
بدر: يما انا كنت بطلع من غير ما اكدرج بس لازم تعرفين اني ما اقعد بمكان فيه فلوس حرام
مرام وهي تبجي: بدر انا احبكم
بدر: اللي يحب ما يوكل اللي يحبه فلوس حرام
ريم: يما ابوي قاللنا كل شي وانا خلاص ابي اعيش عند ابوي واخوي لاني لما شفت حالة افراح قررت اني ارجع لربي
ريم وبدر باسوا راس مرام..........وطلعوا

مرام طاحت على القنفه وهي حاطه ايدينها على راسها مو مصدقه وتحس انها طايحه من مكان عاااااااااااااااااااااااالي بس بدون قاع......وتحس انها تصارخ بمكاااااااااااان خااااااااااالي
مو داخل مخها...انه باقل من 48 ساعه كل شي يروح...
بعد فتره من البجي لقت ورقه قرتها من ساره
(والدتي الحبيبه
قيل قديما بان الذي يحب يبحث عن سعادة حبيبه....وانا اطمئنك بانني الان هربت من قبضة والدي الى الابد
ولكن دعيني انزف لك بعض ما كنت اخجل من ذكره مباشره
ابان فتره والدي (لعنه الله) احسست بتشتت وتمزق بكل خلاياي واحسست باني كانني مشرده ....ظللت ظمانه وابحث عن بئر ماء ولا اجده اركض واركض ولكنه سراب الى ان
اهداني شخص مفتاح السعاده....هو دكتور نفسي...نعم دكتور نفسي..ليس صحيح بان كل من ذهب للدكتور النفسي مجنون..بل عين العقل
واخذ بيدي الدكتور النفسي الى بر الامان...واصبح بحياتي مثل الدواء....ومع مرور الوقت اصبحت اهدا بكثير واصبحت شخصيتي افضل بكثير ....اتعرفينه من هو انه رافت الذي رفضتي زواجي منه رفضا كليا....انه الان زوجي
تزوجنا اليوم صباحا....امي لم يكن لدي خيارا اخر...فانا بين مطرقة رجوع والدي ...وسندان رفضك...وجدت انه هذا هو الحل الانسب.....لكي اهرب من ابي الى الابد...ولكي اتزوج من احب....كيف لا احبه وهو من كسر كل حواجز الخوف اللي كانت تقيدني كيف لا اترك العالم من اجل عينيه وهو الذي اضاء بحبه الكون بعيني بعدما كان الكون مظلم بحب رافت اصبح منيرا باولوان الطيف ال7....
والدتي ...احبك جدا واعترف بانك لم تقصري معي يوما واحدا...ولكنني على يقين بانك...تتمنين لي السعاده وها انا الان سعيده...والدتي.. اللغه العربيه لا تسعني لوصف شعوري ولكنني سعيده جدا وحزينه لفراقك ...وجدت ضالتي اخيرا بوصف شعوري بمقطع من اغنية انغام....
(ولو بكت امي وشدت بها الاوهام قولوا لها اني احقق احلامي ولو حلفت ما تنام قولوا تقول انغام يا ميمتي نامي نامي وانا بجيك بس بالحلم بجيك طيفي وانا ببقى معه)
يما احبج حيل بس اسفه سنين وانا انحاش من طيف ابوي هلمره شلون راح اقدر اروح عنه وهو بشحمه وبلحمه معاي بنفس البيت.....يما احبج حيييل
بنتج
ساره
مرام بجت وهي تقرا الرساله.....حست مو جنه ساره اللي راحت جنه عمودها الفقاري اللي راح....ساره كانت اكثر من بنت اخو او بنت كانت .....السند....
بعدها راحت مرام غرفة شوق تطق الباب وشوق ما ترد
خافت عليها حيل ونادت الخدم وكسروا الباب
وشافت منظر.......يقطع القلب
شافت شوق قاعده عند الطوفه وتطق براسها الطوفه حييييل مرام مسكتها وقالتلها :شوق شفيج
شوق بصوت غليظ: انتي منو
مرام: انا امج شفيج
شوق تطالع ايدها : مما ببا مما ببا تلعبين وياي سسسيه
مرام تطالعها وهي منصدمه
شوق: واهد اربعه سباه مما عدي وياي
مرام والدموع بعينها: شوق شفيج ردي علي
شوق: مما وديني الثوق
مرام طلعت من عندها وهي تبجي لن شوق انجنت
وطلعت مرام من البيت والعز والخدم والحشم وقعدت تمشي بالشارع بدون تحديد أي وجهه بس تبي تمشي وتقعد مع نفسها واكيد راح ترجع بيتها....مرام تبي تعرف هل
الحب الكبير نتيجته.......الجنون
وهل الحبيب اللي بحبيبه يذوب يطاوعه قلبه ينتقم
وهل الفلوس....تطيب كسر النفوس.......
هل هل هل هل
اسئله كثيره بقلب وعقل وعين مرام مالها اجوبه



نهاية الشخصيات
احمد العصيمي تزوج ابرار..وعاشوا حياه سعيده
لنه الدنيا بللي فيها ما تسوى شي بدون حبيبك والعكس صحيح

ام افراح وهبت عمرها حق زوجها فايز....ما قدرت تتحمل منظره وهو مشلول.. كلما تشوفه وهو نص انسان..تقول سبحان الله قبل كان دكتاتوري...ويامر وينهي ولكنه الحين
مثل الطير بدون جناح..ام افراح بحسابها مبلغ ضخم بس شالفايده..بنتها بعيده عن عينها وزوجها مشلول شراح تفيدها فيه الفلوس خصوصا انها مو بنت في العشرين لا كبيره يعني ما بقا بالعمر كثر ما مضا ....هذي نهاية كل دكتاتوري.....

فايز..قلبه يقطعه كلما يشوف زوجته قايمه فيه ويفكر شلون تعتني فيه وهو اللي كان دايما يطقها ويعذبها..الندم يقطع قلبه ندمان على كل لحظة بخل.البخل عموما سواء كان بخل مادي او معنوي الخ وعرف بوقتها انه مال البخيل ياكله العيار

افراح....جمالها اللي كانت دايما تشوف نفسها بسببه على الناس....راح كلللللللللله...صار شكلها يخرع شعرها طاح وجلدها صار يخررررررررع وصارت اشبه ما تكون بالمومياء.... ندمانه على كل شي ....وقتها عرفت انه الجمال جمال الروح والاخلاق...مو جمال الشكل...ولا الموضه وغيره..اهم شي الواحد يكون حلو من الداخل

ابو بدرصج انه معاه ريم وبدر.....بس للحين بقلبه غصه على يعقوب وشوق وساره........عامر يحاول انه يمشي بالسفينه عكس الريح...ويعوض ككككل شي........هل راح يقدر

بدر تم على نفس افكاره وصار داعيه بس مغمور ......ورفيجه محمد...طلعوه الحكومه وبدر عرض عليه يتزوج اخته ريم .......وفعلا تزوجوا ريم ومحمد......

ريم مكسوره من الداخل....وتامل بغد افضل

شوق فقدت جزء من عقلها صارت جنها جاهل.....ومرام تاخذها من دكتور لي دكتور على امل ترد مثل قبل

ساره اللهفه على الاهل ذابحتها بس ساره ما تبي ترد بيت مرام على اساس انه ابوها للحين هناك وابوها طلع من زماااان بس هي ما تدري خصوصا انها شرت رقم جديد .وهاجرت الكويت.......لنه بكل مكان الم ..وزوجها رافت مسعدها حيييييييييييييل وتحس معاه بامااااااااااااااااااااااااااااااان

رافت صج انه انقذ ساره من جحيم ابوها لكنه..طمعان فيها لكن هل راح ينمحي طمع رافت بساره مع العشره ؟

مرام نقدر نقول ...مثل مدينه مهدمه وهي الانقاض....صارت مو مرام الاوليه .....تغيرت حيل وحست بفراغ بعدما راحوا عيالها عنها....واللي زاد الطين بله....حبيبها احمد تعمد يزورها ولكن بس عشان يتشمت فيها على اساس انه هذولي اللي رفضتيني وجرحتيني عشانهم كاهم خلوج.....
مرام ندمانه قد شعر راسها انها ما قعدت مع نفسها وصارحتها وصارعتها...جان الحال غير الحال جان مو ب48 ساعه ضاع تعب سنين...بس شيفيد الندم

كلمة الكاتب
ديننا دين الاعتدال...التطرف مرفوض ونبذ الدين كليا مرفوض .....والارهاب ليس من ديننا...بل لدوافع شخصيه

الحكمه التي كانت تدور حولها قصتي هي
الشي لي زاد عن حده ينقلب ضده

الحريه ما تتعوض بكنوز الدنيا بس لازم نعرف شلون نستخدمها.
الحب العذري نهايته.(احمد العصيمي&ابرار)
والحب الغير عذري نهايته(يعقوب&افراح)....

للاسف هالقصه واقعيه تلفت حوالينك بتلقى ابطالها.(عامر .مرام .احمد .فايز .حصه .ساره .بدر ويعقوب وحريصه.ريم وشوق ورافت واحمد العصيمي وابرار وجماعة العود) اغلبهم استسلموا لنزوات نفسهم (كليا)وما صارعوها
يليتنا نصارع نفسنا عشان ننقذ ديرتنا من الماسي
بعد هذه القصه
اما ان تضع عنوان حياتك
صراع مع النفس
او ان يكون شعارك الصمت لعجز النفس

اتمنى اني فدتكم واكيد فيه اخطاء وقصور بس السموحه ومنكم نستفيد....... اتمنى اني كنت عند حسن ظنكم
بقلم
احمد خالد الصياح العصيمي

صياحي
02-03-2008, 04:39 AM
بقوللكم ولا يطلع برا
انا قريت باحدى الجرايد عن مئساة اسره كويتيه...مع والدهم وانه كان يعذبهم .......انا سمعت بقصص ومئاسي بس ولا مئساه اثرت فيني جذيه تمت ببالي فتره طويله بعدين قلت لازم اطلع الطاقه اللي فيني واكتبها كقصه كتبت المقدمه بس ما عجبتني ومسحتها ومرت الايام وتحديدا 3 ايام عيد الفطر سنة 2006 كتبتها....كتبت المقدمه واعجبتني...وتميت اكتب فيها لين خلصتها بتاريخ 2\11 يعني بظرف 9 او 10 ايام
وطرت من الفرررحه لني اول مره بحياتي اكتب قصه كامله
طبعتها وقريتها كللللل الناس والكل اشاد بموهبتي واثنى علي والبعض غاروا مني حييييل بس ما علي منهم .....مرت الايام والاشهر وقريتها مره ثانيه....لقيت فيها اخطاء وناقصه حييييل قمت وعدلت فيها اول شي عدلت المقدمه ونزلتها لكم لقيتكم تفاعلتوا معاي فكنت اعدل القصه وانزلها على طول يعني حتى انا ما ادري شراح يصير بالجزء الجاي لني انزل القصه وارد اكتبها من جديد واعدل فيها...اعترفلكم النسخه القديمه ما كان فيها شخصية اللاعب احمد العصيمي ولا ابرار ولا جماعة العود ولا محمد صديق بدر ولا احمد حبيب مرام ولا رافت....فتخيلوا القصه بدونهم بصراحه ما راح تكون بهالحلاوه.....
شنو طموح الكاتب المغمور احمد العصيمي ؟
انا شخصيا طموحي اني اصير اهم كاتب بالعالم كلللله واني اصير كاتب دولة الكويت الاول وكاتب قبيلة عتيبة الهيلا بدون منافس...واعتقد اني وبدون غرور قدها ونص....لني عندي طموح واللي عنده طموح راح يوصل للي هو يبيه
نصيحه من واحد عاني كثييييير
نصيحه اهديها لكل واحد يحس انه عنده موهبه الكتابه او نص موهبه او حتى ربع موهبه...لا تبخل على نفسك اكتب اكيد راح تخطي لكن كمل وما عليك من احد واخذها مني راح يجونك ناس يحبطونك بس طنننننننشهم ولا ترد عليهم وخل هدفك جدامك وصدقني..راح يجي يوم تخلي اللي كان يتشمت فيك ويحبطك ينطر منك توقيع....انا شخصيا كان واحد دايما يحبطني ويقوللي ما عندك ما عند جدتي تتوقعون شسويت فيه كنت اخليه هو يوديني عند (كاتبه ما ابي اذكر اسمها لنكم اشرف من انكم تقرون اسمها) مع انه فيه نوم بس غصبا عنه يوديني وطبعا طول الطريج يحبط فيني بس اقول بيني وبين نفسي:راح اخليك الجسر اللي امشي عليه وبتحبيطك راح ارتفع فوووووووق اونت خلك باحقادك وحقدك الدفين
خبر طااااااازج
...اخواني انا بنزلها ك روايه ان شا الله
اتمنى وقتها مثلما فزعتولي وقريتوها....اتمنى تشترونها
للمعلوماتيه
قصتي اذا نزلت ك روايه اكييييييييييد ما راح انزلها مثلما قريتوها لااااااااااااا راح اغير فيها اشيااااء واجد خصوصا اني اليوم وانا اقراها اكتشفت فيها بعض الخلل عشان جذيه راح تكوننننننننن غير لني اكتشفت شي لو كتبته راح تصير القصه...............احلى من ما هي عليه
وسلامتكم من كل شرررررررررر

ما وراء السطور في الشخصيات
اخواني ......تاكدوا انه ماكو كاتب يكتب لمجرد الكتابه استحاااااله صدقوني لما الواحد يكتب اكيييد يقط نغزه يمكن كلنا ما نفهما او يمكن قصد شي وصوره لنا شي ثااااااااني
خلوني اقوللكم بعض الاشياء عن هالقصه عشان اوضحلكم

شخصية بدر
شخصية بدر مثلما كلكم قريتوها شخصية واحد مطوع....لكن انا قصدت شي ثااااني.....انا لاحظت انه فيه هجمه مو طبيعيه من الاعلام الغربي على المطاوعه...قلت بيني وبين نفسي
هذا حق من حقوقهم ولازم الواحد يسمع الراي والراي الثاني...لكن انصدمت وانا اتابع اعلامنا العربي وتحديدا الكتاب الخليجيي وانهم كلهم دون استثناء صوروا لنا المطوع انه ارهابي وانا انغثيت وقلت لازم يجي واحد ويبين للناس يعني شنو المطوع
ولله الحمد كتبت هالشخصيه ....وحيل استانست من الشاعر العنزي لما قال قصيده في المطاوعه وللامانه اكثرهم على قول حمد السعيد ينحطون تاج عالراس.....
شخصية فايز
هي شخصية انسان بخيل...طبعا كل الكتاب دون استثناء كتبوا عنها ....لكن انا كنت دايما اقرا انه البخل مو بس بخل الفلوس لااااااا البخل بكل معانيه العاطفي والمادي وكل شي
وكتبت هالشخصيه لكن ولله الحمد كتبت هالشخصيه بطريقه اظن لقت استحسانكم...بصراحه انا اعرف واحد بخييييل حدددده حددددده بخيل...مرات لما اجي اسلم عليه اتخيل انه هو البخل بعينه وعلمه وانه يمشي على رجلين ...وكان حيل يستفزني بس المشكله انه احنا بمجتمعنا مستحيل الواحد يسمع منك نصيحه خصوصا انه اكبر مني بالعمر فكنت منغث منه حيييل فقلت مالي الا اني اطلع حرتي وكتبت شخصية فايز
.......وفيه شي لازم اوضحه لكم
كلكم تدرون عن قضية اخوانا البدون....قبل لا اواصل كلامي ابي اعرف لكم البدون: البدون هم ناس كويتيين اصل ابا عن جد حالهم من حالنا فيه منهم من استشهد وضحوا عشان الكويت لكنهم للاسف ما عندهم ورقه تثبت انهم كويتيين ...مع مرور السنين انضموا ناس لفئة البدون ولكنهم مو كويتيين من العراق وايران وسوريا ودول واجد انتوا تعرفونها ...فانا حبيت اوضح انه مو كل من قال انا بدون معناته نعطيه الجنسيه لا طبعا ......شخصية فايز هي شخصية واحد من دول مجلس التعاون قام وقد جنسيته وقال للحكومه انا بدون وفعلا بسببه هو وامثاله الكويت صارت من ضمن القائمه السودا في المعامله الانسانيه....عرفتوا ليش انا مقهور
وازيدكم من الشعر بيت....انا اعرف ناس من الخليج العربي سوو مثل شخصية فايز وقطوا جناسيهم على اساس انهم بدون وهم انا اعرفهم مو بدون عندهم جناسي خليجيه لكن وللاسف تجنسوا...................اظن ما نسيتوا الظابط المتجنس اللي دخل الجواسيس الايرانيين الديره من جم شهر ....عشان جذيه انا مقهور........ومن كثر ما انقرت من هذولي المرتزقه قمت وخليت فايز تجيه جلطه هههههههههه
شخصية لاعب نادي القادسيه احمد العصيمي
:هو يعبر عن الرومانسيه والحب الحقيقي...ويعكس لنا وجه اخر من اللاعب الكويتي......
طبعا كلكم مثلي متضايقين من تدهور مستوى الرياضه الكويتيه وتحديدا كرة القدم...........وكلنا بعد أي خساره نسب اللاعبين.........انا قلت ابي امشي عكس السير وابين لكم معاناة اللاعب الكويتي....وقلت اكيد اكيد اللي يقرون راح يحسون باللاعب الكويتي اللي انا اعتبره مظلوووم حييييل
نقطه شديدة الوضوح
فيه ناس حسبالهم انا اللاعب احمد العصيمي هههههههه يا ليت....بس انا احمد العصيمي لكن مو اللاعب لاااااااااا
انا قلت ابي اكتب عن شخصية لاعب....واحترت شسميه
..............وقلت مالي الا اسم واحد بس ...اللي هو اسمي
لنه انا ما امون على احد لنكم مثلما تعرفون اللاعبين يشتهرون باساميهم واسامي قبائلهم ..........واكيد مستحيل اتليقف واكتب اسم قبيله اخرى.....حتى لو كانت عتيبه
مستحيل اتليقف ........فقررت اسمي الشخصيه احمد العصيمي
شخصية يعقوب
: شاب مستهتر فاهم الحريه بشكل خطا........للاسف شخصية يعقوب حييييييي وافعيه شخصية يعقوب هي شخصية واحد انا اعرف كل اسبوع يروح لاحدى الدول الخليجيه (.......) وانتوا عارفين ليش؟ حق الخرابيط
بس اكيد نهايته مو مثل نهاية يعقوب فانا قلت لازم استغل هالشغله واني اوجه نصيحه لكل الشباب انه لا تاخذك الدنيا وتسوي اشياء حرام باسم الحريه........وبس
شخصية شوق
سبحان الله ...دايما اسمع انه الكتاب دايما يحبون الشخصيات اللي يكتبونها .......اما انا اكره شخصية شوق كره مو طبيعي سبحان الله ما ادانيها .........لدرجة اني خليتها تنجن اصلا من كثر ما اكرهها كنت ابي اخليها..... بعدين قلت شكو ................ ورجعت لعقلي ..ههههههههه
اعترف اني بهالقصه تقمصتها عدل لدرجة اني صرت احس انها مو لي صرت اقراها حالي من حال الناس ....
وشصية جماعة العود اعتقد فهمتوا ما وراء السطور فماني شارح تفاصيلها .......وبس
احلى سطر فالصه بوجهة نظري اللي قلت فيه انه امريكا وجودها من وجود الارهاب الخ الخ الخ اعتبره اهم سطر لني ما قريتها بهالجراه باي مكان دايما يلفون ويدورون علينا نا قلت اللي اشوفه
وبالنسبه للارهاب. انا وضحت الارهاب حسب فهمي الخاص ...واعتقد شخصية بوبدر تبين شلون انا فاهم الارهاب
هذيله ناس معقدين ومرضى بوبدر ليش سوا كل هذا عشان حبيبته ماتت قام يذبح الاوادم ..منطق غريب لكن يسوون اللي يبون تحت غطاء الدين حسبالهم تمشي علينا هالسوالف ...........



(كاتب القصه يطبق على نفسه مضمونها)
الهدف منها انه الواحد يقعد مع نفسه ويحاسبها ويصارحها عشان مصلحته ومصلحة وطنه...لنه شفتوا شصار ببعض شخصيات قصتي كل هذا صار بس لنهم ما صارعوا نفسهم ولا ووقفوا بوجيه ضعفهم وعجزهم
خلوني اطبق هالكلام على نفسي
انا راح اصارع نفسي جدامكم
اعترف انه قصتي فيها عيوب او نواقص او سموه اللي تسمونه
اعترف اني ما اعرف لما اكتب اوصف الاشياء بدقه مثل باجي الكتاب ......مثلا بالقصه ما وصفتلكم ملامح الشخصيات او بيوتهم او ملابسهم او او ...
بصراحه فيه واحد انتقد اسلوبي في الكتابه وال انه اسلوبي ضعيف كروائي....تضايقت منه وكرهته حيل لكن قلت لازم اقرا روايات وااااجد عشان اشوف معاه حق ولا لا
بصراحه معاه حق اكتشفت انه طريقة كتابتي فيها بعض الاخطاء وقررت اني راح اكتب هالقصه مره ثانيه باسلوب ثاني كلللللش غير عن اللي قريتوه لني اكتشفت انه القصه ينقصها الشيء الكثير
واعترف اني بالغت بذكر المطربه اصاله نصري ...بس يا ناس احبها حب مو طبيعي ...واتمنى تعذروني (قاعد افكر اني لما اطبع القصه مره ثانيه اني امسح المقاطع اللي فيها ذكر اصاله وما ادري محتار واتمنى اعرف رايكم
واعترف كانت عندي نرجسيه وذكرت اسمي اكثر من مره (احمد حبيب مرام واحمد العصيمي رفيج يعقوب) بس احب اسمي واذا هالشي ضايقكم وعد بالقصه الجايه ماني جايب هالاسم واذا تبون مستعد اغير اسمي هههههههه
اعترف انه عندي ثقه عميا بموهبتي وبقصتي وهالشي يضايقني حيل لني اخاف اصير مغرور بس وربي ماني مغرور...بس ما ادري ليش احس انه موهبتي بالكتابه لو خذت حقها راح تغير اشياء واجد بهالعالم تدرون ليش .....لني عندي قضيه وحلم عشان جذيه احس هالاحساس
اعترف: انا ولا عمري رحت لدكتور نفسي او اهلي عشان جذيه غطيت جهلي بهالناحيه وما كتبت لما ساره تروحله وتعمدت اني اخلي زيارتها له غامضه عشان اخلي القاريء يشك بساره لني كنت اكتب كانت تروح الشقه وكانت تاخذ حبوب......
يا رب يجي اليوم اللي اصير فيه اهم كاتب بالكويت وعتيبه
ونحصد انا واياكم ثمار المحبه والثقه المتبادله....
اخواني ترا هذا مو كل اللي عندي لااا ببالي قصص اهم واحلى
اخواني..ترا ماكو احد كامل عشان جذيه لازم فيه عيوب بهالقصه ..بس صدقوني اجتهدت قد ما اقدر بس الجاي احلى
بصراحه وانا اكتب النهايه عيوني دمعت خصوصا لما كانت مرام عند يعقوب ولما قاللها بما معناه يما انا احبج وكنت اتمنى اكون كبير بعيونج بس الحين تشوفيني وانا ضعيف هالمقطع يضيق خلقي والمقطع الثاني لما مرام قالت لبدر خلاص تجازوني على كل شي وتطلعون........
هالقصه اثرت فيني حيل واحس مو ايدي اللي كتبت احسها قطعه مني تعنيلي مثلما يعنيلي اسمي ...
افتخر بهالقصه واعتز فيها حييل لني كتبتها بحبر الصدق..
اعترف.......اني احب كل انسان قرا اسطري المو متواصعه
احبكم كلللللكم وعلى الخير نلتقي
ما ابي منكم الا الدعاء لي بالتوفيق والنجاح واكثر منهم الصحه والعافيه والهدايه
اخوكم
احمد خالد الصياح العصيمي العتيبي

(خبر يستوي على نار هاديه وابي رايكم)
طرت ببالي فكره اللي هي ...اني اسوي جزء ثاني من هالقصه.....................اما اني اكتب عن ماضي هالاسره واكتب عن المعاناة الرهيبه اللي عانوها من ابوهم او اني اكتب عن مستقبل هالعايله وشنو راح يصير فيهم خصوصا انه النهايه للحين مفتوحه............شراح يصير بساره وهل ريم راح تقدر تمشي بطريجها الجديد وهل ابوبدر ما راح يرد بوبدر الاولي وهل وهل وهل وهل
ما ادري قلت اطرح عليكم الفكره بس بصراحه للحين ما خذيت ولا قرااااااااااااااار

صياحي
02-03-2008, 04:40 AM
يحز بخاطري انه المشوار انتهى لكن اصبر نفسي وانا اتخيل انها نزلت ك روايه وانتوا تشترونها وتفزعون معاي وتقولون احمد الصياح العصيمي كان وما زال ع

صياحي
02-03-2008, 04:41 AM
كان وما زال عضو معانا

كلمة شكر الى الله اولا
والى كل عتيبي قرا قصتي اشكركم واحد واحد الف شكر الف شكر الف شكر

واتمنى اني كنت عند حسن ظنكم

مندوب السلام
02-03-2008, 07:28 AM
مبدع ياولد العم
انشاء الله لك مستقبل مبهر واصل هذا الإبداع الله معاك والله يحرسك


تقديري وحترامي لك

صياحي
02-03-2008, 08:56 AM
هلااااااااااااااااااااااااااااااااا والله بمنوب السلام

والله كلامك حيل ونسني وعطاني دافع وان شا الله اكون عند حسن ظنك

ويشرفني انها عجبتك ولو اني كنت طمعان اني اعرف بعض التفاصيل اكثر بس كل يجي منك يرضيني اخوك
احمد الصياح العصيمي

صياحي
02-03-2008, 10:54 AM
ما شا الله المشاهدات فوق ال 240
والردود اقل من ال 40

سبحان الله ...............دامكم تقرونها بشكل رهيب ليش ما تردون الله يهيدكم

الله يهديكم ...........................معقول منزل النهايه صارلي فتره طويله وما لقيت حتى كلمة شكرا او الله يوفقك للامانه وضع غريب

المقاطى_q8
02-03-2008, 10:40 PM
كل الشكر

لك اخوي احمد العصيمي

على كتاباتك الرائعه

احترامي وتحياتي

صياحي
02-04-2008, 04:33 AM
الشكر لك يا المقاطي
وانا مستحيل انسى وقفتك معاي
ومو غريبه على عيال الهيلا

بـــــ( الهيلا )ــنت
02-05-2008, 09:21 AM
صياحي
الله يعطيك الف عافيه على هالقصه
وانا بصراحه ماقريتها كلها مايمديني
لكني مريت عليها بشكل سريع ولي عوده ان شاءالله
وعني كم ملاحظه لك اخوي اتمنى انها تفيدك
بالبدايه اشوف انك حيل مبالغ في القصه
يعني ظلمت الطبقى الوسطى
تبالغ في المشاعر ياحب قوي ياكره قوي يا غيره قويه
وهذا اعتقد ماهو قريب للواقع
اسلوبك القصصي حلوو لكنه على عجل وتنقصه الكثير من التفاصيل
احس اني ما عشت جو القصه لانه يبيلها تفاصيل ادق وشرح ادق
ياليت تركز عليه عشان نحس ونتفاعل بالقصه اكثررر معاك
وشي ثاني بعد
لا تنظر للقصه من زاويتك فقط لانك كاتب وفاهم القصه عدل
انظر لها بنظره اللي اول مره يقراها
---------------
عموما اشكرك على القصه وانت فعلا مبدع ولكن تحتاج لتطوير موهبتك وتكثيف قرائاتك القصصيه حتى تكتسب اسلوب اوضح في السرد
-------------
اتمنى ما اكون ضيقت خلقك بالملاحظات
ولي عوده ان شاءالله
تقبل حضوري

صياحي
02-06-2008, 03:54 AM
انا قعدت مع نفسي وصارحتها وانتقدت قصتي
ورب الكعبه رايي نفس رايج بالظبط

اشكرج