المساعد الشخصي الرقمي

مشاهدة النسخة كاملة : مستور العصيمي مع الفهري


يوسف السيحاني
11-16-2007, 02:42 AM
في ليلة تجمع عمالقة الشعر وهم مستور العصيمي،سطان الهاجري،رشيد الزلامي،شايع العياقي،سعيد الفهري
واخترنا لكم المحاورة بين

سعيد الفهري
مرحبا من هجوس الشاعر المستقيمه=عند ربع نهار الخوف يذري ذراها
العصيمي علم شعر وبيوته حكيمه=كل نفس نخاطبها على مستواها

مستور العصيمي
البقا يارجال تكسبون الغنيمة=من رجال تقدمها وتاخذ جزاها
السوالف طويله والليالي مقيمه=صاحب الفكر يعرف وجهها من قفاها

سعيد الفهري
ما عرف نسل هود الا سالايل حليمه=يوم هذا غداء الدنيا وهذا عشاها
الشياطين لو تنوي علينا رجيمه=اقرو الفاتحه وتروح عنا وراها

مستور العصيمي
اثركم ياسلايل هود ياهل العزيمه=تحسدون الذياب الجايعه في عشاها
ما يضيع الشداد اللي على وسق ريمه=وانت رجال تعرف وسرعها من بطاها

سعيد الفهري
ما ضرينا على الذله وضرب الخريمه=السيوف البواتر مخظبين شباها
ادري إنك على جور الليالي صتيمه=مير بعض الهقاوي يحسن الله عزاها

مستور العصيمي
كل شي مسجل بالحروف السليمه=انشد اللي كتبها وانشد اللي قراها
عاقب السيل وعاقب السيل ديمه=واحترص لا تثور البندقه في خباها

سعيد الفهري
وإن غداء مسح الأحداث مسرح جريمه=كيف تنكر نجوم لا معة في سماها
الله اللي خلق موسى وموسى كليمه=يقدر يذل قومً ما توقف رحاها

مستور العصيمي
يوم ربي رضا عنا ورثنا اليتيمه=مير اخبرك وانته خابر اللي رباها
أنت راع الجمل اللي عليها الوسيمه=خل كبدك تهنا الماء وتقطع ظماها

سعيد الفهري
ما اصعب الفوز يابو زيد بعد الهزيمه=من نساها ذكها من ذكرها نساها
والله إنا مانبغي جور والا ضليمه=وانت ما تعرف الجمره ولا اللي وطاها

مستور العصيمي
والله إنا ليا قابل خصيم لخصيمه=لو بغينا نثير الأرض نلعن ثواها
ما يعرف الكرم غير اليمين الكريمه=واليدين البخيلة لعنبوا والداها

المقاطى_q8
11-19-2007, 05:37 AM
لاهنت يالقرم

على النقل الموفق


وصح لسان الشعار


تحيتي

يوسف السيحاني
11-19-2007, 07:15 PM
المقاطي

شكرا على مرورك بالموضوع

محمد الدعجاني
11-25-2007, 04:29 PM
ياسلام يالسيحاني

محاوره رائعه وتسلم على النقل

يوسف السيحاني
12-18-2007, 02:38 AM
محمد الدعجاني

شكرا على مرورك بالموضوع

أبوغازي
06-02-2008, 04:00 PM
محاورة رئعة جدآ

تحياتي تقبل مروري