المساعد الشخصي الرقمي

مشاهدة النسخة كاملة : ماسر استبعاد مدغم ابو شيبه


محمد المقاطي
12-10-2007, 11:20 PM
السلام عليكم ورحمة الله وبركاته


الكل يعلم بخروج الشاعر المبدع مدغم ابو شيبه السبيعي

من منافسات شاعر المليون

ولكن ماهو السر وراء خروجه ( استبعاده )

مع اننا رئينا شعراء اقل منه بكثير في قائمة ال 100 شاعر

وعند سؤاله عن السبب

امتنع ابوفهد عن التصريح

واكتفى بهذه القصيده التي تعبر عن نفسها

وهي اهداء لجمهوره وللجنه






ياقصيدي وانت حملك مثل حمل السلاح=من صناعات الفض النزاع مطوره
خلق وجهك من حجا ضلع واشراقة صباح=دم تجمد في وريده ودم تفوره
من خلالك لي على الكون منفذ وانفتاح=ارسم احلامي على واقعه واصوره
الحصون اللي عليها منصات الكفاح=انشد اكبرهم من اللي بناه وسوره
سقت ذودك للمفالي وقاد من المراح=واعترض في دربها نابحه ومخوره
النجاح يشيل جرحه من اعداء النجاح=والمثاليه تعاني من المتهوره
والفتاوي تختلف شي حرام وشي مباح=وشي لو تقنع به العقل مايتصوره
نستمع لله اكبر وحي للفلاح=المساجد عامره والقلوب منوره
وندري ان ماكل مذن بلال بن رباح=لو يقول الشمس حمره والارض مدوره
المهول لو خدعنا وخذنا بالصياح=واشتكى من رجله اللي مهيب تعوره
حيلة ما تمشى الا على الناس الصحاح=احبكتها عالم مهوله ومجوره
والطيور اللي تهاوى بمخلاب وجناح=لا تعشى صيدها واحد مادوره
مايحصل راحة البال واطلاق السراح=من تورطله بخمسة صكوك مزوره
فرد حمزه حسب تقرير دايرة السلاح=فيه واحد غير حمزه هو اللي ثوره


.

محمد المقاطي
12-10-2007, 11:30 PM
حيلة ما تمشى الا على النـاس الصحـاح ** احبكتهـا عـالـم مهـولـه ومـجـوره

مايحصل راحة البـال واطـلاق السـراح ** من تورطلـه بخمسـة صكـوك مـزوره


بالله من قال هذا الكلام مايستحق الاجازه ؟؟؟ لك الله يامدغم ابوشيبه

ان كان الشعر هو مقياس لجنة التحكيم فمدغم شاعر مبدع وافضل من ثلاثة ارباع المئه المتأهلين

وان كان هناك مقاييس لانعلمها مثل الجمال والرقه والنعومه وحلاوة الصوت فيقلبونها مسابقة جمال

مسأله ايهام لجنة التحكيم للعالم انهم صح وبقية الناس خطأ هذي لايمكن تقبله اطلاقاا

ابو عثمان
12-11-2007, 01:00 PM
يامرحبا يامحمد
مدغم شاعر متمكن ولا فيها كلام
وانا اعتبره من المرشحين للفوز
وفيه سبب قوي لإستبعاده لأن اللجنه مستحيل تستبعد واحد مثله لأنه هو والشعراء المعروفين من اسباب نجاح البرنامج
ولكن هل الخبر مؤكد انه استبعد؟
وبعدين يابو يوسف الله يرضى عليك غير الخط اللي كتبت فيه القصيده من غير امر

محمد المقاطي
12-11-2007, 10:44 PM
هلا ابو عثمان

تم تعديل الخط يالغالي

ومدغم خرج من المنافسه خبر اكيد

حسب القائمه اللي اعلنتها لجنة شاعر المليون

وانا بصراحه تعمدت ذكر خبر خروجه حتي اثبت للجميع عدم مصداقية

ونزاهة القائمين علي هذا البرنامج

ولم اذكر احد من الشعراء العتبان الذين خرجوا من المنافسه

حتي لايقال متعصب او حميا لابناء عمه

ولو نظرنا الي الشعراء المشاركين من قبيلة سبيع العزيزه

لوجدنا ان مدغم ابو شيبه افضلهم

مع احترامي للجميع وحتي لا يأتي احد الأخوان ويقول ناصر الفراعنه افضل من ابو شيبه

اقول له رأيك واحترمه مع تحفظي علي شاعريته

وكذالك الكل شاهد الشاعر ( الفنان ) إبراهيم طارق الرشود السبيعي

لكن ما اقول الا

الله يخلف علي الشعر والشعراء

يالجنة الشيلات

d-r
12-12-2007, 02:01 AM
الله يعوض على الشعر
الكل مستفيد من برنامج شاعر المليون الا عنصر واحد
اللي هو



الشعر خسر نفسه
--------------وشكرا

((الـروقـي))
12-12-2007, 03:28 PM
بالله يابو يوسف ابي انصحك نصيحه

برنامج المليون لاتتابعه لانه برنامج تجاري بحت والدليل اعتمادهم على التصويت

فى البرنامج يعني بالفلوس يمكن تصير انت الشاعر بدون تعب حتى لو شاعريتك مبتدىء

هناك شعار دخلوا في المسابقه هم افضل بكثير من شعار لجنه التحكيم فكيف يكون التقيم

بهذه الطريقه الاضعف يقيم الاقوى شعريا

محمد المقاطي
12-12-2007, 08:56 PM
الله يعوض على الشعر
الكل مستفيد من برنامج شاعر المليون الا عنصر واحد
اللي هو



الشعر خسر نفسه
--------------وشكرا



والله صدقت اخوي d-r

الخسران هو الشعر

محمد المقاطي
12-12-2007, 09:01 PM
بالله يابو يوسف ابي انصحك نصيحه

برنامج المليون لاتتابعه لانه برنامج تجاري بحت والدليل اعتمادهم على التصويت

فى البرنامج يعني بالفلوس يمكن تصير انت الشاعر بدون تعب حتى لو شاعريتك مبتدىء

هناك شعار دخلوا في المسابقه هم افضل بكثير من شعار لجنه التحكيم فكيف يكون التقيم

بهذه الطريقه الاضعف يقيم الاقوى شعريا


والله ادري يابو جراح

لكن مامن حيله

غصب اتابعه لأن فيه شعراء مبدعين بالفعل