المساعد الشخصي الرقمي

مشاهدة النسخة كاملة : ماباح بالسـرّ لا قلبـي ولا عينـي


عقاب ابن ثعلي
12-11-2007, 11:28 PM
مصافحـــه اولـــى لكم اتمنى ان تنال اعجابكم

ابا أقطع الوصل ياللي شح بوصالي = ماسدّك انك ثـلاث سنيـن جافينـي
وأبا أقطع اعن الهوى ودروبه حبالي = وأنسى طريقٍ على ذكراك يدعينـي
خلاص روح ابتعد مالك وانا مالـي = اللي حصل من سببك اليوم يكفينـي
اضحك على غيري ليا قلت له غالي = انا خلاص انتهى ما بينـك وبينـي
ياما بنيت الك وسط القلب منزالـي = وياما سهرت الليالي وانت ناسينـي
وياما تمنيت زولـك دايـم اقبالـي = وياما عطيتك لكن مايـوم تعطينـي
عطيتك أشواق قلـبٍ مالهـا تالـي = ولا الله عطا منك غير انك تعنينـي
اليوم ابا كمـل المشـوار بلحالـي = مابيك مابيـك فالرحلـه تخاوينـي
وان مر طيفك مع الذكرى على بالي = ماباح بالسـرّ لا قلبـي ولا عينـي

محمد المقاطي
12-11-2007, 11:47 PM
ابن ثعلي

صح لسانك

وبيض الله وجهك

وفالك البيرق

وفي انتظار المزيد من الأبداع

d-r
12-12-2007, 02:27 AM
ياسلام ياعقاب
وصح لسانك
وشرفتنا بالمشاركه الطيبه اللي تبيض الوجه وتنور قسم قصائد الاعضاء
ونبا جديدك

((الـروقـي))
12-12-2007, 03:13 PM
اليوم ابـا كمـل المشـوار بلحالـي 000مابيـك مابيـك فالرحلـه تخاوينـي

وان مر طيفك مع الذكرى على بالي 000ماباح بالسـرّ لا قلبـي ولا عينـي

صح لسانك يابن ثعلي وجزاله من جزل

ابو عثمان
12-16-2007, 12:44 PM
صح لسانك ياعقاب
وقصيده جميله
ولا قصرت

المقاطى_q8
12-17-2007, 04:09 AM
عقاب

صح لسانك
وبيض الله وجهك


تحياتي

@العصيمي@
12-17-2007, 11:46 AM
صح لساااااااااااااانك يا بن ثعلي

وياما تمنيت زولـك دايـم اقبالـي
وياما عطيتك لكن مايـوم تعطينـي

كلام مليااااااااااااااااااااان وصح لساااااااانك يالبناخي