المساعد الشخصي الرقمي

مشاهدة النسخة كاملة : قصيده في الشيخ / عبد العزيز بن جامع شيخ الروسان


محمد المقاطي
09-22-2007, 04:09 AM
السلام عليكم ورحمة الله وبركاته


للشعـر عشاقـه وللشاعـر افكـار=وللفكره المعنـى وزيـن التعابيـر
واليا بديت القـاف مانيـب محتـار=كن المعاني قـدم عينـي طوابيـر
أختار منها مثـل مـا ودي اختـار=وتمطر مثل غيث السحاب المزابيـر
الى تغزلت اهـدي ورود وازهـار=والى مدحت امدح رجـالٍ مناعيـر
والمدح ما هو سـرّ لا والله جهـار=يستاهله شيـخٍ كسـب كـل تقديـر
هذاك ابو خالد عسى عمره اعمـار=دون القبيلـه وقفتـه دايمـاً غيـر
لا قيل ابن جامع / سكت كل هـذّار=ريف اليتامـى فالليـال المعاسيـر
زبن الدخيل ومكرم الضيف والجار=ويشهد على ما اقول صفرٍ مباهيـر
في قصره اللي واضحٍ مد الابصـار=متوسطٍ في نجد في منـزل الخيـر
هو ذخرنا لا صار فالوقت ما صار=( لاد المروّح ) ما شكوا منه تقصير
في مجلسه تلقاهـم صغـار وكبـار=وزودٍ على الروسان تلقى الخطاطير
ما يبخل بجاهه ولا سـاق الاعـذار=وفي نظرته تلقى لحاجتـك تبشيـر
هو شيخنا اللي ياقف الماقف الحـار=طبعٍ لجدانه وهـو واصـل السيـر
يوم انها غارات ومواجـه اخطـار=ومواقعٍ يشبع بهـا الذيـب والطيـر
تلقى الجوامع من على قحص الامهار=خيّالهـم يفتّـك وان ثـارت يغيـر
واليوم في وقت الرخا صاروا اسوار=درعٍ لنـا نلجـا لهـم دون تفكيـر
هذي تعابيـري وللشاعـر افكـار=ولا لي وراها غير صدق التعابيـر


القصيده للشاعر المبدع / زايد بن عايض الرويس

ابو صالح
09-22-2007, 04:41 AM
جزاك الله خير ولاهنت وصح اللسانك يا محمد المقاطي ولسان الشاعر زايد الرويس

المقاطى_q8
09-22-2007, 06:38 AM
يستاهل المدح الشيخ عبدالعزيز بن جامع

وصح لسان الشاعر زايد الرويس

ولاهنت محمد المقاطي على النقل الموفق


تحيتي

عبدالعزيز المورقي
09-23-2007, 12:38 AM
لاهنت اخوي محمد المقاطي على القصيدة

وصح السان الشاعر زايد الرويس

محمد المقاطي
09-24-2007, 03:41 PM
جزاك الله خير ولاهنت وصح اللسانك يا محمد المقاطي ولسان الشاعر زايد الرويس

جزاك الله الجنه

وصح بدنك

ابو صالح

محمد المقاطي
09-24-2007, 03:45 PM
يستاهل المدح الشيخ عبدالعزيز بن جامع

وصح لسان الشاعر زايد الرويس

ولاهنت محمد المقاطي على النقل الموفق


تحيتي


تستاهل الطيب

اخوي ضيف الله

وصح بدنك

محمد المقاطي
09-24-2007, 03:46 PM
لاهنت اخوي محمد المقاطي على القصيدة

وصح السان الشاعر زايد الرويس


ولا انت

اخوي عبدالعزيز

وصح بدنك

الزيادي
09-24-2007, 04:08 PM
الله يعطيك العافيه اخوي محمد المقاطي


على القصيدة الرائعه


تقبـــل مروري


اخوك الزيادي

محمد المقاطي
09-24-2007, 04:16 PM
الله يعافيك

يالزيادي

وشاكر لك مرورك

يالغالي