المساعد الشخصي الرقمي

مشاهدة النسخة كاملة : *****الرجال من الالف الى الياء ******


الــولــيــد
09-01-2007, 04:22 PM
تعالووو شوفوو الرجاجيل بأختصار من الالف للياء مع اهلهم


أ / انتي هيه... ..وين شماغي ... ( والمشكله الشماغ جنبه الله لا يعمينا )

ب/ بروح اكشت مع اخوياي ..... ( روحه بلا رده )

ت / تراني بتاخر اليوم .....( ماجبت جديد متعوده الحرمه )

ث/ ثواني وانا عند الباب ..اجهزي ( ولا يجي الا بعد ساعه وهي ملطوعه عند
الباب ياعمري

ج/ جاي تعبان من العمل مو فاضي لك .. ( كأن مايشتغل الا هو )

ح / حريم مايجون الا بالعين الحمراء ... ( جملتهم المفضله )

خ/ خذي عيالك وفارقوا عني .. ازعجتوني ( كنهم عيالها لحالها )

د / دوري احد يوديك ويجيبك ..( وانت وش شغلك )

ذ/ ذاك الصيف مسافرين هالسنه مافي سفر

ر/ راتبك ماطلع يابعدي .. ( توه يجي الكلام السنع يوم جت الدراهم )

ز/زيدي العشاء ترى الرجاجيل كثروا ..( والعشاء استوى وخلص وشلون تزيده )

س/ سيارتي قاضي بنزينها ومامعي صرف ..عندك سلف ( رددي ياليل مطولك مو راجعه لك

ش/ شيلي الاغراض.. شوفيها عند الباب ( ورى ماتشيلها انت )

ص/ صديقي بيسافر برى تراني بمشي معاه ( خايف عليه يضيع والا شلون )

ض/ ضايق صدري ..ضايق صدري ..كل مادخل للبيت ( وهو عند ربعه فاقعين خشته )

ط/ طالق ...طالق ...طالق >>هذي ان خربت الاخلاق عاد

ظ/ظالمتني ياقلبي والله ماغازلت >>> فضح نفسه ههههههه

ع/ عصاقيل تصافق واشهب الهب ويبي اودب وكرشة ويبي وحده حلوه ( اقووول اه بس )

غ/ غالي هذا ..دوري غيره ..( متحسفن عليها الغالي يامال الفقر )

ف/ فلاااان تزوج على حرمته ثانيه ..( يلمح الرجال )

ق/ قومي بلا دلع ..مافيك الا العافيه ( وهي تعبانه المسكينه )

ك/ كل كلامه هواش مااااعنده تفاهم

ل/ لا تروحوون بعيد ولاتطلعين كثير ..

م/ معزوم في الاستراحة >> امحق عزومه اللي كلها لعب بلوت ودش

ن/ ناااااادر ماايشكرها على شي سوته

هـ / هيه ..انتي >طبعا هذا اسمها في الاماكن العامه

و/ ورى ماتسمنين ..وان سمنت قال ..ورى ماتنحفين ( خير هي لعبه )

ي/ ياااااازين هالمذيعه ( ياخي استح على وجهك ,, اللي جنبك قوطي ماتعبرها)


خخخخخخخخخخخخخخخخخخخخخخخخخ



فضحتهم >>>>>>>>>>>>>>>>>>>>>>> :icon28: :icon28: :icon28:

محمد المقاطي
09-01-2007, 07:41 PM
ههههههه

لا تعمم يابو يوسف

تري ماني منهم

الحمد لله مافيني شئ من اللي ذكرته

هههههه

حدي مثالي

الــولــيــد
09-02-2007, 12:11 PM
ههههههههههههههه




دوووم الضحك




يعطيك العافية على المرور

ولد النفعه
09-10-2007, 07:52 AM
مشكور حبيبي

تفصيل حلو

لاهنت

الــولــيــد
09-10-2007, 06:08 PM
شكرا لك اخووي ولد النفعه على المرور