المساعد الشخصي الرقمي

مشاهدة النسخة كاملة : لقاء " مع شاعر المحاوره بدر المقاطي


محمد المقاطي
09-24-2007, 01:53 PM
السلام عليكم ورحمة الله وبركاته


http://otabhq8.com/bdr/P1000220.JPG

الشاعر " بدر بن مطلق المقاطي العتيبي

أحد شعراء المحاوره الشباب له قاعدة جماهرية لا بأس بها

ويتميز شاعرنا بجزالة الأبيات واللعب علي المعني بأسلوب الفتل والنقض

وحسن الصياغة والتصوير وتوظيف المفردة ... واجه العديد من الشعراء الكبار امثال ,,

مستور العصيمي ,,, وخليف بن دواس المطيري ,,, والعديد من شعراء الساحه الشباب


ولا يفوتنا ان نلفت عنايتكم أن شاعرنا أيضاً شاعر نظم وله قصائد


في قمة الجمال والروعه


وكان لنا معه هذا الحوار .....


http://www.m5zn.com/uploads/c6e61bb860.bmp (http://www.m5zn.com)


http://otabhq8.com/bdr/P1000179.JPG
من اليسار الشاعر بدر المقاطي ,, المشرف العام محمد المقاطي

في البداية ابو مطلق عرفنا بنفسك ؟

- بدر مطلق المقاطي العتيبي

- 23 عاما

-طالب جامعي

-أعزب

بدر المقاطي متي كانت بدايتك مع شعر المحاوره ؟

لا أذكر بالضبط ولكن قبل عام الفين بعدة اعوام تقريبا

بمن تأثر بدر المقاطي بمن سبقوه في شعر المحاوره ؟

بصراحه وعلي سبيل الذكر وليس الحصر
رشيد الزلامي
حبيب العازمي
ملفي المورقي
مصلح بن عياد

بدر المقاطي اختلفت المحاوره حاليا عن الوقت السابق بأتفاق الكثير من الشعراء هل تؤيد ذلك ؟

لكل زمان دولة ورجال

بدر المقاطي كثر توجه شعراء النظم الي المحاوره هل الهدف البحث عن الشهر والماده ؟

احتمال كبير ولكن لا يعمم الشئ علي جميع الشعراء طبعااا

وهل دخولك الي ميدان المحاوره للبحث عن الماده او للشهره او يوجد هدف اخر ؟

لكلا السببين وتغلب عليهما الشهره

وما رأيك بتصنيف الشعراء الي شعراء نظم ومحاوره ؟

صاحب البالين كذاب

واين يجد نفسه بدر المقاطي في شعر النظم او المحاوره ؟

في شعر المحاوره

بدر هل ندمت علي محاوره معينه أو دعوة لبيتها ؟

ولله الحمد ( لا )

http://www.m5zn.com/uploads/99f25fd1c7.bmp (http://www.m5zn.com)

بدر المقاطي من المؤكد أن هناك محاوره تركت أثرا طيبا في ذاكرة محبينك فما هي المحاوره
التي لا زال صداها يتردد الي الان ؟

الأولي مع الشاعر الكبير مستور العصيمي في الملتقي الأول لقبيلة عتيبة في الكويت
والثانية مع الشاعر خليف بن دواس في مزاين قبيلة مطير

وماهو اخر حفل شاركت به ؟

وما هي اقوي محاوره لعبتها ومع من من الشعراء؟

مع الشاعر الكبير مستور العصيمي

من هو الشاعر الذي يفضل بدر المقاطي اللعب معه ؟

الشاعر الذي يرتقي في اسلوبه وشعره

حفل شقراء قبل رمضان بأسبوعين تقريبا

ابو مطلق ماذا عن المشاحنات التي تجري بين الشعراء في ميدان المحاوره ؟

بصراحه لاتخدم الموروث الشعبي وتسيئ الي المحاوره

وهل المحاوره تسبب العصبيه القبلية ؟

نوعاا ماء والشئ هذا يرجع للشاعر نفسه
وأري السواد الأعظم من الشعراء أتجاههم الي هذا النمط

http://www.m5zn.com/uploads/5549e2feea.gif (http://www.m5zn.com)

ابو مطلق كم عدد الحفلات التي شاركت بها خلال فترة الصيف ؟

بصراحه كثيره ولا أذكرها كم بالضبط

وهل جميعها بمقابل مادي ؟

أحياناا بمقابل والأغلبيه توجيب للأصدقاء والمعارف

وماهو أكثر مبلغ تلقيته مقابل حفل شاركت به ؟

(( سررري ))

بدر لماذا ليس لك حضور أعلامي ؟

والله لأسباب العمل والدراسه الجامعيه

وهل انت مظلوم أعلامياا ؟

نوعاا ماء

من وجهة نظرك من هو الشاعر الأول حاليا علي الساحه في قوة المعني ؟

حبيب العازمي اقوي حضور شعري وقوة معني

ومن هو الشاعر الأول من ناحية الجماهريه ؟

ابو فيصل حبيب العازمي

شاركت في ملتقي عتيبة في الكويت ولعبت مع الشاعر الكبير مستور العصيمي
ماهو تقييمك لتلك الملعبه ؟

اكسبتني الكثير من الأستفاده من شاعر بحجم الشاعر مستور العصيمي

وفي مزاين قبيلة مطير لعبت مع الشاعر خليف بن دواس ماهو تقييمك لها ؟

ملعبه ناجحه

http://www.m5zn.com/uploads/9d0be33312.bmp (http://www.m5zn.com)

بدر هل ستشارك في مزاين قبيلة عتيبة الهيلا للأبل ؟

حسب ظروف العمل والدراسه

ابو مطلق قمت مؤخراا بتسجيل ( 5 ) قصائد لصالح قناة المختلف الفضائيه ماهو تقييمك لتلك التجربه ؟

تجربه ناجحه ... واكتساب حضور اعلامي

ابو مطلق ماهو افضل بيت فتل لك ؟

كان مع الشاعر سعيد بن رحمه

سعيد بن رحمه


احيان اعاين القمر واحيان اعاين للغيوم=اما تروح كلها ولا تعود كلها
وين انت ياهاك البعير اللي علي خدك وسوم=اللي ليا شاف الحمول الجايرات يشلها

بدر المقاطي


تري الجبال الراسيه من فوقها بيض النجوم=الله ليا منه ومرها بالجبال تحلها
حنا جملنا شال حمله والعوافي ماتدوم=ولا الجمال الثانيه لعلها لعلها


ابو مطلق مارأيك بالشاعر فلاح المورقي ؟

بصراحه لم اصل الي مرحلة التقييم ... ولكن من وجهت نظري انه يمتلك موهبه شعريه ناضجه

ولماذا أغلب محاوراتك مع الشاعر فلاح المورقي استفزاز وغموض ؟

لسبب العلاقه القويه التي تربطنا ببعض .. كما احب دائما أن اثيره

من وجهة نظرك من هم شعراء المحاوره من قبيلة المقطه الذين لهم حضور علي الساحه ؟

مرزوق المقاطي ,,, وصل العطياني

ومن الشعراء الذين العتبان الذين لازلت متواصل معهم ؟

سفر الدغيلبي ,, مرزوق المقاطي ,, حزام العصيمي ,, فلاح المورقي


بدر المقاطي

كلمة اخيرة تقدمها لأعضاء وزوار

موقع ومنتديات قبيلة عتيبة في دولة الكويت


اشكر القائمين علي هذا المنتدي والشكر موصول لكم

ولكم مني جزيل الشكر والعرفان لدعمكم الشعر والشعراء

http://otabhq8.com/bdr/P1000188.JPG

http://www.m5zn.com/uploads/d313ee4479.gif (http://www.m5zn.com)


مساجلة شعرية بين الشاعر " حزام بن سعود العصيمي ,, والشاعر " بدر المقاطي


حزام العصيمي


سر ياقلم واكتب من الشعر ماكود=مثايل (ن) ما صخروها اللواعيب
هاجوسها يبطي علي البال ويعود=واليا حضر جدد علي الهناديب
وصارت علي فكري صوادير و ورود=تارد مثل ميراد حرش العراقيب
واسبابها دنيا غدا نقصها زود=تغيرت فيها جميع الأساليب
الجمر رمد وانطفت جمرت العود=ومن جورها ثار الرصاص المكاذيب
ويزمر علينا كل رخمه ونمرود=وده يسوي للنشاما عواقيب
مايدري انا عزوة (ن) تنطح الكود=سقم الحريب مكملين المواجيب
لا صار فالميدان ملح (ن) وبارود=نقلط علي جمع الرجال المعاطيب
اليا تزاحمنا علي شمخ القود=والحق هل الابل من زعلهم مغاضيب
نثني بشلف (ن) تودع الخصم ملهود=بمهندات (ن) من دماهم مخاضيب
فالمعركه حنا سلاطين وفهود=وايضاا لفنجال المعادي شواريب
يوم الليالي بيض (ن) كلها سود=حنا عسفناها وجتنا مواديب
هبت فعايلنا كما هبت النود=في ضف أبن هندي عطيب المضاريب
(...............................=................. .....................)
(...............................=................. .....................)
يابدر يامشكاي يامنقع الجود=ياسعد من صكت عليه المغاليب
لن انتظر منك من الخط مردود=متي لأبن عمك تدز المناديب
حيث ان في كل المواقيف بالود=ياذخر قوم(ن) تجزي الطيب بالطيب
والقصيده اطول من ذلك ولطول عمر القصيده الذي تجاوز الخمس سنوات

ياسف شاعرنا لتذكرها

http://otabhq8.com/bdr/P1000217.JPG


وهذا رد الشاعر " بدر المقاطي


حي الجواب اللي لفاني ومسنود=اسند علي القاف حاضر ولا غيب
مثايل (ن) ما طبها كل منقود=مقرها بحيل روس المراقيب
من شاعر (ن) ياخذ علي الشعر مردود=يكب هافيها وجاب المعاريب
ياخذ جزلها واعتلا فوق وسنود=يصبها صب الذهب بالتصابيب
مامرحت طول الليل والعالم ارقود=وانا علي رده سريع المواجيب
لا تشتحن يا حزام والحزم مجرود=ما يلحق اهل الطيب شك وعذاريب
الناس فيها من بغاء الهون والكود=وبها من اللي ما يضوا المذاهيب
المرجله لا عمست ابصار في جهود=يوم الرحا تجمع هشاش ومصاليب
اللي قلط من فوق فرسن وعجرود=تقصر يمينه ما تنوش المكاسيب
من حطله ذيدان وابلش هل الذود=ماله مع الأجواد بهت الاساليب
حنا ولينا نجد عن كل نمرود=بسيوف هند مطوعات المصاعيب
لا صاح صياح الضحي واعتزا العود=سبق السبايا جات عجل المطاليب
لا حك راس العود في مقرب العود=دقلاتنا تجفل شيوخ الاجانيب
ودخيلنا ما جاه للخوف مطرود=يامن وحنا له حصون غواليب
من ظن فينا الطيب يلقاه موجود=ومن ظن في ضده تراها تخاييب
لامن حصل بالهوش حاوي ومردود=حنا معطرت الرهاف المحاديب
ماتنطفي نار(ن) مواليعها اوقود=نار (ن) سناها مبعدات المشاهيب
ما جالنا ياقوم في مد ورفود=لا والله الا عند زرق ومضاريب
ولي علي الدعوة مواثيق وشهود=تاريخ نجدي ما يجيله مكاذيب
يقنع اللي جاهل النقص والزود=وهذا كلام موثقاته مكاتيب
نجد المسما شاهد الحق ماجود=بيده وشعبانه وحدب المغاليب
يرعي دبشنا في مقافير وخدود=علي الحيا جينا بجمع وسرابيب
يوم ان نجد امدار بنمور وفهود=من فعلنا راحت تخالف معاقيب
في راي من هو يحكم الراي بسدود=ستر الهنوف ام الكفوف المخاضيب
اللي يغطي الحق ماعنه منشود=الحق ماغطوه عكف الاشانيب
وقول (ن) بليا فعل ياقوم مجحود=ينشف من الصافي ويبقا سرابيب
واليوم في نعمه علي الشكر محمود=المسلمين اخوان مابه عواجيب
في طاعة المعبود ركاع وسجود=في راية الاسلام نمشي مقاضيب
وحكامنا اللي تافي الكيل وتجود=واهل الخليج اليعربي بالتراتيب


http://www.m5zn.com/uploads/2640d54b4e.gif (http://www.m5zn.com)


وهذه القصيده للشاعر فلاح المورقي ,, مسندها علي شاعرنا بدر المقاطي


يقول الشاعر " فلاح المورقي


طاوعت نفسي للغليبة وحبيت=ومن شان خاطر عين تكرم مدينه
وأنا أشهد اني تالي الليل ونيت=مثل الجريح اللي تزايد ونينه
حبيت ناس(ن) فالمحبة تشافيت=من عقب طعنات السيوف السنينه
في حبهم ليا ماتشربت وتقهويت=دلة هوا وابهارها زايدينه
ابني لمن حبيت وسط الحشا بيت=البيت قلبي والملا شايفينه
شدوا وباعوا بيت قلبي وناديت=واقول راع البيت ياناس وينه
وأنا اشهد اني عنه مايوم صديت=دقات قلبي والسهر لجل عينه
جسمي بليا روح كني توفيت=والحب ماتسعف يساره يمينه
الحب مثل السجن باللي تمنيت=وأنا اشهد اني يالمقاطي سجينه
ياصاحبي ياراعي الطيب والصيت=ياشاعر (ن) ماجاب غير الثمينه
بمشي علي شورك ولا فيه شكيت=شور الفطين اللي علومه رزينه
الحل عطنياه لوهو علي بيت=والله يعين الصابر الله يعينه

وجاء الرد من الشاعر ,, بدر المقاطي


عبرت مافا الجاش من يوم خطيت=حي الجواب اللي لنا كاتبينه
ياراعي المكتوب حييت حييت=واعداد من لب الحرم زايرينه
اليا زهمني طايل الباع لبيت=اجيه لو الناس بيني وبينه
الحب ماعذرب شليويح وبخيت=وفلاح يشكي حب صافي الجبينه
ويقول ماعنه ولا يوم صديت=مير الهوا باير علي مخلصينه
وجدد علي جروح عنها تشاويت=وقت (ن) مضي وقفت ليالي سنينه
الحب بلوي مثل حكم الطواغيت=والموت للي حبهم مصدرينه
في دار ريم الصيد ياما تمشيت=وقدام يرهنكم تراني رهينه
ضافي شعر ملهوف خطر(ن) ليا جيت=في مبسمه ياقوت في شاهدينه
ون سلهم بعينه شهيق وتناهيت=غارات مردوفه مثل حرب سينه
الشور عندي ياعشير النعاتيت=خلك وانا بنصاه وابحث كنينه
ان كانها بالمال ماشئ دسيت=المال لا جت حزته مرخصينه
وان كانها بالفعل عزوا هل البيت=ابوه يصبح فالنعش شايلينه
مير النصيحه لو أجازف وضحيت=الفايز اللي مات في حفظ دينه
اليوم حال العشق مثل الكواشيت=يومين والروض الخضر حايسينه


http://www.m5zn.com/uploads/ea9042b3f4.gif (http://www.m5zn.com)


وفي نهاية هذا اللقاء لا يسعنا الا ان نتقدم بجزيل الشكر والعرفان

للشاعر : بدر بن مطلق المقاطي العتيبي

علي موافقتة لضيافتنا له في منتدانا واتاحة الفرصه لنا للتعرف عليه عن قرب .


http://www.m5zn.com/uploads/62f523403d.gif (http://www.m5zn.com)


وهذه بعض الصور من اللقاء

http://otabhq8.com/bdr/P1000205.JPG
مدير الموقع نمر العتيبي _ الشاعر بدر المقاطي
http://otabhq8.com/bdr/P1000203.JPG
مشرف قسم المحاوره محمد الدعجاني ,, واحمد المورقي

http://otabhq8.com/bdr/P1000171.JPG
المشرف العام محمد المقاطي ,, الشاعر بدر المقاطي

http://otabhq8.com/bdr/P1000181.JPG
من اليمين بدر الدعجاني ,, محمد المقاطي ,,الشاعر بدر المقاطي ,, محمد الدعجاني
http://otabhq8.com/bdr/P1000223.JPG

http://otabhq8.com/bdr/P1000191.JPG

http://otabhq8.com/bdr/P1000211.JPG

http://otabhq8.com/bdr/P1000186.JPG

http://otabhq8.com/bdr/P1000221.JPG

ولمشاهدة كل الصور سيتم تحميله في ألبوم الصور علي الرابط التالي
http://www.otabhq8.com/4images

http://www.m5zn.com/uploads/7dc1af9185.gif (http://www.m5zn.com)



ومن هنا تجدون القصائد التي تم تسجيلها اثناء اللقاء حصريا لموقعنا

ملف الفديو حجم الملف 8 ميغا
جميع القصايد
للحفظ اضغط هنا زر الفاره يمين وحفظ الهدف بأسم (http://otabhq8.com/bdr/VR_MOVIE2.3gp)

http://www.m5zn.com/uploads/45390a2aab.gif (http://www.m5zn.com)


اعداد وحوار ..

المدير العام العتيبي ,,, المشرف العام محمد المقاطي

ترتيب وتنسيق اللقاء ..

احمد المورقي

استضافة اللقاء ..

مشرف منتدي المحاوره محمد الدعجاني

اخراج اللقاء ..

فهد الرسلاني otabh ,, العتيبي ,, محمد المقاطي

http://www.m5zn.com/uploads/1b08b1a9ca.gif (http://www.m5zn.com)

عبدالعزيز المورقي
09-24-2007, 10:10 PM
لقاء جميل وممتع

عساكم على القوة

المقاطى_q8
09-25-2007, 02:39 AM
بارك الله فيكم



الله يعطيكم العافيه

عبيدغازي العتيبي
09-25-2007, 03:42 AM
السلام عليكم ورحمة الله وبركاته
وبعد...
اشكر الاخ بدر المقاطي علي استضافته الطيبه لاخوان اخواني مراقبين
ومشرفين موقع عتيبه الرسمي بدوله الكويت وكما اود ان اقول ان
الشاعر بدر المقاطي شاعر كبير قوي وميحتاج مدح وله مستقبل باهر
وانا اعرفه من قبل وحضرت له محاورات والشاعر اهم شئ يكون واثق
وبدر شاعر متمكن وواثق والله يوفقه بما فيه الخير وانا اوعدكم
من نافذة مكتب وحه الشعراء بدوله الكويت سيكون لشاعر بدر المقاطي
دور كبير وجماهيري واشكر الاخ نمرسفر العتيبي علي الجهود اللي بذلها
كما اشكر الاخوان محمد الدعاجاني ومحمد المقاطي واحمد المورقي والاخوان كلهم ويليت تقبلون شكري والله يوفقك يبو مطلق بما فيه الخير
وتقبلو شكري والله ولي التوفيق
وشكرااا

الــولــيــد
09-25-2007, 04:59 PM
اقوول بيض الله وجهيكم





شكر لك اخووي محمد المقاطي على اللقاء الرائع


ولا يهوون المشرف محمد الدعجاني والخال نمر العتيبي



شكر لكم على اللقاء الرائع



تقبلووو مروري

ابو صالح
09-26-2007, 01:11 AM
جزاكم الله خير وبارك الله فيكم وجزيل الشكر للمحمد المقاطي على اللقاء وكل العاملين عليه ونترقب ابداعات الشاعر بدر المقاطي

*(سلطان المقاطي)*
09-26-2007, 03:29 AM
بيض الله وجيهكم
ولاهنتوا على هذا اللقاء الممتع
يعطيكم الف عافيه ،، وتـقبلوا مروري

محمد المقاطي
09-26-2007, 04:00 AM
الاخوان

عبدالعزيز المورقي ,, المقاطي

عبيد غازي ,, ابويوسف

ابو صالح ,, سلطان المقاطي

الله يعافيكم ويبيض وجيهكم

والله لايهينكم علي مشاركاتكم واطرائكم

ونوعدكم بلقاءات جديده قريبا ان شاء الله

كحيلان
09-27-2007, 12:18 AM
اشكر كل من قام علي هذا اللقاء

مع الشاعر المبدع بدر الهراني الذي تؤمل عتيبة عليه الشئ الكثير

في ميدان المحاوره الي جانب اخوانه الشعراء من عتيبة



اخوكم : كحيلان

مخلد بن ماشع
09-27-2007, 05:45 AM
يعطيكم ألف عافية على اللقاء الرائع


تحياتي للجميع

مالك الذيابي
09-28-2007, 03:28 PM
بيض الله وجيهكم جميعاُ

محمد المقاطي
09-29-2007, 09:51 PM
اشكر كل من قام علي هذا اللقاء

مع الشاعر المبدع بدر الهراني الذي تؤمل عتيبة عليه الشئ الكثير

في ميدان المحاوره الي جانب اخوانه الشعراء من عتيبة



اخوكم : كحيلان


العفووو

اخوي كحيلان

ومشكوور علي مرورك والثناء علي القائمين علي اللقاء

وبدر المقاطي شاعر بكل ماتحمله الكلمه من معني

وانا من المتابعين له عن قرب

وما اقدر اقول الا ( مافيه حيله )

محمد المقاطي
09-29-2007, 09:55 PM
يعطيكم ألف عافية على اللقاء الرائع


تحياتي للجميع


الله يعافيك

اخوي مخلد ال مبارك

وشاكرين لك مرورك الكريم

محمد المقاطي
09-29-2007, 09:56 PM
بيض الله وجيهكم جميعاُ


و وجهك ابيض

اخوي مالك الذيابي

وشاكرين لك المرور

منتديات العتيبة
10-04-2007, 04:52 AM
الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين
بارك الله بك , شكراً أخي الكريم

محمد المقاطي
10-05-2007, 07:33 AM
اللهم صلي وسلم علي نبينا محمد

العفووو

وبارك الله فيك

اخوي منتديات العتيبة

زعام
10-07-2007, 08:52 AM
من تسلسل اللقاء فهمت ان الشاعر له مشاركات عامه من حوالي 10 سنوات. بس مع الأسف ماسمعت عنه قبل. ولعل السبب عدم متابعتي لساحة المحاورات. على كل حال مشكورين على اللقاء والتعريف بالشاعر. وياليت أوضحتوا جنسيته ومن أي المقطه.
مشكورين عيال العم وعساكم على القوه. وكل عام والجميع بخير.

محمد المقاطي
10-07-2007, 10:25 PM
هلا والله اخوي زعام

ولو تلاحظ شاعرنا بدأ مع المحاوره

كما ذكرت تقريبا ولكن كانت بدايته مع الشعر

وليس مع الظهور الاعلامي

والشاعر بدر المقاطي هراني

وايضااا كويتي

هذا بالنسبه لأسألتك

وسلامك

زعام
10-08-2007, 10:40 AM
ياالله يشدّ حيله.... نبي نايف عماوي جديد في القلطه . وحسين بن جخيدب جديد في الديوان.
وعساه على القوه

عتيبي و أفتخر
10-09-2007, 05:26 PM
بيض الله وجيهكم على هذا اللقاء الممتع مع شاعرنا الشاب بدر المقاطي .

محمد المقاطي
10-09-2007, 07:20 PM
و وجهك ابيض

اخوي عتيبي وافتخر

وشاكر لك مرورك الكريم

ومشاركتك

العتيبي s
11-16-2007, 02:23 PM
فريق العمل

ألف شكر على ها المجهود و اللقاء الممتع

جراح العتيبي
12-13-2007, 08:43 PM
اللقاء ممتع جدا


ولو انها جات متأخره



ولكن هناك بيت لفت انتباهي

والله انه من اجمل ما قرأت

اليوم حال العشـق مثـل الكواشيـت
يومين والروض الخضـر حايسينـه


صح لسان الشاعر


شكرا على اللقاء الممتع

محمد المقاطي
12-15-2007, 05:44 PM
اللقاء ممتع جدا


ولو انها جات متأخره



ولكن هناك بيت لفت انتباهي

والله انه من اجمل ما قرأت

اليوم حال العشـق مثـل الكواشيـت
يومين والروض الخضـر حايسينـه


صح لسان الشاعر


شكرا على اللقاء الممتع



هلا والله اخوي جراح

وبصراحه ومن غير مجامله

ان البيت اللي ذكرته في قمة الروعه

وتصوير رائع لحال العشق هذه الأيام

عموماا شاكر لك مرورك ومشاركتك

d-r
12-29-2007, 07:54 AM
الله لايهينهم
وننتظر لقاءاتكم الجديده
----------وشكرا

عبدالله النفيعي(السهم العطيب)
01-04-2008, 08:01 AM
الله لايهينك اخوي محمد على اللقاء الجميل مع الشاعر بدر المقاطي ..

و مشكورين على المجهود المبذول كافه وكله لجل موقع الهيلا

على قولت فلاح المورقي ( لجل عين تكرم مدينه )

ننتظر ابداعاتكم و الله يعطيكم العافيه ......



وتقبلو تحياتي ...

محمد المقاطي
01-04-2008, 05:46 PM
d-r
السهم العطيب

شاكر لكم المرور المشاركه

وان شاء الله فيه لقاءات جديده قريبااا

أبـو فيصل
01-05-2008, 02:27 AM
بيـض الله وجهـك

علي اللقـاء مع شاعرنا

وعلي الذين قاموا عليه

وتحياتي لكم

محمد المقاطي
01-06-2008, 12:17 AM
بيـض الله وجهـك

علي اللقـاء مع شاعرنا

وعلي الذين قاموا عليه

وتحياتي لكم



ووجهك ابيض ابو فيصل

ولاهنت علي الكلام الطيب

ابو خالد
01-14-2008, 06:04 PM
الله يعطيكم العافيه
اخواني فريق عمل اللقاء
وبيض الله وجيهكم

سلطان العصيمي
05-02-2008, 07:50 PM
السلام عليكم ورحمة الله وبركاته
اشكركم على هذا اللقاء المتميز حقيقةً واقول منه للاعلى يابو مطلق وانشالله نشوفك
في لقائات عديدة ولا ننحرم من شوفتك وماهي مجامله للأمانه والله يقويكم على هالموضوع وانشالله نشوف منكم مواضيع متميزه ولقائات ايضا مثل هاللقاء ومشكورين




اخوكم : سلطان العصيمي.

ولد غلاب
05-03-2008, 01:32 AM
الله يعطيكم العافيه لاهنت على القاء المميز شاعر القلطه سيف الهيلا بدر المقاطي واقول لشاعرنا بدر منها للاعلى يابو مطلق وتقبلو تحياتي وشكرااا





اخوكم ولد غلاب

محمد المقاطي
05-03-2008, 02:11 AM
سلطان العصيمي

ولد غلاب

اسعدني مروركم وردودكم

وابشروا بكل ماهو جديد