المساعد الشخصي الرقمي

مشاهدة النسخة كاملة : مكتبه واحه الشعراء تنقل لكم المحاروة الكتابيه بين تركي الميزاني وابوزيد الغبيوي


عبيدغازي العتيبي
10-30-2007, 02:10 AM
السلام عليكم ورحمة الله وبركاته
اعضاء ومراقبين موقع العتبان الرسمي
أنقل لكم هذه المحاورة الرائعه والجميلة بمعناها وهي بين الشاعرين

تركي عطالله الميزاني (( 2000 )) &&&&& أبوزيد الغبيوي &&&


** أبو زيد الغبيوي :

قوم ياتركي واجيب اللي تجيبه ..

وإلعب الطاروق مع عزوة عتيبه ..

والبنادم مايحوش إلا نصيبه ..

مايطير الطير ماكسور الجناح ..........

(( ياصفوف الملاعب يازحول الرجال

عزو الملعبه ويزين موالها ))

(( لو تلفت جنوب ولو تلفت شمال

ماتصفق يمينك غير بشمالها ))

*** تركي 2000 :

كل ليله أقابل عتيبه وأغني ...

وياكثر ماياصل الأجواد مني ...

وأنت يابوزيد رد العلم عني ....

مايطير الطير مكسور الجناح ..............

(( ياصفوف الملاعب ياقروم العيال

هكذا الوقت والدنيا على حالها ))

(( ..... الجمال اللي تشيل الثقال

وأم ظرفين فال الله ولا فالها ))

*** أبو زيد الغبيوي :

من عتيبه يالمطيري شاب راسك ...

مير طعني لاتطول فــــــي حساسك ...

والعتيبي لاوقف فاللــعــب حـاســك ....

مايطير الطير مكسور الجناح...................

(( الجدي في محله مايجيه الزوال

لو قنات الجزيره شوش إرسالها ))

(( عارفين الجمال ولانت ضمن الجمال

أنت تتبع جمالن نعرف أزوالها ))

*** تركي 2000 :

والله إني مالقيت إلا العوافي ..

العرب في ديارها والستر ضافي...

واتمشى وانبسط والجو صافي ...

مايطير الطير مكسور ...............

(( منت ويا السماء والجدي يبن الحلال

وأنت غترتك دوب تسوي إعقالها ))

(( أخر الوقت يابو زيد روح وتعال

وإبن خيمتك فوق وإظبط إظلالها ))

*** أبو زيد الغبيوي :

منت ويا العافيه يابو عطالله ...

فيك من جور الزمن تسعين عله ..

وأبك حنا نعقد الحبل ونحله ...

مايطير الطير ......................

(( عارفين الغروب وعارفين الزوال

دلتك دلتك مشروب فنجالها ))

(( ساكنين القصور اللي تحتها الظلال

واليتيمه عشاها دوب جهالها ))

*** تركي 2000 :

دلتي فنجالها يصعب علاكم ...

عنه يمال الشحم تقصر يداكم ...

إحمد الله قبل لانلعن ثواكم ...


مايطير الطير ......................

(( لاتخيبل ترانا مانحب الخبال

مايعن الكحيله غير خيالها ))

(( وأنت ماجاك غير الفال قبل العقال

والجمل حملته يبرك ويشتالها ))

*** أبو زيد الغبيوي :

البصيص ياتريكي وش جراله ...

نشرب الفنجال ونكب البياله ...

والسلات يروح ويميل عقاله ...

مايطير الطير .......................

(( كيف تجحد عتيبه في قديم الليال

عزوتي عزوتي ماتحصر أفعالها ))

(( ماتخيبلت ياتركي وامشي عدال

والمراجل ماتخضع غير رجالها ))

*** تركي 2000 :

تركي إبن حميد عانه فالمغاره...

والمحيا عان راسه فالزباره ...

غير إبن قشعان وشيوخ الأماره ...

مايطير الطير ............................

(( مالكم فعل معنا في نهار القتال

قدمنا ربعك العتبان يرثالها ))

(( إستحبها على ربعه كريم السبال

ياخي إ ستح على لحيتك وإسبالها ))

*** أبو زيد الغبيوي :

دور الجبريل والجبعاء وغيره ....

والبصيص وين يمان الستيره ...

ياسلاحن مالقيناله ذخيره ....

مايطير الطير ...........................

(( وأبك حنا ترانا مثل صم الجبال

فالجزيره من اللي يجهل إجبالها ))

(( دون ربعي وفي عين المطيري خلال

من لقا حيلتن فالوقت يحتالها ))

*** تركي 2000 :

في علوم الكذب مايلحق مداكم ....

وكذبكم والله إليبطي ماحماكم ....

وأبك حنا منكم إنطلق نساكم ...

مايطير الطير ..........................

(( الله اللي مسلطنا عزيز الجلال

فوقكم والفعول إتعرف فعالها ))

(( سمعتك عندنا والله ماتسوى ريال

مير بعض السوالف مالك ومالها ))

*** أبو زيد العبيوي :

ناصر الشغار وش سوى منول ...

يوم جات العبدليه يالمهول .......

سالفه من ماضي الهجره تقول ......

مايطير الطير ...........

(( مانحلل حلال ولا نحرم حلال

والخلايق ماتجزا غير باعمالها ))

(( ترا ذبحة ياصاحبي راس مال

والبنوك الثريه تحفظ أموالها ))


(( النــــــــــــــــــــــــهايــــــــــــــــــــ ــــــــه ))

محمد المقاطي
10-31-2007, 05:46 PM
الله لايهينك

ابو غازي

علي المحاوره الحريقه

وبيض الله وجهك

عبيدغازي العتيبي
11-01-2007, 12:41 AM
الله لايهينك

ابو غازي

علي المحاوره الحريقه

وبيض الله وجهك

السلام عليكم ورحمة الله وبركاته
وبعد...اشكرك اخوي /محمد المقاطي علي المرور الطيب ووبيض الله وجهك وتسلم يمناك
يالقرم كفييت ووفيت وومرورك شرف لي وتقبل شكري اذا يوفي
والله ولي التوفيق
وشكــــــــــــراا

عبدالله محسن الغبيوي
11-03-2007, 09:54 AM
السلام عليكم ورحمة الله وبركاته
وبعد اشكرك علي النقل الطيب ووبيض الله وجهك يبو غازي
وصح السان الشاعرين وتقبل مروري وشكراا

مالك الذيابي
11-03-2007, 09:22 PM
الله يعطيك العافية يابن العم

على النقل المميز

عبيدغازي العتيبي
11-11-2007, 01:50 AM
السلام عليكم ورحمة الله وبركاته
وبعد اشكرك علي النقل الطيب ووبيض الله وجهك يبو غازي
وصح السان الشاعرين وتقبل مروري وشكراا

السلام عليكم ورحمة الله وبركاته
لاهنت يبن العم علي المرور الطيب ووبيض الله وجهك وتقبل شكري

عبيدغازي العتيبي
11-11-2007, 01:52 AM
الله يعطيك العافية يابن العم

على النقل المميز


السلام عليكم ورحمة الله وبركاته
وبعد...اشكرك اخوي /ابن نجم الذيابي علي المرور الطيب ووبيض الله وجهك وتسلم يمينك
وتقبل شكري اذا يوفي ومرورك شرف لي والله ولي التوفيق
وشكرااا