المساعد الشخصي الرقمي

مشاهدة النسخة كاملة : وصـل العطيـــــاااني و مستـــــــور العصيمـــي ** وأروع المحـاورات


يوسف السيحاني
11-16-2007, 02:31 AM
وصـــل :







يا مرحبا في محل العزوة الغانمين
ربع ٍ تكمل وتكّّرم كل من جالهـا
والشاعر اللي يبا يلعب يمّد اليمين
يختار بين العلوم ويأخذ إجزالهـا





مستــور :







إلك البقاء يالمرحب والخوافـي تبّيـن
بقيت يا راعـي الصفـراء وخيالهـا
يا وصل يا وصل يا مسلم من المسلمين
النفس ما تنتحاسـب غيـر بأعمالهـا




وصــــل :





فيه إتفاق ٍ حصل بين الحسن والحسين
بعض العرب ما يكبّ الناس في حالها
وان كان راضي بعلم ٍ صار ربك يعين
بكرة تّدور الليـال وتطـوي حبالهـا





مستــــور :





بالله بالله وش دخلك بين الثنيـن
ليتك تحافظ على غترتك وعقالها
الله يحييك تلقى عندنا علم زيـن
وام الكباير تروح إتدبر عيالهـا





وصـــــــل :





الضلع ثابت يزين الوقت وإلا يشّين
حنا نعرف اللزوم ونعرف رجالهـا
يد وحّدة ما تصفّق وانشد الحاضرين
وانته تعرف الدعاوي عمهّا خالهّـا





مستـــــــور :





المشكلة جات بين الذيب وابا الحصين
والمشكلة واحـدٍ منهـم تهيّـا لهـا
يا صاحبي لا تديّني ولا ازتاد ديـن
خلك بفالك وخـل النـاس بافوالهـا





وصـــــــل :





ان كان حليتها تبشر بسمن وسميـن
وان كان ضويتها حملتك واشتالهـا
احتال فيهم يالين الحبْْ يرجعّ طحين
تراك تدري عن الحيّلـة ومحتالهـا





مستـــــــــور :




ان كان ما احلها مانـي مـن الطيبيـن
تـرى تعـدانـي الـدلـة وفنجالـهـا

يا وصل يا وصل وينك من طوال السنين
ان مـا تهيـت لـك الدنيـا تهيالـهـا





وصـــــــــــل :





يا ولد تركي بعير القوم جنبّه متين
والناس تدريبها مـدري يورّالهـا
والحمد لله ما حنـا بمستعجليـن
ماللعقد يالعصيمي غيـر حلالهـا





مستـــــــــور :




دور لراع البعير اللي يجر الحنين
تراه من ناس عزا لك وعزالهـا









تقبلـــوا تحيـــــــــااتي**

المقاطى_q8
11-19-2007, 05:06 AM
يوسف السيحاني


بيض الله وجهك

علي المحاوره الرائعه


تقبل مروري يالذيب

يوسف السيحاني
11-19-2007, 07:11 PM
المقاطي

شكرا على مرورك بالموضوع

محمد الدعجاني
11-25-2007, 04:37 PM
تسلم اخوي يوسف

اخيتار موفق وجميل

وتقبل سلامي

يوسف السيحاني
12-18-2007, 01:53 AM
محمد الدعجاني


شكرا على مروركم بالموضوع