المساعد الشخصي الرقمي

مشاهدة النسخة كاملة : حبيب العازمي وبن مشيط المري (ثقيله)


محمد الدعجاني
12-08-2007, 06:17 AM
السلام عليكم

ومساكم الله بالخير

محاوره من الوزن الثقيل بين عمالقة المحاوره

حبيب العازمي ومحمد بن مشيط المري

الشاعر/حبيب العازمي




ياجاهل في عتيبه يستر الله علاك
عتيبه ابناء سعد وايظا خوال النبي
وانا مالومك مادامنك هذا مستواك
لوقلتلك وين ربك قلت فابوظبـي




الشاعر/محمد ابن مشيط




ماني بجاهل وعلمي ياولد روق جـاك
لوكنت خال النبي يالعازمي في شنبـي
الأرض ماهيب لك والعرش ماهو سماك
ولا يجهل الله تعالى غير مثلـك غبـي







الشاعر/حبيب العازمي




هذا حديثٍ موثق وأعتقـد ماخفـاك
واللي يعارض حديث الصالحين يهبي
ليتك مادام السعه عنا تدربـى وراك
وانت لوانك ذكي يمديك جيت تحبي






الشاعر/محمد ابن مشيط




يالعازمي هد نفسك وأعتذرك من خطاك
دامك توضح حديث من النبي وشتبـي
ماجزت عن طبعك الماضي يامال الهلاك
تبغي تسلطن ولا يدخل معـاك أجنبـي






الشاعر/حبيب العازمي




أرجع على الحق وأسلم كان ربي هـداك
وان كان ما أسلمت قدني واصلك يا صبي
انته ليا جيت في نجران جـاك اشتـراك
ما أدري من المكرمي ولا مـن الأكلبـي





الشاعر/محمد ابن مشيط




ابلشتنا مع عتيبه وانت مغشوش مـاك
غير العصا ياذلول ابليـس ولا اشربـي
ان رحت وان جيت علمي يا حبيب دهاك
معرب منسبـي مانـي بـورع صلبـي






الشاعر/حبيب العازمي




لا بالله انته مصفى مير بلعن ثـواك
بلاش ترفع يدك وانته تحت منكبـي
ياشين شكل الكبير اللي عليه ارتبـاك
انا اعرف منسبك وانت تعرف منسبي






الشاعر/محمد ابن مشيط




ان كانها بالحكي ما حدن يتمشى معاك
وان كانها بالفعل منزلك تحت اركبـي
قدلك تهرب عن ابن مشيط والله رماك
ولا عندنا ياحبيب غير صتـم حلبـي





الشاعر/حبيب العازمي




ياقدر ليتك مغطى ما كشفنا غطاك
ركبك ياجعلها بالداب والعقربـي
تحدنا بالخطايا لين نبحث خفـاك
واللحيه اللي نقص تقديرها تتربي





الشاعر/محمد ابن مشيط




ياحارس القول كورتك اسقطت من يداك
سددت صوبك قذيفه والهـدف لولبـي
انت المعزب وانا ضيفٍ تعشا تعشـاك
وأثرك في صدرك الواسع حكي مختبي





الشاعر/حبيب العازمي




أعطيتك المصحف الطاهر ومسواك راك
وأثرك لامسلـمٍ مخلـص ولاغيهبـي
بلاك ضيفٍ ما صنت معزبك من رداك
تقف مابيـن الوجيـه الغـر وتكذبـي





الشاعر/محمد ابن مشيط




رجعتلك مصحفك وأهديت معه السواك
مطلبك هذا يابوفيصل ماهـو مطلبـي
الطيب طبعي مادام أن الردى من وفاك
لو يختلف مذهبك ما يختلف مذهبـي

كحيلان
12-08-2007, 02:34 PM
لله درك يابو فيصل
صحت السنت الشعار وبيض الله وجهك يالدعجاني
علي النقل الرائع

الــولــيــد
12-08-2007, 08:10 PM
بيض الله وجهك



وسلمت يدك




تقبل مروري

محمد المقاطي
12-08-2007, 09:01 PM
لاهنت ابو سلطان

علي الاختيار الرائع

وبيض الله وجهك

محمد الدعجاني
12-09-2007, 12:42 AM
كحيلان

وابو يوسف

وابو يوسف :>

لاهنتو على المرور الرائع

نايف الثبيتي الروقي
12-14-2007, 04:12 PM
لاهنت على المحاوره وبيض الله وجهك

محمد الدعجاني
12-17-2007, 10:11 PM
ومن يقول يالثبيتي الروقي

واسعدنى مرورك الجميل

يوسف السيحاني
12-18-2007, 01:31 AM
يعطيك العافيه يا محمد الدعجاني

ولاهنت على المحاوره الراااائعه

المقاطى_q8
01-26-2008, 10:15 PM
مشرفنا محمد الدعجاني

لاهنت علي المحاوره الرائعه
واسمحلي على المرور المتأخر


وصح لسان الشعار


تحياتي

محمد الدعجاني
01-27-2008, 03:00 AM
تسلم ولاانت

اخوي المقاطي واسعدنى مرورك ولو انه متاخر :)

محمد زبن الذيابي
05-04-2008, 08:39 AM
ياجاهلن في عتيبة يستر الله علاك عتيبة ابناء سعد وايضا خوال النبي
اقسم بالله هذا البيت يكفي عن المحاورة كاملة