المساعد الشخصي الرقمي

مشاهدة النسخة كاملة : قصيده للشاعر / حمدان العصيمي


المقاطى_q8
11-04-2007, 05:52 AM
قصيده فخر حماسيه بقبيلة عتيبه وأمراء القبيله ومشايخها

ولكم القصيده :




ياالله يامعبود ياحي يا قيوم =ياللي على تبديل الاكوان قاوي
تبرج لقلبن به هواجيس وهموم=طاويه من هاجوس الايام طاوي
تغيرت الايام يومن بعد يوم =مافيه يومن مثل يوم متساوي
والسر مابين المعاليق مكتوم =والجرح يلقى له طبيبن مداوي
جتني بنات الفكرمع لذة النوم =صحيت من نومي واناله شفاوي
جبت القلم والبوك مغرم وملزوم=شعري غني وانابشعري غناوي
طرى علي القوم ومواجه القوم=على ضهور مبعدات الغزاوي
قومن لهم طبع وتقاليد وسلوم=اكل عليه الدهر عسر المطاوي
معاد باقي غير تاريخ وعلوم =وروايتن يروي بها كل راوي
يومن القبايل بين هازم ومهزوم =لي عزوتن منهاتهاب العزاوي
لوسع الميدان لرماح وسهوم =ربعي عتيبه مخلفين الهقاوي
لقبلو ركابت الخيل حثلوم =اوهموعليهم مثل نجم سماوي
وان حطو الميعاد في يوم معلوم =للخيل خياله وللموت هاوي
العمر له ساعات والاجل محتوم =والصبر عروى من قوي العراوي
دقلاتهم جمعن مثل دولة الروم =بندق وسيف وضرب رمح قناوي
وهيبة رجالن بينهم الراي مبروم=يكفيك عنها مايقول الخلاوي
لطامة العايل وذباحة الكوم =بالعسر باايام الزمان القساوي
اول منازلهم ورى ضلع الاكوم =وغربي حضن شرقي طوال النزاوي
والله جعل نجد من الغيث مرحوم =وعليه من مطلع ربيعه ظهاوي
تشاورو براي والامر محسوم=وكلن على الطرقه معزم وناوي
شجعان مابينهم دراويش ورخوم=وانحو كما سيل نسيله نحاوي
مع دربهم طيرالسعد يدرج الحوم=يباالعشاء قدامه الليل ضاوي
والله كتب والله قسم كل مقسوم =وصب البلاوي في نحور البلاوي
وراحت قبايل نجد شتان وقسوم =وصفى جنابه من جميع البلاوي
وارست قواعد نجدنا دايم الدوم=في الديره اللي ماتجي بلمناوي
ماجت بحبت راس واكتاف وخشوم=الى بعدما جاء للمشوك تعاوي
في ظل شيخ عنده الراي محتوم =شيخن يصدر معضلات الدعاوي
تركي لاعرضن الارواح للسوم=حماي قطعان البدو والشواوي
ومسلط كمى حرا ًمع الجو صاروم=يهوي على خشمه هواية نداوي
وهذال اخو هملا ومقعد وسلوم =واباالعلا وايضا بخيت العطاوي
وابن محيا هيبته ترحي الزوم =يشهد على فعله كلام الفراوي
ومرزوق ابن فمصان وشثروم=والهيضل الهيضل بعيدالنهاوي
وابن جامع له المجدمرسوم=والضيط شالح مزبنن للجلاوي
ومحمد العبود هامن للعلا هوم=وابن قشعان من دون العشاير قداوي
وحزام لمعارك الخيل خازوم =شيخن لميدان المعارك هواوي
ومحسن تاريخه عن المدح مخدوم=وبن زريبه لارد البرى مايراوي
واللي بقي مدحهم مخلد ومفهوم=وارجو السموحه من جميع النحاوي
امدح بني عمي ولاني بمليوم=حبلي على هداج تيماء رهاوي
وكل القبايل بينه بطيب مقسوم=يوم ابتهاج الخيل والذيب عاوي
واليوم حناشعب مكرم ومحشوم=في ضل سيف العدل واهل التساوي
ال السعود مناصرة كل مضيوم =درع الجزيره لشريعه نجاوي
واختامها اعداد ماهل ديموم =صلو على راعي المقام النباوي



قصيدة للشاعر / حمدان العصيمي

منقوله

محمد المقاطي
11-04-2007, 02:23 PM
يومن القبايل بين هـازم ومهـزوم ** لي عزوتـن منهاتهـاب العـزاوي
لوسـع الميـدان لرمـاح وسهـوم ** ربعـي عتيبـه مخلفيـن الهقـاوي

صح لسان

الشاعر المبدع دائماا

حمدان العصيمي

وبيض الله وجهك

اخوي ضيف الله علي النقل

عبدالعزيز المورقي
11-04-2007, 02:38 PM
صح السان الشاعر حمدان العصيمي

ولاهنت اخوي ضيف الله على النقل

المقاطى_q8
11-05-2007, 04:04 AM
محزمي وحزامي

اخوي محمد

مرورك اكثر من رائع


لاهنت ياخوي

المقاطى_q8
11-05-2007, 04:06 AM
عبدالعزيز المورقي

لاهنت علي المرور والتواصل


تحيتي

d-r
11-07-2007, 04:44 AM
لا والله يالعصيمي ماحد لايمك في مدح عتابه
-----وشكرا يالمقاطي

المقاطى_q8
11-07-2007, 08:43 AM
d-r

لاهنت على المرور

ومع اني مدري شنو تقصد بكلامك


تقبل تحيتي

@العصيمي@
12-08-2007, 05:38 AM
كفوووووووو قصيده جميله ولا هنت يالذيب

مهي غريبه من شاعرجميل وحمدان العصيمي شاعر وكفو ومعروف بقصايده الجزله

المقاطى_q8
12-11-2007, 08:58 PM
كفوووووووو قصيده جميله ولا هنت يالذيب

مهي غريبه من شاعرجميل وحمدان العصيمي شاعر وكفو ومعروف بقصايده الجزله

الجميل مرورك يالذيب

اخوي العصيمي


لك اجمل تحيه

d-r
12-12-2007, 02:57 AM
ههههههههه
المقاطي
فيه بيت يمدح فيه ربعه حمدان
امدح بنـي عمـي ولانـي بمليـوم حبلي على هـداج تيمـاء رهـاوي
فقلت محد يلومك
ههههههههههههه
وشكرا

المقاطى_q8
01-15-2008, 02:08 AM
d-r

والله ان مشاركتك الأولي واضحه
بس مدري ليش مقفل ( الله لا يعمينا )


السموحه ولاهنت