المساعد الشخصي الرقمي

مشاهدة النسخة كاملة : قصيدة التي أبكت قبيلة شــــمــــر !!


أبــو مـانــع العتيبي
05-30-2007, 04:10 AM
السلام عليكم ورحمة الله وبركاته


بعد مقتل الامير عبد العزيز بن متعب ال رشيد تنازع ال رشيد على امارة حائل وشمر فاستولى محمد بن طلال ال رشيد على حكم حائل بعد ما فر ابن عمه عبد الله بن متعب ال رشيد الى ابن سعود خوفا من ابن عمه محمد بن طلال ان يقتله وفي ظل تنزاع ابناء العمومه على الحكم زعلت قبيلة شمر على محمد بن طلال ال رشيد فرحلت قبيلة شمر الى بادية العراق تاركة منطقة حائل في ظل تلك الاحداث قام الملك عبدالعزيز ال سعود بارسال سلطان الدويش على راس جيش لمحاربة ابن رشيد فحاصر مدينة حائل فارسل ابن رشيد قصيدة كتبها محمد العوني يستفزع قبيلة شمر وعند سماع قبيلة شمر هذه القصيدة وهم في بادية العراق جاءوا يبكون كبيرهم وصغيرهم لفك الحصار عن مدينة حائل فقطعوا المسافة التي بين بادية العراق ومدينة حائل من ثلاثة شهور الى عشرة ايام وفعلت هذه القصيدة ما لاتفعله السيوف حيث أثرت في قبيلة شمر فانتصروا وانهزم الدويش امام ابن رشيد في موقعة ( ماء ياطب ) قال العوني مخاطبا قبيلة شمر على لسان ابن رشيد قصيدة أبكتني عندي قراءتها :

عزي لقب كل ما طرف الليل ،،،،،،،،،،،،،، عليه صارن الدقايق جلايل

واعتاظ عن طيب الكرى بالتعاليل ،،،،،،،،،،،،، بافكار واذكار وقول وقايل

والعين كن ابموقها يدرج الميل ،،،،،،،،،،،،،،،، عيت تطيق النوم من فور جايل

على بني عمي اسنادي عن الميل ،،،،،،،،،،،،،، نطاحة الكايد اكبار الحمايل

اقفوا كما مزنٍ ثقيل المخاييل ،،،،،،،،،،،،،،،،،،، من زاعج الغربي حدر له شعايل

شمر مقابيس المنايا هل الخيل ،،،،،،،،،،،،،،،،،،، عصمان الاريا مقحمين الدبايل

يا دار وين أهل المهار المشاويل ؟ ،،،،،،،،،،،،،،، هل النزول اللي تعز النزايل

بكيتهم يوم ارتكى قوقي الشيل ،،،،،،،،،،،،،،،،، وذكرتهم يو اقبل الضد صايل

وصاح الصياح وطوحن الهلاهيل ،،،،،،،،،،،،،، وهلت ادموع معكرشات الجدايل

وقلت ابشرن ما دام بالعمر تمهيل ،،،،،،،،،،،،،،، ما دام ما رزت علينا النضايل

لا تبكين الوحدة قِل الرجاجيل ،،،،،،،،،،،،،،،،،، ما دام عين الله علينا تخايل

وظهرت أنا باسم العصاة المشاكيل ،،،،،،،،،،،،،،، لو هم قليل يدركون الجمايل

هم حاصلي لا كملنّا المحاصيل ،،،،،،،،،،،،،،،، غوش الجبل خزني غلامين حايل

باعوا عزيز العمر دون المضاليل ،،،،،،،،،،،،،، وحموا حماها مقدمين الفعايل

قالوا عليهم قلت يزجوا اهل الخيل ،،،،،،،،،،،،، وقهرتهم غصب ووردوا غلايل

واذنيت هجنٍ يقربن المحاويل ،،،،،،،،،،،،،،، هوج هجاهيج اهجاف نحايل

عليكم يطرب قلوب المراسيل ،،،،،،،،،،،،،،،، خفقات رفقات صلاب جلايل

قلايص عوص صعاصع شماليل ،،،،،،،،،،،،، من سلسة نسل السباق السلايل

الصبح مدن كنهن جولة الريل ،،،،،،،،،،،،،،، رفيحٍ علت من فوقها ارجال حايل

وصبح اربعٍ تلفي نزول كما الليل ،،،،،،،،،،،،،،، شمر إليا عدت فروع القبايل

أدنى بالادنى خبروهم بتفصيل ،،،،،،،،،،،،،، لا تسفهون اصفارهم والجمايل

ولازم إليا شافوا اركاب مقابيل ،،،،،،،،،،،،،،،، تلزمهم النشدات عن سكن حايل

قولوا لهم يا مقبلين على خيل ،،،،،،،،،،،،،،،،،،، نجد واهلها يطلبون الاوايل

وين الطَّنايا ؟ وين شرابة الهيل ؟ ،،،،،،،،،،،،،، وين الرجال اللي تشيل الثقايل

وين السيوف اللي نعدل بها الميل ،،،،،،،،،،،،،،، وين الرماح اللي ترد كل عايل

وين النشاما والعصاة المفاليل ؟ ،،،،،،،،،،،،،،،،،،،، وجميع من ضربه تضيع الدلايل

نشرب بهم صافي القراح الشهاليل ،،،،،،،،،،،،،، وننزل بهم غصب على كل طايل

تذكرتهم يوم ارتدم فوقي الشيل ،،،،،،،،،،،،،،،،،، ونخيتهم يوم اقبل الضد صايل

غلبا ترى بلدانكم لبست النيل ،،،،،،،،،،،،،،،،،،،،، تنخى الرجال المكرمين الاصايل

تنخى اهل العادة كرام الاسابيل ،،،،،،،،،،،،،،،،،، يوم التعازي والدخن له صلايل

قلته وانا معكم على العدل والميل ،،،،،،،،،،،،،،، لعل ما نعتاظ عنكم بدايل

تمت وصلوا عدد وبل المخاييل ،،،،،،،،،،،،،،،،،،،، على نبي الحق ما زال زايل

صقر روق
05-30-2007, 04:13 PM
مشكور أخوي سعود البرقاوي

على هذه القصة والقصيدة

ونعم في شمر ونعم في أبن رشيد

وعز الله أنهم يستاهلون الطيب

بارك الله فيك أخوي سعود البرقاوي

تقبل تحياتي

الزيادي
05-30-2007, 11:33 PM
مشكور اخوي سعود على السالفه والقصيده
والله يوفقك

نسيم الشرقية
06-01-2007, 05:39 AM
قصيده راائعه

اختيار جميل

الله يعطيك العافيه ..

العتيبي
06-04-2007, 01:22 AM
مشكور أخوي سعود البرقاوي

أبــو مـانــع العتيبي
06-04-2007, 10:37 PM
مشكور أخوي سعود البرقاوي

على هذه القصة والقصيدة

ونعم في شمر ونعم في أبن رشيد

وعز الله أنهم يستاهلون الطيب

بارك الله فيك أخوي سعود البرقاوي

تقبل تحياتي


حيـاك اللــه وأشكرك على المـرور أخوي صقر روق

وسبـع أنعــام فيـهم ولآ قصورن في بـاقي القبـايل

لاهنــت:bye1:

أبــو مـانــع العتيبي
06-04-2007, 10:39 PM
مشكور اخوي سعود على السالفه والقصيده
والله يوفقك


هـلا وغـلا أخـوي الزيـادي شـاكرلك على المـرور:bye1:

أبــو مـانــع العتيبي
06-04-2007, 10:41 PM
قصيده راائعه

اختيار جميل

الله يعطيك العافيه ..


أهلين نسيـم الشرقيـــه

شـاكرلج على المرور :bye1:

أبــو مـانــع العتيبي
06-04-2007, 10:42 PM
مشكور أخوي سعود البرقاوي

اللـه يعـافيك أشكرك على المرور:bye1: