المساعد الشخصي الرقمي

مشاهدة النسخة كاملة : سفر الدغيلبي + تركي الميزاني


المقاطى_q8
09-16-2007, 06:48 AM
اخواني واخواتي الأعضاء
هذه المحاوره تعتبر من اَخر محاورات الشاعرين

* سفر الدغيلبي
* تركي الميزاني

بداية الموال مع تركي 2000

يالا لا لا له ..... إن لم تكن ذيب "ن" كلتك الذيابه

يابن سعد هبت هبوب المعاني == حضر هواجيسك وخلك وزاني
واحسب حساب العشر قبل الثماني =(إن لم تكن ذيب "ن" كلتك الذيابه)

البيت

الليله الليله نبا نأخذ علومك ياسفر ** ونشوف تالي وضعك الحساس والساري سرا
أنته على وجه البسيطه يابشر مثل البشر ** ومن الغشامه ماتشوف الناس والساري سرا


سفر الدغيلبي(موال) ..
يالا لا لا له ..... (إن لم تكن ذيب "ن" كلتك الذيابه)

عدّل وقل هبّت هبوب المعارك == كلّن بجهده يالمطيري يشارك
ومصيبة الطرقي نقاط الجمارك == (إن لم يكن ذيب "ن" كلته الذيابه)

البيت
الليله الليله نبا نرفع علامات الخطر ** اصرف قصيد وحضّر الهوجاس والساري سرا
أصل القضيه كلها بين المفتح والعور ** المشكله فـ البأس غير البأس والساري سرا



2000(موال)..
يالا لا لا له .... (إن لم تكن ذيب "ن" كلتك الذيابه)

العام فالطايف وفأقصى تهامه == ومريحن من فوق ريش النعامه
واليوم أشوفك عاصبن فالعمامه ==(إن لم تكن ذيب "ن" كلتك الذيابه)

البيت
يااللي تلد العين لا تارد على الموت الحمر ** بعض الدعاوي ماتخش الرأس والساري سرا
اللي حصلّك تذكره والخافيات أدهى وأمر ** والطوب مايثبت بليا ساس والساري سرا



سفر(موال)..
يالا لا لا له .... (إن لم تكن ذيب "ن" كلتك الذيابه)


فالطايف المأنوس ولا هنيّا == الرأس يقدح بالسّطر والحميّا
وأنته مرافق في قصور العليا == (إن لم تكن ذيب "ن" كلتك الذيابه)

البيت
الله يستر ياتريكي لاتموت من القهر ** ياولد عم خليف بن دواس والساري سرا
دايم معقّدت الأمور أهل البلاسه والغدر ** الله يزيل الخاين البلاّس والساري سرا



2000(موال)..
يالا لا لا له .... (إن لم تكن ذيب "ن" كلتك الذيابه)

أخذت لك فالوقت لفّه ودوره == والحال يمشي والأمور مخبوره
وأنا مع أهل الطيب واخوان نوره == (إن لم تكن ذيب "ن" كلتك الذيابه)

البيت
ماباقين لك غير خمس أيام وسبوع وشهر ** وتصير مثل الحبر فالقرطاس والساري سرا
لوتنشد الروّاد يالمقرود عن سطح القمر ** قالوا لعله مايجيك البأس والساري سرا


سفر(موال)..
يالا لا لا له .... (إن لم تكن ذيب "ن" كلتك الذيابه)

ماأخاف غير الله ولا اعبد ولا ارجي == إلا العليم بسرّ هرجك وهرجي
وأنته مع الحكاّم لكن سفرجي == (إن لم تكن ذيب "ن" كلتك الذيابه)

البيت
وأنته بعد ماباقين لك غير جزء من الدهر ** وتصير مثل البن فالمحماس والساري سرا
بعض الأوادم من جنونه صايبه جن البقر ** لاهوب لامهلهل ولا جساس والساري سرا



2000(موال)...

يالا لا لا له .... (إن لم تكن ذيب "ن" كلتك الذيابه)

سفر رثع فالشعر ينهد بيته == وحتيش لو هو شاع ذكره وصيته
مايدري أنه قهوجي في حويته == (إن لم تكن ذيب "ن" كلتك الذيابه)

البيت
خل السوالف مير بكره سو لي دله عصر ** وأحسب حسابك لايجيك نعاس والساري سرا
الهرج واجد ياجماعه والسموحه والعذر ** بعض السوالف مالها مقياس والساري سرا



سفر(موال)..

يالا لا لا له ... (إن لم تكن ذيب "ن" كلتك الذيابه)

ترا الكلام اللي تقول اشرفن لي == أعد نفسي قهوجي في محلي
وأنته على بيت المعزب تهلّي == (إن لم تكن ذيب "ن" كلتك الذيابه)

البيت
أكله ماغير اتقسمه واحد نفر واحد نفر ** وتقدّم المويه بوسط الكأس والساري سرا
حنّا نعرف الحصني اللي كلّما ردّد جحر ** ماله مع اسباع اللحم مجلاس والساري سرا



2000(موال)...
يالا لا لا له .. (إن لم تكن ذيب "ن" كلتك الذيابه)
أنا مع أهل المعرفه ماتحيّر == وأنته مسيّر غصب ما انته مخيّر
إتدور الشرهات عند القصير == (إن لم تكن ذيب "ن" كلتك الذيابه)

البيت
مهنتك معروفه ليا قدم لك البن الخضر ** لكن أبا خذلي معك مرواس والساري سرا
ياوقتنا ياوقتنا يا اللي على بطن او ظهر ** الشعر في تال الزمان انحاس والساري سرا



سفر(موال)..
يالا لا لا له .. (إن لم تكن ذيب "ن" كلتك الذيابه)
ترا القصير من طويلين الأشبار == أحرار ومصاحب بني عم وأحرار
يامدوّر الشرهه وراء عمّك الفار == (إن لم تكن ذيب "ن" كلتك الذيابه)

البيت
حنّا لياقمنا حشرنا اللي يخاصمنا حشر ** قدّامنا مايهلس الهلاّس والساري سرا
صح الشعر من عقب ماجا تركي ألفين اندمر ** قدّام صفّه يضرب المرواس والساري سرا



2000(موال)..
يالا لا لا له... (إن لم تكن ذيب "ن" كلتك الذيابه)

عز الله إني مانويت المشاكل == لكن بعض الناس مثل الهياكل
فاتح فمه من شان يشرب وياكل == (إن لم تكن ذيب "ن" كلتك الذيابه)

البيت
يادغيلبي مالك معشّا قدم حمران النظر ** ندخلك في كيس"ن" من الأكياس والساري سرا
أنا من أهل الشعر والوقفات وانحت من حجر ** وأنته من اللي يطبخون الفاس والساري سرا



سفر(موال)..
يالا لا لا له .... (إن لم تكن ذيب "ن" كلتك الذيابه)
أكلي وشربي من فمي خلقت الله == المشكله فيك أنت يابن عطا الله
اتشرّبك شلّه وتوكلك شلّه == (إن لم تكن ذيب "ن" كلتك الذيابه)

البيت
أنا تراي لمثلك او شرواك علّه فالنحر ** كم شاعرن تحت قدمي إنداس والساري سرا
مالك شعر غار المهازى والمخازى والعير ** ماأنت ابلها لادقّت الأجراس والساري سرا



إلى هذا الحد من المحاوره يعتبر ثمرتها .. ثم انتهت على طاروقين لكلٍ منهما فيه الكثير من الكلام الغير لائق ولاداعي لإيراده .. اعذروني

وفي الختام يعطي الشاعرين العافية وماقصروا على كل حال ويستحقون كلمة (شاعر)

روقي1
09-16-2007, 12:25 PM
بيض الله وجهك يالمقاطي لاهنت

محمد المقاطي
09-16-2007, 02:08 PM
لا هنت يالمقاطي

علي النقل

الموفق

والله يعطيك العافيه

المقاطى_q8
09-16-2007, 02:38 PM
بيض الله وجهك يالمقاطي لاهنت

وجهك ابيض

اخوي الروقي1

المقاطى_q8
09-16-2007, 02:41 PM
لا هنت يالمقاطي

علي النقل

الموفق

والله يعطيك العافيه



ولا انت ياخوي

والله يعافيك


مرورك اسعدني

الزيادي
09-20-2007, 07:09 AM
الله يعطيك العافيه اخوي

المقاطي على المحاورة الرائعه

تقبل مروري

اخوك الزيادي

المقاطى_q8
09-21-2007, 08:52 PM
الله يعطيك العافيه اخوي

المقاطي على المحاورة الرائعه

تقبل مروري

اخوك الزيادي


الله يعافيك الزيادي


مرورك اضاءه للصفحه

عبدالعزيز المورقي
09-21-2007, 11:04 PM
يعطيك العافية يالمقاطي

وتسلم يمناك على هالمحاورة الجميلة

المقاطى_q8
09-21-2007, 11:13 PM
يعطيك العافية يالمقاطي

وتسلم يمناك على هالمحاورة الجميلة



الله يعافيك

والأجمل مرورك العطر

محمد الدعجاني
09-29-2007, 04:24 AM
الله يعطيك العافيه اخوي المقاطي

ولاهنت
ولا تحرمنا من جديدك

وتقبل مروري بوود

المقاطى_q8
09-29-2007, 12:45 PM
الله يعطيك العافيه اخوي المقاطي

ولاهنت
ولا تحرمنا من جديدك

وتقبل مروري بوود

الله يعافيك اخوي الدعجاني

ابشر بالجديد


لاهنت على المرور