المساعد الشخصي الرقمي

مشاهدة النسخة كاملة : قصيده رائعه للشاعر / سمران القثامي


المقاطى_q8
12-21-2007, 02:37 PM
قصيدة للشاعر / سمران بن عايض القثامي


يا قصيدي غن وأرقى فالطويل العالي=عادتك روس النوايف والقمم ترقاها
ما سقيتك في رحاب الصدر غير زلالي =شجرة منها الظلال وفاليدين جناها
غن يا ورق الحمام وهات يا موالي=هات من وبل المزون ليا ضحك منشاها
لين اسطر فالورق در الكلام الغالي=من ينابيع الضمير اللي قراح ماها
شاعر ما يارد الجمة بدون حبالي =وان ورد بل الكبود الضاميو وارواها
يا سلام الله على نبع الكلام الحالي=والهجوس اللي تبايعني وانا مولاها
كل ما دكت هواجيسي وجاد خيالي=اعشبت بيد المعاني والنفل يغشاها
شوش يا راسي وأبا احذف غترتي وعقالي=موقف يفرض عليه وقفتي وأحماها
كيف ما سطر كلامي وافتخر فاقوالي =واتنومس بالبيوت اللي على معناها
مهرتي تجمح ولي فالطايلة منزالي =والعزاوي والسيوف المرهفه تشعاها
قاضب خطام الحقايق والسعد يبرالي=والفعول مثبته واللي نشد يلقاها
لي حوالي شهر مغلق شاشة الجوالي=مبتعد عن زحمة العالم وعن ضوضاها
عاقد حبل العزيمة والسبب كالتالي=لابتي وفعولها اللي ما أحد ينساها
كيف ماسوق المدايح والكلام الغالي= وارفع البيرق واسوق المدح في طرياها
لا بتي زبن المجنا والذليل الجالي=والوحيد اللي يدين العون ما يلقاها
لابتي سقم الحريب ولطمة العيالي =سعد من عنز على الهيلا ومن ينخاها
لا اشتعل للحرب نار وعودت للصالي=واتفتح باب العزاوي والرمك وحداها
لاعوى ذيب المجاعة فالشعيب الخالي=وانكفت خيل الحفيف وعزوتي تقفاها
بشرو ذيب الخلا يقنب بصوت عالي=للذياب اللي تجاوب فالخلي بعواها
والله لتشبع بعد ينذاق مر وحالي=من وقايع عزوة عتيبه بصف عداها
ما كسبنا طيبنا بالحكي والدوفالي =غير بالسيف الحدب ومهارنا وحداها
لين بنينا البيوت اللي لهن ظلالي=في سنام الديرة اللي رمحنا يحماها
في قرارة نجد قدام الحكم والوالي=ماش حب خشوم غير بسربة ننخاها
لين زحزحنا الجبال الشم والاقدالي=والجمال اللي تهادر بالطغى سقناها
ما تخضعنا لو الدم الحمر وشالي =المذلة وصمتة سوداء ولا نرضاها


اتمني ان تنال اعجابكم
ولكم اجمل * تحياتي *

الــولــيــد
12-31-2007, 02:48 PM
صح لسان الشاعر سمران بن عايض القثامي


وبيض الله وجهك اخووي المقاطي q8




تقبل مروري

المقاطى_q8
12-31-2007, 08:19 PM
وجهك ابيض


اخوي ابو يوسف


تحياتي

أبـو فيصل
12-31-2007, 08:53 PM
صح الساان قاايلهاا

وسلمت يد كااتبهاا

ولاهنت علي النقل المووفق


تقبل مرووري

المقاطى_q8
01-03-2008, 04:40 PM
ابو فيصل

لاهنت علي المرور الكريم

وتقبل مني احر التحيات

العتـــ(أنفال)ـــيبي
01-07-2008, 02:42 PM
خـــــــــــــــــــــــــــــــــــــــــــــــــ ـوش قصيدة:clap: :clap:

d-r
01-09-2008, 02:34 AM
لاهنت عالنقل يالمقاطي
-------وشكرا

المقاطى_q8
01-13-2008, 05:24 AM
انفال العتيبي

مشكور علي المرور


تحيتي

المقاطى_q8
01-13-2008, 05:26 AM
d-r

لاهنت على المرور الكريم


تحيتي