المساعد الشخصي الرقمي

مشاهدة النسخة كاملة : قصيده ترحيبيه بالعصمه


((الـروقـي))
06-05-2007, 05:31 AM
قصيدة ترحيبيه بشيوخ قبيله العصمه ( العلوات )

قالها الشاعر خالد حميد الذيابي نيابة عن والده صاحب الحفل الشاعر حميد رازن الذيابى

ونقول بيض الله وجهك يابو يزيد وهذا الشبل من ذاك الاسد ونعم بربعنا العصمه دون قصور فى باقى القبايل


قال من غنا وعبـر فـي كلامـه .......يبني الطـاروق ويعـزز نظامـه
سطوة المعني علي هيض المشاعر ...سطوة الاخوان في يوم الرغامـه
ياجزيل الشعـر حضـر كـل دره....وأنقش المعني كما نقش العلامـه
النفيس من القصايـد والمعانـي......ما تلحقهـا هـل النقـد الملامـه
والشعر وشلون اعذره في لزومه ...ماش إله معذار يسمح له مدامـه
ينكتب في صفوة رجـال المعالـي.....الرجال اللى لهـا قـدر وزعامـه
مرحبا فـي مرحبـا مليـار مـره.......من هنا تنعاد إلـي يـوم القيامـه
مرحبا في مرحبا من لين جانـب....عد ما غنت علي الغصن الحمامه
ومرحبـا عـداد زوار المشاعـر.....وعد من لبا وهو لابـس حرامـه
ومرحبا عداد نسنـاس الـذواري.....ومرحبا ما هل غيثٍ من غمامـه
أّهّـل أم الـدوم بألسنهـا تـردد.......مرحبا بأهل الشكالـه والشهامـه
ديرةٍ تفرح ليـا جوهـا طراقـي.....وسلم أهلها العود الازرق والكرامه
وتنتظر منكم بتشريـف الزيـاره.......بالليـال المقبلـه يأهـل الفهامـه
مرحبـا بلسـان كـل ألاد ذايـب........عن كبير السن واللي في فطامـه
بالشيوخ اللى لهـم بالعـز رايـه..........مقـدم الهيـلا رياجيـل القرامـه
السيوف اللى مضاربهـا عطيبـه.......الجسد تعزل عظامه عن عظامـه
يشهد التاريخ عنهـا يـوم تذكـر.........من طمعها مـا يعـود بالسلامـه
ومرحبا باللي لفا من كـل ديـره.......كل رجـالٍ نرحـب فـي مقامـه
مرحبا مـن قلـب رجـالٍ يسـره.........إجتماع اللـى لهـم بالعـز قامـه
ثالث اعياده ليـا جـوه النشامـا........الرجال اللى زهت لبـس العمامـه
ما بنا صرح المجالـس للتجـاره........همل اللى يكنـز المـال وحطامـه
ومرحبا بلسـان كـل ألاد ذايـب.........من هنا تنعاد إلـي يـوم القيامـه

وسلامتكم

محمد المقاطي
06-05-2007, 06:01 AM
بالشيوخ اللى لهـم بالعـز رايـه..........مقـدم الهيـلا رياجيـل القرامـه
السيوف اللى مضاربهـا عطيبـه.......الجسد تعزل عظامه عن عظامـه

الروقي

تسلم يمينك
وصح لسان خالد الذيابي

العتيبي
06-06-2007, 02:18 PM
مشكور أخوي الروقي علي هذه القصيدة

أبن عاصم
06-06-2007, 02:57 PM
صح لسان خالد الذيابي ..

ولاهنت على نقل القصيده يالروقي ..


تقبل مروووري ’’’

المحياني
06-06-2007, 05:07 PM
صح لسانك خالد الذيابي ويعطيك العافيه على القصيده لاهنت

أبــو مـانــع العتيبي
06-07-2007, 02:22 AM
اللــه يعطيــك العـافيه أخوي الروقي على القصيـده الطيبـه
لآهنـت

نسيم الشرقية
06-08-2007, 06:39 PM
صح لساان قاايلها

ابدع صراااحه

الله يعطيك العافيه ..

الزيادي
08-09-2007, 08:43 AM
الله يعطيك العافيه اخوي الروقي

على القصيدة الرائعه

اخوك الزيادي

سلطان العصيمي
05-02-2008, 07:30 PM
لا هنت على هالقصيدة وبيض الله وجهك

@العصيمي@
05-04-2008, 05:46 AM
صح لساااااااااااااااااااااااااااااااااااااااااااااااا اااانك

المقاطى_q8
05-04-2008, 09:10 AM
يشهد التاريخ عنهـا يـوم تذكـر.........من طمعها مـا يعـود بالسلامـه
ومرحبا باللي لفا من كـل ديـره.......كل رجـالٍ نرحـب فـي مقامـه
مرحبا مـن قلـب رجـالٍ يسـره.........إجتماع اللـى لهـم بالعـز قامـه
ثالث اعياده ليـا جـوه النشامـا........الرجال اللى زهت لبـس العمامـه

صح لسان الذيابي
الروقي ...... لاهنت على النقل

الفرحه
05-04-2008, 09:39 PM
صح الله لسان شاعرها

وتسلم يمناك .. يا الروقي


لااااااااااا هنت