المساعد الشخصي الرقمي

مشاهدة النسخة كاملة : أمـل حــيــــــــــــاتــي ( قصة سعودية)!!!


الــولــيــد
09-12-2007, 03:27 PM
:: أمـل حــيــــــــــــاتــي ( قصة سعودية)!!! ::


السلام عليكم ورحمة الله وبركاته

بقصيده الجميل .
أمل حياتي
الجزء الأول
لامانتها فينا الأمل يارفيقي
هذي حياة ٍ كلها جروح وألآم
بالأمس كنت بوسط حزني غريقي
واليوم شفني بالفرح ابني احلام
آنا نفسي اعرف ليه ماخليتيني أروح لحالي
بدل ماتجين معي وبدل هالحوسه أي احد من أخوانها
أو الخدامة حتى نزلت وأعطيها الكيس وانتهى الموضوع
أمل: تعرف انك مزعج خلاص مارحنا ورجعنا وبعدين أنا بعرف أذا أخذتني معك ايش بتخسر
فارس: شوفي بالله الساعة كم والناس مدارس الحين اثنعش ألا ربع وتقريبا الشوارع فاضيه
يعنى المفروض تنطقين بالبيت
أمل: يافروسه ياحبيبي انا وعدت هند انك لمن تودي
لها الأغراض أجيبها بنفسي عشان بعد أبي منها أشياء
فارس: طيب كان أعطتني إياها وانتهى الموضوع يعنى أنا أبي أكلها بجيبها لك
أمل: لا ماينفع وبعدين هي وحشتني حبيت اسلم عليها
وبعدين أنت اللي مواعدني من 9 بس جيت متأخر يعنى ذنبك ياحلوو
فارس: أساسا أنتي اللي تبينه تنفذينه خلاص قفلي تراك صدعتى فيه
أمل: فروسي حبيبي قلبي وروحي يابعد عم
فارس: ايش عندك على هالغزل الحين وقفه ماني واقف ولا بمحل واصلن أكثر ألاماكن مقفلة
أمل : لا شوف ميد مفتوح الله يخليك وقف جيب لي سلاش مشتهيته
فارس: أمرنا لله ايش تبين
أمل: أبي لون احمر وجيب معك ثنين زياد للشلة بالبيت ههههه
فارس : طيب قفلي باب السيارة لاجيت افتحي لي من هذا الزر
أمل : طيب بس روح لا تتأخر
نزل فارس يجيب السلاش لأمل وكالعادة سنه بالسوبر ماركت كأنه يشتريه كله
وجلست أمل تقلب بالكيس اللي أخذته من عند هند بتشوف ايش حطت لها فيها والأشياء
اللي قالت لها حطتها كلها اولاااا
فارس: امسكي لاينكب ساعة واقف ماتشوفين أنتي
أمل سوري ياقلبي مانتبهت وأنت بعد ماقصرت لك ساعة بالبقاله
فارس: يحبك للمبالغة كلها خمس دقايق
أمل : حرك حرك أمي والله غير تقلق علينا
فارس: اتصلت على وقلت لها قريبين
أمل: ياخي هذي الاشاره غثيثه اكرهااا مدري ليه حطينها أحسها مالها داعي
فارس: والله حتى أنا بس برضو لو مالها داعي ماحطوهاا
أمل: شوف من يتكلم الأخ اللي عمره ماوقف عندها
فارس: عناد فيك بوقف اليوم عندهاا
وقف فارس عند الاشاره وأول ماخضرت اخذ اللفة
وأمل جالسه تتكلم عن حاجه ثواني ومانتبهو ألا سيارة قاطعه وصادمتهم
والسيارة تلف بمكانها حاول فارس يتحكم فيها على قد مايقدر كل هذا صار بلمح البصر
وقفت السيارة بعد ثواني أمل حاسة نفسها مخدره شيلتها طايحه رفعت رأسها تشوف رأس فارس
على الطاره ولا يتحرك الخبطة تقريبا جايه من جهته دفته على وري برضو مايتحرك والدم نازل على وجهه
فكت باب السيارة ونزلت بسرعة وراحت لجهة السواق تبي تفتح باب السيارة ألا الباب مو راضي ينفتح
الخبطة جات من عند الصدام مع الجنب وعلى جزء من الباب
الا صوت من ورآها سلامات عسى ماشر
طالعت بالشخص اللي كان خارج توه من السيارة اللي صدمتهم وسيارته تقريبا ماجاها شيء
ولا فيه اثر انه هو صار عليه شيء
طالعت فيه بنظرة كره وحقد
وهي تصرخ بوجهه الله لا يسلمك الله يأخذك فارس مادري ايش فيه مايتكلم
فارس فارس رد على انا اختك حبيبتك فارس قوووم ياويل حالي أنا السبب
بسرعة الرجال يتوجه ناحية باب الراكب ويروح يمسك نبض فارس
وينزل ومعه شيلت أمل لمن حس أن فيه سياره وقفت بجنبهم وفيها شباب
أعطى الشيله أمل وهو يقول اختى لو سمحتي خذي استرى نفسك والرجل اللى معك ان شاء الله ماصار عليه شيء مجرد إغمائه
صرخت عليه أمل بطريقه هسيتريه انا مستتره قبل معرفك أنت أعمى ماتشوف تحسب هذا شارعك ولا شارع أبوك
أعمار الناس مالها قيمه عندكم عشانك ولد فلان ولا علان الناس عندكم مايسوون<< طبعاَ هي قالت هالكلام بعد ماشافت نوعية السياره اللى مع الرجال
وتحط الشيله وتغطى وجهها واتصل
على الإسعاف
وراحت السيارة وهي ترتجف واتصلت على أخوها الكبير خافت تتصل على أبوها ويصير عليه شيء لانه
مريض بالقلب
أمل بصوت يرتجف الووا سلطان فينك
سلطان : فيه الحين جاى البيت
أمل: سلطان صار علينا حادث أنا وفارس
سلطان: كيفكم صار عليكم شيء
حاولت أمل تكون طبيعيه لأنها خافت على أخوها الثاني انه يسوق بسرعة ولا يصير عليه شيء
أمل: لا ماصار علينا شيء الحمد لله
سلطان: فين فارس أعطيني إياه اكلمه
أمل بهدوء قد ماتقدر: فارس جالس يتفاهم مع الرجال اللي صدمنا أشوفه معصب تعال واللي يسلمك بسرعة أخاف يتهاوشوون
سلطان: طيب فينكم انتو بالضبط
وصفة أمل المكان لسلطان وهذا كله والرجال اللي صدمهم كان واقف قريب منها وسمع المكالمة كلها
ثواني وفيه كم سيارة وقفت والشباب اجتمعوا
الرجال: اختى ياليت تروحين تركبين بسيارتي ولا توقفين بعيد
أمل وهي واصله حدها: لا تقول أختي أنا ماتشرف تكون اخوي وبعدين من وكلك على أنا أوقف بالمكان اللي يعجبني
الرجال خلاص عصب منها وبالقوة ماسك أعصابه
بس منظرك غلط واقفة بوسط رجال
أمل: اخوي ولا أخوهم وللمرة الثانية أقلك مالك شغل
شين وقوى عين والله لوصار على اخوي شيء
ماسا محك
الرجال: ماراح يصير عليه الا الخير ان شاء الله اذكري الله
أمل: ممكن تحل عن ملائكتي ماني طايقتك ياخي وأخر من قدامي
شوي ولا سيارة كأمري توقف وعلى طول أمل راحت تجري جهتها عرفتها هي سيارة سلطان تعلقت أمل فيه
وهى شوي تبكى سلطان الحق فارس مغمى عليه
وفيه دم
والإسعاف للان ماجات بسرعة سلطان يروح لآخوه
وكان يبي يخرجه من باب الراكب بس الرجال مارضى
الرجال: ياخوى خله الحين يجوون المسعفين الأفضل هم
يشلونه لا تسبب له إصابات
سلطان: لكم قد أيه متصلين عليهم
الرجال: نص ساعة تقريبا
سلطان: لو ضلينا عليهم والله اخوي غير يموت وماوصلوو
ماخلص كلامه ألا صوت الإسعاف يعلن وجوده
طبعا والمرور............وووووو الخ<<< صباح الليل
توى الناس لو ماجيتوو
ركبو فارس الإسعاف
ولحقهم سلطان وأمل على المستشفى
مكان الحادث
الضابط من صاحب هذي السياره
الرجال : سيارتي معك تركي بن عبد الله الـ
الضابط : مرحبا تشرفناا ممكن رخصتك وبطاقتك طال عمرك << ماهي راكبه
تركي لحظه لو سمحت
مسك تركي جواله واتصل على واحد
تركي : السلام عليكم
..: وعليكم السلام وبركاته من فين طالع النور
تركي : هلا فيك ابو عهود ابوعهود الله يسلمك سويت حادث أنا بالمكان الفلاني .......................................
ماخلص مكالمته ثواني ألا جوال
الضابط يدق
الضابط: حاضر طال عمرك صار أن شاء الله
الضابط يكلم تركي : تفضل رخصتك وبطاقتك وننتظر مراجعتنا بالقسم
ركب سيارته تركي وراح على المستشفى
بالمستشفى أمل تقريبا منهارة من أول وهي ساكتة وما بكيت بس يدها قامت توجعها مره
سلطان: أمل فيك شيء
أمل : لا مافيه شيء بس أهم شيء فارس
سلطان: لا تخافين الدكتور يقول خير أن شاء الله مافيه شيء
أمل: خايفه ياسلطان للان ماخرج من عنده الدكتورر
سلطان: هدى أعصابك
أمل : سلطان كلمت أمي وابوى قلت لهم
سلطان: ايوه اتصلت على ابوى قلت له وقلت له أنكم بخير بس يبون يسون لكم فحوصاات ..
أمل: وصدقك
سلطان: مدري بس الحين هو جاي
شوي ولا رجال يقرب منهم
الرجال
السلام عليكم ورحمة الله وبركاته
الأخ سلطان
سلطان: وعليكم السلام ورحمة الله وبركاته
نعم اخوي وصلت معك سلطان
الرجال: معك تركي بن عبدالله الـــــ
سلطان: هلا فيك اخوى تشرفناا أمرني
تركي: أنا اللي صدمت بإخوانك
سلطان: خير أن شاء الله
تركي : كيف فارس
سلطان: والله من يوم ماجبناه ماحد يكلمنا ولا رد علينا
تركي : ثواني
ويسوى اتصالاته وخلى المستشفى كلها تقوم ولا تجلس
كل شوي مسؤال يجيهم ولا دكتوور
أمل : جالسه على أعصابها ...لو برأيها تروح تضربه
<< يعنى صح طلع كلامي انه واحد مو هين
وتتذكر الكلام اللى قالت له ايااه بس والله يستاهل حمار يدخل بعد فيه ماحد قله
أمل وهي معصبه وجسمهاا كله يوجعهاا وراسها ويدها بزياده وحالتها حاله

نهاية الجزء الاول

الــولــيــد
09-12-2007, 03:28 PM
:: أمـل حــيــــــــــــاتــي ( قصة سعودية)!!! ::



الجزء الثاني

جالسه وتسمع تركي وأخوها وهم يتكلمون كل شويه مع احد من المسؤالين
تركي: سلطان اللي مع أخوك بالحادث ,,المستشفى كشفو عليها..
سلطان: اختى لاو الله
تركي: الأفضل يكشفون عليهاا
سلطان أمل : أمل روحي مع النيرس خلهم يكشفون عليك
أمل : مافيه شيء وماني كاشفه
سلطان : بلا عناد صوتك تعبان ومانتى راضيه تقولين روحي
أمل: أقلك ماني رايحه مافيه شيء بالغصب يعنى
سلطان يطالع بتركي بنظرة انه ماله حيله
تركي: اختى الأفضل تروحين يدك شوفي كيف صاير شكلها
أمل: أنت آخر واحد يتكلم مالك شغل
سلطان عصب على أخته وبصوت عالي أمل
سكتت عنه أمل ولأردت لا عليه ولا على تركي
بعد مايئست...الممرضة أن أمل تروح معها راحت
وتركتهم ....
خرج الدكتور من عند فارس
فارس: بشر يادكتور كيف اخوي
الدكتور: الحمد لله سليمه مافيه غير العافية
لا تخاافون بس جرح بالجبهاا سوينا له
خياطه 6 غرز
واثناء الدكتور مايكلم سلطان وفارس ألا بدخلة أبو سلطان
ابو سلطان: السلام عليكم هاه بشرو فين فارس وأمل
أمل من يوم ماشافت ابوها على طول نقزت لحضنه
وانفجرت بالبكاء

يامسندي يابوي لو تهات خطاي
انت الملاذ من الهموم العظيمه
لا ماتحمل يانظر عيني بكاي
هذي حياة ٍ بالمآسي كريمه

أمل من بين دموعها ابويااا فارس ابويا
تتكلم مع ابوها بطريقة دلع <<<<
تركي مو مصدق ان هذي البنت اللى توها تتكلم معهم
من أول ماشافت أبوها انقلب حالها 100 درجه
<<<<< معروفين البنات دلوعات ابوهاتهم
ماسكها أبوها بحضنها وعيونه توجه السؤال لسلطان قبل ماينطق السانه
سلطان: مافيه شيء ابوي الحمد لله هذا الدكتور اسئله
أبو سلطان وامل : الحمد لله
أمل تتكلم بصوت خافت كانه جاي من بعيد
ابويا تعباااااااااا..........................
وطاحت مغمى عليهاا
فتحت امل عيونها بشويش ورجعت غمضتها
حست الدنياء دور فيها اخر شيء تتذكر ابوها
بعدها ماتدرى ايش صار
رجعت فتحت عيونها وتشوف اللى حوليها
كان كل شيء ابيض ريحة المستشفى ويدها تحسها متخدره وثقيله
التفت على جهة اليمين وشافت امها
بجنبهاا من اول ماحست الام بحركه على طول وقفت
وجات جهة بنتها
اموله اموله حبيبتي تسمعيني
أمل: آآه امي ايش جابك
الام : من امس وانا عندك
أمل تتكلم وتحس نفسها متشوشه " امي فارس
فينه
الام: الحمد الله فارس مافيه شيء لا تقلقين
أمل : الحمد لله
الام: كيفك انتي فيه شى يوجعك
امل: لا الحمد الله احسن بس يدي اشويه
" الساعه كم يمه"
الام: الساعه 1 الظهر
أمل: يالله نمت هذا الوقت كله
الام: لا مانمتى هم اعطوك ابره كنتى تعبانه مره
يقول الدكتور تعرضتي لصدمه
أمل: الحمد الله احس مافيه شىء غير يدي
الام: يدك فيهاا كسر بسيط
امل: فارس ايش صار عليه
الام: الحمد لله مافيه شىء بخير كان مغمى عليه بس
وصحى من امس وسووى له فحوصات ماطلع عنده
شىء واليوم بيكملونها
أمل: يمه متى بيخرجوني من المستشفى
الام: والله يابنيتي مدري بس على كلام الدكتور
مانتى مطوله لا انتى ولا اخوك
أمل: تعبتك يمه لو خليتي وحده من البنات تجى عندى
مو احسن
الام: لا مو احسن بعدين اخواتك وحده وراها جامعه
والثانيه مدرسه
أمل: يعنى بيرحون انا اعرف ان ساره وبسمه ماحسبوو
انه يجيهم عذر يغبوون
الام: والله مدري عنهم
أمل: امي نادى الممرضه خلها تشيل المغذي بروح اتوضاا واصلى اللى فاتني
العصر
في غرفة امل بالمستشفى
سلطان: بالله مصدقه عمرك انك مريضه
أمل: ومن قال اني مريضه شوفني فسقانه
ساره: امل هاتى يدك ابكتب عليهاا
بسمه: هيه وين رايحه شايفتها كشككول
سلطان: اقول اعقلي انتي وياها بلا خبال
تبون تفضحون فيناا الجباره مالها يوم
امل: ابوياااا شوف عيالك صدعوني وانا مريضه
احتاج للراحه
ساره: شرايك يطردناا
أمل : لا بس روحو لفارس ماكملت كلامها الا باب الغرفه يدف وراس فارس يدخل من الباب
فارس: السلام عليكم
الام: ياسلطاني ايش حرك من محلك انت تعبان
فارس: لا مافيه غير العافيه وبعدين كاني ماني ولدكم تاركيني وجالسين عند هالمقروده
أمل: مقروده بعينك خسارت الدموع اللى نزلتها عشانك
ساره: والله يافروسه انا كنت بجيك بس امي حلفت على ماتحرك من عند اختك صح بسمه
سلطان: هذي البنت مايعجزها شيء الكذبه على طرف لسانك
بسمه: الحمد لله شفت بنفسك
الاب: هذي امل الغاليه نور بيتناا وروح ابوها
صرخو ساره وبسمه مع بعض
بسمه: لاوالله اجل انا ايش اكون انا العنقود
فارس يطنز على بسمه اخر العنقود اللي يسمعها يقول
نونو مو عمرهاا 17 سنه
بسمه: انت متاكد انك مريض
الام: بسم الله على ولدي تعال فارس اجلس بجنب امك
فارس: لا انا زعلان بروح غرفتي لا حد يزورني
ساره: خلاص اخوي حبيبي لا تزعل انا اروح معك
فارس: شايفه ياسارونه ولا كلف ابوى نفسه وقالي كيفك
او اخوك او اختك ام السانين كل همهم دلوعتهم امل
ساره: كفايه انا اسال عنك ولا ماكفيك
فارس: الصراحه ماتكفيني ههههه
ساره: الحق مو معك معي اللى جالسه اجاملك
أمل: خلصتو الفيلم انت وياهاا
سلطان : لا لسه ماتشوفين البطل طلع خاين
أمل: لا خلص انا شفت قيم اوفر بعيون ساره
سلطان: ههههههههه حلوه بس لا تعيدينها
الام: فارس روح ارتاح مكانك
فارس : قولي ماتبيني
الاب: الحين من الصبح ماسك علينا مانبيك ومانبيك
صار ماهو زرناك قبل اختك يلا قوم روح غرفتك
الحين يجيك احد ومايلقاك
سلطان: وتهزئو بعض الناس
ساره : يلاا فارس غرفتك انابروح معك
بسمه : وانا بعد
الاب: انا بروح ساعه وارجع لكم اخذكم يابنات
البنات: طاايب
فارس: امي مارجع غرفتي الا تروحين معي
الام: واختك اتركها لحالها
سلطان: انا بجلس عندهاا
راحو الكل مع فارس وجلس سلطان مع أمل
أمل: متى بيكتبون لي خروج
سلطان: على بكره ماراح طولين حتى اخوك
فترت صمت ...............
أمل: ايش فيك ساكت
سلطان: زعلان منك
أمل: ليه ؟؟
سلطان: يعنى نسيتى امس ايش سويتي
أمل: ايه نسيت<<< كذابه
سلطان: من جد امس قهرتيني بطريقة كلامك استوحشتي
والله ماحسيت انك اختى
أمل: سلطان حسيت برعب على فارس ماشفت شكله كيف كان من غير اني حسيت اني انا السبب لو صار عليه شىء
سلطان: ولو مارباك ابوى على انك تتعاملين مع رجال غريب كذا وبهذي الاخلاق
أمل: سلطان ولي يعافيك لا تجيب لي سيرته هذا الانسان
اعصب مدري لي كارهته
سلطان: لانك ماعرفتيه
أمل: حتى انت ماعرفته غير امس
"وتبي تضيع الهرجه" الا فين جوالي ماشفته
سلطان: آآآه ياليتني ماشفته وطلعه من جيبه خذيه
أمل: لا تكون رديت على هند
سلطان: والله ماقدرت اقاوم يوم شفت اسمها
أمل : سلطان حرام عليك ليه ليه
سلطان: ماقلت لها شيء بس سالتها عن احوالها
وقلت لها انكم بالمستشفى
أمل: حتى ولو المفروض ماترد عليهاا
انت بتخرب على البنت ماحسبنا امورها تتيسر وتوافق
على ولد عمتها
سلطان: يالله عليك يامل ايش قد انتي قاسيه
يعنى حب 25 سنه تبينه يضيع انا حبيتها لمن كانت طفله
حبيتها من قبل تمشى من قبل تنطق أي كلمه
أمل: انا ماني قاسيه بس هذا لصالحك ولصالحها
لاتنسى والله والله اني ماتمنيت لك انسانه قد ماتمنيتها
لك بس هذا نصيبك ونصيبهاا
سلطان: تعرفين يأمل امس لمن سمعت صوتها حسيت الروح خرجت من محلهاا رجعت لي كل همسه


كل حركه منهاا ماني مصدق اللي يصير
ماني مصدق انك انتي عروسه
مدام كنتي ياعذابي تقولين
أخاف تالية القدر والعنوسه
واليوم انتي بين ورد وبساتين
مبروك ياقلبي وعساك امحروسه
من وسوسة ابليس ولعب الشياطين
حوسه وربي عقبك الحال حوسه
مابين ناب الوقت وحسد الملاعين

أمل: انسى الماضى والتفت للمستقبل
سلطان: لو نسيتهاا راح احكم على نفسي بالموت
تعرفين ايش يعنى ماضى بدون هند يعنى موت محتوم
كفايه انها غابت عن حاضري وبتغيب عن مستقبلي
كمان تبيني امسحها من الماضى تعرفين لو مسحتها
من ماضى معناتها انى راح اعيش بلا قلب بلا احساس
اساسا انا كلى مالي وجود من غير ماضيها
أمل: صدقني نوره راح تعوضك وتنسيك طوايف هند
بس عجل انت بالزواج خلاص شيبت
سلطان: اللي يسمعك يقول صكيت الخمسين لسه عمري 29
أمل: وقريب تدخل 30 لاتنسى
سلطان: مدري احس اني اذا ماراح اخذ هند الافضل ماتزوج ماتخيل نفسي مع انسانه غيررهااا
أمل بتغير الجو شويه: ياعيني على هالغزل يارب ارزقنا لي 25 ماعمري سمعت هذا الغزل خلاص مليت ياناس
سلطان: ههههههههه يابنت استحى على وجهك قدام اخوك الكبير تقولين
أمل : يووه نسيت هههه
سلطان: لا ياشيخه نسيتي هاه
أمل: مانسيت بس مايحق اني اعبر عن شعوري بحريه
فين الديمقراطية
سلطان: دمقراطيه تتغزلين وتبين ديمقراطيه
أمل: يوه يوه لا تتقول على ماتغزلت باحد انا اتحسرت على شبابي الفاني
شويه داخلين ساره وبسمه وهم يدوب يتنفسون من الجرى
بسمه: فااااااااااتك نص عمرك ياأمل
وانتبهت ساره لـ سلطان ودقت اختها وهمست لها تسكت
سلطان: ايش اللى فاتها
ساره: هاه ولا شيىء بس تعرف تخاريف اختك
المهم فيه رجال عند اخوك روح مافيه غير امي ابوى لسه مارجع
خرج سلطان من هناا
وانقزت ساره على السرير بجنب أمل
فاتك ياموله شىء خطير خيالي
بسمه وهي حاطه يدها على قلبها
: وربي يذبح حشى مو بشر
أمل : خلصتوو غزل يلا قولو من سعيد الحظ
ساره: اول مره اشوفه
بسمه: قسم بالله فنان لا والاخ جاي وقبله داخل واحد
شايل باقة ورد خياليه اول مره اشوفها بحياتي
وبعد هو معه علبه شىء خطيييره شكلها شوكلاته
أمل: يمكن واحد من اصحاب فارس
ساره: لا ماظن اصحاب اخوك كلهم اعرفهم واحد واحد
بسمه: لا ماهو من مستوى اخوك المخفه هذا واحد راكز
وشكله كبير بعمره
ساره: حرام عليك وربي انه مو بين عليه شكله اكبر من سلطان بشويه يمكن ببداية الثلاثينات
أمل بنفسها حاسه انها هو مافيه غيره تنطبق عليه هذي الموصفات مع انها ماشافته تمام بس احساس
قوى عندها انه هو
أمل: يمكن واحد من اصحاب سلطان
ساره بسمه: يمكن
أمل: فين امي ماجات معكم
يتبع

الــولــيــد
09-12-2007, 03:28 PM
:: أمـل حــيــــــــــــاتــي ( قصة سعودية)!!! ::


رايك ولاراى أي احد فينا يقدر يسوى فيه شيء
هند من بين دموعه ماقدر ساره: جلست لمن خرجنا جالسه ترحب بالرجال
بسمه: والله امك خطيره عندها كل شيىء عادي
ساره: تحسب نفسها بمضارب الباديه ترحب بالضيوف
بس ناقص تذبح لهم
أمل: استحوو على وجيهكم
امي حرمه كبيره عادي يعنى
ساره: اتوقع انك بتسيرين زيهاا لمن تكبرين شويه يعني بالكثير 3 سنين
بسمه: هههههههههه حلووه كفك عليها
أمل: والله انك انتي وياها ماصخين
بسمه: حطى علينا شوية ملح ولا اقولك سكر افضل
ساره : واااااي ماني قادره انسى شكله يابنات كشخه
أمل: مشكلة المراهقيين
ساره: هيه عمري 21 يعنى ماني مراهقه
أمل: اتكلم على تصرفاتك
ساره: طيب ليه ماتتكلمين على بسمه ولا عشانها اخر العنقوود
أمل : بسمه صغيره انتي كبيره
بسمه تمد السانها على ساره
أمل: دخلي لسانك لا اجى اقطعه لك
ساره: ههههههههههههههههههه امسكها لك
أمل اسكتو برد على البنت
بسمه اكيد هند مافيه غيرهاا
أمل: هلا وغلا
هند: سلامات حبيبتي ياليته فيني ولا فيك
أمل: الله يسلمك ماتشوفين شر حبيبتي
هند: اموله تعورتي مره
أمل: بس يدي يلا الجباره ماحد كتب عليها استناك تفتتحين الكتابه عليها هههه
هند: ان شاء الله بعد المغرب نبي نجيكم طيب كيف
فارس الحين
أمل: لاتخافين مافيه شيء توه جاني
ازعجنى شويه ورد غرفته
هند: الحمد الله .........أمل تعرفين من كلمت اليوم
أمل: اعرف
هند: طيب وش رايك
أمل: الموضوع منتهى يامل ماقدر ليتني اموت وارتاح من هالعذاب يارب خذني
أمل: لا تدعين على نفسك وماراح اكلمك اذا ضليتي على هالحال وبليز لا تجين تزوريني مستغنيه عن زيارتك
وقفلت جوالها بوجههاااااااا
ساره: شفيك معصبه
أمل: ولاشيء
بسمه: هند تبي تجى
امل : مدري
ساره : ايش فيك قفلت معك
امل : انتى وياها ماتسكتون ترى راسي صدع
ثواني ولا امهم داخله
امل:امي اتصلي على ابوى خليه يجي يشيل بناتك
صدعو فيه
ساره: والله انك ماتستحين
ام سلطان: بس انتي وياها اسكتو
قترت صمت قطعتها امل بسؤال: امي فارس عنده احد
ام سلطان: ايوه عنده الرجال اللى صدمكم امس
ساره: ايش دراك يمه انه هو اللى صدمهم
ام سلطان: هو قال لي واعتذر وتحمد لى بالسلامه
على سلامتهم والله انه رجال باين عليه اجودي
امل: الله طلعتى يايمه مانتى هينه تقيمين بعد وتتمدحين بغير ابوي
بسمه : يالله ماشفتيه ولا ماتقولين كذا
ام سلطان: والله ان البنات هذي الايام فصخو الحياء
ساره: امي لا تجمعين مو كل البنات زي بنتك
ام سلطان: أي والله انك صادقه ياليت كل البنات زي امل
بسمه: هههههههههههههه كفك عليها يايمه
امل تضحك وامهم ماهي داريه ايش السالفه
وساره بوزت
نروح لفارس
تركي: الحمد لله على سلامتك يافارس والعذر والسموحه منك ياخوى
سلطان وفارس : ماصار الا الخير
تركي: كنت وقتها جاي من الرياض من عند الاهل
ومع التعب مانتبهت
سلطان: رب ضاره نافعه كسبنا معرفتك
تركى : وانا لى الشرف وسيارتك يافارس لا تشيل همها
انا خليتهم يسحبونهاالورشه
سلطان : والله ماتسويهاا
تركي: اعتبروها اعتذار وهذا حقكم
فارس بخفت دمه : كناا من اول حلوويين لا تزعلنا منك
على ماجاء يرد تركي دق الباب ودخل ابو سلطان
رجال رغم سنه الا انه له هيبه وجهه سبحان الله عليه نور
وقف تركي + سلطان
تقدم ابو سلطان سلم على تركي وبعدين سلم سلطان على راس ابوه
ابو سلطان: ياهلا فيك ياولدي نورتنا
تركي: المكان منور بوجودك يا ابو سلطان كيف حالك
ابو سلطان الحمد لله بخير كيفك ياولدي من حادث امس عساك بخير
تركي: الحمدلله مافيه غير الخير والله انى منحرج منك
قطعه ابوسلطان : مقدر مكتوب ياولدي الحمد لله انها جات على قد كذا
فارس: ابوي سمعت تركي ايش يقول سحب السياره للورشه بيصلحهاا
تغير وجه تركي من تعليق فارس
ابو سلطان : لا والله ياولدي ماتصلحها والا تدفع ريال فيهاا
تركي : لكن يابو سلطان
ابوسلطان لاا لكن ولا شيء مانقبل العوض احنا وسلامة عيالي بالدنياء كلها
سلطان : تركي
تركي: سم
سلطان : سم الله عدوك اعطينى عنوان الورشه
تركي: والله ماعرفه لان واحد من اللى يشتغلون عندي هو اللى سحبها لكن اعطيني رقمك اشوف وارد عليك
سلطان : تفضل ...........
راح تركي واخذ ابو سلطان البنات وراحو وماحد جلس عند امل الا امهااا وهند ماجات شكلهاا زعلت من
امل او ماقدرت تجى لظرف طارى
انتهى اليوم بطريقه او اخرى
ثاني يوم كتبو خروج لفارس وامل
امل بيد مجبره وفارس براس فيه كم غرزه
بيت ابو سلطان
ساره جالسه تغطرف
نور البيت لنا كم يوم ضايعين من غيركم
فارس: كلها ماجات يومين
ساره: انت عندك هينه يومين
ابو سلطان لا والله ماهي هينه حضرو انفسكم
بمناسبة خروج امل وفارس نبي نسوى عشاء
البنات: لا تقول ابوى بتسويها بالبيت والله زحمه
سلطان: اجل فين
بسمه: باستراحه
ساره: أي والله احسن
ام سلطان: لا تعب علينا واخوانك تعبانين نجلس ننقل فيهم نسويها بالبيت
ساره: امي حرام عليك والله ضيق البيت
ام سلطان: اليوم احنا بنص الاسبوع الناس اللىبتجى تروح بدري كلها كم ساعه استحملى يلا انتى واختك قوم معى نرتب البيت
بسمه: ياناس ياهوه فيه شيء اسمه شغاله حرام عليكم
والله تعبناا
ابو سلطان: ثلاث بنات وتبون شغاله
سلطان: عاد اللى يسمعهم يقول مكسرين انفسهم
فارس: انا ماشوف يشتغل غير امي وامل
ساره: احنا ماحنا فاضيين زي امل عندنا دراسه
سلطان: تقدرين تفضين للتلفزون
امل: امي انا بدخل ارتاح بغرفتي لى يومين مانمت
زي الناس

الــولــيــد
09-12-2007, 03:29 PM
:: أمـل حــيــــــــــــاتــي ( قصة سعودية)!!! ::


الجزء الثالث
ساره : فارس فارس تعال
فارس : نعم وش تبين ماني فاضى لك الحين الرجال بيجون
ساره: الله اللي يسمعك يقول احد غريب اكيد خوالي واعمامي والجيران
فارس: حتى لو مو ماليين عينك
ساره: اقول لاتكثر هرج هذي امانه من وحده قالت اوصلها لك واتحمد لك بالسلامه
فارس: مين الذكى اللى مالقى غيرك يرسل معه امانه
ساره: وحده
فارس: مايحتاج تقولين مين الوحده ردي لها امانتها وقولي لها اعتبريها وصلت
ساره: حراااااااام عليك
فارس: حرمت عيشتك انا ماقبلها عليكم واللى مارضاه لاختى مارضاه لبنات الناس كيف عاد بنت خالي
ساره: يالله عليك سويتها قصه والله منى غير تزعل
فارس: بكيفهاا ياللا انا رايح مواعد رجال على الشارع العام بيجيناا شكله وصل
ساره: مييييييييين
فارس: موتي لقافه ماني قايل مين
ساره: ضحكتني لا تنسى انى وكالة انباء البيت
اعرف تركي عازمه ابوي اللى صدمكم
فارس: اعوذ بالله من هالبنت صدق انك وكالة انباء
أمل سمعت كلامهم تقريبا: توك اللى تدري من زمان أقول بس ماحد مصدقني
تركي وهو رايح بالمكان اللى مواعد فيه فارس
يكلم خويه بدر( بدر خويه ولد عمه)
بدر: يعنى انت الحين بتفهمنى انك رايح لبيت الولد
اللى صدمته
تركي: ايه والله اتصلو على وعزموني ياخي انحرجت كلمنى ابوهم
بدر: ياخى انت معطى هالناس فوق قدرهم
تركي: بدر والله انت ماعرفتهم ولا ماتقول كذا ناس طيبين
بدر: كفايه اللى عرفته منك وخصوصا البنت ام السانين
هههههههههههه
تركي: ياشيخ لا تذكرني عمر احد ماكلمنى بهذي الطريقه
بدر: بصراحه مصخرت فيك
تركي: والله مالومها اخوها كان مغمى عليه تحسبه مات
بدر: هههه حتى ولو الا على فكره الشباب عرفو بالقصه
يسلمون عليك وميتين من الضحك وخصوصا يوم عرفو انك رايح لهم اليوم
تركي: ومن قال للشباب
بدر: أنا لمن كنت تكلمنى قبل يومين كانوا عندي
وماسكينها عليك من وقتها خذ فيصل بيكلمك
تركي : هلا فيصل شخبارك
فيصل: الحمد لله حالي أحسن من حالك
تركي: دوم مو يوم
فيصل: الا ماقلت ايش بتسوى مع اللى صدمتهم
تركي: يعنى ايش بسوي مانى مسوي شيء الحمد لله
الناس أجاويد طلعوو
فيصل: خلى عنك ماخبرك تسكت لأحد ينزل من قدرك
تركي: مين نزل من قدري
فيصل : البنت ام السانين على قول بدر
تركي: ياخي انا كنت غلطاان
فيصل: يعنى
تركي: لا يعنى ولا يحزنون
فيصل: ماخبرك كذا حتى لوكنت انت الغلطان
تركي: يصير خير سلم على الشباب يلاا اناوصلت
فيصل: وصلت عند بيت حبيبة القلب
تركي: والله انك ماصخ يلا فمان الله
مانتظر يسمع الرد وقفل كان متنرفز من اصحابه
نزل فارس ونزل تركي من سياراتهم سلمو على بعض
وبعدين لحق تركي فاااارس لبيتهم
في بيت ابو سلطان
الجلسه كانت حلوه والجو جنان ضحك وهرج
تركي اخذ عليهم على طول
تركي: الا انت يافارس خلصت دراستك
فارس: الحمد لله خلصتهاا
تركي: تشتغل
فارس: ايوه اشتغل بفندق بالرسبشن
تركي: ليش ايش مؤهلاتك
فارس: معى بكلريوس حاسب ودبلوم انجليزي
تركي: مشاء الله ومالقيت غيرفندق
فارس: والله مالقيت والحمد لله احسن من الجلسه بالبيت
والله اصحابي اللى تخرجو معي البعض مو لاقي حتى فندق شيء عن شيء احسن
تركي: والله حرام مؤهلك حلوو يوظفك بمكان افضل
فارس: المكان الافضل يبي له وسطه
تركي: طيب ايش رايك تجى عندنا بالشركه
فارس انصدم: تتكلم من جد
تركي: واالله من جد وعشان اثبت لك كلامي احنا ماعندنا تلاعب راح اخليك 3 شهور تحت التجربه
وتاخذ نص راتب بعدها اذا اثبت وجودك ابشر باللي يسرك
فارس:والله مدري ايش اقلك بس
تركي: لا بس ولا غيره انت تستحق الوظيفه لمؤهلاتك
ماهو لا عتبارات اخرى
فارس: والله مانى مصدق خصوصا ان شركتكم من اكبر
الشركات بالشرق الاوسط في مجالها
تركي:مشكور وراح تتعين بالفرع اللى هنا بجده
فارس: اشاور الوالد وارد عليك
تركي : خلاص متى ماتبي تعال وظيفتك بانتظارك
فارس: ماتقصر
عند البنات
أمل: ماتوقعت انك تجين
هند: ليه ؟
أمل: احسبك زعلانه امس ماجيتي بالمستشفى
هند: ماقدرت جانا ضيوف
أمل: ميييييييييين
هند: عمتى ولدهاا
أمل: زوجك اشوفك ماجيتي حركات طلعتى
هند: اللى يسمعك يقول اموت فيه
أمل: هند استحى على وجهك لا تقولين على ولد عمتك كذا وبطلى حركات الاطفال
هند: اف مانى طايقته
أمل : طالما ترددين هالكلام ماراح طيقينه لازم تعطين نفسك فرصه وكفايه هو يحبك صدقيني لو عطيتي نفسك فرصه راح تحبينه
هند: الكلام سهل
أمل: هند لازم تعيشين حياتك وقدامك الخيار
ياانك تحاولين وان شاء الله راح تلقين السعاده
يانك تدفنين نفسك بالحياة وماحد خسران غيرك
وصدقيني سلطان خلاص نساك وقريب زواجه
هند وصوتها فيه بكاء : لا تكذبين
يتبع

الــولــيــد
09-12-2007, 03:29 PM
:: أمـل حــيــــــــــــاتــي ( قصة سعودية)!!! ::


أمل وهى تحاول تكون قاسيه على صديقة طفولتها
: ليه اكذب شوفي نوره مشاء الله مانقصهاا شيء بنت ولا كل البنات ان شاء الله تسعده
هند: يعنى نوره احسن منى بايه
أمل: احنا محنا بنقاش مين احسن انتى ولا هي
احنا نقول لازم الحياة تستمروسلطان خلاص نساك
صارت نوره هي حياته
هند: بس أمل تكفين خلاص
أمل: قومي نروح الغرفه لا تفضحيناا
دخلو أمل وهند الغرفه رمت هند نفسها على السرير
ودخلت بنوبة بكاء شويه لمن هدت قربت
أمل بجنبهاا جلست تكلمها
هند انتى لازم تشطبين اخوى من حياتك بالعقل ياهند
لا تصيرين انانيه فكري باللى حواليك فكري بكره باطفالكم احمدى ربك انكم اكتشفتو قبل زواجكم انتى وسلطان ان اطفالكم ممكن يولدون حأملين للمرض
بسالك سؤال جاوبين بصراحه
انتى تحبين سلطان
هند : الا مواحبه نفسي القا كلمه تعبر عن شعوري تجاهه
أمل:ترضين تشوفين سلطان يتعذب قدامك
هند: روحي تفداه ولا اشوف لحظة الم بعيونه
أمل: تتوقعين لو انه سمع كلامك وتممتو الزواج
وحملتي وجبتي اطفال راح تستحملين المعناه
اللى راح يحس فيها وهو كل يوم بالمستشفى
هند:..................
أمل : شايفه انتى نفسك ماراح تتحملين
هند: بس انا قلت له مابغى اطفال انا ابيه هو وبس يكفيني
أمل: انتى ماتبين بس هو يبغاا وصدقيني بكره
لو تزوجك ماراح تضلون على حالكم اقل شيء راح يتزوج عليك وهو عارف انه راح يئذيك اكثر ويعذب نفسه معك
فافضل طريقه القرار اللى اتخذه ريحك وريحه من العذاب المستقبلي انتى لازم تتفائلين وتتقبلين ولد عمتك
الكل يمدح فيه والمخلوق يحبك
هند:خلاص كل شيء انتهاء واذا اخوك قدر ينسى حتى انا باذن الله
ماحسو غير بالباب ينفتح بقوه
أمل: وجع ساره ماتعرفين دقين الباب
ساره: على مين داخله
هند: علينا انا وأمل
ساره: بالله ومين تطلعين انتى وأمل
أمل: تاج راسك ياختى العزيزه
ساره: تاج راس زوجك انتى ويااها
أمل: اميييييين بس هو متى يحس على دمه ويشرف
هند: هههههههههه مانى مصدقه أمل تقول كذا
ساره: اختى من بعد الحادث استخفت
هند: والله ماظن بس اتوقع من كثرت جلستهاا معك ههههه
أمل: بنات يلا تاركين البنا ت خلينا نخرج عندهم
ساره: أي صح على طارى البنات توها نوره تسال عنك
روحى شوفيهاا
أمل: طيب يلا انتو بى قدامي
بعد العزومه باسبوع بالشركه
تركي: هذي الساعه المباركه اللى جابتك عندنا
بدر: الله يبارك فيك ياولد العم
تركي: أي ريح اتت بك ههههه
بدر: ولا شيء والله مليت الشياب جابو لي الجنان
انت هنا بجده وسعود بالشرقيه
وانا اللى مقابلهم 24 ساعه والله ضاق خلقي احسهم يستقصدوني ماعندهم غيري
تركي: هههههه طيب فين الباقي
بدر: قصدك شلت الانس تعرفهم ماحد يقدر عليهم
تركي: طيب تبدل انت اجلس هنا وانا اروح الرياض
والله ضاق خلقي من الجلسه لحالي
بدر: لا ياحبيبي خلك محلك وبعدين حتى لو وافقت ماراح يرضون شيابك
تركي: ياليتهم يسمعونك وانت تقول شياب
بدر: بيخذون عمرهم وعمر غيرهم
تركي: هههههه خل عنك هذا الكلام وقلي وش جايبك
بدر:تبي الصدق والله انها ضاقت فيه امي هالايام مشغله الاسطوانه حقتها وانا داخل وانا خارج متى تتزوج
ابي اشوف عيالك
تركي وهو يبتسم: طيب ليه ماتتزوج وتريحهاا
بدر: لا حبيبي انت اكبر منى تزوج وبعدين انا
تركي: طيب انا قررت اتزوج وان شاء الله اول ماطلع الرياض بفاتح ابوى بالموضوع
بدروهو ماهو مصدق: تقوله صدق ولا تمزح
تركي: والله صدق اتكلم
بدر: ومن سعيدة الحظ
تركي: وحده
بدر: مين هذي الوحده
نروح للرياض
مها: بنات السهره اليوم عندناا نبي نفلهاا
نوف:لاحبيبتي عندناا تبين اخوك ينكد علينا
زي اخر مره
مها: هههههههه اللي يسمعك قصرتي معه
نوف: ماسويت شيء
مهاا: اجل مين اللى كب عليه العصير
نوف: يستاهل اجل احنا منبسطين وبكل برودت اعصاب يقفل علينا الكهرباء
ايمان: كان يبي يسوى لنا جو ولد عمي هههههه
نوف: لا والله اجل مين اللى كان يصرخ يمه الحقيني
مهاا: هذا خيال ايمان
وبعدين لا تشيلين هم اخوي مسافر
نوف بصرخه : فييييييييييييييييين
مها: بشويش لا يطق فيك عرق راح جده
ايمان: شكله رااااح لتركي
مها: مدري امس سمعته يقول لابوى انه بيسافر الصبح
الموهم بنات السهره عندناا راح ننبسط اخواني كلهم
هايتين ماحد فيه
نهاية الجزء الثالث