المساعد الشخصي الرقمي

مشاهدة النسخة كاملة : قصيدة سعيد الذبابي في اخوايه ابن شليويح والمرشدي


العتيبي
06-06-2007, 03:22 AM
هذه القصيدة قاله الشاعر سعيد الذيابي عندما كلاً من اللواء غازي بن غلاب بن شليويح ونايف بن براز المرشدي على السرير الأبيض، حيث أجريت لكل منهما عملية جراحية في آن واحد، وقد تماثلا للشفاء- ولله الحمد- وبسبب هذا العارض الصحي الذي حال دون مواصلة الرحلات البرية بالطيور أهداها الذيابي لاخوايه


يالله يا رافع لسبعٍ طوائف

يا ناصراً عبده وهازم هل الفيل

يا مستجيب لمن يناجيك خائف

في ساعةٍ لازل ثلث من الليل

أبعزتك تفرج لغازي ونايف

منك الشفايا محيي الأرض بالسيل

أهل الشكاله والطبوع الطرائف

اللي لهم في مهجة الروح تنزيل

سلايل اللي يبعدون النكائف

قطاعة الفرجه على الهجن والخيل

أصبحت عن كل المشاوير عايف

وطيري ربطته مع طيور المشاكيل

مع ذكر ماضينا ادموعي ذرائف

مغير أدافعها بمسح المناديل

هاذي سلوم أهل القلوب الولائف

تبقى علاقتهم لجيل بأثر جيل

ما هي علاقات الخبول الهدائف

تجار حكي ولا وراهم محاصيل

الله يعافي طيبين الوصائف

وعسى السعادة فالليال المقابيل

وناطى على الأرض السهل والحتايف

شمالها ولا على مطلع سهيل

يازين سجننا بهاك الندايف

وعنيز وشجرت الذيابي مداهيل

لا صرت لشعاف الغريبين شايف

والله ما غبط اللي على شاطئ النيل

بديار مروين السيوف الرهائف

أولاد زائد متعبين الرياجيل

ونمشي نشاط ولو لحقنا كلائف

تنعم سواعدنا على الحط والشيل

سعيد عواد الذيابي

نسيم الشرقية
06-06-2007, 03:31 AM
صح لساان قايلها

الله يعطيك العافيه اخووي ..

أبــو مـانــع العتيبي
06-06-2007, 02:02 PM
لاهنـت أخـوي العتيبي على القصيـده الطيبـه

المحياني
06-17-2007, 03:35 AM
مشكووور ويعطيك العافيه وما قصرت

محمد المقاطي
06-17-2007, 11:53 AM
الاخ
العتيبي

الله يعطيك العافيه
علي نقل القصيده
وصح لسان الشاعر : سعيد الذيابي


تحيتي

جراح العصيمي
06-19-2007, 01:06 PM
الله يعطيك العافيه وماقصرة على نقل هذه القصيده


وتقبل تحياتي

اخوك : جراح العصيمي

صقر روق
06-23-2007, 01:32 PM
الله يعطيك العافية يالعتيبي

خالد المقاطي
06-27-2007, 09:10 AM
العتيبــــي
لاهنت على النقله الطيبه
تقبل مروري والمتابعه
دمت بود

الزيادي
07-19-2007, 09:44 AM
مشكور اخوي العتيبي

والله يعطيك العافيه على الموضوع الرائع

اخوك الزيادي