المساعد الشخصي الرقمي

مشاهدة النسخة كاملة : محاوره بين الشاعرين شبيب الزراقي والشاعر صياف الحربي الله يرحمه


سلطان الزراقي
10-04-2007, 03:01 AM
محاوره بين الشاعرين شبيب الزراقي والشاعر صياف الحربي الله يرحمه


شبيب الزراقي

يا حبيب يا محمد يا سعيد وياالرياحي
قوموا صياف والأ قوموا فيصل بداله
كل رجال يبى يشرب من الجم القراحي
مير ضن المالكي يقدر يلاعبكم لحاله
صياف الحربي

كلنا نكتب ونقرا في المساء والا الصباحي
قايد الحملة ولا نشوف الا خياله
نادو الزراقي اللي عام الأول كان صاحي
كان مثل الضلع يوم الناس تجلس في ظلاله
شبيب الزراقي

كل ما قلنا تبى تمزح مفارقها المزاحي
قادها مسكين ما يعرف يمينه من شماله
جاك رجال يشوف الدرب ولو علمت ياحي
لو يموت العود والله ما يفكونك عياله
صياف الحربي

أن لحقت الطايره خلك علي ظهر الجناحي
الركوب على ظهر الجمل مالك وماله
الخفيف يا أبيض الشارب تطيربه الرياحي
ليلة القدر معروفه والشهر شفنا هلاله
شبيب الزراقي

طايرتكم جالها طيار واللي راح راحي
والجمل شقران يا صياف يقعد في حباله
أكثر العربان يجمع كريكات ومساحي
لا تركها واستراح ولا كسب منها جماله
صياف الحربي

نشتريهم بالسياسه وأن عصونا بالسلاحي
عارفين أن المكاسب ما تجينا بالسهاله
انتركنا فوق راس الريح واللي طاح طاحي
والصديق اللي منول ما لقيت ألا عقاله
شبيب الزراقي

كيف تسلم والخطر واصلك من كل النواحي
العمى ينزل بدرب السيل لين السيل شاله
والله انك تعرف الدكتور دكتور الجراحي
ما تغير عن دروب الطيب ودروب الرجاله

صياف الحربي

أنت راسك من حجر يصبر على كثر النطاحي
مير بعد الفين من ميلاد عيسى وش بقاله

العتيبي
10-04-2007, 06:07 AM
مشكور علي المحاوره الطيبه ياسلطان الزراقي وصح السان الشاعرشبيب الزراقي

الــولــيــد
10-04-2007, 01:35 PM
سلطاان



شكر لك اخوووي عل المحااورة الرائعه

محمد المقاطي
10-05-2007, 05:02 AM
مشكووور

اخوي سلطان

علي المحاوره الرائعه بالفعل

من شعراء كبار

لاهنت يالغالي

المقاطى_q8
10-05-2007, 08:11 AM
لاهنت اخوي سلطان

على المحاوره الرائعه

وصح لسان الشعار


تقبل مروري

محمد الدعجاني
10-05-2007, 02:24 PM
صح لسان الشعار

ويعطيك العافيه

يالزراقي ولاهتت