المساعد الشخصي الرقمي

مشاهدة النسخة كاملة : قصيده الحظري يسب فيها البدو وبدوي يرد عليه


عصيمي الدوادمي
09-24-2007, 07:55 PM
السلام عليكم ورحمه الله وبركاته

انها تنول على اعجابكم وهي عباره عت حضري يسب في البدو والبدوي ما قصر رد عليه رد قوووي اليكم القصائد:
ღ قال الشاعر الحضري ღ :ღ

يا بـدو والله لـو تـميـل الـمـوازيـــــن == فـي صـفكم ما تدركون الزعامة

وأعلى الرتب والحكم والعلم والديــن == أصعب عليكم حوزتـه واستلامـه

وأنـتـم رعــايين سلايـل رعــايــيـــن == عـلامة فـيـكـم وبئس العـلامـــــة

خــالــقــكـم الله للـغـنـم والبـعـاريـــن == تـرعـونـهـا حـتى تـقـوم الـقيامــة

أطـيـبـكـم اللي يخــدم المعز والضين == والـنوق يـزود لـهـا في الخدامـة

أعـز عـنـده مـن هـلـه والـوراعــيــن == يـشـوف فـيـها المرجلة والكرامة

إن ربـعـت وإلا أخـذ الـطـعـم بالديـن == أبـدى عـلـيـه إطعامها من طعامه

يـشـيـل حـمـل الـديـن مـن غير تقنين == ما يـشـتكي لو جاير الحمل ضامه

يـبـرك لـهـا بـلـهـان وإلا بـلاهـــيــن == ما هـمـتـه لـو كان جـبـت سـنـامـه

نـاس عـلـى حـفـظ الحلال متواصين == فيكم على الرعية عزوم وقرامـــه

وصـيـة الأجـــداد للــمـستـجــديــــن == وش قال بركات الشريف بكلامــه

رعـيـان لــو أن أرصــدتكم ملايــين == عيا الزمن يرضى لكم باحترامـــه

والناس في عصر الفضاء يا مساكين == وأنـتـم رعـايا يا حياة النـدامــــــة

غـيـر الـشقاء والفقر والزفر والشين == يا بـدو مـا مـنها كسبتوا سلامـــة

ومـن لامـكـم فـيـهـا خرزتوه بالعيــن == حمراء وكثرتوا عليه الملامــــة

والـسـرق مـن عـادتـكـم يـابــداويـــن == فيكم جهل مطبق وفيكم غشامـــة

عــادتـكـم والـحـضـر عـنـهـا غنــيـن == ويشهد لنا بالخير والاسـتـقـامـــة

حــنـا لـحـكـام الـوطـن مـسـتـشاريـن == والأمر فـيـنـا نـفـذتـه وإنـبرامــه

صـحـيـح حـنـا هـل البقر والبـسـاتين == والبـدو يـتـهـمـونـنـا بالـرخـامــة

لـكـنـنـا عـشـنـا كــــــرام وعزيزيــن == ولا شـحـذنـا الشيخ فضلة يدامه

وأنـتـم عـلى بـيـبـان قصره معاطـين == فـي كل يـو م عـنـد بابه ردامـــه

طـبـع لـكم من حين ما هوب هالحين == حب الفخر والفخفخة والفخامـــة

جـدانـكـم بالـفـشـر عـنـد السلاطــيـن == دايـم مـنـاويـخٍ قـبـالــة خـيـامــه



ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ



ღ رد البدوي ღ ::

ياللي تسب البدو حنا السلاطين 00 حنا هل التاريخ واهل الشهامه

وحنا عناوين الكرم ياالمساكين 00 وحنا هل الافعال واهل الكرامه

وحنا اهل البل مسسين العناوين 00 وحنا هل الطولات واهل الجهامه

وحنا هل الشيمات حاضر وذا الحين 00 وحنا البدو اصل العرب يانعامه

وحنا القبايل محتمين المخلين 00 ستر العذارى لابسات اللثامه

رجالنا الواحد يساوي ثمانين 00 يارد حياض الموت لاقام قامه

تلقى منازلنا من يسار ليمين 00 بيت الشعر مبني وجنبه خيامه

ندور طول العام دايم محيلين 00 شرق وجنوب وغرب لاطراف شامه

نتبع هوى سود البكار المزايين 00 الغاليات المكرمات بعلامه

ولانت ياراع البقر والبساتين 00 مكسوره عيونك عليها غمامه

يوم انها سلب ونهب مالك يدين 00 نربطك برباط البقر في ثمامه

وندوس وجهك صدر الاقدام بالطين 00 ونتفل بوجهك ونتوطاك خامه

واللي بيفتن منكم صوط صوطين 00 يطيح ويحب التراب انهزامه

حنا خلقنا الله عقوبه وشرين 00 على الحضر قمنا نصب القمامه

نشرب من الماء ماحسبنا حسابين 00 نارد على الماء ماحسبنا غلامه

ونحوشكم ياالحضر حوش الخرافين 00 مامنكم اللي فوق راسه عمامه

ونجركم مع كل سكه مساجين 00 كل على وجهه مواري ندامه

البدو سيف ورمح خنجر وسكين 00 رشاش بندق نار دايم حزامه

والحضر ماء صحه ورمانه وتين 00 جحه وخوخ وبرتقال وحمامه

والله لتبطي وانت حبحب وسكين 00 اخذ على كيفي واقصك طمامه

أبنيك في طنجه وصنعاء وبكين 00 وأهدمك في بغداد بعد المنامه

واعلنك في مأرب وحمص ودارين 00 وأطلع على الشاشه ليوم القيامه

هههههه واتمنى ان القصائد قد نالت على رظاكم...... والله الله بالردود

عبدالعزيز المورقي
09-25-2007, 02:04 AM
بيض الله وجهك يالعصيمي

وصح السان الشاعر وماقصر بالحضري

عصيمي الدوادمي
09-25-2007, 03:10 AM
ايه ماقصر يعجبك هههه
مشكور على الرد

محمد المقاطي
09-25-2007, 10:56 PM
بيض الله وجهك

اخوي محمد العصيمي

ولكن من وجهت نظري

قصيدة الحضري اقوي من البدوي

الــولــيــد
09-26-2007, 06:02 PM
بيض الله وجهك اخووي





تقبل مروري

عصيمي الدوادمي
09-26-2007, 06:29 PM
محمد مشكور على الرد

والبدوي ماوده يزودهاههههههههه

عصيمي الدوادمي>>>>>>>>>> يصرف

ابو يوسف مشكور على الرد

المقاطى_q8
10-01-2007, 07:14 AM
لاهنت على النقل


عصيمي الدوادمي

ابو عثمان
10-07-2007, 02:50 AM
تسلم اخوي عصيمي الدوادمي
ولكن مثل ماقال اخوي محمد قصيدة الحضري أقوى فلو ان الرد جاء من شاعر معروف من غير مايعلن عن اسمه لكان الوضع افضل
والأمور هاذي مالها الا ابن عمك كديميس ليخليه ماعاد يجيب طاري البدو في حياته
وتكون عبره له وردعا لأمثاله لأن كديميس العصيمي بروفيسور ولا يستطيع احد ان يقف امامه واذا قاوم يمكن يواصل للجوله الرابعه ويسقط بالضربه القاضيه الفنيه لأن كديميس مايحب يحسم الجولات بالنقاط هاذي رأيي المتواضع
اخوك ابو عثمان

فهد الروقي
11-11-2007, 08:05 PM
خله

تورط الضعيف فالبدو

جراح العتيبي
12-10-2007, 09:07 PM
الاخ عصيمي الدوادمي



شكار لك على النقل

بدر المقاطي
01-19-2008, 11:36 AM
بيض الله وجهك

اخوي محمد العصيمي

ولكن من وجهت نظري
اخوي محمد المقاطي العكس صحيح
قصيدة البدوي اقوي من الحضري