المساعد الشخصي الرقمي

مشاهدة النسخة كاملة : الضلوع المناحيف (( جديد ))


عبدالله النفيعي(السهم العطيب)
11-23-2007, 01:26 AM
البارحه سيرت رجلي على السيف
يوم ان ما جوفي كما الضو صالي

يا فوح صدري فوحة البن والكيف
يا فوح صدري فوح صفر الدلالي

جيت اشتكي يا بحر فرقا المواليف
جيتك و دمع العين عالخد سالي
الحب ما بين الضلوع المناحيف

لو ان صده طال و البعد طالي

راحت ثلاث شهور يا بحر ماشيف
و انا تحرى جيته و الوصالي

يا بحر قله يعتبرها معاريف
حق(ن) عليه الوصل و الاتصالي

يا بحر قله يعتبرها مواقيف
انا دخيل الزين من ما جرالي

صارت ضلوعي من غيابه مراجيف

صار التوجد و السهر راس مالي

همي غيابه و المحبه تحاسيف
مر الكؤؤس اكيد ما هو بحالي

موجك همومي و الحنايا مراغيف
حاضر همومي فوق هم مضالي

لا ذعذع النسناس لا مرله طيف
جريت صوت الحزن و الصوت عالي

غيبته تشبه ضربت الرمح و السيف
كن الطعوون الصايبه من حلالي

حبي على وضح النقا ما دخل زيف
حبي يشووم عن العلوم الهزالي

يا بحر لحظه باقي من السواليف
بالهون ابعبر عن اللي بدالي

كان الغلا من بيننا ماله وصيف

كان الوفا و الحب يا بحر غالي

كنا و كنا مير يا حيف يا حيف
فرقاه امر من الوصال المحالي

دمعي ذرف لجله بليا تواصيف
كما مزون جات بعد الخيالي

عيب على اللي يرقبون المشاريف
هل العباري مير واا عزتالي

حسبي على جور الزمن و الصواديف

حسبي على الفرقا و سود الليالي

يا بحر حبه فالضلووع المناحيف

لو ان صده طال و البعد طالي

محمد المقاطي
11-24-2007, 12:38 AM
صح لسانك

اخوي عبدالله العتيبي

وبيض الله وجهك

المقاطى_q8
11-24-2007, 03:57 AM
لا ذعذع النسناس لا مرله طيف
جريت صوت الحزن و الصوت عالي


السهم العطيب

صح لسانك وبيض الله وجهك


تحياتي

عبدالله النفيعي(السهم العطيب)
11-24-2007, 10:50 PM
الله لا يهينكم .... وصح ابدانكم ...



تحــــــــــــــــــــــــــــــــــــــــــياتـــ ـــــــــــــــــــــــــــــي

(( السهم العطيب ))

خالد المقاطي
11-26-2007, 01:19 PM
صارت ضلوعي من غيابه مراجيف =صار التوجد و السهر راس مالي
الله الله


مبدع مبدع

( السهم العطيب )

لاتحرمنا من الدرر النادره


اخوكــ ::

d-r
12-12-2007, 02:50 AM
ياسلام
صح لسانك
ياسهم المنتدى
وشكرا

*(سلطان المقاطي)*
12-12-2007, 03:07 AM
صح لسانك يالنفيعي
قصيدة جزله ومن راس جزل

لكن عندي ملاحظه على البيت اللي يقول :

جيت اشتكي يا بحر فرقا المواليف=جيتك و دمع العين عالخد سالي
لأن الشكوى لله وليست لغيره

:: فالشكوى لغير الله مذله ::

((الـروقـي))
12-12-2007, 03:10 PM
يا بحر حبه فالضلووع المناحيف 000لو ان صده طال و البعد طالي


ومن الحب ماقتل قصيده رائعه وصح لسانك يابو عابد

عبدالله النفيعي(السهم العطيب)
12-13-2007, 10:32 PM
صح ابدانكم الروقي والمقاطي و الله لا يهينكم ....

المقاطي الله لا يهينك على الملحوظه .. واشكرك ..



تقبلوووو تحياتي .. مرووور ( السهم العطيب )