المساعد الشخصي الرقمي

مشاهدة النسخة كاملة : سامح الله - للشاعر حبيب العازمي العتيبي


ولد النفعه
09-09-2007, 06:34 PM
هذه القصيدة للشاعر المعروف
حبيب العازمي العتيبي
انقلها لكم مع التحيه








سامح الله من قصدني واعتمدني بالخطيـه
من قريبين الجدود ومن بعيدين الجـدودي
دايـمٍ مايفلـح اللـي غيّـر النيـه بنيـه
والخطيه كان ماتنقـص تراهـا ماتـزودي
خابر انك ماتـروح بعيـد يـاراع الرديـه
لو مشيت (2000) كيلو ماتعديك الحدودي
انـت طرقـيٍ معنّـى لاشـداد ولا مطيـه
لا انت فتال العقود ولا انت حلال العقـودي
لو تحّزم بالرصاص ولو نقلـت البندقيـه
الرصاص يذل والبندق تذل مع الشـرودي
هبّ وانا راعـي العشـوا وخيّـال العبيـه
كيف يارخو العضود تضد مفتول العضودي
والله انـي لا كليـل ولاذليـل ولاعلـيـه
مير احسب لي علومٍ مابقي منها وجـودي
احسب حساب الرفاقه والمـروه والحميـه
حشمة للطيبين اللـي بعضهـم فاللحـودي
نظرتي فالطيبيـن ونظـرة الحسـاد فيـه
كلها نظرة حسد والعود في عين الحسودي
والله اني ما ادعيت بحجّـةٍ ماهيـب ليـه
حجتي ما تنجحد واللي جحدها من شهودي
خافوا الله يالقضاه اللي تعرفـون القضيـه
الصحيح يسود والباطل مصيره مايسـودي
لامطالبكـم بديـن وذمتـي منكـم بريـه
مابقي غير العلوم اللي يبيحـن السـدودي
بيّنٍ عيد رمضـان وبيّـنٍ عيـد الضحيـه
ياعسى الاول يعود وياعسى الثاني يعودي
ياقطن جاتك مزوّعةٍ مـن الحـرّه طميـه
مستخفّه عقب كانت لارمـوح ولاهبـودي
ساقها عشق الجنون وساعدتها الجاذبيـه
لين عدتها الجبال المستطيلـه والنفـودي
معجزه في عصرنا الحاضر وعصر الجاهليه
الهوى صاب الحجر مابه قلوب ولا كبودي
وين قيس بن الملوح وين ليلى العامريـه
كيف ماينصفهم اللي ينصف ديانا ودودي!!
والعزا فيما بقى واللـي بقـا فيـه البقيـه
مرة الايام بيـض ومـرت الايـام سـودي
يالله اجعـل خاتمتنـا بالسـلام وبالتحيـه
ونتوفى محرمين وفي حرم ربي سجـودي





وسلامتكم

يا شباب نبي ردود تشجع الواحد للأفضل ,,,,

*(سلطان المقاطي)*
09-09-2007, 07:38 PM
يالله اجعـل خاتمتنـا بالسـلام وبالتحيـه ونتوفى محرمين وفي حرم ربي سجـودي

اللهم أمين يارب العالمين

يعطيك العافيه اخوي ولد النفعه
على المجهود الواضح اللي تبذله من أجل الرقي بالمنتدى ...

تـقبل مروري ،، ولاهنت يالذيب

ولد النفعه
09-09-2007, 07:50 PM
اي هذي هي الردود المشجعه و تسلم قلبي و لا هنت ........

محمد المقاطي
09-10-2007, 12:04 AM
الله يعطيك العافيه

ولد النفعه

وبيض الله وجهك

علي القصيده الرائعه

لشاعر علم بحجم حبيب العازمي

لا هنت يابن العم

عبدالعزيز المورقي
09-10-2007, 05:17 AM
ولد النفعه

يعطيك العافية وتسلم يمناك

وما قصرت

وصح السان الشاعر الكبير حبيب العازمي

المقاطى_q8
09-11-2007, 12:03 AM
لاهنت يالقرم

على النقل المميز

وصح لسان

ابو فيصل على القصيده الرائعه


تقبل المرور اخوي ولد النفعه

ولد النفعه
09-11-2007, 06:30 AM
مشكورين على المرور ... و الردود الطيبه

الزيادي
09-13-2007, 05:49 PM
الله يعطيك العافيه اخوي ولد النفعه

على القصيدة الرائعه

تقبل مروري

اخوك الزيادي

الــولــيــد
09-13-2007, 06:33 PM
ولد النفعه


لا هنت اخووي على النقل الرائع



صح لسان الشاعر الكبير حبيب العازمي




بيض الله وجهك اخووي




تقبل مروري