المساعد الشخصي الرقمي

مشاهدة النسخة كاملة : محاوره كتابيبه بين الكبير هرم الشعر النبطي خلف بن هذال و صياف الحربي


ولد النفعه
09-09-2007, 06:29 PM
انقل لكم هذه المحاوره القويه والرائعه
بين الشاعر الكبير صياف عواد الحربي
والشاعر الكبير وهرم الشعر النبطي خلف هذال العتيبي
اتمني ان تنال اعجابكم




صياف


نادوا الشيخ ابن هذال يشعب حصانه
في علم جديد وفي حاجـه غريبـه
قالوا إنه مع العربان مطلق لسانـه
كل مامر له وادي لصق في شعيبـه





خلف


جاك فوق الحصان اللي ًََطويًٍٍِل عنانه
في مداهيل حرب إ مسرحه من عتيبه
ألسنتنا لها بالحق فرض وضمانـه
مانسوق الشباري بالعظام الصليبـه





صياف


حرب لا جوك قلبك يختلف عن مكانه
ثم قلت أرحموني ويش هذي المصيبه
أنت مثل البعير اللـي تغيـر زمانـه
قام ياكل سنامه من رداوت نصيبـه





خلف


حرب عندي دواهم خانة فوق خانه
لقمة بالرضى ياحرب وإلا غصيبه
والجمل ياحريبينا وسيـع بطانـه
كل ماطالت الشطه ينزح حريبـه





صياف


أنت غافل تحسب الناس مثل اللبانه
مادريت إن بندقنا تصيب الضريبـه
أنت رجل لعين ولاتكـب اللعانـه
كل ماشفت لك واحد غريب إتعديبه





خلف


ليت لك في بلد جيزان دار وحضانـه
حيث فيك الوصوف من التهامي قريبه
لاتحـدد سنونـك ياوليـد السمانـه
لي مخالب طوال ولي كفوف عطيبـه





صياف


أنت أمانه واحنا مانطـش الأمانـه
دام هذي علومك فيك شكه وريبـه
ليه تترك صلاتك ياقليـل الديانـه
مادريت إن جمر القبر تحت النصيبه





خلف


صون أمانتك وأحرصها برفق وصيانه
وأحلب العنز وابن التيس حرم حليبه
ابن عمك طبوعه قشر واسمه عفانـه
كل ماغاب نجـم بالسمـا ينسريبـه





صياف


صنتها صون مسلم مايعرف الخيانـه
ميـر بعـض الأوادم علـة يندعيبـه
أنت شاوي غدت معزاه في وسط ضانه
عقب قفا شبابه مابقـي غيـر شيبـه





خلف


حط للرجل عن شوك إلها راس البطانه
داخل لك حمـى مجهـول ماينمشيبـه
لو تضيع الغنم ماني بـأرض الكنانـه
نجد أببطش بحصنيه وأضيـق بذيبـه





صياف


تعرف إني ذهين ومن رجال الذهانه
والله إن الشراب الحلو ماتهتنيبـه
إعرف الشجره اللي تنبت البر تكانه
ثم عقب العشا قفل عليها الزريبـه





خلف


أعرف إنك ولد شيطان منبع شطانه
فكرتك ما تجيك ألا وأنافـي مغيبـه
ودي أصدع بهذا الضلع وأخلف كيانه
لين أهججـك والفيـران ماتلتجيبـه





صياف


من يهين العرب يبشر بكثر الأهانـه
أنت غايب وأنا أدورك مثل الذهيبـه
أنت غوار وإلا واحـد مـن خوانـه
تحسب إن الجبل يطلب ويرضي طليبه





خلف


إعرف إني عذاب المشتهي وإمتحانه
وأنت اللي تودي علـم وإلا تجيبـه
قمت تطرق لسانن كنـه الخيزرانـه
ضاع وصفك بعد نصفك بغيت إتغديبه





صياف


لو تقدر عليه من أمس قضيت شانه
مير ماأضن عندك درهم تشتريبـه
أنت مثل الحصان اللي يزيد إرثعانه
مير لي هساع ماميزت خبثه وطيبه





خلف


هيكلك دبلوماسي كن عندك حصانـه
بس ينقصك ياصياف حكمـه وهيبـه
صاحبي لويلعـن مالحقنـي لعانـه
وأعرف أن الحريب يحب هزمة حريبه





صياف


كان قرصك بوسط النار عندي دهانه
إلمس الجمر والدخـان لا تستقيبـه
واحدن طاحت أسنونه وطاحت ثمانه
لو بغى يدعي للناس وش يدعيبـه





خلف


ماذكرنا البخيل أبخير نرقـد بأمانـه
خل دهنك على قاعـدك لا تعتزيبـه
أنت فوق الرحى طحان وأبغى طحانه
أنبت الجوع في راسي ثمانين شيبه

:showoff:

ولد النفعه
09-09-2007, 06:29 PM
الله الله بالردود الطيبه ...

*(سلطان المقاطي)*
09-09-2007, 07:30 PM
يعطيك الف عافيه اخوي
ولد النفعه على الإختيار والنقل الموفق

وصحت السنت الشعار :
خلف هذال & صياف عواد

تـقبل مروري ،، ولاهنت يالذيب

محمد المقاطي
09-10-2007, 12:07 AM
مشكووور

والله لا يهينك

علي المحاوره الرائعه

وصح لسان الشعار

الزيادي
09-20-2007, 07:12 AM
الله يعطيك العافيه اخوي ولد النفعه

على المحاوره الرائعه

تقبل مروري

اخوك الزيادي

طارق النفيعي
09-20-2007, 07:54 AM
يعطيك العافية ولاهنت

محاورة طيبه