المساعد الشخصي الرقمي

مشاهدة النسخة كاملة : ألى كل المحبين لقبيلة عتيبه و ( الحاقدين ) على تاريخها ونسبها


متعب الخيل
08-27-2007, 04:24 AM
مساكم الله بالخير يارجال عتيبه الهيلا


لابتي عتيبه مخلفت الهقاوي وذباحة الحايل ولطامة العايل

لابتي عتيبه من سلالة عامر بن صعصعه من هوازن

لابتي زبن المجنا والذليل الجالي

لابتي هل التاريخ الناصع والصيت الذائع في شبه الجزيره العربيه

لابتي خوال المصطفى رسول الرحمه محمد بن عبدالله صلى الله


عليه وسلم

لابتي روق وبرقااااااااااااا في الفعايل والمواقف تزهى وترقا

مع كل هذه الخصال والمعاني الجليله هناك اعداء لهذه القبيله


للتقليل من مكانتها بين القبائل الاصيله وبافعالنا تغيض قلوب


الحاقدين ومرضى النفوس الدنيئه ويحاولون بشتى الطرق

الانتقام من تاريخ ونسب القبيله


واليهم هذه القصيده من سمران القثامي



لي حوالي شهر مغلـق شاشـة الجوالـي=مبتعد عن زحمة العالم وعـن ضوضاهـا

عاقد حبـل العزيمـة والسبـب كالتالـي=لابتي وفعولها اللـي مـا أحـد ينساهـا

كيف ماسـوق المدايـح والكـلام الغالـي=وارفع البيرق واسوق المدح في طرياهـا

لا بتي زبـن المجنـا والذليـل الجالـي=والوحيد اللي يديـن العـون مـا يلقاهـا

لابتي سقـم الحريـب ولطمـة العيالـي=سعد من عنز على الهيلا ومـن ينخاهـ
ا
لا اشتعل للحرب نار وعـودت للصالـي=واتفتح باب العـزاوي والرمـك وحداهـا

لاعوى ذيب المجاعة فالشعيـب الخالـي=وانكفت خيل الحفيـف وعزوتـي تقفاهـا

بشرو ذيب الخلا يقنـب بصـوت عالـي=للذياب اللـي تجـاوب فالخلـي بعواهـا

والله لتشبـع بعـد ينـذاق مـر وحالـي=من وقايع عزوة عتيبـه بصـف عداهـا

مـا كسبنـا طيبنـا بالحكـي والدوفالـي=غير بالسيف الحـدب ومهارنـا وحداهـا

لين بنينـا البيـوت اللـي لهـن ظلالـي=في سنام الديـرة اللـي رمحنـا يحماهـا

في قرارة نجـد قـدام الحكـم والوالـي=ماش حب خشوم غيـر بسربـة ننخاهـا

لين زحزحنـا الجبـال الشـم والاقذالـي=والجمال اللـي تهـادر بالطغـى سقناهـا

ما تخضعنـا لـو الـدم الحمـر وشالـي=المذلـة وصمتـة سـوداء ولا نرضاهـا

يوم سـوق الهـدو للمربـاع والترحالـي=والقوي يفرض على القصرة ثمن مرعاها

ما مسحنا جوخة الشيخـة قديـم وتالـي=لو سموم القيظ ترمينـا علـى رمضاهـا

يوم ميحات الدلـي والجيـش والزرفالـي=والليال الموحشة والخوف مـن ظلماهـا

فعلنا نـون يجـي لـه فالبحـر زلزالـي=بالجموع اللـي فعايلهـا عطـور لحاهـا

في جبين المجد بصمتنـا فخـر وتلالـي=مثل ضوح الشمس في كبد السماء مبداهـا



قصيدة سمران القثامي قد تغيض قلوب الحاقدين لانهم لايعرفون

تاريخ عتيبه الثقيله في وزنها والكبيره في قدرها واسئل الله ان يجعل لكل من يطعن بها ان يجعل كيده في نحره انه هو السميع العليم

تقبلوا تحياتي ودوام الصحه والعافيه للجميع

((الـروقـي))
08-27-2007, 05:04 AM
سقم الحريـب ولطمـة العيالـي **سعد من عنز على الهيلا ومـن ينخـاه


صح لسان الشاعر الكبير سمران القثامي

ولاهنت يامتعب الخيل على القصه والقصيده وبيض الله وجهك

الــولــيــد
08-27-2007, 11:59 AM
صح لسان الشاعر الكبير





جزاك الله خير ،،،

محمد المقاطي
08-27-2007, 02:04 PM
صح لسان

الشاعر سمران القثامي

وبيض الله وجهك

اخوي متعب الخيل

وننتظر منك المزيد

عبدالعزيز المورقي
08-27-2007, 03:43 PM
صح السان الشاعر سمران القثامي

ويعطيك العافية يا متعب الخيل وتسلم يمناك

المقاطى_q8
08-28-2007, 06:22 AM
لاهنت متعب الخيل

على النقل

وصح لسان الشاعر

ولد النفعه
09-12-2007, 04:35 AM
الحاقدين علينا وااااااجد

ما ينعدون

مشكووووووووور

وربي يفكنا منهم