المساعد الشخصي الرقمي

مشاهدة النسخة كاملة : محاوره بين ذيب الشمري وحبيّب العازمي


يوسف السيحاني
11-16-2007, 01:00 AM
--------------------------------------------------------------------------------

ذيب

نبي نسري على خط المعاني والحمول ثقال..
______واخوي حبيّب اللي سرعته سرعه جنونيه
معاك الاختبار الصعب بالاقفى وبالاقبال..
______وشرار النار لايمكن يكون العاب ناريه

حبيّب

نبي نمشي على شط الخليج اللي مافيه جبال..
______وانا ماأسرع ليا شفتك تدربى كنك الحيّه..
ترى راع المعاني يضرب الرجال بالرجال..
______واذا ماجتـك المعاني رجعوها طاق طاقيه..

ذيب

حبيّب يدري يساعه قبل لاياقع الزلزال..
______وهذي ميزةٍعنده خصوصيه خصوصيه..
تحصنّا بعشر ايات ضد الاعور الدجال..
______ولا ناقف على قبور الفلاشا والمسيحيه..

حبيّب

على سطح القمر ما يطلع التشويش بالارسال..
______لكن الارض فيها والسبب فيها الحراميه..
تضلل بالعمامه كان راسك ماعليه ضلال
______اهل حايل عرب..وانته تكلم بالفرنسيه..

ذيب

هي افضل مهنةالصعلوك ولامهنة النشال..
______واهل صنعا يسمون الصعاليك الشريطيه..
تضللني فعولٍ ماضيه في عهدي اللي زال..
______وحنا من خلقنا مانحب ضلال عاريه..

حبيّب

لو اني قلتلك تشهد تبي تشهد بنص ريال
______يابو لحيّه كبيره لاتيمّم بالحونشيّه..
انا والله مااذم اهل الوفا فالحل والترحال
_______ولافرّقت بالشعب الكويت والسعوديه

ذيب

مادام البرمكي يحيا وكيل وللخليفه خال
______تبى تغليه قادات السرايا والفداويه..
انا والله ماحب الحق في حاله من الاحوال..
______واحب الفتنه وعندي لهذا الحب شرعيه..

حبيّب

انا والله ماعرف البرمكي طيّب ولا بطال..
______لكن الطيبّه فيها من الرحمان ماريّه..
عسى ربي يعين اللي معه حيله ولا يحتال
______تجادله الروابع بين هَذيّه..و هَذيّه..

ذيب

عسى رزقي كثر خوفي من الحساد والانذال..
______يبيعون الضماير فالمحلات التجاريه..
بعد بكرى عتيبه ينخلون الحب بالغربال..
______وكثير أليا صلح من حبهم عشرين بالميّه..

حبيّب..

عسى رزقك يجيك محوّل من الطايره بحبال..
______صلاة الفجر قبل الشمس تلحق بارد الفيّه..
عتيبه ياوسيع العرف منها تعقل العقال..
______عسى لمطير وسع الحرب والهيّه سياسيه..

ذيب

مادام الرزق هذا خلوا عتيبي فالاستقبال..
______بعد ما خوفتنا بعض الارزاق السماويه..
انا ماقول روما لمثل قيفاره وهاني بال
______اقول حبيّب ابحر في سفينته الشراعيه..

حيبّب

انا خابرك عاقل مير اشوفك صار فيك خبال.‍.‍‍
______تشيل الحبحبه وتقول هذي (هندروجيه)..
مـــنــــقـــــول