المساعد الشخصي الرقمي

مشاهدة النسخة كاملة : راعي الباكور الشاعر مطلق الثبيتي رحمه الله محاوره له مع الشاعر فيصل الرياحي


يوسف السيحاني
11-16-2007, 01:41 AM
بسم الله الرحمن الرحيم

السلام عليكم ورحمة الله وبركاته

اخواني الاعزاء انا من المتابعين وبشده للشاعر الكبير فقيد
ساحات المحاوره والشعر بجميع انواعه في حياته وبعد مماته
شاعر صفقت له الكفوف وطربت لالحانه الآذان وصفوف القلطه
سبقوني الاخوان مشكورين بالكتابه عنه ولكن حبيت ان اورد له هذه
المحاوره لكي نخلد ذكراه اللتي لن تغيب عن محبي شعر المحاوره
خصوصا والشعر بجميع انواعه عموما

انه الشاعر العملاق راعي الباكور البحر كما وصفه الشاعر محمد بن شريف الجبرتي رحمه الله

انه الشاعر مطلق بن حميد الثبيتي رحمه الله واسكنه فسيح جناته

محاوره له مع الشاعر فيصل الرياحي من محاورات المغتره
عام 1407هـ


مطلق :
يامرحبا في حلتن في ذراها يامن الضيف
في دار ابو خالد عسى الله على عزه يديمه

الشاعر اللي ما يجينا مع المعنى على الكيف
نبا نسوي له قبر بين رابغ والقضيمه

فيصل :
دام البقى لك بالنيابه عن اهل الخيل والسيف
اهل الديار اللي بها الرجل له حشمه وقيمه

ياللي تقول السالفه مايعسرن التواصيف
وانا استعنت بمن يحبس الشياطين الرجيمه

مطلق :
سبحان من خلاك تنزل مع الحربي على السيف
والصحبه اللي بينكم طاريه ماهي قديمه

ان كان واليا انك ولد شيخ وتعرف المعاريف
احرص على صياف واعطه ولو ربع الغنيمه

فيصل :
انا وصياف استلمنا الحرم مع مسجد الخيف
وانته ورى معزاك صوب الشفا سكان خيمه

مادام فيصل حي مابه على فيصل تخااليف
ماعاد احسب حساب دمعتك يالبنت اليتيمه

مطلق :
بكره شجاري حضن تنصاك وتلج الغطاريف
تحسبك صرت اليوم ولد الملك والا رحيمه

لو استرحت مع المعنى وقصرت السواليف
يحماكم الله ما يجيكم خلاف ولا ظليمه

فيصل :
بكره نشب النار بين الحطب والعصف والليف
اما تطب النار والا تقفي بالهزيمه

لا تنكر اللي حرفك في زمان فات تحريف
خلاك تعذر في عتيبه يابو جبهه وسيمه

مطلق :
الله حسبي فوق مفلح واورى فيه واعيف
اخطيت يامفلح وحملتني ذنب البهيمه

كم واحدن فينا يورى وراح من امس ما شيف
كان ادعج العينين واليوم ابو عينن كريمه

فيصل :
الظاهر انك لاتصرف ولا تملك تصاريف
لو كان رمشك هايمن بالقلوب المستهيمه

جتك الجيوش اللي تنزلك من روس المشاريف
تاخذ هروج سمان وترد بهروجن عقيمه

مطلق :
لا واحسوفك يا قليل البصيره بالتحاسيف
يا شاعرن ترقف من الخصم وعظامك سليمه

العين عيت تبرح الدرب من كثر الخطاطيف
من ركب الجنحان والريش في طيورن غشيمه ؟

فيصل :
غدا بك المركب بوسط البحر ماله مجاديف
حتى ايش لو تزعل على الموت وتعزي حليمه

ما عاد تصلح غير في خدمتي شغال تنظيف
لو شرهوا ربعك عليه وصحت من الهضيمه

مطلق :
جاك المطر والريح تحداه ومزونه مراديف
منته بسالم لو خليت للذيب الخريمه

بعض السوالف خلها لا تكلفها تكاليف
البال طاب من التهامي وسمن في يديمه

فيصل :
لو نكسر ضلوع الثبيتي مثل كسر الصفاصيف
ظلى الثبيتي ناسي الله ولا ينسى خصيمه

والله مالك من ورانا يابو زهره معاريف
ماغير تحدانا نسوي على خدك وسيمه





رحم الله مطلق الثبيتي رحمه واسعه وان شاء الله