المساعد الشخصي الرقمي

مشاهدة النسخة كاملة : قصيدة (الخمسين) غازي بن عون


محمد المقاطي
09-02-2007, 12:15 AM
السلام عليكم ورحمة الله وبركاته

الشاعر : غازي بن عون
رجل حكيم وابياته تنضح بالتقى والرجوع الى الله
فاليكم احدي روائعه قصيدة {{ الخمسين }}

يالعين صيري دايم الدوم تبكين
على مدار أربع وعشرين ساعه

أرثي لعمرٍ فات وانعيه يالعين
وابكي على ما فاتنا من ُطماعه

اليوم كمّلتي من العمر خمسين
تلعبّك اوهام الغرور ومتاعه

يا ما خدعنا الوقت بالمظهر الزين
واليوم يا عيني عرفنا خداعه

ما ندري إن الوقت لُه باطنٍ شين
الاّ بعد ما قام يسقط قناعه

وإن ما انتهزنا تالي العمر فالدين
والاّ خسرنا ما لنا من بضاعه

باقي العمر في علم رب الثقلين
تماكني تاليه قبل انقشاعه

مع هجعة اوباش الملا لا تهجعين
احيي الدجا ذكر وتوسل وطاعه

اليا بقا ثلثٍ ومضى منه ثلثين
وقتٍ يربّح باذرين الزراعه

لا ناموا اللي فالملذات لاهين
تضرعي لله باكف الضراعه

ويا الاذن في قول الخنا لا توحّين
والذكر والنصح انصتي لاستماعه

اليا استمعتي للذكر والصحيحين
يصير عندك ضد غيره مناعه

ويا الرجل لوحيتي الندا لا توانين
اليا دعا داعي صلاة الجماعه

ويا النفس مع درب الهوى لا تميلين
بيعيه مثل اللي زهد به وباعه

الخمسة الاركان لازم تلبين
بتوحيد واخلاص ويقين وقناعه

عسى بتالِ العمر ثقل الموازين
كود يتعوّض ما مضى من ضياعه

سالين كنا دايم الدوم حيين
ولا دامت الدنيا لراع الشفاعه

والأنبيا والأوليا والسلاطين
واهل المروة والكرم والشجاعه

العبد مهما عمّر أحقاب وسنين
له ساعةٍ فيها يطوّى شراعه

يرحل وخلانه وربعه مقيمين
وتصير فرقا الشمل بعد اجتماعه

وصلوا على المبعوث جد الحسنين
ما نبت من نبتٍ وما ازهر طلاعه

عبدالعزيز المورقي
09-02-2007, 03:40 AM
صح السان الشاعر غازي بن عون

ولا هنت اخوي محمد ويعطيك العافية

*(سلطان المقاطي)*
09-02-2007, 03:54 AM
يعطيك الف عافيه محمد المقاطي
وصح لسان الشاعر غازي بن عون

تـقبل مروري ،،، ولاهنت

المقاطى_q8
09-03-2007, 12:16 AM
قصيده رائعه

وصح لسان ابن عون


وبيض الله وجهك

اخوي محمد

تقبل مروري

محمد المقاطي
09-03-2007, 12:47 AM
صح السان الشاعر غازي بن عون
ولا هنت اخوي محمد ويعطيك العافية

صح بدنك

اخوي عبدالعزيز

والله يعافيك

محمد المقاطي
09-03-2007, 12:48 AM
يعطيك الف عافيه محمد المقاطي
وصح لسان الشاعر غازي بن عون

تـقبل مروري ،،، ولاهنت


الله يعافيك

سلطان المقاطي

واسعدني مرورك

يالغالي

محمد المقاطي
09-03-2007, 12:50 AM
قصيده رائعه

وصح لسان ابن عون


وبيض الله وجهك

اخوي محمد

تقبل مروري


ووجهك ابيض يالمقاطي

ولاهنت علي المرور

ولد النفعه
09-11-2007, 06:35 AM
مشكووووووووووور

على القصيده

ولاهنت

محمد المقاطي
09-11-2007, 07:32 PM
العفووو

يالنفيعي

واسعدني مرورك

يالغالي