المساعد الشخصي الرقمي

مشاهدة النسخة كاملة : عطيني 500 ريال واعلمك زوجك متزوج عليك ولا لا .!!


الــولــيــد
12-06-2007, 10:21 PM
عطيني 500 ريال واعلمك زوجك متزوج عليك ولا لا ..؟؟

عادت لمدرستها قابلنها المدرسات سلامات وينك يامديرة ؟

قالت لهن: باركولي تزوجت.

قالوا : مبروك يامديرة ولكن منهو زوجك ؟.

قالت لهن: بصراحة زوجي هو زوج إحداكن.

المدرسات تكفين علميننا أي وحدة منا ؟

قالت المديرة: والله ما أعلمكم .

المهم لزموا عليها فقالت لهم أنا منيب متكلمة اللي تبي تعرف هل هو زوجها وإلا لا تجيب بكرا معها خمسمية ريال !! وإذا جت توقع تحط الخمسمية على الطاوله واللي آخذ خمسميتها فهي مهو زوجها واللي أخلي خمسميتها على الطاولة ولا آخذها فهو زوجها عيب علي اتزوج زوجها وآخذ بعد منها خمسمية ريال .. !!!!

وافقن المدرسات على الطريقة.

ويوم جاء بكرا وكل وحدة مجهزه معها الدراهم .!

جت الأوله والثانية والثالثة والرابعة حتى العاشرة والمديرة تاخذ الدراهم .

يوم جت المدرسة ال 11 وبدت المديره تأفف المهم حطت الدراهم على الطاولة وقالت لها تكفين خذيها يالمديرة قالت المديرة اعذريني قالت المدرسة ان كانت قليلة حطيت ألف بدال الخمسمية ..

قالت المديرة أووووووووووووه معليش أثرك أنتي جواهر والله اني آسفه غلطت .. تنفست المدرسة وقالت الحمد لله يعني بتاخذين الفلوس المهم اخذتها المديرة ..

ودخلن بقية المدرسات حتى ال 23 والمديرة تلعب باعصاب كل وحده وفي النهاية تاخذ الخمسمية .

المهم بقي مدرسة وحدة فقط ماجت يوم اتصلوا عليها المدرسات هاه وينك يا استاذه قالت والله اني تعبانه وماني جايه . قالت المدرسة الغايبة : هاه من صار زوجها اللي متزوج المديرة ؟

قالوا الحين مابين شي والمديرة رافضه تاخذ الفلوس لين نحضر كل المدرسات ( يلعبون عليها بس يبونها تجي عشان يتطمنون إنها هي لأنه مابقى إلا هي ) وقالوا المدرسات لازم تجين تكفين .!

المهم جت تسحب رجليها بالقوة ويوم جت تدخل المدرسات كل وحده مبسوطة انو مهي هي وبدوا يسمون على المعلمه ال 24 عشان ماتنصدم .

دخلت المعلمه الأخيرة غرفة المديرة وحطوا باقي المدرسات ايديهن على قلوبهن وحطت المعلمه الخمسمية على الطاولة وخذتهاا المديرة .

يوم طلعت لقوها عادية وماصار شي وفلوسها أخذتها المديرة .!!

قالوا يابنات فيه وحده منكن ماخذت المديرة فلوسها ؟

قالوا لا والله كلنا اخذت دراهمنا .

ودخلت المدرسات على المديرة وقالوا اخذتي الفلوس من كل المدرسات تلعبين علينا منهو زوجك ؟؟؟؟؟

قالت المديرة المهم الدراهم ( 12000 ريال ) ماراح ترجع و أنا والله لا تزوجت ولا شي لين الحين عزوبية ووالله كنت مريضة هاليومين . ولكني اطلبككن قبل شهر تدفعن على مية ريال نصلح المصلى ولا وحدة منكن دفعت قلت والله لأدفعكن 500 ريال نصلح المصلى ونشتري مصاحف وقف للمسجد .

قالن المدرسات بردها الله بالعافيه فداك الدراهم ولو تبين زود عطيناك
هو صدق بس رجالنا ماتزوجوا علينا.؟؟

مارايكم في بعض النساء التي ياخذ الزواج من اخرى جل تفكيرها ؟؟

ومن تفكير المديره معهن لتحصل على بغيتها ؟؟


ان كــــــــــــــــــــــــــيدهن عظـــــــــــــــــيم ..

عطر الحكي*
12-11-2007, 06:12 PM
http://otabhq8.com/up/4/otabhq8_aZndd0wVh.gif

الــولــيــد
12-12-2007, 12:20 PM
سلمت يمنااك اختي عطر الحكي*




تحيااتي