المساعد الشخصي الرقمي

مشاهدة النسخة كاملة : ابن عتقان مع الأستاذ الكبير/ رشيد الزلامي


يوسف السيحاني
11-16-2007, 01:51 AM
جرت هذه المحـاورة بمحافظـة جـدة
يـوم الأثنيـن المـوافـق 1/8/1426ه
بحضور الشاعر الكبير/ مستور العصيمي
والشاعـر الكبيـر/ زيــد العضيـلـه
والشاعـر الشاب/عبدالعزيـز العازمـي









رشيد الزلامي
إبن عتقان في وسط البحر والبحر جزر ومد
=وفي جيبه حصاةٍ من جبال أسليم شايلهـا
بعد مامرنا مسرع وقال إلنـا سـلام وصـد
=حرامٍ من حزامي مايـروح ليـن يأكلهـا


عبدالله عتقان
يأبن زيد الزلامي مايصـح إلا كـلام الجـد
=إبن عتقان يأخذ وزعتـه ماهـو بجاهلهـا
مدام إني مجهز للخصوم الكحـل والمـرود
=فيا كثر العيون اللـي تطالعنـي وأكحلهـا


رشيد الزلامي
نبي نعطيك مايرضيك دام إنك بسطـت اليـد
=ومن دور لها عند العـرب لازم يحصلهـا
تفصل لك ثيـابٍ مانبيهـا ياعريـب الجـد
=على زيد العضيله روح مترهـا وفصلهـا


عبدالله عتقان
عسى ربي يكثر خيركم ماني ضعيف أشحـد
=كبيره يالزلامي طـال عمـرك لا تكملهـا
كلامك يالزلامي مالقينـا لـه رجـل يشهـد
=فلا تكثـر علومـك ياطويـل العمـر قللها


رشيد الزلامي
نهار اليـوم ولا ميـر هـذا ليلـك الأسـود
=تكفـي الأولـه والثانيـه مانـي بقايلهـا
نبي نضغط عليكم لين أحد يجلس وأحد يشرد
=وتشعر بالمصيبه فالعظام وفـي مفاصلهـا


عبدالله عتقان
أشوفك يالزلامـي تفتـل الأشنـاب وتهـدد
=نسيت إن الجبال الراسيه محـدٍ يزلزلهـا
تبي تقعد مثل مستور والثانـي تبـي تقعـد
=معي زيد العضيله واهجاد اللـي نقاتلهـا


رشيد الزلامي
أقول ونعم لكن لن صدمنا في جبلكـم شـد
=وتصبح عندك الضلعـان خاليـةٍ منازلهـا
سليـم أصحابنـا وإذا بغيناهـم كـلامٍ جـد
=نعصر أخشومهم والقوم مانعرف نجاملهـا


عبدالله عتقان
ترى اللي يصتدم بجبالنا والله مهـو مسعـد
=وهذي ناس نرضيها وهذي ناس نزعلهـا
سليم أصحابكم تحرم لذيـذ النـوم فالمرقـد
=فل تنسى الرجال اللـي قديمـاتٍ فعايلهـا