المساعد الشخصي الرقمي

مشاهدة النسخة كاملة : مكتبه واحه الشعرا تنقل لكم محاروة كتابيه قمه بين حبيب العازمي + سفر الدغيلبي ‏


عبيدغازي العتيبي
10-13-2007, 09:52 AM
السلام عليكم ورحمة الله وبركاته
وبعد ...اخواني موقع عتيبه الرسمي انقل لكم محاورة كتابيه عسا ان تنال اعجابكم
جرت هذه المحاوره بتاريخ 15\12\1427 بمنطقة المحاني بحضور كلٍ من
الشعراء مستور العصيمي \حبيب العازمي \سفر الدغيلبي\شبيب الزراقي

وهاذا طاررررررررروق بين الشبح حبيب وسفر


حبيب





ياسفر كل ماسافـرت يـم الحجـاز
شوشت موجة الرادي على الاسلكي
إكشفتك المحطه عبر صوت الجهاز
وانت فالمجلس اللي فآخره متكـي



سفر




اعتزازي يعز اهل النفوس العـزاز
إحزني ياعداي ويااصدقاي اضحكي
وانت يالدبلوماسي بعد سحب الجواز
كلنا قبـل هـاذي نحسبنـك ذكـي



حبيب




شبت النار وانته فوقها تصب قاز
انت قصدك تشب النار والا حكي
كل كسر يجبرغيير كسر القـزاز
القزازه بلاشي فوقهـا ترتكـي



سفر



نارنا كل ماشبت يجيك اهتـزاز
تشتكي ياحبيب والحطب يشتكي
فلة القوم مابنيت بساسٍ عـزاز
والخلل من مهندسها محمد زكي


حبيب



انت رجلٍ تحاربنا بكل اعتزاز
والفلك فوق راسك دار يالفيلكي
لو بغينا نهد البير والارتـواز
يصبح الحنبلي في ذمة المالكي



سفر



دام فيك المصايب والجرب والنحاز
إهدري ياجمال عقيل ثـم ابركـي
يامنشب رجولك فالطريق الغـراز
مسلكك فالحياه بعيد عـن مسلكـي



حبيب



خل حناك عندك صر والعيد جاز
يامجمع من الحشوان والحكحكي
والله انك صدقت وتاخذ الامتياز
مسلكك دربكي وتدور الدربكـي



سفر



كان هارون يحكمها على أحدث طراز
مير هارون لحقـه خالـه البرمكـي
القرايـه يرتلهـا الأمـام ابـن بـاز
إهلكـي ياشياطيـن العبـاد أهلكـي


حبيب



ياهل حويته اللي تلبسون الغـراز
إتركوها ولو فالوضع صار اعركي
إنتهت موضة التبذيـر والابتـزاز
إنتبـه ربـك الله معـه لاتشركـي


سفر



يارجالٍ ليا ريـزت خفيفـة مـراز
ماجبرت الحمام إيطيح وسط اشبكي
بارد القلب حاز وقاسي القلب فـاز
ولعت يادخاخين الجحيـم اسمكـي




وسلاااااااااااااااااامتكم

محمد المقاطي
10-13-2007, 03:18 PM
بيض الله وجهك

يابو غازي

علي المحاوره الرائعه

والله لا يهينك

العتيبي
10-14-2007, 01:55 AM
تسلم على المحاوره أخوي عبيد غازي

المقاطى_q8
10-14-2007, 09:01 AM
لاهنت يابو غازي عزالله انت ماقصرت

مباشرنا دايم بما هو جديد وجزل

بيض الله وجهك

الــولــيــد
10-16-2007, 11:52 AM
يسلموو اخووي عبيد غاازي على المحااورة الرائعه

عبيدغازي العتيبي
10-18-2007, 03:51 PM
بيض الله وجهك

يابو غازي

علي المحاوره الرائعه

والله لا يهينك

السلام عليكم ورحمة الله وبركاته
وبعد ,,,اشكرك /اخوي محمد المقاطي علي المرور الطيب ووبيض الله وجهك وتسلم يمناك ياالغالي
كفييت ووفيت وتقبل شكــــــــري اذا يوفي
والله ولي التوفيق
وشكــــــــــــــــــــرااا

عبيدغازي العتيبي
10-18-2007, 03:54 PM
تسلم على المحاوره أخوي عبيد غازي

السلام عليكم ورحمة الله وبركاته
وبعد...اشكرك اخوي/العتيبي علي المرور الطيب ووبيض الله وجهك وتسلم يمناك ياالغالي
كفييت ووفيت وتقبل شكري اذا يوفي
والله ولي التوفيق
وشكـــــــــــــــــــرااا

عبيدغازي العتيبي
10-18-2007, 03:56 PM
لاهنت يابو غازي عزالله انت ماقصرت

مباشرنا دايم بما هو جديد وجزل

بيض الله وجهك

السلام عليكم ورحمة الله وبركاته
وبعد....اشكرك اخوي/المقاطيq8 علي المرور الطيب ووبيض الله وجهك وتسلم يمناك
وتقبل شكري اذا يوفي كفييت ووفيت يالقرم
والله ولي التوفيق
وشكــــــــــــــــرااا

عبيدغازي العتيبي
10-18-2007, 04:00 PM
يسلموو اخووي عبيد غاازي على المحااورة الرائعه

السلام عليكم ورحمة الله وبركاته
وبعد...وبعد اشكرك اخوي/ابويوسف علي المرور الطيب ووبيض الله وجهك وتسلم يمناك
كفييت ووفيت يالقرم والله يسلمك وتقبل شكري اذا يوفي
والله ولي التوفيق
وشكــــــــــــرااا