المساعد الشخصي الرقمي

مشاهدة النسخة كاملة : يوسف العصيمي ينخا خادم الحرمين


العتيبي
06-05-2007, 10:33 AM
يافكري المشغول للشعر ميعاد ..
خلّك معي ساعات والوقت محدود ..

انا هينا بيّن على روس الأشهاد ..
موجود فالصوره ولانيب موجود ..

تسري بي الافكار واغيب وانقاد ..
ارحل اعن الواقع ولا ودي اعود ..


هينا كسبت اعجاب احِبّه وحساد ..
وهناك لي موطن وتاريخ وحدود ..

مانيب ناسي صبح بغداد الامجاد ..
اللي حجب شمسه من الظلم بارود ..

أربع سنين وحزن بغداد يزداد ..
ساعاتها ونّات وايامها سـود ..

وان كان فالتاريخ صوره لبغداد ..
هذي شوارعها عصابات وجنود ..

فيها العباد اجساد واثيابها الحاد ..
والموت بالمرصاد والرزق للدود ..

في مشهدٍ ما يوم ماهوب ينعاد ..
ومأساتها في زود في زود في زود ..

الموت لو يرضي بشاعات الأحقاد ..
هو اهون اهوالٍ تخلي الولد عود ..

ياخادم البيتين ياذخر الاسياد ..
ياللي برايك صامل الراي معقود ..

يالحاكم العدل ويالصارم الحاد ..
يامزبن المضهود يالشامخ الطود ..

لك سيرة ٍامجاد قديمات واجداد ..
يفوح منها زاكي المسك والعود ..

ولك حكمةٍ تلجم شياطين الاضداد ..
ولك هيبةٍ يخضع لها كل نمرود ..

واليا ادلهم الخطب والعزم باهباد ..
لك وقفةٍ يفرح با كل مضهود ..

تشفي غليل اكباد واتفتت اكباد ..
ويحي بها الحق الذي كان موجود ..

ياسيف الأمه كان للحق ميلاد ..
ان ماانولد من سيف ماهوب مولود ..

قدّامك المنظر ثلاثي الابعاد ..
مكشوف للعالم ولاهوب مجحود ..

على يدك توحيد أمّـة الضاد ..
وانت اامل لاقالو الصبر محمود ..

ياقادة الأمـّه نبي منكم انجاد ..
ضاعف علينا وقتنا اغلال وقيود ..

شعبٍ يعيش الغبن ويذلّ ويباد ..
قتيل ومشرد ولاجئ ومفقود ..

تنخاكم آهات الثكالى بالأصفاد ..
وطريق مجدٍ بالملمّات مسدود ..

تنخاكم الآمال وامجاد الاجداد ..
اللي لها معكم مواثيق وعهـود

((الـروقـي))
06-05-2007, 12:13 PM
صح لسان الشاعر يوسف العصيمي

قصيده اثرت وابكث الكثير من العرب والمسلمين لما لها من وقع انساني

لما يعانيه الشعب العراقي من احداث مؤسفه كان الله فى عونهم وعون كل مسلم

نسيم الشرقية
06-08-2007, 06:49 PM
الله يعطيك العافيه ..

المحياني
06-11-2007, 09:02 AM
صح لسان يوسف العصيمي العتيبي

ومشكووور اخوي العتيبي على القصيدة

ويعطيييييك العافية ومااااااا قصرررررت

الزيادي
08-09-2007, 08:39 AM
الله يعطيك العافيه اخوي العتيبي

على القصيدة الرائعه

اخوك الزيادي